Билгүмиз келидиған сир

Сизгә бир адәм сир ейтқанму? ~a Муқәддәс китапта муһим бир сир тоғрилиқ йезилған. У «муқәддәс сир» дәп аталған. Бу сир Худадин кәлгәнликтин муқәддәс дәп атилиду. Һәтта пәриштиләрниңму уни билгүси кәлгән. Сизниңму бу сирни билгүңиз келәмду? ~

Бурунқи заманда, Худа биринчи әр билән аялни яратти. Уларниң исимлири Адәм ата вә Һава ана болған. Худа уларға чирайлиқ Ерәм бағни өй қилип бәрди. Әгәр Адәм ата вә Һава ана Худаға қулақ салған болса, улар вә уларниң балилири пүтүн йәрни шу баққа охшаш җәннәт қилатти. Улар җәннәттә мәңгү яшиған болатти. Адәм ата билән Һава ана немә қилғанлиғи есиңиздә барму? ~

Адәм ата вә Һава ана Худаға қулақ салмиди, шуниң үчүн биз һазир җәннәттә яшимаймиз. Лекин Худа пүткүл йәрни җәннәт қилип, һәммиси бәхитлик яшайду дәп ейтқан. Худа буни қандақ қилмақчи еди? Узақ вақит давамида адәмләр буни билмигән. Бу сир болған.

Әйса Мәсиһ йәргә кәлгәндә адәмләргә бу сир тоғрилиқ көпирәк ейтип бәргән. Униң ейтишичә, бу сир Худа Падишалиғи тоғрисида еди. Әйса Мәсиһ адәмләргә Падишалиқниң келиши тоғрисида дуа қилишқа үгәткән. Падишалиқ йәрни гөзәл җәннәткә айландуриду.

Сиз бу сирни билгүниңизгә хошалму? ~ Җәннәттә пәқәт Йәһва Худаға қулақ салғанлар яшайдиғанлиғини әстә сақлаң. Муқәддәс китапта Йәһва Худаға қулақ салған көп адәмләрниң мисаллири йезилған. Улар һәққидә көпирәк билгүңиз келәмду? ~ Келиң, улар ким вә биз улардин қандақ үлгә алалайдиғанлиғимизни көрәйли.