«Һаятимиз вә хизмитимиз. Иш дәптири» үчүн мәлумат мәнбәлири
3—9 ЯНВАРЬ
ХУДА СӨЗИДИКИ ҒӘЗНӘ | ҺАКИМЛАР 15, 16
«Сатқун болуш — нәпрәтлик иш»
w12 15/4 8-б., 4-абз.
Сатқунлуқ — ахирқи күнләрниң бәлгүси
4 Бәлким, филистинлиқ бәш падиша Диләйланиң Шимшонни чин жүрәктин яхши көрмигәнлигини билгән. Шуңа, Шимшонни өлтүрүш үчүн улар Диләйлаға униң алаһидә күчиниң сәвәвини ейтип бериши үчүн көп пул беришни вәдә қилған. Пулни яхши көргән Диләйла уларниң сөзигә кирип, Шимшонни үч қетим алдап униң сирини биливалмақчи болсиму, мәхситигә йетәлмигән. Кейин у «һәр күни уни сөзлири билән қийниди», ахири Шимшонни «өлгичә зериктүрди». Шуңа Шимшон униңға чечиниң һечқачан кесилмигәнлигини вә уларни кесивәтсә, у күчидин айрилидиғанлиғини ейтип бәргән. Буни билип, Диләйла униң қучиғида ухлап қалған Шимшонниң чечини кәстүрүп, кейин уни дүшмләнлириниң қолиға тапшурған (Һак. 16:4, 5, 15—21). Бу немә дегән вапасизлиқ болған дәңа! Ачкөз болғанлиқтин, Диләйла уни яхши көргән кишини сетивәткән.
w05 15/1 27-б., 3-абз.
Һакимлар китавидики пайдилиқ ой-пикирләр
14:16, 17; 16:16. Жиғлаш вә котулдап безар қилиш арқилиқ бесим көрситиш мунасивәтни вәйран қилиши мүмкин (Пәнд-нәсиһәтләр 19:13; 21:19).
w12 15/4 11, 12-б., 15, 16-абз.
Сатқунлуқ — ахирқи күнләрниң бәлгүси
15 Әр-аял яшанғансири бир-биригә һәм җисманий, һәм һис-туйғу тәрәптин көңүл бөлүши интайин муһим. Бу дегинимиз, бир-биригә диққәтлик болуши, бир-бири билән вақит өткүзүши вә бир-биригә йеқинлишиши керәк. Уларниң асасий мәхсити некасини вә Йәһва Худа билән болған мунасивитини сақлап қелиш болуши лазим. Буниң үчүн улар Муқәддәс китапни биллә оқуши, пат-пат биллә вәз қилиши вә Йәһвадин бәрикәт сорап биллә дуа қилиши керәк.
ЙӘҺВА ХУДАҒА САДИҚ БОЛУП ҚЕЛИҢ
16 Җамаәттә еғир гуна қилған вә етиқатта сағлам болуши үчүн җиддий нәсиһәт алған қериндашлар бар (Тит. 1:13). Уларниң бәзилирини җамаәттин чиқиришқа тоғра кәлди. Бу түзитишни қобул қилғанларға Йәһва Худа билән мунасивитини әксигә кәлтүрүшкә ярдәм бәрди (Ибр. 12:11). Бирақ бизниң достумиз яки туққинимиз җамаәттин чиқирилған болсичу? Шу чағда биз адәмгә садиқ болумизму яки Худаға садиқ болумизму? Йәһва Худа бизниң җамаәттин чиқирилған кишиләр билән арилашмаңлар дегән буйруқни қандақ орунлаватқанлиғимизға нәзәр салиду (Коринтлиқларға 1-хәт 5:11—13ни оқуң).
Роһий гөһәрләрни издәйли
w05 15/3 27-б., 6-абз.
Йәһваниң күчи билән Шимшон дүшмәнлирини йәңгән
Шимшон өзиниң асасий мәхситини есидә тутқан. У филистинлиқлар билән күришиши керәк еди. У Газадики паһишә аялниң өйигә Худаниң дүшмәнлиридин өч елиш үчүнла барған. Шимшон шу шәһәрдә қонидиған бир җай издигән вә паһишә аялниң өйи қолайлиқ еди. Йерим кечидә у туруп, шәһәр дәрвазилирини ян яғачлири һәм тақақлири билән суғирип елип, 60 километр жирақлиқта болған Һибронниң қешидики тағниң үстигә елип чиққан. Йәһва Худа униңға йетәкчилик қилип, күч бәргән (Һакимлар 16:1—3).
