6 миллион адәм таҗсиман вирус сәвәплик өлди. Муқәддәс китап немә дәйду?

Дуния сәһийә тәшкилатиниң мәлуматиға асасланғанда, 2022-жил, 23-майға қәдәр, COVID-19 сәвәплик, 6 миллион 270 миң адәм өлүп кәтти. Амма Дуния сәһийә тәшкилати 2022-жил, 5-май күни елан қилған әхбаратта өлгәнләрниң саниниң техиму көп екәнлигини мөлчәрлиди. Докладта 2020 вә 2021-жилларда «COVID-19 тарқилишчан вирус сәвәплик беваситә яки васитилик өлүп кәткәнләрниң умумий саниниң тәхминән 14 миллион 900 миң» екәнлиги ейтилған. Муқәддәс китап кишини ечиндуридиған бундақ паҗиәләр һәққидә немә дәйду?

Муқәддәс китапта әҗәллик жуқумлуқ кесәлләрниң тарқилиши бәшарәт қилинған

•  Әйса «ахир заман» дәп атилидиған мәзгилдә, вабалар яки «жуқумлуқ кесәлләрниң» тарқилишини алдин-ала бәшарәт қилған (Луқа 21:11; Тимотийға 2-хәт 3:1).

Әйсаниң бәшарити бүгүнки күндә әмәлгә ешиватиду. Техиму көпирәк билиш үчүн, «“Ахирқи күнләрниң”, йәни ахир заманниң бәлгүлири немә?» намлиқ мақалини оқуң.

Муқәддәс китап тәсәлли бериду

•  «Барлиқ тәсәллиниң мәнбәси болған рәһимдил ... Худа бизгә тәсәлла берип кәлди» (Коринтлиқларға 2-хәт 1:3, 4, ҺЗ).

Йеқинлири өлүп кәткән нурғун кишиләр Муқәддәс китаптин тәсәлли тапти. «Қайғуни йениклитиш үчүн пайдилиқ нәсиһәтләр» (рус) вә «Қайғуруп қан жутқанлар үчүн әң яхши ярдәм» (рус) намлиқ мақалиләрни оқуң.

Муқәддәс китап мәңгүлүк һәл қилишниң чарисини ашкарилиди

•  «Падишалиғиң кәлгәй. Ирадәң асманда орунланғандәк, йәрдиму шундақ орунланғай» (Мәтта 6:10).

Пат арида «Худаниң Падишалиғи» барлиқ инсанларни «һечким әнди өзини “мән кесәл”» демәйдиған күнгә ериштүриду (Марк 1:14, 15; Йәшая 33:24, ҺЗ). Бу асмандики һөкүмәт вә униң кәлгүсидә немиләрни қилидиғанлиғини билиш үчүн, «Худа Падишалиғи дегән немә?» намлиқ видеони көрүң.

Муқәддәс китапниң дана мәслиһәтлири вә әҗайип вәдилири сиз вә аилиңиздикиләрни нурғун бәрикәтләргә ериштүриду. Биз сизни Муқәддәс китап һәққидә билим ашурушқа тәклип қилимиз.