«Һаятимиз вә хизмитимиз. Иш дәптири» үчүн мәлумат мәнбәлири
4—10 март
ХУДА СӨЗИДИКИ ҒӘЗНӘ | РИМЛИҚЛАРҒА 12—14
Мәсиһийләргә хас меһир-муһәббәтни көрситиш немини билдүриду?
it «Сөйгү, меһир-муһәббәт»
Меһир-муһәббәт
Қериндашлиқ меһир-муһәббәтни (филадельфи́я дегән грек сөзи “қериндашларға болған сөйгүни” билдүриду) мәсиһий җамаәт әзалири көрситиши муһим (Рм 12:10; Иб 13:1; Пт1х 3:8гә қараң). Аилидә йеқин, мәһкәм вә иллиқ меһир-муһәббәт болғандәк, җамаәттиму шундақ болуши лазим. Гәрчә җамаәттики қериндашлар меһир-муһәббәтни көрсәтсиму, бирақ улар бу хисләтни «толуқ йосунда» көрситишигә дәвәт қилиниду (Сл1х 4:9, 10).
Фило́сторгос дегән грек сөзи «меһир-муһәббәтни һис қилиш» дегән мәнани билдүриду вә бир киши билән иллиқ, йеқин мунасивәткә егә болған адәмгә нисбәтән ишлитилиду. Бу сөз икки томурдин ибарәт. Уларниң бири сте́рго, аилә әзалириниң бир-биригә көрсәткән меһир-муһәббитини билдүриду. Әлчи Паул мәсиһийләрни бу хисләтни риваҗландурушқа дәвәт қилған (Рм 12:10). У шундақла ахирқи күнләрдә адәмләр туққанлиқтин безип (а́сторгой) кетидиғанлиғини вә улар өлүмгә лайиқ екәнлигини тәкитлигән (Т2х 3:3; Рм 1:31, 32).
w09 15.10. 8-б., 3-абз.
Һәммиси билән инақлиқта болуңлар
3 Римлиқларға 12:17ни оқуң. Әлчи Паул биз зиянкәшликкә дуч кәлгәндә, яманлиқ билән җавап қайтурмаслиғимиз керәклигини чүшәндүрүп бәргән. Болупму, Гувачи әмәс туқанлиримиз билән инақлиқни сақлишимиз муһим. Мәсилән, мәсиһийдә Гувачи әмәс туққанлириниң қопал сөзлиригә қопал җавап қайтуруш истиги пәйда болуши мүмкин. Яманлиққа яманлиқ билән җавап қайтурушниң һеч пайдиси йоқ. Әксинчә, шундақ һәрикәтләр әһвални техиму еғирлаштуриду.
w07 1.7. 24, 25-б., 12, 13-абз.
Яманлиққа яманлиқ билән җавап қайтурмаңлар
12 Әлчи Паул келәрки нәсиһитидә етиқатдашлар вә башқа адәмләр билән қандақ мунасивәттә болушимиз керәклигини язған. У: «Һечкимниң яманлиғиға яманлиқ қайтурмаңлар»,— дәп ейтқан. Әлчи Паул бу сөзләрни ейтишидин бурун: «Рәзиллик силәрдә нәпрәт қозғисун»,— дегән. Әгәр адәм бирсигә яманлиқ билән җавап қайтурса, у рәзилликтин яки яманлиқтин һәқиқәтән нәпрәтлиниватимән дәп ейталамду? Адәм шундақ һәрикәт қилса, у иккийүзлүк меһир-муһәббәтни көрсәткән болатти. Кейин әлчи Паул: «Һәммисиниң алдида яхшилиқ қилиңлар»,— дәп ейтқан (Римлиқларға 12:9, 17). Бу мәслиһәтләрни қандақ қоллансақ болиду?
