«Һаятимиз вә хизмитимиз. Иш дәптири» үчүн мәлумат мәнбәлири
1—7 НОЯБРЬ
ХУДА СӨЗИДИКИ ҒӘЗНӘ | ЙӘШУА 18, 19
«Йәһваниң йәрни даналиқ билән бөлүп бериши»
it «Чегара»
Чегара
Қәбилиләргә йәрни бөлүп бериш чәк ташлаштин вә қәбилиләрниң чоң-кичиклигидин бағлиқ еди. Чәк ташлашниң нәтиҗисидә чиқирилған қарар Йәһва Худаниң қарари болғанлиқтин, қәбилиләрниң арисида ичи тарлиқ вә жедәл-маҗира болмиған (П.н 16:33). Буниңдин ташқири, чәк ташлашниң ярдими арқилиқ Йәһва Худа һәрбир қәбилиниң җайлашқан орни Яритилиш 49:1—33тики Яқуп пәйғәмбәр өлүминиң алдида ейтқан сөзләргә мас болушиға ғәмхорлуқ қилалиған.
it «Мирас»
Мирас
Мирас йәрлири. Муса пәйғәмбәр Гад, Рувим вә Манассә қәбилилиригә йәрни бөлүп бәргән (Сн 32:33; Йшу 14:3). Елиазар вә Йәшуа ташлиған чәкниң ярдими билән башқа қәбилиләргә йәр берилгән (Йшу 14:1, 2). Яритилиш 49:5, 7дики Яқупниң пәйғәмбәрлик сөзлиригә бенаән, Шимон вә Лавийға мираслиққа алайтән йәр берилмигән. Шимонниң егидарлчилиғи (шәһәрләр билән йезилири) Йәһуда оғуллириниң мирас йәрлириниң ичидә болған (Йшу 19:1—9).
it «Чегара»
Чегара
«Уларниң йерини чәк ташлап, қәбилилириңларға бөлүп бериңлар: ким көпсанлиқ болса, уларға йоғанирақ мирасни бериңлар, ким азсанлиқ болса, уларға кичигирәк йәрни бериңлар» (Сн 33:54).
Роһий гөһәрләрни издәйли
it «Чегара»
Чегара
Бәзи тәтқиқатчиларниң ейтишичә, бу қәбилиләр қалған йәрни дәрру егиләвелишниң һаҗити йоқ дәп һесаплиған. Чүнки җәң қилғанда, улар көп олҗиға егә болғанлиқтин, қананлиқлар йеқин арида бесип кирмәйду дәп хәтирҗәм болған. Бәлким, уларниң йәрни егиләвелишқа алдирмиғанлиғиниң сәвәви күчлүк дүшмәнләргә қарши турушқа халимиғанлиғида болуши мүмкин (Йшу 13:1—7). Шундақла улар Вәдә қилинған зиминниң техи бесивалмиған йәрлирини яхши билмигәнду.
8—14 НОЯБРЬ
ХУДА СӨЗИДИКИ ҒӘЗНӘ | ЙӘШУА 20—22
«Чүшәнмәсликтин алидиған савиғимиз»
w06 15/4 5-б., 3-абз.
Өмүрлүк җүптиңизни чүшинишниң сири
Исраил хәлқи Вәдә қилинған зиминға киргәндин кейин, Иорданниң шәрқий тәрипидә җайлашқан Рувим, Гад вә Манассә қәбилилири йоған бир қурбангаһни ясиған. Башқа қәбилиләр уларниң һәрикәтлирини натоғра чүшинип қалған. Уларни исиянчи болуп қалди дәп ойлап, уларға қарши чиқмақчи болған. Кейин ениқ болғандәк, бу қурбангаһ қурбанлиқ әкелиш үчүн ясалмиған еди.
w08 15/11 18-б., 5-абз.
«Течлиқпәрвәр болушқа интилиңлар»
Әйипләнгән қәбилиләр Йәһва Худаға хизмәт қилиш нийити болғанлиғини ейтип, мулайимлиқ билән җавап бәргән. Инкаси уларниң Худа билән болған мунасивитиниму, һаятиниму сақлап қалған. Силиқ-сипайә муһакимә қилиш арқилиқ бу чүшәнмәслик ениқ болуп, тинчлиқ орнитилинған.