10—16 ЯНВАРЬ
ХУДА СӨЗИДИКИ ҒӘЗНӘ | ҺАКИМЛАР 17—19
«Худаға бойсунмаслиқ чоң қийинчилиқларға елип келиду»
it «Миха»
Миха
Миханиң өйидә «илаһларниң өйи» болған вә у ефодни вә терафимни ясап, оғуллириниң бирини роһаний болуши үчүн майлиған. Миха шундақ һәрикити билән Йәһваға һөрмәт көрсәткәндәк көрүнсиму, у қанунни бузған. Чүнки Тәврат қанунида бутларға сәҗдә қилиш мәнъий қилинған (Чқ 20:4—6). Шундақла бу һәрикити билән Миха Йәһваниң муқәддәс чедириға вә роһанийлиққа һөрмәтсизлик көрсәткән (Һк 17:1—6; Қ.ш 12:1—14). Кейинирәк Миха Мусаниң әвлади, Гирсонниң оғли Йонатанни өйигә елип, бу яш лавийни роһаний қилған (Һк 18:4, 30). Өз-өзини алдап жүргән Миха өзигә рази болуп мундақ деди: «Әнди шуни билимәнки, Йәһва маңа яхшилиқ қилиду, чүнки ләвий мәндә роһаний болуватиду» (Һк 17:7—13). Бирақ Йонатан Һарунниң әвлади болмиғачқа, униң роһаний болушқа һоқуқи йоқ еди. Уни роһаний қилған Миха техиму чоң хаталиқ қилған (Сн 3:10).
it «Миха»
Миха
Данлиқлар Лахишқа келип, униңда яшаватқан хәлиқни қилич билән өлтүрүп, шәһәргә от қоювәтти. Лахишниң орниға улар йеңи шәһәрни соқуп, Дан дәп атиған. Дан қәбилисидә Йонатан вә униң оғуллири роһанийлар болған. «Улар Миха ясиған бутни өзидә тутуп, униңға чоқунди. Һәтта мошу вақитта Шилода һәқиқий Худаниң өйи болған еди» (Һк 18:27—31).
Роһий гөһәрләрни издәйли
w15 15/12 10-б., 6-абз.
Худа Сөзиниң чүшинишлик тәрҗимиси
6 2013-жилниң «Йеңи дуния тәрҗимисидә» Худаниң исми 7216 қетим учрайду. Бу 1984-жилниң тәрҗимисигә қариғанда, 6 һәссә артуқ. Алтә айәттә, Самуилниң 1-язмиси 2:25; 6:3; 10:26; 23:14, 16дә Худаниң исми қошулған. Чүнки Өлүк деңиз орам язмилирида бу айәтләрдә Худаниң исми учрайду. Бу орам язмилар ибраний масорет текстқа қариғанда 1000 жил бурун йезилған. Шундақла қедимий орам язмиларни пухта тәтқиқ қилишниң нәтиҗисидә Һакимлар 19:18дә Худаниң исми өз җайиға қоюлди.
17—23 ЯНВАРЬ
ХУДА СӨЗИДИКИ ҒӘЗНӘ | ҺАКИМЛАР 20, 21
«Йәһвадин дайим йетәкчилик сораң»
w11 15/9 32-б., 2-абз.
Қийин вәзийәткә учриғанда, Пинехастин үлгә елиң
Бениамин қәбилисидин болған Гиба турғунлири бир лавий кишиниң кенизигини зорлап хорлиғандин кейин, башқа қәбилиләр Бениаминға қарши чиқмақчи болған (Һак. 20:1—11). Уруш башлашниң алдида улар Йәһвадин ярдәм сориған, бирақ икки қетим йеңилип қелип көп исраиллар һалак болған (Һак. 20:14—25).
w11 15/9 32-б., 4-абз.