13 Әлчи Паул коринтлиқларға язған хетидә әлчиләр дуч кәлгән зиянкәшликләрни тилға алған. У: «Биз дуния, пәриштиләр һәм инсанлар үчүн театрдики тамашиға айландуқ... Бизни қарғайду — биз бәрикәтләймиз, тәқипләйду — биз чидаймиз, төһмәт қилиду — биз меһриванларчә җавап беримиз»,— дәп ейтқан (Коринтлиқларға 1-хәт 4:9—13). Шуниңға охшаш бу дуния адәмлири мәсиһийләргә диққәт қилип қарайду. Әтрапимиздики кишиләр бизгә адаләтсизлик билән муамилә қилсиму, амма яхши иш-һәрикәтлиримизни көрүп, хуш хәвәргә болған иҗабий көзқариши пәйда болуши мүмкин (Петрусниң 1-хети 2:12).
w12 15.11. 29-б., 13-абз.
Бир-бириңларни чин жүрәктин кәчүрүңлар
13 Бәзи вақитларда адәмләр сизни рәнҗитип қойиду. Сиз уларға Худаниң өлчәмлирини баһалашқа ярдәм берәләйсиз. Әлчи Паул: «Әгәр дүшминиң ач болса, уни тойдур, уссиған болса, услуғини қандур, чүнки мошундақ қилип, сән униң бешиға ялқунлиған чоғларни топлайсән. Яманлиқ билән мәғлуп болмаңлар, әксичә яманлиқни яхшилиқ билән йеңиңлар»,— дәп язған (Рим. 12:20, 21). Адәмләр сизниң чишиңизға тәккәндә, сизниң меһрибанлиғиңиз уларниң қәлбини юмшитип, яхши хисләтлирини ойғиталайсиз. Сизни рәнҗиткән адәмни чүшинип, һисдашлиқ көрсәтсиңиз, уларниң Муқәддәс китап тәлимлирини үгинишигә ярдәм берәләйсиз. Мәйли бирси қандақ муамилә қилсун, мулайимлиқ билән бәргән җававиңиз, у кишини яхши жүрүш-туришиңиз һәққидә ойландуруши мүмкин (Пет. 1-х. 2:12; 3:16).
Роһий гөһәрләрни издәйли
Пайдилиқ оюн-тамашиларни таллаң
5 Сизниң һәрбир иш-һәрикитиңиз Йәһваға болған ибадитиңиз билән бағлиқ. Әлчи Паул бу һәқиқәт етиқатдашларниң есидә мәһкәм сақлинип қелиши үчүн римлиқларға язған хетидә чоңқур мәналиқ ибарини ишләткән. У етиқатдашлирини: «Әқилни ишләткәч муқәддәс хизмәтни атқуруш үчүн, тениңларни Рәббимизгә яқидиған тирик, муқәддәс қурбанлиққа бериветиңлар»,— дәп дәвәт қилған (Римлиқларға 12:1). «Тән» дегән сөз әқил, қәлб һәм җисманий күчни билдүриду. Сиз буларниң һәммисини Худаға хизмәт қилиш үчүн пайдилинисиз (Марк 12:30). Паул чин қәлбидин атқурулидиған мошундақ хизмәтни қурбанлиқ дәп атиған. Бу ибаридә йошурун агаһландуруш бар. Мусаниң қануниға бенаән, Худа нуқсанлиқ қурбанлиқни рәт қилған (Лавийлар 22:18—20). Бәзи мәсиһийниң роһий қурбанлиғи тоғрилиқму шундақ дәп ейтишқа болиду. Әгәр униң нуқсани болса, Худа уни қобул қилмайду. Бу қандақ йүз бериши мүмкин?