Роһий гөһәрләрни издәйли
it «Қанан»
Қанан
Қананлиқларниң җәң һарвулири, униң ичидә күчлүк төмүр җәң һарвулири күчлигирәк болсиму, исраиларниң бәзи районларни егиләвалмиғанлиғи үчүн Йәһва Худани әйипләшкә болмайду вә бу Худа вәдисини орунлимиғанлиғини билдүрмәйду (Йшу 17:16—18; Һк 4:13). Исраилларниң бәзи вақитларда йеңилип қелиши уларниң садақәтсизлигидин болған.
15—21 НОЯБРЬ
ХУДА СӨЗИДИКИ ҒӘЗНӘ | ЙӘШУА 23, 24
«Йәшуаниң хәлиққә ейтқан ахирқи нәсиһити»
it «Иттипақ»
Иттипақ
Исраиллар шундақ хәлиқләр билән нека қийишқа болмайдиғанлиғи тоғрилиқ алаһидә агаһландурулған. Бундақ некалар сәвәвидин уларға пәқәт бутқа чоқунидиған аяллар биләнла әмәс, бутқа чоқунидиған уруқ-туққанлири билән йеқин арилишиш вә уларниң ялған диний урп-адәтлиригә қатнишишиға тоғра келәтти. Бу улар үчүн тузақ болуп, Йәһва Худадин тенип кетишигә түрткә болатти (Қ.ш 7:2—4; Чқ 34:16; Йшу 23:12, 13).
w07 1/11 26-б.,19, 20-абз.
Йәһва Худаниң сөзи һәргиз ялған болмайду
19 Йәһва Худаниң вәдиси бәлгүләнгән вақитта чоқум орунлиниду.
Роһий гөһәрләрни издәйли
w04 1/12 12-б., 1-абз.
Йәшуа китавидики пайдилиқ ой-пикирләр
Тәраһ Ур шәһиридә атақлиқ худа Сино намлиқ ай илаһиға чоқунған болуши мүмкин. Йәһудийларниң әнъәниси бойичә, Тәраһ һәтта бут ясиғучи болған болуши мүмкин.
22—28 НОЯБРЬ
ХУДА СӨЗИДИКИ ҒӘЗНӘ | ҺАКИМЛАР 1—3
«Җасарәт вә тапқурлуқ тоғрилиқ һекайә»
w04 15/3 31-б., 3-абз.
Еһуд залимларниң боюнтуруғини сундурған
Еһудниң утуғи униң қабилийитигә яки дүшмәнләрниң әқилсизлигигә бағлиқ болмиған. Худаниң мәхсәтлири адәмләрниң амиллиридин бағлиқ әмәс. Худа уни қоллап-қувәтлигәнликтин, Еһуд утуққа еришкән. Чүнки у Худа хәлқини қутулдуруш үчүн һәрикәт қилған. Бу Худаниң ирадисигә мас болған. Еһудни әвәткән Йәһва Худаниң Өзи еди, чүнки «Йәһва уларға һаким-сотчиларни турғузғанда» У Өзи һөкүмран болған еди (Һакимлар 2:18; 3:15).
w04 15/3 30-б., 1—3 абз.
Еһуд залимларниң боюнтуруғини сундурған
Әң авал Еһуд кийиминиң ичигә йошурувелишқа болидиғандәк, қош бислиқ қисқа «қилич» тәйярлавелиши керәк еди. Чүнки уни ақтуруп чиқиши мүмкин еди. Адәттә оңхай киши оң қоли билән қилични чаққан чиқиривелиши үчүн уни сол ямпичиға есип қоятти. Еһуд солхай болғанлиқтин, қиличини «оң ямпишиға есип, кийиминиң ичигә» йошурған. Падишаниң қаравуллири адәттә оң тәрәпни издимәтти. Шуңа у һечқандақ тосалғусиз «селиқни елип, Моаб падишаси Әглонниң алдиға барди» (Һакимлар 3:16, 17).