Қийин вәзийәткә учриғанда, Пинехастин үлгә елиң
Ақсақалларниң тиришчанлиғиға вә дуа қилип Йәһвадин ярдәм сориғанлиғиға қаримастин, җамаәттики бәзи қийинчилиқлар һәл қилинмаслиғи мүмкин. Уларниң өтүнүшлири җавапсиз қалғандәк көрүнсиму, Йәһва Худа өз вақтида уларниң дуалириға җавап бериду.
Роһий гөһәрләрни издәйли
w14 1/5 11-б., 5, 6-абз.
Сиз биләмсиз?
Салға қедимий замандики мисирлиқ вә ассириялик рәсимләрдә учрайду. Бу қурал-ярақ теридин яки рәхттин ясалған, оттурисида халтиси бар пота яки ағамча болған. Җәңчи салғиниң халтисиға салмиғи тәхминән 250 г, узунлиғи 5—7,5 см ташни селип, салғини бешидин айландуруп, потиниң бир учини қоюветәтти. Шу чағда ичидики таш бар күчи билән дәл нишанға тегәтти.
Оттура шәриқтә өткүзүлгән археологиялик тәтқиқатларда қедимдики урушларда ишлитилгән көп салғилар тепилған. Учуватқан ташниң илдамлиғи саатиға 160—240 км болған екән. Бу қурал-ярақ оқияға охшаш болған-болмиғанлиғи тоғрилиқ тәтқиқатчиларниң пикри һәрхил, бирақ у интайин күчлүк қурал болғанлиғиға гуман йоқ (Һакимлар 20:16).
24—30 ЯНВАРЬ
ХУДА СӨЗИДИКИ ҒӘЗНӘ | РУТ 1, 2
«Һәқиқий меһир-муһәббәтни көрситиң»
w16.02 14-б., 5-абз.
Йәһваниң достлиридин үлгә елиң
5 Моабта Рутниң аилиси, аписи вә башқа туққанлири қалған. Улар Рутни өйигә елип, униңға ғәмхорлуқ қилалатти. Рут бу тоғрилиқ ойлиғанду. У Моабта чоң болған вә у йәрдики һәммә нәрсә: тили, мәдәнийити, хәлқи, униңға тонуш еди. Бәйтләһәмдә болса, һәммиси башқичә болған. Шу сәвәптин, Наоми Рутқа өйигә қайтишини ейтқан. Наоми Рутқа турмушқа чиқишқа ярдәм берәлмәймән дәп қорққан еди.
w16.02 14-б., 6-абз.
Йәһваниң достлиридин үлгә елиң
6 Рут меһир-муһәббәт вә ибадәткә пәқәт Йәһва Худа лайиқ екәнлигини яхши билгән. Амма буни билипла қоюш йетәрлик әмәс. Йәһва Худа униң Худаси боламду? Рут таллиши керәк еди вә у тоғра қарар чиқарған. У Наомиға мундақ дегән: «Сизниң хәлқиңиз мениң хәлқим болиду һәм сизниң Илаһиңиз мениң Илаһим болиду!» (Рут 1:16) Рутниң Наомиға болған меһир-муһәббити бизни һәйран қалдуриду, бирақ униң Йәһва Худаға болған меһир-муһәббити техиму диққәткә сазавәр. Кейин Боаз Рутни Йәһваниң қанити астида паналиқ издигәнлиги үчүн махтиған (Рут 2:12ни оқуң). Бу сөзләр ғәмхорчан вә күчлүк ата-анисидин пана издәйдиған кичик қушқачни әслитиду (Зәб. 36:7; 91:1—4). Йәһва Рут үчүн дәл шундақ ата болған. У Рутни етиқади үчүн бәрикәтлигән вә Рут өзиниң чиқарған қарариға һечқачан пушайман қилмиған.
Роһий гөһәрләрни издәйли
w05 1/3 27-б., 1-абз.
Рут китавидики пайдилиқ ой-пикирләр
1:13, 21: Йәһва Худа растинла Наоминиң һаятини қийинлаштурғанму? Яқ, Наоми Худани әйиплимигән. Амма у болған вәқиәләр тоғрилиқ чоңқур ойлинип, Йәһва Худа униңға қарши чиқти дегән хуласигә кәлгән. У үмитини үзгән вә көңли бәк йерим болған. Қедимда бала көрүш Худаниң бәрикити, туғмаслиқ болса ләнәт дәп һесаплинатти. Шу сәвәптин, оғуллиридин айрилип, нәврә көрмигән Наоми буниң һәммиси Худадин кәлгән дәп ойлиған.
