«Һаятимиз вә хизмитимиз. Иш дәптири» үчүн мәлумат мәнбәлири
6—12 СЕНТЯБРЬ
ХУДА СӨЗИДИКИ ҒӘЗНӘ | ҚАНУН ШӘРҺИ 33, 34
«Йәһваниң мәңгү қоллиридин пана издәң»
it «Йәшурун»
Йәшурун
Грек Септуагинтида «Йәшурун» сөзи иллиқлиқ вә меһир-муһәббәт көрситиш үчүн «сөйүмлүк» дәп тәрҗимә қилинған. «Йәшурун» дегән бу сөз исраилларниң Йәһва билән келишим түзгән хәлиқ екәнлигини вә растчил һәм һәққанийлиқ билән һәрикәт қилиш борчиси бар екәнлигини есигә селип туруши керәк еди (Қ. ш 33:5, 26; Йша 44:2).
rr 120-бәттики рамка
Қайтидин униңға путиға турушқа ярдәм бериң
Бешимизға еғир күнләр чүшкәндә, Худайимизға мураҗиәт қилсақ, Йәһва Худа бизни Өзиниң ғәмхор қоллириға елип, путимизға турушимизға ярдәм беридиғанлиғиға һеч гуман қилмаймиз (Әзәк. 37:10).
w11 15/9 19-б., 16-абз.
Бәрдашлиқ билән жүгрәйли
16 Йәһва Мусаға: «Сән алдиңда ятқан пүткүл йәр-зиминни көрисән, амма Мән Исраил оғуллириға һәдийә қиливатқан йәргә кирмәйсән»,— деди. Муса чүшкүнлүккә чүштиму яки хапа болдиму? Яқ, У хәлиққә бәхит тиләп, мундақ деди: «Нәқәдәр сән, Исраил, бәхитликсән! Ким саңа, Йәһва күзитидиған хәлиқкә, охшайду? У сени сақлаватқан Қалқандур вә шөһритиңниң Қиличидур» (Қ. шәр. 33:29).
Роһий гөһәрләрни издәйли
it «Муса»
Муса
Йәһва Худа Мусаниң қәбрини, исраиллар ялған ибадәтниң қапқиниға чүшүп қалмаслиғи вә униң қәбрини муқәддәс җай қиливалмаслиғи үчүн, йошурған болуши мүмкин. Еһтимал, Иблис Мусаниң җәситини буниңға охшаш мәхсәттә қолланмақчи болған.
13—19 СЕНТЯБРЬ
ХУДА СӨЗИДИКИ ҒӘЗНӘ | ЙӘШУА 1, 2
«Утуққа қандақ еришәләймән?»
w13 15/1 8-б., 7-абз.
Җасарәтлик бол, Йәһва сән тәрәптә!
7 Худаниң ирадисини җасарәт билән орунлаш үчүн, Униң Сөзини тәтқиқ қилишимиз вә әмәлийәттә қоллинишимиз керәк. Йәшуа бу мәслиһәткә қулақ салғанлиқтин, утуққа еришкән. Униңдин үлгә алсақ, бизму техиму җасарәтлик болуп, Худаға хизмәт қилишта утуққа еришимиз.
w13 15/1 11-б., 20-абз.
Җасарәтлик бол, Йәһва сән тәрәптә!
20 Биз ялғуз әмәс, Худайимиз билән биллә. Униң Оғли, җамаәтниң Бешиму биз тәрәптә. Шундақла дуния йүзи бойичә Йәһва Худаға хизмәт қилидиған 7 000000дин ошуқ қериндашлиримиз бар.
Роһий гөһәрләрни издәйли
w04 1/12 9-б., 1-абз.
Йәшуа китавидики пайдилиқ ой-пикирләр
У Йәһва Худаға ишинишкә башлиған. Шуңлашқа, униң Худа хәлқигә зиян йәткүзмәкчи болған кишиләргә пайлақчиларниң қәйәрдә екәнлигини ашкарилаш борчи болмиған (Мәт. 7:6; 21:23—27; Йоһ. 7:3—10).