6 Әлчи Паул Римдики мәсиһийләрни агаһландуруп: «Өз әзалириңларни гунаға тутуп бәрмәңлар»,— дәп ейтқан. Йәнә Паул уларни «тәнниң ишлирини» өлтүрүшкә дәвәт қилған (Римлиқларға 6:12—14; 8:13). Буниң алдида у «тәнниң ишлириниң» бирнәччисини атап өтти. Гунаға берилгән адәмләр һәққидә Паул: «Еғизи қарғишларға толған», «путлири қан төкүшкә алдирайду», «көзлиридә Худадин қорқуш йоқтур»,— дәп язған (Римлиқларға 3:13—18). Мәсиһий өзиниң тән «әзалирини» мошундақ гунакар иш-һәрикәтләрни қилиш үчүн пайдиланса, униң пүткүл бәдини булғиниду. Мәсилән, әгәр мәсиһий порнографияни яки вәһшиянә зораванлиқ қатарлиқ әхлақсиз материалларни әтәй қариса, у өз көзлирини гунаға тутуп бериду вә шундақ қилип, пүткүл тенини булғайду. Униң ибадәттә қилған һәрқандақ иши муқәддәслигидин айрилған қурбанлиққа айлиниду һәм Худа уни қобул қилмайду (Қанун шәрһи 15:21; Петрусниң 1-хети 1:14—16; Петрусниң 2-хети 3:11). Бу налайиқ оюн-тамашилар үчүн төлинидиған интайин қиммәт бәдәлдур!
w08 15.6. 31-б., 4-абз.
Римлиқларға йезилған хәттики пайдилиқ ой-пикирләр
13:1. «Һакимийәтләр Пәрвәрдигар уларға бәргән җайларни егилимәктә» дегән сөзләрни қандақ чүшинишкә болиду? «Һакимийәтләр Пәрвәрдигар уларға бәргән җайларни егилимәктә» дегән сөзләр Худа инсан һакимийәтлириниң башқурушиға йол қойғанлиғини билдүриду. Худа бәзи һакимийәтләрниң пәйда болидиғанлиғини алдин-ала ейтқан. Бу бирнәччә һакимийәтниң пәйда болидиғанлиғи тоғрилиқ Муқәддәс китапниң пәйғәмбәрлик сөзлиридин көрүниду.
11—17 март
ХУДА СӨЗИДИКИ ҒӘЗНӘ | РИМЛИҚЛАРҒА 15, 16
Йәһвадин сәвир-тақәт вә тәсәлли сораң
«Жиғлиғанлар билән биллә жиғлаңлар»
11 Лазар қайтиш болғанда, Әйсаниң қаттиқ қайғурғанлиғи һәққидики вақиә Язмиларниң ичидики көплигән тәсәлли беридиған айәтләрниң бирила. Әлвәттә, бундақ айәтләр көп болуши мүмкин, сәвәви «авал йезилғанларниң һәммиси Муқәддәс Язмилардин тәсәлли елиш һәм тәқабиллиғимиз түпәйлидин үмүтимиз болуши үчүн, бизниң нәсиһәт қилинишимизға йезилған еди» (Рим. 15:4). Әгәр йеқинлириңиздин айрилған болсиңиз, мону айәтләр көңлүңизгә шипа болалайду:
▪ «Пәрвәрдигар көңли сунуқларға йеқиндур, роһи езилгәнләрни қутқузиду» (Зәб. 34:18, 19).
▪ «Ичимдики көплигән ғәм-әндишиләр арисида, Сениң [Йәһва] тәсәллилириң җенимни сөйүндүриду» (Зәб. 94:19).
▪ «Әйса Мәсиһ вә бизни сөйгән һәм мол меһирлиги түпәйлидин мәңгү тәсәлли вә меһрибан үмүт бәргән Худа Атимиз қәлблириңларни хатирҗәм қилип, силәрни... мустәһкәмлисун» (Сал. 2-х. 2:16, 17).
w16.04 14-б., 5-абз.