31-ЯНВАРЬ—6-ФЕВРАЛЬ
ХУДА СӨЗИДИКИ ҒӘЗНӘ | РУТ 3, 4
«Яхши нам-абройға еришип, уни сақлап қелиң»
w12 1/10 22-б., 5-абз.
«Лайиқ аял»
Рутниң Наоми билән Исраилға келишни қарар қилип, униңға ғәмхорлуқ қилиши «авалқи яхши иши» болған. «Ахирқи яхши иши» болса, һазир қилған һәрикити. Рут яш болған, шуңа бай болсун, гадай болсун яш жигиткә оңайла турмушқа чиқалатти. Амма Рут Наомиға ғәмхорлуқ қилипла қоймай, өлүп кәткән йолдишиниң исмини несивидә сақлап қелишни халиған.
w12 1/10 23-б., 1-абз.
«Лайиқ аял»
Рут Йәһвани тонуп-билип, Униңға хизмәт қилишқа тиришқанлиқтин, шундақ атақ-абройға егә болған. Шундақла у Наомиға алаһидә меһрибанлиқ билән көйүмчанлиқ көрситип, униң хәлқини яхши көргән. Рут униңға натонуш болған урп-адәтләрни қобул қилған. Бу аялдин үлгә алсақ, бизму башқиларға меһир-шәпқәт көрситип, уларниң урп-адәтлирини һөрмәтләймиз. Шу чағда биз яхши нам-абройға егә болалаймиз.
w12 1/10 24-б., 3-абз.
«Лайиқ аял»
Боаз Рутқа өйләнгән. Муқәддәс китапта мундақ дәп йезилған: «Йәһва уни һамилдар қилип , Рут оғул туғди». Аяллар Наоминиң хошаллиғиға ортақлишип: «Йәттә оғулдин артуқ келиниң туғуп бәрди»,— дәп Рутни махтиған. Рутниң оғли Давут падишаниң әҗдади болған (Рут 4:11—22). Давут болса, Әйса Мәсиһниң әҗдади болған (Мәтта 1:1).
Роһий гөһәрләрни издәйли
w05 1/3 29-б., 3-абз.
Рут китавидики пайдилиқ ой-пикирләр
Әгәр гадайлишип кәткән киши өз мирасини сетивәтсә, униң туққини мирасни қайта сетивелиши керәк еди. У Азатлиқ жилиғичә қалған жиллар үчүн баһани төлиши керәк болған (Лавийлар 25:25—27). Шундақ қилип туққининиң мирасини сетивалған киши өз мирасиниң қандақту бир бөлигидин айрилатти. Әгәр Рут оғул туғса, қайта сетивалған етизни Рутниң оғли мирас қилатти.
7—13 ФЕВРАЛЬ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 1, 2
«Йәһваға дуа қилип, ич-бағриңларни төкүңлар»
ia 55-б., 12-абз.
У дуа қилип Йәһваға дәрдини төкти
12 Һанна қандақ дуа қилишқа мунасивәтлик Худаниң һәммә хизмәтчилиригә үлгә қалдурди. Балиси көйүмчан ата-анисиға ич бағрини төкүп һәммини дәп бериду. Йәһва Худа бизниң шундақ дуа қилишимизни халайду (Зәбур 62:8; Салоникилиқларға 1-хәт 5:17ни оқуң). Әлчи Петрус муқәддәс роһниң йетәкчилиги билән мундақ дегән: «Пүткүл ғәм-тәшвишлириңларни Униңға тапшуруңлар, чүнки У [Худа] силәргә ғәмхорлуқ қилмақта» (Пет. 1-х. 5:7).
w07 15/3 16-б., 4-абз.
Һаннаниң көңли теч болди
Биз Йәһва Худаға дуа қилип ғәм-тәшвишлиримизни ейтқанда, ичимиздики дәрдимизни вә һис-туйғилиримизни ейтип ярдәм соралаймиз. Қийинчилиғимиз һәл қилиниши үчүн қолумизниң кәлгиничә һәммини қилғандин кейин, мәсилимизни Худаға тапшуришимиз керәк. Шундақ қийин вәзийәтләрдә Худаға тайиниш әң тоғра иш болиду (Пәнд-нәсиһәтләр 3:5, 6).