Муқәддәс китапта Еһуд Еглон падишаниң сарийиға кәлгәндә немә болғанлиғи тоғрилиқ тәпсилий йезилмиған. Муқәддәс китапта пәқәт мундақ йезилған: «Еһуд һәдийәләрни бәргәндин вә буларни әкиргән кишиләрни чиқиривәткән...» (Һакимлар 3:18). Еһуд селиқни берип болғандин кейин, уни елип кәлгәнләрни падишаниң сарийидин бехәтәр җайға апирип, уларни әвитивәткән. Өзи болса, падишаға Гилгалдики бутлардин қайтип келип, Еглонға: «Мениң сизгә, падиша, бир сирлиқ сөзүм бар»,— деди. Униң падишаниң алдиға қандақ киргәнлиги Муқәддәс китапта йезилмиған. Бәлким, күзәтчиләр Еһудқа һеч гуман билән қаримиғанду. Чүнки у ялғуз өзи исраиллиқ падишаға немә қилалайду дәп ойлиған болуши мүмкин. Йә болмиса, ялғуз кәлгинигә қарап, адәмлирини сетиветишкә кәлди дәп ойлиған болуши мүмкин. Қандақ вәзийәт болмисун, Еһуд Еглон падиша билән үзму үз көрүшүшни халап, ойини әмәлгә ашурған (Һакимлар 3:19).
Роһий гөһәрләрни издәйли
w05 15/1 24-б., 7-абз.
Һакимлар китавидики пайдилиқ ой-пикирләр
2:10—12. Йәһва Худаниң яхшилиқлирини унтумаслиғимиз үчүн Муқәддәс китапни дайим оқушимиз муһим (Зәбур 103:2). Ата-анилар балилириға Худа Сөзидики һәқиқәтни чин дили билән қобул қилишиға ярдәм бериши керәк (Қанун шәрһи 6:6—9).
29-НОЯБРЬ — 5-ДЕКАБРЬ
ХУДА СӨЗИДИКИ ҒӘЗНӘ | ҺАКИМЛАР 4, 5
«Йәһва Худа Өз хәлқини қутулдуруш үчүн икки аялни қолланған»
w15 1/8 13-б., 1-абз.
«Мән, Дебора, анидәк Исраилда»
Адәмләр орман вә тағларда йошурунуп, қорқуп титирәп һаят кәчүргәнлигини тәсәввур қилиш қийин әмәс. Улар қоршалмиған мәлиләрдә яшашқа, етизлирида ишләшкә қорққан. Балилирини оғурлап, аяллини зорлап кәтмәслиги үчүн очуқ йолға чиқиштин қорқатти.
w15 1/8 13-б., 2-абз.
«Мән, Дебора, анидәк Исраилда»
Бундақ қорқунучлуқ әһвал 20 жилғичә созулған. Йәһва Худа бу тәрса хәлиқниң өзгиришкә тәйяр екәнлигини көргәндә, Дебора, Исраилда анидәк болуп турған. Йәһва Худаниң буйруғи бойичә, Дебора аял пәйғәмбәр Барақни Сисериға қарши җәң қилишқа дәвәт қилған (Һакимлар 4:3, 6, 7; 5:7).
w15 1/8 15-б., 2-абз.
«Мән, Дебора, анидәк Исраилда»
Яел тез һәрикәт қилиши керәк еди. Сисерани дәм еливелиши үчүн өйигә чақирған. Сисера Яелға әгәр уни бирси издәп қалса, униң йошурунуватақлиғини һечкимгә ейтмаслиққа буйриған. Яел уни йотқан билән йепип қоюп, у су сориғанда униңға сүт қуюп бәргән. Кейин Сисера қаттиқ уйқуға кәтти. Шу чағда Яел қозуқ билән болқини алған. Шу замандики аяллар бу қуралларни интайин әплик қоллинатти. У жүригини қолиға елип, Сисераниң бешиға иңишип турған. Яел Йәһва Худаниң һөкүмини әмәлгә ашуруши керәк еди. Униң бир хата һәрикити уни һаятидин мәһрум қилатти. Шу вақитта бу аял немә тоғрилиқ ойлиған? Бу кишиниң Худа хәлқигә көп жиллар рәһимсиз бесим қилғанлиғи, йә болмиса, Йәһва Худа тәрәптә турушниң шан-шәриви тоғрилиқ ойлиғанму? Бу тоғрилиқ ениқ һечнәрсә билмәймиз. Бир билидиғинимиз — у батур һәрикәт қилип, Сисерани өлтүргән! (Һакимлар 4:18—21; 5:24—27).
Роһий гөһәрләрни издәйли
w05 15/1 25-б., 5-абз.
Һакимлар китавидики пайдилиқ ой-пикирләр
5:20: Барақ үчүн асмандин юлтузлар қандақ җәң қилған?