«Тәқабиллиқ болса,...толуқ мөлчәрдә көрүнсун»
5 Йәһва Худадин ярдәм сораң. Йәһва «тақабиллиқ вә тәссәлли беридиған» Худадур (Рим. 15:5). Ялғуз Йәһва Худа бизниң дуч кәлгән қийинчилиқлиримизни қандақ йеңиш керәклигини билиду. Униңдин башқа, У турмуш шараитимиз, һис-туйғулиримиз вә бизниң келип чиқишимиз бизгә қандақ тәсир қилидиғанлиғини яхши чүшиниду. Шу сәвәптин, Йәһва сәвир-тәқәтлик болушимизға әң яхши ярдәм бәргүчидур. Муқәддәс китапта: «У Өзидин қорқидиғанларниң арзусини әмәлгә ашуриду; У уларниң пәриядини аңлап уларни қутқузиду»,— дәп йезилған (Зәб. 145:19). Йәһва Худадин чидамлиқни сориғанда, У дуалиримизға қандақ җавап бериду?
w14 15.6. 14-б., 11-абз.
«Йәһва Худани... сөйгин»
11 Йәһва үмүт мәнбәси, қәлбимизни шат-хорамлиққа вә хатирҗәмликкә толдуриду (Рим. 15:13). Етиқадимиз синалғанда, Йәһва бәргән үмүт бизгә чидамлиқ болушқа ярдәм бериду. Һаятиниң ахириғичә садиқ болуп қалған майланғанларға Худа «һаят таҗисини» асманда бериду (Вәһ. 2:10). Йәрдә яшаш үмүти бар садиқ адәмләр йәрдики җәннәтниң бәрикәтлиридин мәңгү һузурлиниду (Луқа 23:43). Бу үмүт һәққидә ойлиғанда, немини һис қилимиз? Һәммә «яхши һәм мукәммәл һәдийәләрни» бериватқан Худани яхши көрүп, қәлбимиз инақлиқ вә хошаллиққа толиду (Яқуп 1:17).
«Роһий гөһәрләрни издәйли»
w89 1.12. 24-б., 3-абз.
Сөйгүңизниң һәқиқий екәнлигини тәкшүрүң
Биз көргинимиздәк, йәһудий әмәс қериндашлар йәһудий қериндашларниң бешиға қийинчилиқлар чүшкәндә, ярдәм беришкә тәйяр болған. Улар Йерусалимдики мәсиһийләргә өзгичә бир қәризини қайтуруши керәк еди. Есиңиздә болса, хуш хәвәр Йерусалимдин башқа хәлиқләргә тарқалған. Паул: «Әгәр башқа хәлиқләр уларниң роһий байлиқлиридин һузурланса, у чағда уларму тәнгә һаҗәтлик нәрсиләр билән уларға хизмәт қилиши керәк»,— дәп һесаплиған (Римлиқларға 15:27).
it «Алдин-ала билиш, алдин-ала орунлаштуруш»/«Мәсиһниң келишини алдин-ала билиш», 3-абз.
Алдин-ала билиш, алдин-ала көрүш
Мәсиһ вәдә қилинған Әвлат болуп, униң арқилиқ барлиқ хәлиқләрдин чиққан садиқ адәмләр бәрикәтлиниду (Гл 3:8, 14). «Әвлат» дегән сөз Ерәм беғида исиян көтүрүлгәндин кейин, бирақ Һабилниң туғулушидин авал тилға елинған (Яр 3:15). Пәқәт 4000 жилдин кейинла, «муқәддәс сир» һәққидә вәһий болғанда, «әвлат» ким екәнлиги ениқ ашкарә болди. һәқиқәтән бу сир «узун вақит давамида сақлинип кәлгән» (Рм 16:25—27; Әф 1:8—10; 3:4—11).
18—24 март
ХУДА СӨЗИДИКИ ҒӘЗНӘ | КОРИНТЛИҚЛАРҒА 1-ХӘТ 1—3
«Сиз роһий адәмму яки җисманийму?»
Роһий адәм болуш дегән немини билдүриду?