Роһий гөһәрләрни издәйли
w05 15/3 21-б., 5-абз.
Самуилниң 1-язмиси китавидики пайдилиқ ой-пикирләр
Тәврат қанунида исраилларда падиша болидиғанлиғи алдин-ала йезилған (Қанун шәрһи 17:14—18). Яқуп өлүминиң алдида мундақ дәп ейтқан: «Һәм шуниңға хәлиқләр беқиниду» (Яритилиш 49:10). Шундақла Исраил хәлқиниң аниси болған Сарә тоғрилиқ Йәһва мундақ дегән: «Хәлиқләрниң падишалириму униңдин чиқиду» (Яритилиш 17:16). Шуңа Һанна келәчәктики падиша тоғрилиқ дуа қилған дәп ейтсақ болиду.
14—20 ФЕВРАЛЬ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 3—5
«Йәһва Худа көйүмчан вә һис-туйғулиримизға көңүл бөлиду»
w18.09 22-б., 3-абз.
Һәммигә Қадир Худа һис-туйғулиримизни чүшиниду
3 Самуил Муқәддәс чедирда кичик чеғидин башлап хизмәт қилған (Самуилниң 1-язмиси 3:1). Бир күни ахшими алаһидә бир иш йүз бәргән (Изаһәткә қараң.) (Самуилниң 1-язмиси 3:2—10ни оқуң). Самуил бирсиниң униң исмини атап чақирғанлиғини аңлиған. У яшанған алий роһаний Ели чақириватиду дәп ойлап қалған. Шуңа у сәкрәп туруп, Елиниң йениға жүгрәп берип: «Мени чақирғандиңиз, мана мән!»— деди. Лекин Ели униңға: «Яқ, сени мән чақирмидим»,— дәп җавап бәргән. Бу вәзийәт йәнә икки қетим тәкрарланғанда, Ели Худаниң Өзи Самуилни чақирғанлиғини чүшәнгән. Шуңа у Самуилға қандақ җавап бериш керәклигини үгитиду вә Самуил униң гепигә кириду. Немә үчүн Йәһва Самуилға Өзи сөзләватқанлиғини бирдин ейтмиған? Муқәддәс китапта бу һәққидә һечнемә йезилмиған. Амма Йәһва Самуилниң һис-туйғулириға көңүл бөлгәнликтин, шундақ қилған болуши мүмкин.
w18.09 22-б., 4-абз.
Һәммигә Қадир Худа һис-туйғулиримизни чүшиниду
4 Самуилниң 1-язмиси 3:11—18ни оқуң. Тәврат қануни бойичә, балилар чоңларни, болупму һоқуққа егә кишиләрни һөрмәтлиши керәк еди (Чиқиш 22:28; Лавийлар 19:32). Шуңа яш Самуилниң Елиға берип, Худаниң Елиға вә униң аилисигә қарши чиқарған һөкүмини ейтиш қанчилик қийин болғанлиғини тәсәввур қилип көрүң. Язмиларда Самуил көргән вәһийини Елиға ейтишқа қорққанлиғи йезилған. Лекин Йәһва Самуилни Өзи чақирғанлиғини Елиға ениқ көрсәткән. Ели Самуилниң униңдин һечнәрсини йошурмай, Худаниң һәммә сөзини ейтип беришини сориған. Самуил Елиға қулақ селип, «һәммә сөзни дәп бәрди».
Роһий гөһәрләрни издәйли
w05 15/3 21-б., 6-абз.
Самуилниң 1-язмиси китавидики пайдилиқ ой-пикирләр
3:3: Самуил һәқиқәтән Әң муқәддәс җайда ухлиғанму? Яқ. Самуил Қаав оғуллиридин чиққан лавий болған (Тарихнамә 1-язма 6:33—38). Шу сәвәптин, униңға Әң муқәддәс җайға йеқинлишишқа болматти (Санлар 4:17—20). Самуил пәқәт Муқәддәс чедирниң һойлисиға кирәләтти. У шу йәрдә ухлиған охшайду. «Йәһваниң сандуғи туридиған» җай Муқәддәс чедирни билдүргән болуши мүмкин.