Бу тоғрилиқ Муқәддәс китапта ениқ йезилмиған. Униңға пәриштиләрн ярдәм қилған болуши яки бу Сисераниң данишмәнлири яманлиққа әкелидиған нәрсә дәп чүшәндүргән метеорит ямғури болуши мүмкин. Бу Сисераға берилгән астрологиялик ялған пәйғәмбәрлик болушиму еһтимал. Қандақ болмисиму, Бараққа Худаниң қандақту бир йол билән ярдәм бәргәнлигигә гуман қилмисақ болиду.
6—12 ДЕКАБРЬ
ХУДА СӨЗИДИКИ ҒӘЗНӘ | ҺАКИМЛАР 6, 7
«Сән пүтүн күчүң билән маңғин»
w02 15/2 6, 7-б.
Худаниң принциплири сиз үчүн пайдилиқ
Гидеон өзигә тәңпуң көзқарашни сақлиған вә өзи тоғрилиқ жуқури ойда болмиған. У Исраил хәлқиниң башчиси болуп, сотчи болушни көзлимигән. Гидеон мошу хизмәткә тайинланған вақитта, өзини лайиқсиз һис қилип: «Мениң нәслим Манасә қәбилиси арисида әң гадай вә мәнму атамниң өйидә кәнҗимән»,— дәп ейтқан (Һакимлар 6:12—16).
w05 15/7 16-б., 3-абз.
«Йәһваниң һәм Гидеонниң қиличи!»
Җим-җитлиқ түнни вараң-чуруң бузди. 300 комзәк күкүм-талқан болуп, 300 канайлар челинип, 300 әр кишиниң қаттиқ авази йәрни ярди. Асасән «Йәһваниң һәм Гидеонниң қиличи» дегән сөзләр мидианлиқларни қорқутуп вараң-чуруң техиму көтирилди. Шундақ қалаймиқанчилиқта кимниң дост, кимниң дүшмән екәнлиги билинмәй қалди. Баяқи 300 киши канай челип турғанда, Йәһва дүшмәнлирини бир-биригә қарши қоюп, улар өз-ара соқушушқа башлиди. Ахири дүшмәнниң қараргаһи күкүм-талқан болди, исраиллар қачқанларниң йолиға тосалғу қоюп, кәйнидин тохтимай қоғлиғанлиқтин, мидианлиқлар пүтүнләй өлтүрүлди. Шундақ узаққа созулған рәһимсиз җәң ахириға кәлди (Һакимлар 7:19—25; 8:10—12, 28).
Роһий гөһәрләрни издәйли
w05 15/1 26-б., 6-абз.
Һакимлар китавидики пайдилиқ ой-пикирләр
6:25—27: Гидеон дүшмәнлирини тәриктүрмәй, әқил-парасәт көрсәтти.
Бизму вәз қилғанда, сөзлиримиз билән адәмләрни бекардин бекар териктүрмәслигимиз керәк.
13—19 ДЕКАБРЬ
ХУДА СӨЗИДИКИ ҒӘЗНӘ | ҺАКИМЛАР 8, 9
«Тәкәббур болмай, кәмтәр болуң»
w00 15/8 25-б., 3-абз.
Чүшәнмәсликләрни қандақ һәл қилисиз?
Гидеон шундақ еғир бесиқлиқ билән ойлинип сөзлигәнликтин, қәбилиләрниң арисидики җедәлниң алдини алған. Әпраимлиқлар интайин тәккәбур вә мәнмән болған болуши мүмкин. Шуниңға қаримастин, Гидеон улар билән инақлиқни сақлап қалди. Сизму шундақ қилаламсиз?
w17.01 18-б., 15-абз.
Кичик пеиллиқ өз әһмийитини йоқатмиди
15 Гидон кичик пеиллиқниң әҗайип үлгисини қалдурған. Йәһва униңға Исраил хәлқини мидиянлиқларниң қолидин қутқузушқа тапшурғанда, у: «Ханиданим болса Манассәниң ичидә һәммидин пәс болуп, өзәм болсам, атамниң өйидә һәммидин кичиги мән әмәсму»,— дәп җавап қайтурди (Һакимлар 6:15). Буниңға қаримастин, у Йәһваға тайинип, бу тапшуруқни орунлашқа келишиду. Гидон Йәһва униңдин немә тәләп қилидиғанлиғини тоғра чүшинидиғанлиғиға көз йәткүзди вә рәһбәрлик сорап, дуа қилди (Һакимлар 6:36—40). Гидон күчлүк вә җүръәтлик адәм болуп, шундақла дана вә еһтиятчан еди (Һакимлар 6:11, 27). Адәмләр уни падиша қилишқа халиғанда, у бу тәклипни рәт қилди. Йәһваниң тапшуруғини орунлиғандин кейин, у өйигә қайтти (Һакимлар 8:22, 23, 29).
w08 15/2 9-б., 9-абз.
