Җодигәрлик вә сехирлиқ — у зулум

Шәйтан сизниң җодигәрлик билән шуғуллинишиңизни халайду. Көплигән адәмләр өзлирини зиянлиқтин сақлаш үчүн әҗдатлириға яки роһлириға қурбанлиқ қилиду. Улар шу ишларни қилидиғининиң сәвәви роһаний дунияниң күчлиридин қорқиду. Улар җодигәрлик үзүк яки биләйүзүк қадайду. Улар өз тенигә сехирлиқ күчи бар аталмиш “дориларни” майлайду яки шундақ суларни ичиду. Гайи бир адәмләр өзиниң өйидә яки қорасида, уларниң ойичә, қорғайдиған күчи бар бир затларни тиқип қойиду. Башқилири болса ишлирида мәктәп емтиһанида вә сөйгини билән учрашқанда утуқ бериду дәп ишинип, сехирлиқ дора-дәрмәкләрни пайдилиниду.

Шәйтандин әң яхши һимайә — Йәһвә Худаниң дости болуш. Йәһвә Худа вә униң периштәлири Шәйтан вә униң җинлиридин наһайити күчлүк (Яқуп 2:19; Вәһий 12:9). Йәһвә Худа Униңға чин көңли билән берилгән достлириға ярдәм бериш үчүн, күчини әмәлгә ашурушқа тәяр (Тарихнамә 2-язма 16:9).

Худаниң сөзидә “Палчилиқ қилмаңлар”,— дәп ейтилған. Йәһвә Худа җодигәрлик билән сехирлиқни яман көриду, чүнки униң билән шуғулланған адәм, топ-тоғра Шәйтан Иблисниң қолиған чүшиду (Лавийлар 19:26).