21—27 ФЕВРАЛЬ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 6—8
«Сизниң Падишайиңиз ким?»
it «Худа Падишалиғи»
Худа Падишалиғи
Йәһва Худа Ибраһим билән Исһаққа падишаниң болидиғанлиғини вәдә қилғанлиғи раст. Шуңа исраиллар инсаний падишани күткән болуши керәк. Буниң башқиму дәлиллири бар. Мәсилән, Яқуп өлүминиң алдида Йәһуда тоғрилиқ ейтқан пәйғәмбәрлик сөзлири (Яр 49:8—10); Йәһваниң Мисирдин чиққан Исраил хәлқигә ейтқан сөзлири (Чқ 19:3—6); Тәврат қанунида ейтилған сөзләр (Қ.ш 17:14, 15); Худаниң рәһбәрлиги бойичә ейтилған Балаамниң сөзлири (Сн 24:2—7, 17). Самуилниң аписи Һаннаму дуа қилғанда падиша тоғрилиқ ейтқан (С1я 2:7—10). Бирақ шу вақитта Йәһва Худа Падишалиқ тоғрисида «муқәддәс сирини» техи ачмиған еди. Мәсилән, бу Падишалиқ қайси вақитта пәйда болидиғанлиғи, кимләрдин ибарәт болидиғанлиғи, асмандин яки йәрдин һөкүмранлиқ қилидиғанлиғи тоғрилиқ һечқандақ мәлумат болмиған. Шу сәвәптин, исраилларниң инсанлар арисидин падиша сориғанлиғи Йәһваға болған һөрмәтсизлик еди.
w11 1/1 27-б., 2-абз.
Униң көңли қалсиму, хизмәт қилишни тохтатмиған
Бу сөзләр Самуилға тәсәлли бәргәнлиги сөзсиз, лекин бу сөзләр Һәммигә Қадир Худани қанчилик хапа қилған болуши керәк дәңа! Йәһва Худа Самуил арқилиқ инсаний падишаниң болушини қандақ яман ақивәткә елип келидиғанлиғини агаһландурған. Лекин хәлиқ Самуилниң сөзигә қулақ салғуси қәлмиди һәм униңға: «Яқ, үстимиздин падиша болсун!»— деди (Самуилниң 1-язмиси 8:7—19).
w10 15/1 30-б., 9-абз.
Йәһваниң Падишалиғи ақланди!
9 Инсаний падишалар һөкүмранлиқ қилғанда, болупму падиша Йәһва Худаға вапасиз болғанда көп қийинчилиқлар пәйда болатти. Исраил падишалирини есимиздә тутуп, тарихқа көз ташлисақ, әсирләр бойи Йәһвани тонумайдиған падишаларниң һөкүмранлиғиниң яхши нәтиҗигә елип кәлмигәнлигини көрүмиз. Бәзи сәясәтчиләр течлиқ билән хатирҗәмликкә қол йәткүзүш үчүн Худадин ярдәм сорайду. Лекин Худа Униң һөкүмранлиғиға бойсунмайдиғанларға бәрикәт бәрмәйду (Зәб. 2:10—12).
Роһий гөһәрләрни издәйли
w02 1/4 12-б., 13-абз.
Чөмдүрүлүш мәрасимидин немә үчүн өтүш керәк?
13 Адәм чөмдүрүлүш мәрасимидин өтүп, Йәһва гувачиси болуштин авал “Худа йолиға қайтиши” керәк. “Худа йолиға қайтиш” дегинимиз, чин жүрәктин Әйса Мәсиһниң кәйнидин әгишишни қарар қилишни билдүриду. Шундақ кишиләр бурунқи натоғра ишлирини ташлап, Худаниң йоли билән жүрүшни қарар қилиду. Муқәддәс китапта «қайтиш» дегән ибраний вә грек пеилниң мәнаси «бурулуш» дегәнни билдүриду. Демәк, адәм Худаға бурулуп, яман йолини ташлайду (Падишалар 1-язма 8:33, 34). Бу һәрикәтни әмәлийәттә испатлаш керәк (Әлчиләр 26:20). Бу ялған ибадәттин баш тартип, Худаниң қанунлирини орунлап, Йәһва Худаға садақәтмәнликни көрситишни билдүриду (Қанун шәрһи 30:2, 8—10; Самуилниң 1-язмиси 7:3). Худа йолиға қайтқан киши миҗәз-хулқини, көзқарашини вә мәхсәтлирини өзгәртиду (Әзәкиял 18:31). У яман илләтлиридин айрилип, «йеңи шәхскә» өзгириду (Әлчиләр 3:19; Әфәсликләргә 4:20—24; Колосилиқларға 3:5—14).