Йәһва Худаниң йолида меңиң
9 Худаниң дости болуш үчүн кәмтәр болушимиз керәк (Пет. 1-х. 3:8; Зәб. 138:6). Кәмтәр болушниң муһимлиғи Һакимлар китавиниң 9-бабида тәкитләнгән. Гидеонниң оғли Йотам мундақ ейтқан: «Бир заманда дәрәқләр өз үстидин падишани майлап қоюпту вә зәйтун дәриғигә: “Бизниң үстимиздин падишалиқ қилғин”,— дәпту». Бу мисалдики зәйтүн дәриғи, әнҗир вә үзүм башқа исраилларниң үстидин һөкүмранлиқ қилишқа интилмиған лайиқ адәмләрни тәсвирләйду. Бирақ пәқәт отунға лайиқ болидиған тикәнлик чатқал болса, тәкәббур, рәһимсиз вә һөкүмранлиқ қилишқа хумар болған Абимәләкни тәсвирләйду. У гәрчә «Исраил үстидин үч жил һөкүмранлиқ қилған» болсиму, уни вақитсиз вә шәрмәндилик өлүм күткән еди (Һак. 9:8—15, 22, 50—54). Демәк, кәмтәр болуш наһайити муһим!
Роһий гөһәрләрни издәйли
it «Ефод»
Ефод
Муқәддәс китапта Гидеон өзи қилған ефодқа сәҗдә қилғанлиғи йезилмиған. Әксичә, әлчи Паул Гидеонни қедимдики садақәтмән хизмәтчиләрдин ибарәт болған «йоған булут» гувачиларниң арисида тилға алған (Иб 11:32; 12:1).
20—26 ДЕКАБРЬ
ХУДА СӨЗИДИКИ ҒӘЗНӘ | ҺАКИМЛАР 10—12
«Йиптаһ үчүн Йәһваниң ойи әң муһим болған»
w16.04 7-б., 9-абз.
Йәһва Худа садиқ кишиләрни лайиқ көриду
9 Бәлким, Йиптаһқа Йүсүпниң үлгиси тәсир қилғанду. Акилири Йүсүпни өч көрүп кәткән болсиму, у уларға меһрибанлиқ көрсәткән (Ярит. 37:4; 45:4, 5). Шундақ үлгиләр тоғрилиқ чоңқур ойлиғанлиғи Йиптаһқа Йәһваниң көз алдида тоғра һәрикәт қилишқа ярдәм бәргән. Қериндашлириниң қилған ишлири Йиптаһниң жүригигә қаттиқ тәккән болсиму, у Йәһваға вә Униң хәлқигә хизмәт қилишни тохтатмиған (Һак. 11:9). Йиптаһ үчүн Йәһва Худаниң исмини қоғдаш һәрқандақ җедәлдин муһимирақ болған. Униң Йәһваға болған садақәтмәнлиги өзигиму һәм башқиларғиму пайда әкәлгән (Ибр. 11:32, 33).
it «Йиптаһ»
Йиптаһ
Йиптаһ өзиниң җәң қилишнила билидиған надан адәм әмәс, Худа хәлқиниң тарихини яхши билидиған адәм екәнлигини көрсәткән. У аммонлуқларниң ейтқан сөзлирини йоққа чиқарған вә төвәндики дәлил-испатларни кәлтүргән: 1) Исраил хәлқи Аммон, Моаб вә Едомға һуҗум қилмиған (Һк 11:14—18; Қ.ш 2:9, 19, 37; Т2я 20:10, 11); 2) Исраиллар бу йәрни бесивалған чағда, у аммонлуқларниң әмәс, аморийларниң егилигидә болған. Худа аморийларниң падишаси Сигонни вә униң зиминини исраилларға бәргән; 3) Исраиллар бу йәрдә 300 жил турған вә аммонлуқлар бу жиллар давамида шу йәрни тартивелишқа тиришмиған (Һк 11:19—27).