20—26 СЕНТЯБРЬ
ХУДА СӨЗИДИКИ ҒӘЗНӘ | ЙӘШУА 3—5
«Йәһва Худа ишәнч билән һәрикәт қилғанларға бәрикәтбериду»
it «Иордан»
Иордан
Җәлилийә деңизиниң җәнубий тәрипидики Иордан дәриясиниң чоңқурлуғи оттура һесап билән 1—3 метрғичә, кәңлиги болса 27—30 метрғичә йетиду. Лекин әтиязда Иордан дәриясиниң сүйи тешип кәткән вақитта, у техиму кәң вә чоңқур болиду (Йшу 3:15). Шуңа дәрия икки қирғиғидин тешип кәткән чағда, әрләр, аяллар вә бала-чақидин ибарәт Исраил хәлқи үчүн Иордан дәриясидин өтүш хәтәрлик болатти.
w13 15/9 16-б., 17-абз.
Йәһва Худаниң әсләтмилири жүригиңизни шат-хорам қилсун
17 Йәһва Худа келишим сандуғини елип маңған роһанийларға Иордан дәриясиға киришни буйриған. Исраиллар Иорданға кәлгәндә әтиязниң ямғури түпәйли су тешип кәткәнлигини көргән. Улар әнди немә қилиду? Су қайтқичә дәрия бойида бирнәччә һәптә чедир тикип олтириши керәктиму? Яқ, улар ундақ қилмиған. Улар Йәһва пүтүнләй тайинип Униң буйруғини орунлиған. Нәтиҗиси қандақ болған? Биз мундақ оқуймиз: «Роһанийларниң аяқлири Йорданниң сүйигә киргәндә,... еқиватқан су тохтап,... Хәлиқ болса Йерихаға қариму-қарши җайда өтти.... Йәһваниң келишим сандуғини көтәргән роһанийлар Йорданниң оттурисида қуруқлуқта чиң аяқлири билән турушатти» (Йшу 3:12—17). Дәрияниң улғайған сүйи тохтиғанлиғини көргәндә улар қанчилик хошал болғанлиғини тәсәввур қилип көрүңа! Шәк-шүбһисизки, исраиллар Йәһваниң көрсәтмилиригә ишәнгәнликтин, уларниң ишәнчиси мустәһкәмләнгән.
w13 15/9 16-б., 18-абз.
Йәһва Худаниң әсләтмилири жүригиңизни шат-хорам қилсун
18 Худаниң һәрикәт қилғучи күчи Униң хизмәтчилирини пүткүл йәр йүзидә Худа Падишалиғи тоғрилиқ хәвәрни вәз қилишқа ярдәм қилиду. Нурғунлиған Гувачилар тәбиитидин уялчақ болсиму, Худаниң муқәддәс роһи уларға вәз хизмитидә натонуш кишиләр билән сөзләшкә җасарәт берәләйдиғанлиғиға көз йәткүзди (Зәбур 119:46; Коринтлиқларға 2-хәт 4:7ни оқуң).
Роһий гөһәрләрни издәйли
w04 1/12 9-б., 2-абз.
Йәшуа китавидики пайдилиқ ой-пикирләр
Исраиллар Вәдә қилинған зиминни егиләшни башлиғанда, Йәшуаға ярдәм бәргән сәрдар «Сөз», йәни Әйса Мәсиһ болуши мүмкин (Йоһан 1:1; Даниял 10:13).
27-СЕНТЯБРЬ — 3-ОКТЯБРЬ
ХУДА СӨЗИДИКИ ҒӘЗНӘ | ЙӘШУА 6, 7
«Әрзимәс нәрсиләрдин нери болуң»
w10 15/4 20-б., 5-абз.
«Әрзимәс нәрсиләрдин көзүңизни нери қилиң»
5 Акан Худаға бойсунмиғанлиқтин, исраиллар Гай шәһириниң қешида йеңилип қелип, бәзилири өлүп кәткән. Аканни ашкарә қилмиғичә, у гунасини бойниға алмиған. Униң ейтишичә, у қиммәт нәрсиләрни көргәндә, көзи қизирип уларни еливалған. Көзниң һәвәсигә берилгәнликтин, униң өзиму, барлиқ мүлкиму һалак қилинған (Йәшуа 6:18, 19; 7:1—26). Акан мәнъий қилинған нәрсигә егә болушни халиған.
w97 15/8 28-б., 2-абз.
