Top left: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; top right: Ismail Sen/Anadolu Agency via Getty Images; bottom right: E+/taseffski/via Getty Images
СӘГӘК ТУРУҢЛАР!
2023-жили, ғәм-тәшвишкә салған бир жил болди. Муқәддәс китап немә дәйду?
2023-жилида дунияниң һәрқайси җай-җайлиридики иш-вақиәләр бизниң Муқәддәс китапта тилға елинған «ахир заманниң күнлиридә» яшаватқанлиғимизни техиму ениғирақ көрситиду (Тимотийға 2-хәт 3:1). Бүгүнки күндә йүз бериватқан иш-вақиәләрниң Муқәддәс китаптики бәшарәтләр билән қандақ мас келидиғанлиғиға диққәт қилиң:
Муқәддәс китап вә дунияниң җай-җайлиридики иш-вақиәләр
«Һәрқандақ җайларда болудиған урушлар» (Мәтта 24:6)
«Дунияниң җай-җайлирида қанлиқ уруш вә тоқунушларниң сани барғансири көпәймәктә»a.
«Пухраларни ким қутқузиду?» вә «Дуния һәрбий чиқими икки триллион доллардин ашиду» намлиқ мақалиләрни оқуң.
«Бир җайдин кейин йәнә бир җайда йәр тәврәшләр... болиду» (Марк 13:8).
«2023-жилиниң бешидин башлап, пүтүн дунияда 7 балдин жуқури 13 йәр тәврәш йүз бәрди. Әң күчлүк йәр тәврәшләрниң арисида улар жуқури пәллигә йәткән»b.
«Түркийә вә Сүрийәдә йүз бәргән дәһшәтлик йәр тәврәшләр» намлиқ мақалини оқуң.
«Дәһшәтлик һадисиләр» (Луқа 21:11).
«Йәр шарида температураниң иссип кетиш дәври ахирлишип, қайнап кетиш дәври башланди»c (Антонио Гутьеррес, БДТ баш кативи).
«2023-жил яз пәсли қаттиқ иссиқ һава райи» намлиқ мақалини оқуң.
«Ачарчилиқ» (Мәтта 24:7).
«2023-жили, өзини вә аилисини йемәк-ичмәкләр билән тәминләшкә бар күчи билән тиришқан кишиләрни ғәм-тәшвишкә салған йәнә бир жил болди»d.
«Уруш вә һава климат өзгириши сәвәплик яманлишип кәткән дуниявий ашлиқ кризиси» намлиқ мақалини оқуң.
«Интайин тәс вақитлар» (Тимотийға 2-хәт 3:1, ЙД).
«Дуниядики һәрбир сәккизинчи адәмниң роһий сағламлиғи начар»e.
«Көңүл беарамлиғини һис қиливатқан яш өсмүрләрниң сани барғансири көпәймәктә» намлиқ мақалини оқуң.
2024-жили немә ишлар йүз бериду?
Һечким 2024-жилида немә ишлар йүз беридиғанлиғи һәққидә ениқ бир нәрсә дейәлмәйду. Бирақ пүтүн дунияда йүз бериватқан иш-вақиәләр шуни көрситидуки, Худа Падишалиғи пат йеқинда инсаний һөкүмәтләрниң орнини елип, инсанларниң азап-оқубәтлири вә ғәм-тәшвишлириниң һәқиқий мәнбәсини йоқ қилиду (Даниял 2:44; Вәһий 21:4)
Биз бу вақиәләрни күткәнсири, һәтта ғәм-тәшвиш ичидә яшисақму, Худаға ишәнч бағлишимиз мүмкин. Муқәддәс китап мундақ дәйду:
«Мән қорққанда, пәқәт Саңа ишәндим» (Зәбур 56:3).
Худаға ишинидиғанлиғимизни қандақ көрситәләймиз? Муқәддәс китаптин азап-оқубәтләрдин хали болидиған келәчәк һәққидики мәлуматқа еришишкә тәклип қилимиз. Муқәддәс Язмилар һәққидә билим ашуруш дәрислиги ярдимидә Худаниң вәдисиниң сизни вә аилиңизни қандақ бәрикәтләргә ериштүридиғанлиғини биливелиң.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.