Аилә зораванлиғиға учриғанларға ярдәм

Дуния Сәһийә Тәшкилати мундақ дәп елан қилған: «Дуния йүзи бойичә аяллар зораванлиққа дуч келиду. Бу худди кәң тарқалған кесәл кәби. Буни тохтитиш үчүн җиддий һәрикәт қилишни тәләп қилиниду». Бу тәшкилатниң мөлчири бойичә, той қилған яки некасиз мунасивәттә болған аялларниң 30% һәмрайи тәрипидин җисманий вә яки җинсий зораванлиқни баштин кәчүргән. Бирләшкән Дөләтләр Тәшкилатиниң һесавитиға асасән, дунияниң һәр қайси җайлирида һәр күни 137 аял һәмрайи яки башқа бир аилә әзалири тәрипидин қаза тапқанa.

Статистикадин аилә зораванлиғиниң қанчилик кәң тарқалғанлиғини көрәләймиз. Бирақ униңдин һәр бир зиянкәшликкә учриғучиниң тартқан һиссий вә җисманий азавини көрәлмәймиз.

Сизму аилиңиздә зораванлиққа дуч келиватамсиз? Яки шундақ вәзийәткә дуч кәлгән бирсини биләмсиз? Шундақ болса, төвәндики Муқәддәс китаптин кәлтүрүлгән пайдилиқ ой-пикирләргә диққәт қилиң.

Сизниң әйивиңиз йоқ

Башқилар сизгә ярдәм берәләйду

Сиз ялғуз әмәс

Зораванлиқниң ахири келиду

Сиз қандақ ярдәм берәләйсиз?

Сизниң әйивиңиз йоқ

Муқәддәс китапта немә йезилған: «Шуңа һәрбиримиз Худа алдида өзүмиз үчүн һесават беримиз» (Римлиқларға 14:12).

Есиңиздә болсун: Зораванлиқ көрсәткән киши өз қилмиши үчүн җавап бериду.

Әгәр сизгә зораванлиқ көрсәткән киши йүз бәргән вақиәгә сизни айиплисә, унтумаң, мәсилә сиздә әмәс, мәсилә униңда. Аяллар зораванлиққа әмәс, меһир-муһәббәт вә ғәмхорлуққа лайиқтур (Колосилиқларға 3:19).

Бәзидә зораван киши һиссий кесәлгә дуч кәлгәнликтин, өз аилисидә зораванлиқни көрүп чоң болғанлиқтин яки болмиса һарақ истимал қилғанлиқтин башқиларға зораванлиқни көрситиши мүмкин. Шундақ болсиму, амма у өз иш-һәрикәтлири үчүн Худаниң алдида җавап бериду. Сиз әмәс, у өз жүрүш-турушлирини өзгәртиши керәк.

Башқилар сизгә ярдәм берәләйду

Муқәддәс китапта немә йезилған: «Муһакимисиз ишлар бузулиду, Мәслиһәт көп болса, утуққа еришиду» (Пәнд-нәсиһәтләр 15:22).

Есиңиздә болсун: әгәр бир хәтәрликни һис қилсиңиз яки немә қилишни билмисиңиз, башқилардин ярдәм сораң.

Немә үчүн башқилардин ярдәм соришиңиз керәк? Чүнки аилә зораванлиғи бу бир мурәккәп мәсилә. Қандақ қарар чиқириш яхширақ екәнлигини һәл қилиш үчүн һәр тәрәплимә ойлинип, қайси бири муһимирақ екәнлигини ениқлишиңиз зөрүр:

• Шәхсий бехәтәрлигиңиз

• Балилириңизниң бехәтәрлиги

• Маддий вәзийәт

• Җүптиңизгә болған меһир-муһәббитиңиз

• Җүптиңиз өзгәрсә, мунасивәтлириңизни сақлап қелиш истиги

Немә қилишни билмәй, вәзийәтниң интайин мурәккәп екәнлигини һис қилиш бу нормал әһвал

Садиқ достуңиз яки аилә әзалириңиз сизгә әмәлий вә һиссий ярдәм бериши мүмкин. Сизгә көңүл бөлидиған адәм билән параңлишиш сизгә көп ярдәм берәләйду.

Ишәнчлик ярдәм бериш мәнбәлири аилә зораванлиғиға учриғанларға дәрһал ярдәм бериши мүмкин. Шу йәрдә ишләйдиған кишиләр өзүңизни қандақ һимайә қилишқа болидиған чариларни чүшәндүриду. Әгәр һәмрайиңиз сизгә зораванлиқ көрситишни тохтитиш үчүн ярдәмгә муһтаҗ болса вә чин жүрәктин өзгиришни халиса, бу ишчилар униңға керәклик мәслиһәтләрни бериду.

Башқиму ярдәм бериш мәнбәлири бар.Әгәр җиддий хәтәргә йолуқсиңиз улар сизгә ярдәм берәләйду. Бу мәнбәләр дохтур, медсестра яки башқа тәрбийиләнгән кәспий хадимларни өз ичигә алиду.

Сиз ялғуз әмәс

Муқәддәс китапта немә йезилған: «Йәһваb қәлбидә езилгәнләргә йеқиндур вә Роһий мөмүнләргә У ахири әркинлик бериду» (Зәбур 34:18)

Есиңиздә болсун: Худа сизгә ярдәм беришни вәдә қилиду.

Йәһва Худа сиз тоғрилиқ қайғуриду (Петрусниң 1-хети 5:7). У сизниң қәлбиңиздики ой-пикир вә һис-туйғулириңизни чүшиниду. У сизгә Өз Сөзи болған Муқәддәс китап арқилиқ тәсәлли бериду. Шундақла Униңға ибадәт қилишиңизни халайду. Ибадәт қилғиниңизда, Худа сизгә вәзийитиңизни қандақ һәл қилишиңизни чүшинишиңизгә керәклик даналиқ вә күч берәләйду (Йәшая 41:10).

Зораванлиқниң ахири келиду

Муқәддәс китапта немә йезилған: «Һәрқайси өзиниң үзүмзарлиғи вә әнҗири астида олтириду һәм һечким уларни қорқатмайду, чүнки Йәһва Сәрдарниң еғизлири буни ейтти» (Мика 4:4).

Есиңиздә болсун: Муқәддәс китап һәр бир адәм өз өйидә өзини бехәтәр һис қилидиған вақит келидиғанлиғини ейтиду.

Бизниң қийинчилиқлиримизни пәқәт Йәһва Худа пүтүнләй йоқ қилалайду. Худа Сөзидә мундақ дәп йезилған: «Шу чағда Худа уларниң көзидики һәрқандақ яшни сүртиду вә өлүм әнди болмайду йә қайғу, йә жиға-зар, йә ағриқ башқа болмайду» (Вәһий 21:4). Шу чағда барлиқ яман хатириләрниң изиму қалмайду. Уларниң орниға йеқимлиқ хатириләр болиду (Йәшая 65:17). Муқәддәс китапқа мас сизни шундақ хатирҗәм келәчәк күтмәктә.