4 Җисманий адәмниң ой-пикри қандақ? Дуниядики адәмләр пәқәт өз һәвәслирини қанаәтләндүрүшнила көзләйду вә җисманий адәм бу көзқарашқа мувапиқ яшайду. Паул мундақ көзқарашни «һазир беқинмаслиқниң пәрзәнтлиридә һәрикәт қиливатқан роһ» дәп тәсвирлигән (Әфәс. 2:2). Бу көзқараш көп кишиләрни башқилар немә қилса шуни қилишқа дәвәт қилиду. Улар Худаниң өлчәмлиригә сәл қарап, өз билгинини қилиду. Җисманий адәм асасән җисманий нәрсиләр һәққидә ойлайду вә мәнсәп, пул һәм һоқуқлирини әң муһим дәп һесаплайду.
5 Муқәддәс китапта тилға елинған җисманий адәм «тәнниң ишлири» билән шуғуллиниду (Гал. 5:19—21). Паул Коринттики мәсиһийләргә арналған биринчи хетидә җисманий адәмниң қилидиған башқиму ишлирини тилға алған. Улар җедәлләргә арилишиду, бөлгүнчиликләрни туғдуриду, башқиларни исиян көтиришкә дәвәт қилиду, бир-бирини сотқа апириду, башчилиқни һөрмәтлимәйду вә йемәк-ичмәкни биринчи орунға қойиду. Шундақла җисманий адәм езиқтурушқа дуч кәлгәндә, униңға берилиду (Пәнд н. 7:21, 22). Йәһуда җисманий адәмниң һәтта Худаниң роһидин айрилиши мүмкинлигини ейтқан (Йәһ. 18,19).
Роһий адәм болуш дегән немини билдүриду?
6 Җисманий адәмгә қариғанда роһий адәм Худа билән болған мунасивәтни бәк муһим дәп һесаплайду. У Муқәддәс роһниң өзини йетәклишигә йол берип, Йәһваға тәқлит қилишқа күч салиду (Әфәс. 5:1). Йәһваниң пикир қилиш тәрзини билишкә вә һәммә мәсилиләргә Йәһвадәк қарашқа тиришиду. Худа униң үчүн тирик Шәхс. Җисманий адәмгә қариғанда роһий адәм Йәһваниң өлчәмлирини һаятиниң һәрбир саһасида қоллиниду (Зәб. 119:33; 143:10). У «тәнниң ишлириға» арилашмайду, амма «роһниң мевисини» риваҗландурушқа күч салиду (Гал. 5:22, 23). Роһий адәм дегән ибариниң мәнасини чүшиниш үчүн, келәрки мисални қараштурайли: сода-сетиқ қилишқа уста адәмни тиҗарәтчи дәп атайду. Шуниңға охшаш барлиқ диққитини роһий ишларға ағдуридиған адәмни роһий адәм дәп ейтсақ болиду.
Роһий адәм болуш дегән немини билдүриду?
15 Әйсадин қандақ үлгә алалаймиз? Коринтлиқларға 1-хәт 2:16дә биздә «Мәсиһниң әқли» болуши керәклиги йезилған. Римлиқларға 15:5тә болса, бизни «Мәсиһ Әйсада болған ой-пикирләр тәрзини» риваҗландурушқа үндәйду. Мәсиһтин үлгә елиш үчүн, биз униң қандақ ойлиғанлиғини, қандақ һис-туйғуларда болғанлиғини вә қандақ һәрикәт қилғанлиғини билишимиз керәк. Әйса әң авал Йәһва билән болған мунасивити һәққидә ойлиған. Демәк, униңға тәқлит қилсақ, биз Йәһваға техиму йеқинлишимиз. Шу сәвәптин Әйсаға охшаш ойлинишни үгинишимиз бәк муһим.
Роһий гөһәрләрни издәйли
it «Даналиқ»/«Худаниң муқәддәс сириға қариму-қарши қоюлған», 3-абз.