Яман ишлар тоғрилиқ немишкә ейтиш керәк?
Йәһва Худа пак вә муқәддәс Худа. У һәммә хизмәтчилиридин роһий вә әхлақий җәһәттин пак болушни тәләп қилиду. Әгәр бирси напак яки гунаға ятидиған ишларни қилса, бу пүтүн җамаәтни Йәһва Худаниң алдида налайиқ қилиши вә җамаәтниң намиға дағ кәлтүрүши мүмкин. Шуңа гунакарни тоғра йол селиш яки җамаәттин чиқириш керәк.
w10 15/4 21-б., 8-абз.
«Әрзимәс нәрсиләрдин көзүңизни нери қилиң»
8 Көз һәвәслири вә тән һәвәслири Худаниң хизмәтчилиригиму тәсир қилиши мүмкин. Әйса оюмизни напак ойлардин сақлашниң муһимлиғини көрситип мундақ дегән: «Амма мән силәргә ейтимәнки, кимду-ким аял кишигә қараверип, шәһванийлиққа берилсә, у жүригидә шу аял билән нека вапалиғини бузған болиду» (Мәт. 5:28).
Роһий гөһәрләрни издәйли
w15 15/11 13-б., 2, 3-абз.
Оқурмәнләрниң соаллири
Бир журналда йезилғандәк, «Ериха шәһириниң харабилиқлирида сапал қачилардин башқа пат-пат буғдай тепилған. Палестинаниң архелогияси үчүн бу һәйран қаларлиқ нәрсә. Чүнки адәттә бир-икки қача буғдай тепишқа болиду, лекин шунчилик көп буғдайни тепиш алаһидә иш» (Biblical Archaeology Review states).
Муқәддәс китапқа бенаән, Йәһва Худаниң буйруғи бойичә, исраиллар Ериха шәһиридики буғдайға тәгмигән (Йәшуа 6:17, 18). Шунчә көп буғдайниң тепилғанлиғи Ериха узақ вақит қоршавда болмиғанлиғини вә Муқәддәс китапниң растлиғини дәлилләйду.
4—10 ОКТЯБРЬ
ХУДА СӨЗИДИКИ ҒӘЗНӘ | ЙӘШУА 8, 9
«Гибийонлуқларниң вақиәсидин савақ алайли»
it «Гибийон, гибийионлуқлар»
Гибийон, гибийионлуқлар
Гибийонлуқларниң башқа қананлиқларға охшимайдиған бир йери, уларниң күчлүк әскири вә мәһкәм шәһәрлири болсиму, улар исраилларға қарши турушниң бекар екәнлигини чүшәнгән, чүнки Йәһва Худаниң Өзи хәлқи үчүн җәң қилған. Шуңа Ериха билән Гай вәйран болғандин кейин, гибийонлуқлар Кетира, Беирот вә Кириат-Йарим дегән һивийлиқ шәһәрләрниң намидин бир топ кишиләрни келишим түзүши үчүн Галгалға Йәшуаниң қешиға әвәткән (Йшу 9:17). Гибийонлуқлар исраиллар бесип кириши керәк болған шәһәрдин әмәс, жирақ бир йәрдин кәлгәнлигини ейтқан. Улар Йәһва Худаниң Мисирни вә Аморлуқ падишалар Сигон вә Огни йәңгәнлигини етирап қилған. Лекин даналиқ көрситип, Ериха вә Гай шәһәрлиридә йүз бәргән вақиәләрдин хәвәрдар екәнлигини чандурмиди. Исраиллар гибийонлуқларға ишинип, уларниң һаятини сақлап қалидиған келишим түзгән (Йшу 9:3—15).
w11 15/11 8-б., 14-абз.
«Өз әқлиңгә таянма»
14 Йәшуа вә башқилар Йәһвадин соримай, гибийонлуқлар билән иттипақ келишимини түзгән. Ахирида Йәһва Худа бу келишимни мақуллиған болсиму, лекин исраилларниң хаталиғини яки улар Униң рәһбәрлигини издимигәнлигини бизниң пайдимиз үчүн Муқәддәс китапқа яздурған (Йәшуа 9:3—6, 14, 15).
w04 15/10 18-б., 14-абз.
