СӘГӘК ТУРУҢЛАР!
Йәр шари вәйран қилинмақта. Муқәддәс китап немә дәйду?
«Инсанийәт пат арида климат өзгиришини кәлтүрүп чиқирип, балаю-апәт елип келидиған нурғун ишларни қилмақта. Чоң шәһәрләрни су бесип кетиш. Мисли көрүнмигән дәриҗидә һава иссип кетиш. Дәһшәтлик боран-чапқунлар. Ичимлик су йетишмәслик. Миллионлиған өсүмлүк вә һайванлар түрлириниң йоқилиши. Булар тоқулма гәп яки мубалиғә әмәс. Алимларниң ейтишичә, һөкүмәтләр энергияни ишлитиш сәйәситини өзгәртмисә, мошу тилға алған апәтләрниң һәммиси йүз бериду» (Бирләшкән Дөләтләр Тәшкилатиниң баш кативи Антониу Гутеррешниң 2022-жили, 4-апрельда хәлиқара климат өзгириши жиғинида ейтқан сөзи).
«Алимлар кәлгүси бирнәччә жилда климат өзгириши сәвәплик [Америкидики] 423 дөләт бағчисиниң һәммиси дегидәк вәйранчилиққа учрайдиғанлиғи тоғрисида агаһландурған. От вә кәлкүн, муз қәвитиниң ериши, деңиз сүйиниң өрлиши вә чидиғусиз иссиқ һава-райи қатарлиқ апәтләр йүз бериду. Бу худди Муқәддәс китапта тәсвирләнгән дәһшәтлик балаю-апәтләргә охшайду» («Нью-Йорк вақти» гезити, 2022-жил, 15-июнь).
Йәр шариниң климат мәсилисини һәл қилиш мүмкинму? Әгәр шундақ болса, уни ким һәл қилалайду? Муқәддәс китапта немә йезилғанлиғини көрүң.
Муһитқа бузғунчилиқ қилинидиғанлиғи бәшарәт қилинған
Муқәддәс китапта Худаниң «йәрни гумран қилғучиларни гумран» қилидиғанлиғи ейтилған (Вәһий 11:18). Бу айәт бизни үч нәрсигә ишәндүриду:
1. Инсанларниң иш-һәрикәтлири йәр шариға еғир бузғунчилиқ кәлтүриду.
2. Йәрниң вәйран қилиниши ахирлишиду.
3. Йәр шариниң муһит мәсилисини инсанлар әмәс, Худа өзи һәл қилиду.
Кәлгүсидә йәр шари бехәтәр болиду
Муқәддәс китапта йәр-зимин «мәңгү қалиду» дәп йезилған (Вәз 1:4). Униңда һәрдайим адәмләр яшайду.
«Һәққанийлар йәрни мирасқа елип, Униңда әбәдил-әбәт яшайду» (Зәбур 37:29).
Йәр шари пүтүнләй әсли һалитигә қайтиду.
«Дала һәм қағҗирап кәткән җайлар улар үчүн хошал болиду; Чөл-баяван шатлинип зәпирандәк чечәкләйду» (Йәшая 35:1, Калам тәрҗимиси).