Даналиқ
Дуниядики һөкүмәтләр, Худа бәргән Мәсиһниң төләм қурбанлиғини ахмақлиқ дәп һесаплап, уни рәт қилған. Бу дуниядики һөкүмранлар башқурушта қабилийәтлик вә парасәтлик болсиму, һәтта «шан-шәрәпкә лайиқ Һакимдаримизни түврүктә» өлтүргән (К1х 1:18; 2:7, 8). Амма Худа һазир бу дуния данишмәнлириниң даналиғи ахмақ екәнлигини испатлиған. Худа Өзиниң өзгәрмәйдиған ирадисини әмәлгә ашуруш үчүн дунияниң көзқариши бойичә аҗиз вә аддий «ахмақларни» пайдилинип, дуниядики даналарни шәрмәндә қилған (К1х 1:19—28). Әлчи Паул йәткүзгән хуш хәвәрниң ичидә шундақ дунияниң даналиғи болмиғачқа, у Коринттики етиқатдашларға «бу дуния қурулуминиң яки униң һөкүмдарлириниң даналиғи» йоқ қилинидиғанлиғини әскәрткән (К1х 2:6, 13). Шундақла у Колостики етиқатдашларни «инсаний әнъәниләр вә бу дунияниң принциплири бойичә, пәлсәпә [философи́яс дегән грек сөзи “даналиққа болған сөйгү”] һәм ялған гәпләр арқилиқ силәргә олҗидәк егә» болидиғанлиғидин агаһландурған (Кл 2:8; 20—23 айәтләрни селиштуруң).
w08 15.7. 27-б., 6-абз.
Коринтлиқларға йезилған биринчи вә иккинчи хәтләрдики пайдилиқ ой-пикирләр
2:3—5. Әлчи Паул грек пәлсәпә вә илим пәнниң мәркизи болған Коринттида вәз қилип, униң сөзлири ишәнчлик боламду дәп ғәм-әндишә қилған болуши мүмкин. Бирақ, у бәлким билиминиң камчилиғини чүшинип, Худаниң тапшурған хизмитини атқуруш үчүн қорқунучқа берилишкә йол қоймиған. Шуниң үчүн һәрқандақ вәзийәтләр бизгә Худа Падишалиғи һәққидә хуш хәвәрни тарқитишимизға тосалғу болмаслиғи керәк. Биз Паулға охшаш Йәһваниң ярдимигә ишәнч қилишимиз муһим.
25—31 март
ХУДА СӨЗИДИКИ ҒӘЗНӘ | КОРИНТЛИҚЛАРҒА 1-хәт 4—6
it «Хемиртуруч»/«Символлуқ мәнаси», 2-абз.
Хемиртуруч
Әлчи Паул Коринттики етиқатдашларға әхлақсиз адәмни җамаәттин чиқириш буйриғини бәргәндә, охшаш мисални кәлтүргән. У: «Кичиккинә хемиртуручниң пүткүл хемирни ечитидиғинини билмәмсиләр? Йеңи хемир болуш үчүн, кона хемиртуручни йоқитиңлар, чүнки силәрдә ечитқу болмаслиғи керәк. Чүнки Қутқузулуш мәйриминиң қозиси Мәсиһ биз үчүн қурванлиққа әкелингән еди»,— дәп ейтқан. Кейин әлчи Паул хемиртуруч дегән сөзниң мәнасини ениқ чүшәндүрүп: «Шу сәвәптин кона хемиртуруч, йәни явузлуқ һәм рәзиллик хемиртуручи билән әмәс, бәлки сәмимийликниң һәм һәқиқәтниң петир нанлири билән мәйрәмләйли»,— дегән (К1х 5:6—8). Бу йәрдә Паул йәһудийларниң Өтүп кетиш һейти өткүзүлгәндин кейин Петир нанлар мәйриминиң символлуқ мәнасини тилға алған. Шуңа кичиккинә хемиртуруч пүтүн хемирни болдурғандәк, җамаәттә әхлақсиз адәм болса, униң тәсири сәвәплик, Худаниң көз алдида пүтүн җамаәт напак һесаплиниду. Өтүп кетиш һейти вақтида исраиллиқлар хемиртуручни өйидә сақлимиғандәк, мәсиһийләрму «хемиртуручни» йоқ қилиши үчүн дәрру һәрикәт қилиши керәк еди.
it «Шәйтан»/«Кишини “Шәйтанға тән әйиви һалак болушиға бериветиңлар” дегән сөзләр немини билдүриду?», 1-абз.
