-
13-соал: Муқәддәс китап әмгәк қилиш тоғрисида немә ейтиду?Муқәддәс Китап. Мәдһийә тәрҗимиси
-
-
13-СОАЛ
Муқәддәс китап әмгәк қилиш тоғрисида немә ейтиду?
«Ишни әстайидил, чаққан қилидиған кишини көргәнмидиң? У пәс адәмләрниң хизмитидә болмас; у падишаларниң алдида турар».
«Ким оғрилиған болса, башқа оғрилимисун, әксичә, у муһтаҗ болған билән бөлүшүш үчүн, өз қоли билән пайдилиқ әмгәкни пүткүл вуҗудидин қилсун».
«Вә шундақла, йәнә, һәрбир кишиниң йейиш-ичиши, өзиниң барлиқ әҗиридин һөзүр елиши, мана бу Худаниң совғисидур».
-
-
14-соал: Пулға қандақ көзқараш болуши керәк?Муқәддәс Китап. Мәдһийә тәрҗимиси
-
-
14-СОАЛ
Пулға қандақ көз қараш болуши керәк?
«Раһәт-парағәткә берилгән киши намрат қалар; Яғ чайнашқа, шарап ичишкә амрақ бейимас».
«Қәриздар қәриз егисиниң қулидур».
«Әгәр араңлардин бириңлар мунарә салмақчи болса, у балдур олтирип, өзи униң хираҗәтлири мунарә селип түгитишкә йетәмду дәп, барлиқ хираҗәтләрни һесаплап чиқмасму? Болмиса, у һулини селип қоюп, қурулушни түгитәлмисә, байқаватқанлар униң үстидин күлүп: “Бу адәм қурулушни башлиди, лекин түгитәлмиди”, дәйду».
«Һәммиси йәп тойғанда, у шагиртлириға: “Қалған нанларни жиғивелиңлар, һечнәрсә исрап болмисун”, деди».
-
-
15-соал: Бәхитлик болуш үчүн немә қилиш керәк?Муқәддәс Китап. Мәдһийә тәрҗимиси
-
-
15-СОАЛ
Бәхитлик болуш үчүн немә қилиш керәк?
«Нәпрәт ичидә бодиған малниң йегән гөшидин, меһир-муһәббәт билән от-чөп йегән әвзәл».
«Өзәңгә пайда болсун дәп саңа үгәткүчи, саңа тегишлик болған йолда сени йетәклигүчи Мән болсам Пәрвәрдигар Худайиңдурмән».
«Өзиниң роһий еһтияҗлирини чүшәнгәнләр бәхитлик, чүнки асман Падишалиғи шуларға тәәллуқтур».
«Өз йениңдикини өзәңдәк сөйгүн».
«Өзәңларға адәмләр қандақ муамилә қилишини тилисәңлар, улар биләнму шундақ муамилә қилиңлар».
«Худаниң сөзини аңлап, униңға әмәл қилидиғанлар бәхитликтур!».
«Һәммә нәрсиниң молчилиғедиму адәмниң һаяти униң мал-мүлкигә бағлиқ әмәс».
«Шуңа, йемәк-ичмәк, кийим-кечәк һәм башпанаримиз болса, шуларға рази болайли».
«Елиштин көрә бериш бәхитлигирәк».
-
-
16-соал: Ғәм-әндишиләргә қандақ тәқабил туралаймиз?Муқәддәс Китап. Мәдһийә тәрҗимиси
-
-
16-СОАЛ
Ғәм-әндишиләргә қандақ тақабил туралаймиз?
«Жүкүңни Пәрвәрдигарға ташлап қой, У сени йөләйду; У һәққанийларни һәргиз тәврәтмәйду».
«Әстаидил кишиләрниң ойлири уларни пәқәт молчилиққа йетәкләр; чечилаңғуларниң ойлири болса, уларни пәқәт йоқсизлиққа йетәкләр»
«Қорқма; чүнки Мән сениң билән биллидурмән; Уян-буян қарап һодуқмаңлар; чүнки Мән сениң Худайиңдурмән; Мән йәнә сени күчәйтимән, шундақ Мән саңа ярдәмдә болимән!; Дәрһәқиқәт, Мән Өзәмниң һәққанийлиғимни билдүридиған оң қолум билән йөләймән».
«Қайсиңлар пай-петәк болуп, һаятиңларни кичиккинә болсиму узарталайсиләр?»
«Һечқачан әтики күн һәққидә ғәм қилмаңлар, чүнки әтиниңму өз тәшвишлири бар. Һәр күнниң әндишиси өзигә йетиду».
«Муһимирақ нәрсигә көз йәткүзүңлар».
«Һечнәрсидин әндишә қилмаңлар, бәлки һәммә нәрсидә дуга һәм ялвурушта Худаға миннәтдарлиқ билән илтимаслириңларни ечиңлар, һәм һәрқандақ пикирләрдин үстүн турудиған Худаниң тиничлиғи жүрәклириңларни һәм әқиллириңларни Мәсиһ Әйсада сақлайду».
-
-
17-соал: Сизниң аилиңизгә Муқәддәс китапниң қандақ пайдиси бар?Муқәддәс Китап. Мәдһийә тәрҗимиси
-
-
17-СОАЛ
Сизниң аилиңизгә Муқәддәс китапниң қандақ пайдиси бар?
ӘРЛӘР/АТИЛАР
«Шуниңға охшаш, әрләр өз аяллирини өз тенини сөйгәндәк сөйүши керәк. Өз аялини сөйгән киши өзини сөйгән болиду, чүнки һечким һечқачан өзиниң тенини өч көрмәйду, әксичә уни озуқландуриду һәм асрайду... Һәрқайсиң өзәңни сөйгәндәк, өз аялиңни шундақ сөйгин».
«Силәрму, атилар, балилириңларни териктүрмәңлар, бәлки уларни Йәһва буйриғандәк, тәрбийиләңлар һәм нәсиһәт бериңлар».
АЯЛЛАР
«Аял болса ерини чоңқур һөрмәтлисун».
«Аяллар, әрлириңларға Һакимдар йолиға лайиқ беқиниңлар».
БАЛИЛАР
«Балилар, Худаға мувапиқ йосунда ата-анаңларни тиңшаңлар, чүнки бу һәққанийдур. “Ата-анаңни һөрмәтлә” – вәдә билән берилгән бу биринчи вәсийәт. Вәдә: “Саңа яхши болуши үчүн, вә сән йәрдә узақ өмүр сүрүшиң үчүн”, дәйду».
«Балилар, һәммә нәрсидә ата-анаңларни тиңшаңлар, чүнки бу Һакимдаримизға яқиду».
-