«Зиминни айлинип чиққин»
14 Гибийонлуқлар исраилларниң Худаси Йәһваниң мақуллишиға еришишни халиған. Улар тәйярлиқ вә кәмтәрлик билән Худаға хизмәт қилишини давамлаштурған. Худа билән инақлиқта болушқа вә Униң тапшурмилирини, һәтта төвән дәп һесаплинидиған ишларни орунлашқа тәйяр болсақ, улардин үлгә алалаймиз.
Роһий гөһәрләрни издәйли
it «Есип қоюш»
Есип қоюш
Йәһва Худа Исраил хәлқигә бәргән қанун бойичә, қилмиш қилған бәзи кишиләр өлтүрүлгәндин кейинму түврүктә есиғлиқ қалдурулатти. Шу киши Худаниң қарғишиға учрап пүтүн хәлиқ үчүн есип қоюлатти. Өлүм җазасиға һөкүм қилинған киши исраиллиқ болмиған болсиму, шундақ қилинатти (Йшу 8:29; 10:26, 27).
11—17 ОКТЯБРЬ
ХУДА СӨЗИДИКИ ҒӘЗНӘ | ЙӘШУА 10, 11
«Йәһва Исраил үчүн җәң қилған»
it «Адонисадиқ»
Адонисадиқ
Адонисадиқ Йәшуаға қарши чиқиш үчүн Иорданниң ғәрбий тәрипидики башқа кичик падишалар билән иттипақлашқан (Йшу 9:1—3). Амма Гибийонда яшиған һивийлар Йәшуа билән келишим түзгән. Улардин башқа һечким дүшмәнләр тәрәпкә өтмәслиги үчүн Адонисадиқ гибийионлуқларни җазалимақчи болған. У башқа төрт Аморлуқ падиша билән баш қошуп, Гибийонни қоршавқа алған вә униңға қарши җәң қилған. Амма Йәшуа гибийионлуқларни қоғдап, бәш Аморлуқ падишани йәңгәндин кейин улар Македаға қечип, тузаққа чүшүп қалған (Йшу 10:1—27).
it «Мөлдүр»
Мөлдүр
Бәш аморлуқ падиша күчини бириктүрүп, гибийонлуқларға һуҗум қилмақчи болғанда, Йәшуаниң йетәкчилигидә Исраил хәлқи уларға ярдәм бәрди вә Йәһва Худа аморлуқларға мөлдүр яққузди. Исраилларниң қолидин өлгәнләргә қариғанда, мөлдүрдин көпирәк аморлуқлар өлүп кәтти (Йшу 10:3—7, 11).
w04 1/12 11-б., 1-абз.
Йәшуа китавидики пайдилиқ ой-пикирләр
Йәһва Худа Өзи халиғанда йәр шариниң қозғилишиға тәсир қилип, йәрдин қараватқан адәмгә күн билән ай бир орунда турғандәк көрүнүши мүмкин. Йә болмиса, У йәр билән айниң қозғилишиға тәсир қилмай, уларниң нур долқунлириниң сунушини пайдилинип, күн билән айни орнидин қозғалмай нур чечип турғандәк көрситәләйду. Мәйли қандақ болған һалдиму, инсанийәт тарихида мундақ вақиә «униңдин авал вә униңдин кейин һечқачан болмиди» (Йәшуа 10:14).
Роһий гөһәрләрни издәйли
w09 15/3 32-б., 5-абз.
Оқурмәнләрниң соаллири
Йәһва Худа Муқәддәс китапниң 66 китавида бизниң «һәммидин хәвәрдар болуп, һәрқандақ яхши ишқа толуғи билән тәйяр болушимиз үчүн» дәл керәклик мәлуматларниң болушиға ғәмхорлуқ қилған (Тим. 2-х. 3:16, 17).
18—24 ОКТЯБРЬ
ХУДА СӨЗИДИКИ ҒӘЗНӘ | ЙӘШУА 12—14
«Йәһва Худаға пүтүн қәлбиңиз билән әгишиң»
w04 1/12 12-б., 2-абз.