Шәйтан
Кишини «Шәйтанға тән әйиви [һәвәслири] һалак болушиға бериветиңлар» дегән сөзләр немини билдүриду?
Әлчи Паул Коринттики етиқатдашларға хәт язғанда, атисиниң аяли билән биллә яшап, әхлақсизлиқ қилған кишини «Шәйтанға тән әйиви [һәвәслири] һалак болушиға бериветиңлар» дәп ейтқан (К1х 5:5). Башқа сөз билән ейтқанда, кишини җамаәттин чиқириветип, һәрқандақ мунасивәтни үзүңлар дегән (К1х 5:13). «Шәйтанға... бериветиңлар» дегән сөзләр бу кишини җамаәттин чиқирип, худаси вә һөкүмдари Шәйтан болған дунияниң қуллиғиға тапшурушни билдүриду. Хемирниң ичидә кичиккинә хемиртурушқа охшаш җамаәтниң ичидә бу кишини йәни «тән» яки тәнниң һәвәслиригә берилгән адәмни җамаәттин чиқириветиш керәк еди. Шундақ әхлақсиз адәмни чиқириветип, роһий җәһәттин сағлам җамаәт өз арисида болған шундақ тәнни йоқ қилатти (К1х 5:6, 7). Шуниңға охшаш, әлчи Паул Иминей һәм Искәндәрни Шәйтанниң қолиға тапшурған. Чүнки бу кишиләр етиқат билән пак вижданни бир чәткә иштирип қойған вә уларниң иман-етиқади кемигә охшаш ғәриқ болған (Т1х 1:20).
lv 207-б., қошумчә
Җамаәттин чиқирилиш
Җамаәттин чиқирилған киши билән қандақ муамилидә болуш керәк? Муқәддәс китапта мундақ мәслиһәт берилгән: «Шуңа әнди мән силәргә өзини қериндаш дәп санап, зинахор яки ачкөз, яки бутпәрәс, яки башқиларни қарилайдиған, яки һарақкәш, яки булаңчи болған билән арилашмай, һәтта ундақ адәм билән һәмдәстиханму болмаңлар дәп йезиватимән» (Коринтлиқларға 1-хәт 5:11). Муқәддәс китапта кимду-ким «Мәсиһниң тәлимлиригә риайә қилмиса»...«уни өз өйүңларда қобул қилмаңлар вә униң билән саламлашмаңлар. Чүнки униң билән саламлашқан киши униң яман ишлириға шерик болиду» дәп йезилған (Йоһанниң 2-хети 9—11). Җамаәттин чиқирилған киши билән роһий мавзулар һәққидә сөзләшмәймиз һәм арилашмаймиз. 1982-жилниң, 1-марттики «Күзитиш мунариниң» (рус.) 17-бетидә мундақ дейилгән: «Шу киши билән саламлишипла қоюш сөһбәткә вә достлуққа елип келишниң биринчи қәдими болуши мүмкин»,— дәп йезилған. Хулләс, җамаәттин чиқирилған киши билән арилашмаслиқ үчүн биринчи қәдәм қилиш керәкму?
