8-САВАҚ

Худа немишкә азап-оқубәткә йол қойиду?

1. Явузлуқ қандақ пәйда болған?

1. Мәнъий қилинған мевигә қараватқан Адәм ата; 2. Һәртүрлүк инсаний һөкүмдарлар; 3. Урушниң көрүнүшлири — Худа адәмзатқа шунчә вақит һакимийәт қилишиға йол қойғанлиқтин, адәмләрниң өз қийинчилиқлирини йешәлмәйдиғини рошән болди

Шәйтан биринчи қетим ялған сөзни қилғанда йәр-йүзидә явузлуқ пәйда болди. Шәйтан әң бешида мукәммәл пәриштә болған, амма у һәқиқәттә туралмиди (Йоһан 8:44). Шәйтан пәқәт Худаға тегишлик болған ибадәтни өзигә халиған. Шәйтан Һава анини алдап, Худани әмәс, өзини тиңшашқа қайил қилди. Адәм ата Һава анини қоллиди. Адәм атиниң қарари азап-оқубәткә һәм өлүмгә елип кәлди (Яритилиш 3:1—6, 19 оқуп чиқиң).

Шәйтан Һава анини Худани тиңшимасқа көндүрүп, Худаниң һөкүмранлиғиға қарши исиян көтәрди. Көплигән адәмләр Шәйтанниң тәрипигә өтүп, Худани Һөкүмран сүпитидә қобул қилмиди. Шундақ қилип Шәйтан «дунияниң һөкүмрани» болди (Йоһан 14:30; Йоһанниң 1-хети 5:19 оқуп чиқиң.

2. Худаниң яратмилирида нуқсанлиқ болдиму?

Худаниң барлиқ ишлири мукәммәл. Шуңлашқа инсанлар вә пәриштиләр Худаға мукәммәл дәриҗидә бойсуналайдиған болған (Қанун шәрһи 32:4, 5). Худа бизгә яхшилиқ яки яманлиқ қилишни таллашқа әркинлик бәргән. Бизниң бу әркинлигимиз Худаға сөйгү арқилиқ итаәтлик болушимизға мүмкинчилик бериду (Яқуп 1:13—15; Йоһанниң 1-хети 5:3 оқуп чиқиң).

3. Немишкә Худа мошу вақитқичә азап-оқубәткә йол қоюватиду?

Бәлгүлүк бир вақитқичә Йәһва Худа Өз һөкүмранлиғиға исиян көтиришкә йол қойған. Немә үчүн? Инсанларниң һөкүмити һечқандақ пайда кәлтүрмәслигини көрситиш үчүн (Вәз 7:29; 8:9). Вә 6000 жиллиқ адәмзат тарихи буни дәлиллиди. Бирму һөкүмәт урушларни, җинайәтләрни, адаләтсизликни вә кесәлләрни йоқ қилалмиди (Йәрәмия 10:23; Римлиқларға 9:17 оқуп чиқиң).

Адәмзат һакимийити азап-оқубәтләргә елип келиду, Худа һакимийити болса, бәхит-саадәт елип келиду (Йәшая 48:17, 18). Йеқинда Йәһва Худа пүткүл инсан һакимийәтлирини тохтитиду. Йәр йүзидә пәқәт Худани һөкүмран сүпитидә таллиғанлар яшайду (Йәшая 11:9) (Вәһий 11:15 оқуп чиқиң).

«Худа немә үчүн азап-оқубәтләргә йол қойиду?» дегән видеони көрүң

4. Худаниң сәвир-тақәтлигигә бенаән биздә қандақ мүмкинчилик бар?

Шәйтан, һечқандақ инсан Йәһваға ғәрәзсиз һәм меһир-муһәббәт билән хизмәт қилмайду, дәп ейтқан. Сиз мошу ялғанчилиқни рәт қилишни халаттиңизму? Сиздә шундақ мүмкинчилик бар! Худаниң сәвир-тақәтлигигә бенаән һәрқайсимиз Униң яки инсанларниң башқуришини талап алалишимизни көрситәләймиз. Бизниң һаятимиз қандақ талаш қилғинимизни көрситиду (Аюп 1:8—12; Пәнд-нәсиһәтләр 27:11 оқуп чиқиң).

5. Худани Һөкүмранимиз сүпитидә қандақ таллисақ болиду?

Муқәддәс китапни оқуп-үгиниватқан адәмләр — Бизниң қарарлиримиз Худа бизниң һөкүмран болушини халайдиғинимизни көрситиду

Худани Һөкүмранимиз сүпитидә талаш үчүн, Муқәддәс китапқа асасланған һәқиқий динни тепип, униң тәлимлири бойичә яшаш керәк (Йоһан 4:23). Шәйтаниң һөкүмранлиғини рәт қилиш үчүн, Әйсаға охшаш сәясәткә һәм урушларға қатнашмаслиғимиз керәк (Йоһан 17:14 оқуп чиқиң).

Шәйтан әхлақсизлиққа һәм зулумлуққа қизиқтуруш үчүн өзиниң һакимийитини пайдилиниду. Шундақ ишларни рәт қилсақ бәзибир достлиримиз яки уруқ-туққанлиримиз бизни заңлиқ қилип, бизгә Муқәддәс китапни үгинишкә қаршилиқ көрситиши мүмкин (Петрусниң 1-хети 4:3, 4). Шуниң үчүн бизгә кимниң достлуғи қиммәтлигини таллаш керәк. Худани яхши көргәнләр билән дост болушни халаймизму? Худаниң дана қанунлириға бойсунимизму? Әгәр тоғра йолни таллисақ, биз Шәйтанниң ялғанчи екәнлигини һәм һәрқандақ инсан қийин шараитларда болсиму, Худаға садиқлиқни сақлалайдиғинини дәлилләймиз (Коринтлиқларға 1-хәт 6:9, 10; 15:33 оқуп чиқиң).

Худаниң адәмзатқа болған сөйүми — У явузлиқни вә азап-оқубәтләрни йоқ қилишиниң капалити. Худаниң йоли тоғра екәнлигигә ишәнгәнләр йәрдә мәңгү яшайду (Йоһан 3:16 оқуп чиқиң).

Көпирәк мәлуматни «Муқәддәс китапта немә ейтилиду?» дегән китапниң 11-бабидин тапалайсиз.