28-ФЕВРАЛЬ—6-МАРТ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 9—11
«Саул бешида кичик пеил вә кәмтәр болған»
w20.08 10-б., 11-абз.
Йәһва Худаға кәмтәрлик билән хизмәт қилиң!
11 Падиша Шаулға немә болғанлиғини ойлап көрәйли. Дәсләптә у аддий-садда, өзиниң қабилийитиниң чәклик екәнлигини билидиған, һәтта көпирәк җавапкарлиқни өз бойниға елиштин иккилинип қалған кәмтәр жигит еди (Сам. 1-яз. 9:21; 10:20—22). У Падиша болғандин кейин узун өтмәй, һакавур болуп, өзиниң һоқуқи йоқ ишларға қол салған. Бир қетим у Самуил пәйғәмбәрни күткән чағда, сәвир-тақәтсизлик қилған. Хәлиққә ярдәм бериш үчүн кәмтәрлик билән Йәһва Худаға ишәнч қилишниң орниға, өзидә қурбанлиқ қилиш һоқуқи болмисиму, у өзи баш болуп қурбанлиқни сунған. Нәтиҗидә, у Худаниң яхши көрүши вә ахирида падишалиқтин айрилған (Сам. 1-яз. 13:8—14). Әгәр биз бу агаһландуруш мисалидин савақ алсақ вә һоқуқимиз йоқ ишларға қол тиқмисақ дана адәм болумиз.
w14 15/3 9-б., 8-абз.
Жан-пида болуш үчүн немә қилалаймиз?
8 Саул бешида кәмтәр вә кичик пеил болған (Сам. 1-яз. 9:21). Униң һөкүмранлиғини рәт қилған кишиләрни җазалисам, Худа бәргән һоқуқимни қоғдап тоғра иш қилимән дәп ойлимиған вә уларни җазалашни халимиған (Сам. 1-яз. 10:27). Саул падиша Худаниң башчилиғиға бойсунуп, аммонлуқларға қарши җәңдә Исраил хәлқини башқурған. Кейин кәмтәрлигини көрситип, ғәлибә қазанлиғанлиғи үчүн Йәһвани мәдһийилигән (Сам. 1-яз. 11:6, 11—13).
w95 15/12 10-б., 1-абз.
Аммонлуқлар — яхшилиқни яманлиқ билән қайтуридиған хәлиқ
Аммонлуқлар Йәһваниң уларға қилған яхшилиғи үчүн яманлиқ билән қайтурған. Йәһва Худа буниңға көз жуммиған. Наһашниң сөзлирини «аңлиғанда, Худаниң роһи Саулға чүшүп, униң ғәзиви қайниди». Саул Худаниң рәһбәрлиги бойичә һәрикәт қилип, 330000 әскәр жиғип, аммонлуқларға һуҗум қилип «улардин иккиси бир болған һечким қалмиди» (Самуилниң 1-язмиси 11:6, 11).
Роһий гөһәрләрни издәйли
w05 15/3 22-б., 8-абз.
Самуилниң 1-язмиси китавидики пайдилиқ ой-пикирләр
9:9: Бу айәттики «һазирқи пәйғәмбәр авал вәлий дәп атилатти» дегән сөзләрниң мәнаси немә? Бәлким, Самуил яшиған заманда вә падишалар һөкүмранлиқ қилған вақитта пәйғәмбәрләр муһим роль атқурған. «Вәлий» дегән сөз аста-аста «пәйғәмбәр» дегән сөзгә айланди. Самуил Исраилда биринчи пәйғәмбәр болған (Әлчиләр 3:24).