Һәрқандақ муамилидин қечишимиз керәкму? Һә-ә, чүнки буниң бирнәччә сәвәви бар. Биринчидин, бу Худа вә униң Сөзигә болған сақадәтмәнлигимизгә тәсир қилиду. Биз Йәһваға пәқәт қолайлиқ вақиттила әмәс, бәлки қийин вақиттиму қулақ салимиз. Худаға болған меһир-муһәббитимиз униң адил, меһир-муһәббәтлик екәнлигини вә қанунлири биз үчүн пайдилиқ болғанлиғини чүшинип, бизни униң вәсийәтлирини орунлашқа дәвәт қилиду (Йәшая 48:17; Йоһанниң 1-хети 5:3). Иккинчидин, товва қилмиған киши билән арилашмаслиқ бизни вә җамаәтни роһий вә әхлақий зиянлиқтин һимайә қилип, җамаәтниң абройиға дағ кәлтүрмәйду (Коринтлиқларға 1-хәт 5:6, 7). Үчинчидин, Муқәддәс китап принциплириға қәтъий риайә қилғанлиғимиз җамаәттин чиқирилған кишигә иҗабий тәсир қилиши мүмкин. Сот комитетиниң қарарини қоллисақ, биз ақсақалларниң мәслиһәтлиригә қулақ салмиған гунакарниң жүригигә тәсир қилишимиз мүмкин. У қәдирлик адәмлири билән муамилидин мәһрум болуп, өзигә келип, Йәһваға қайтип келиши үчүн гунасиниң қанчилик еғир екәнлигини чүшиниши мүмкин (Луқа 15:17).
Роһий гөһәрләрни издәйли
w09 15.5. 24-б., 16-абз.
Пәриштиләр — Худаниң хизмәтчилири
Худаниң хәлқи синақларға дуч кәлгәндә, пәриштиләр үчүн «театрдики тамашиға» айлиниду (Кор. 1-х. 4:9). Пәриштиләр бизниң садиқлиғимизни вә гунакарларниң товва қилғанлиғини көргәндә шатлиниду (Луқа 15:10). Улар Худаға садиқ болған аял қериндашларниң жүрүш-турушиниму байқайду. Муқәддәс китапқа бенаән, «аял кишиниң бешида — пәриштиләр үчүн — ериға беқиниш бәлгүси болуши лазим» (Кор. 1-х. 11:3, 10). Аял қериндашлар һәм башқа һәммә хизмәтчиләр Йәһваниң һакимийитигә вә йетәкчилигигә бойсунғанда, пәриштиләр бәк хошал болиду. Шундақ бойсунуш пәриштиләргә яхши үлгә болуп хизмәт қилиду.
it «Қанун»/«Пәриштиләргә берилгән қанун»
Қанун
Пәриштиләргә берилгән қанун. Адәмләрдин жуқури турған пәриштиләр Худаниң қануниға вә әмирлиригә қулақ салиду (Иб 1:7, 14; Зб 104:4). Һәтта Йәһва Худа Өзиниң дүшмини болған Шәйтанниң һәрикәтлиригиму чәк қойған (Ап 1:12; 2:6). «Баш пәриштә Микаил» Иблис билән сөз талишип «Йәһва сени әйиплисун» дегәндә, Йәһваниң Алий Һөкүмран екәнлигини иқрар қилип, Униң Һөкүмранлиғиға иззәт-һөрмәт көрсәткән (Йәһ 9; Зк 3:2). һәммә пәриштиләр Әйса Мәсиһниң қол астида. Бундақ мүмкинчиликни Йәһва Өзи Әйсаға бәргән (Иб 1:6; Пт1х 3:22; Мт 13:41; 25:31; Фп 2:9—11). Шуниң үчүн бир пәриштә Әйсаниң буйриғиға бойсунуп, әлчи Йоһанға әвитилгән еди (Вһ 1:1). Бирақ әлчи Паул Коринтлиқларға язған 1-хәт 6:3тә, Мәсиһниң роһий қериндашлириға пәриштиләрниму сотлайдиған һоқуқ берилгәнлигини тәкитлигән еди. Демәк улар яман роһларни һөкүм қилишқа қатнишиши мүмкин.