it «Йиптаһ»
Йиптаһ
Исраилларға бу йәрни Йәһва Худа бәргәнликтин, Йиптаһ сахта илаһларға ибадәт қилидиған адәмләргә бу йәр берилмәйдиғанлиғини ейтқан. Йиптаһ аммонлуқларниң худаси Хамосни атиғанлиқниң сәвәви, амонлуқлар башқа хәлиқләрни беқиндурушқа вә йәрләрни егиләвелишқа Хамос ярдәм қилди дәп ишәнгән.
Роһий гөһәрләрни издәйли
it «Йиптаһ»
Йиптаһ
Раһаб Салмунға турмушқа чиқишниң алдида паһишә аял болғандәк, Йиптаһниң анисиму Гилиадқа турмушқа чиқмай туруп, паһишә аял болған (Һк 11:1; Йшу 2:1; Мт 1:5). Йиптаһ некасиз туғулған болса, Гилиадниң биринчи аялидин туғулған оғуллири Йиптаһ мирасқа егә болиду дәп қорқуп, уни қоғлап чиқиривәтмәтти (Һк 11:2). Кейинирәк Гилиадниң турғунлири уни рәһбири болуп тәйинлигән (Йиптаһниң акилири абройлуқ болған охшайду) (Һк 11:11). Шундақла Йиптаһ муқәддәс чедирда Худаға қурбанлиқ әкәлгән (Һк 11:30, 31). Әгәр Йиптаһ некасиз туғулған болса, буниң һәммиси мүмкин болмас еди, чүнки Тәврат қанунида мундақ дәп йезилған: «Паһишәниң оғли Йәһваниң җәмийитигә кирмәйду, һәтта онинчи әвлаттиму у Йәһваниң җәмийитигә кирәлмәйду» (Қ.ш 23:2).
27-ДЕКАБРЬ — 2-ЯНВАРЬ
ХУДА СӨЗИДИКИ ҒӘЗНӘ | ҺАКИМЛАР 13, 14
«Ата-анилар Маной вә униң аялидин немини үгинәләйду?»
w13 15/8 16-б., 1-абз.
Ата-анилар, балилириңларни кичигидин тәрбийиләңлар
Маной билән униң аяли балисини қандақ тоғра тәрбийләш керәклиги тоғрилиқ әнсиригән. Улар балиси Шимшонни Худаниң қанунлириға үгәткәнлиги сөзсиз. Уларниң тиришчанлиғи утуқлуқ болғанлиғини билимиз. Көп өтмәй Худаниң роһи Шимшонға тәсир қилишқа башлиған. Нәтиҗисидә у Исраилда сотчи болуп, көп әҗайип ишларни қилған (Һак. 13:25; 14:5, 6; 15:14, 15).
w05 15/3 25, 26-б.
Йәһваниң күчи билән Шимшон дүшмәнләрни йәңгән!
Шимшонниң ата-аниси униң өтүнүшини аңлиғанда, қанчилик һәйран болғанлиғини тәсәввур қилип көрүң. Исраил хәлқини дүшмәнлириниң қолидин қутулдурушниң орниға, у улар билән уруқ-туққан болғуси кәлгән. Ялған илаһларға сәҗдә қилидиған адәмләр билән нека қийиш Тәврат қануниға зит келәтти (Чиқиш 34:11—16). Шимшонниң ата-аниси буниңға қарши чиққан еди.
Роһий гөһәрләрни издәйли
w05 15/3 26-б., 1-абз.
Йәһваниң күчи билән Шимшон дүшмәнләрни йәңгән!
Бир китапта йезилғандәк, «Шимшон бу аялға чирайлиқ вә келишкән дәп әмәс, бәлгүлүк бир мәхситини орунлашқа лайиқ дәп қариған». У қандақ мәхсәт болған? Һакимлар 14:4тә йезилғандәк, Шимшон филистийәликләрдин өч елиш амалини издигән. Дәл бу аял униң мәхситигә тоғра кәлгән. Шимшон чоң болғанда «Йәһваниң роһи... униңда һәрикәт қилди» (Һакимлар 13:25). Шуңа бу қизни аяллиққа елишни сориғанлиғи муқәддәс роһниң тәсири болған.