Йәшуа китавидики пайдилиқ ой-пикирләр
Гәрчә Халеб 85 яшқа кәлсиму, униңға Һиброн йеридин ят хәлиқләрни қоғлап чиқиришни тапшурушни сориған. Бу тапшуруқ оңай болмиған. Шу йәрдә Енакниң егиз бойлуқ оғуллири яшиған. Йәһва Худаниң ярдими билән тәҗрибилик әскәр болған Халеб йеңип чиққан.
w06 1/10 18-б., 11-абз.
Худадин әйминиш вә етиқат җасарәтлик қилиду
11 Йәшуа билән Халеб Худаниң вәдисигә мас, чөл-баявандики 40 жиллиқ сәпәрни аман-есән өткән (Санлар 14:27—30; 32:11, 12). Улар алтә жил бойи җәң қилип, Қананни егиләвелиштә муһим роль атқурған.
Роһий гөһәрләрни издәйли
it «Гибал»
Гибал
Исраиллар егиләйдиған йәрләрниң арисида Гибал йериму болған. Бирақ Йәһваниң Йәшуа 13:2—7 айәтләрдә йезилған вәдиси әмәлгә ешиши үчүн, исраиллар Униңға бойсунуши шәрт еди. Исраиллар Йәһваға итаәт қилмиғанлиқтин, Гибал йерини егилимигән (Йшу 23:12, 13ни селиштуруң).
25—31 ОКТЯБРЬ
ХУДА СӨЗИДИКИ ҒӘЗНӘ | ЙӘШУА 15—17
«Есил мирасимизни қоғдайли»
it «Һиброн»
Һиброн
Йәшуаниң йетәкчилигидә исраиллар қананлиқларни йәңгән болсиму, егиләвалған йәрлирини қоғдаш үчүн қаравулларни бирдин қоймиған. Исраиллар башқа йәрләрдә җәң қилғанда, Енаким оғуллири Һибронға қайтип келивалған охшайду. Шу сәвәптин, Халебқа (яки Халебниң қол астидики Йәһуда оғуллириға) уларни шәһәрдин қоғлап чиқиришқа тоғра кәлгән.
it «Мәҗбурий әмгәк»
Мәҗбурий әмгәк
Исраиллар Вәдә қилинған зиминға киргәндә, Йәһваниң буйруғи бойичә һәммә қананлиқларни қоғлап чиқиришниң орниға, уларни қара ишқа селип, қул қиливәтти. Лекин буниң ақивети яман болди. Қананлиқлар исраилларни бутларға сәҗдә қилишқа аздурди (Йшу 16:10; Һк 1:28; 2:3, 11, 12). Кейин Сулайман падиша аморийлар, һетийлар, пәризийлар, һивийлар вә йәвусийларниң әвлатлирини қуллуққа селишни давамлаштурди (П1я 9:20, 21).
it «Қанан»
Қанан
Исраиллар Вәдә қилинған зиминни егиливалғандин кейин, көплигән қананлиқлар һаят қелип, уларға баш әгмигән болсиму, Йәһва вәдә қилғандәк, «әҗдатлириға қәсәм қилған йәр-зиминни Исраилға бәрди» вә һәммә тәрәптин арам бәрди. Йәһваниң ейтқан «барлиқ яхши сөзләрниң бирсиму орунланмай қалмиди: барлиғи орунланди» (Йшу 21:43—45). Худа вәдә қилғандәк, зиминни явайи һайванатлар бесивалмаслиғи үчүн У қананлиқларни аста-аста қоғлиған.
Роһий гөһәрләрни издәйли
w15 15/7 32-б.
Сиз биләмсиз?
Қедимий Исраил Муқәддәс китапта йезилғандәк орманлиқ йәр болғанму?
Бир китапта йезилғандәк, «қедимий Исраилда бүгүнкигә қариғанда орманлар интайин көп болған». Бирақ вақит өтүп, орманлар вә дәрәқләр азайған, чүнки адәмләр, етизларни вә малларни отлаш үчүн йәрни көпәйткән, қурулуш материалларни вә отунни алған (Life in Biblical Israel).