Сүрәтләрдин үгиниң

Нәшрий материаллиримизда муһим ойларни үгитидиған нурғун сүрәтләр бар. Бу сүрәтләр бизгә ярдәм бериши үчүн немә қилалаймиз?

• Мақалини оқуштин авал сүрәтләрни көрүп чиқиң. Тәхсидики дәмлик тамақни көргәндә, уни йегүмиз келип кетиду. Дәл шуниңға охшаш, сүрәтләр қизиқишимизни қозғап, мақалини оқушқа дәвәт қилиши мүмкин. Шуңа мақалини оқуштин бурун, өзүңиздин: «Мән немини көрүватимән?» дәп сорап көрүң (Амос 7:7, 8).

• Мақалини оқуватқанда, талланған сүрәтләрниң мәхсити тоғрилиқ ойлинип көрүң. Сүрәтләрниң астидики йезиқни оқуң. Сүрәт билән мақалиниң бағлиниши вә бу сүрәттин үгәнгәнлириңизни һаятиңизда қандақ қоллиналайдиғанлиғиңиз тоғрилиқ ойлап көрүң.

• Мақалини оқуп болғандин кейин сүрәтләрни қайта көрүп чиқип, мақалиниң асасий ойлирини әскә елишқа тиришиң. Андин көзүңизни жумуп, мақалидики сүрәтләрни көз алдиңизға кәлтүрүп, қандақ савақ алғанлиғиңизни әсләп беқиң.

• Бу журналдики сүрәтләрни қайтидин көрүп чиқип, улардин қандақ савақ алғанлиғиңизни әскә елип көрүң.