«Һаятимиз вә хизмитимиз. Иш дәптири» үчүн мәлумат мәнбәлири
7—13 МАРТ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 12, 13
«Һакавур адәм шәрмәндә болиду»
w00-U 1/8 13-б., 17-абз.
Тәкәббурлуқ шәрмәндиликкә елип келиду
17 Йәһва Худа Саулниң тәкәббур болғанлиқтин чидамсиз екәнлигини байқиған. Саул пүтүн Исраилниң падишаси болуп туруп, қери вә аранла маңидиған пәйғәмбәрни күтүшкә мәҗбур болғанлиғидин териккән болуши мүмкин. Саул мундақ дәп ойлиғанду: «Самуил кечикиватиду, шуңа һәммини өз қолумға елишқа һоқуқум бар». Буниң ақивети қандақ болған? Самуил Саулниң бу ишлири үчүн рази болмиған. Әксинчә, у униңға һөкүм чиқирип: «Сениң падишалиғиң туруп қалалмайду.... Сәвәви, сән Йәһва саңа бәргән әмирни сақлимидиң»,— дәп ейтқан (Самуилниң 1-язмиси 13:13, 14).
w07-U 15/6 27-б., 8-абз.
Йәһва Худа бойсунған кишиләрни қәдирләйду
8 Саул үчүн қурбанлиқ әкелиш бойсунуштин муһимирақ еди. Самуил пәйғәмбәр униңға: «Әқилсизлиқ қилипсән, сән Худайиң Йәһваниң саңа бәргән әмир-пәрманини сақлимапсән»,— дегән. Саул бойсунмиғанлиғи үчүн падишалиғидин айрилған (Самуилниң 1-язмиси 10:8; 13:5—13).
Роһий гөһәрләрни издәйли
w11-U 15/7 14-б., 15-абз.
Йәһва Худаниң меһрибанлиқ билән бәргән көрсәтмилиригә қулақ саламсиз?
15 Исраиллар Шәйтанниң ойлап чиқарған хам-хиялниң кәйнидин әгишип жүрүш хәтири астида болалатти. Падиша уларни бутпәрәсликкә йетәклиши мүмкин еди. Бутпәрәсләр көзгә көрүнмәйдиған тирик Худаға қариғанда, таштин яки яғачтин ясалған илаһларни һәқиқий вә тәврәнмәс дәп ойлиғанлири натоғра. Паул ейтқандәк, уларниң бутлири бир тийинға яримайду (Кор. 1-х. 8:4). Улар көрмәйду, аңлимайду вә һечнемә қилалмайду. Уларни көрүшкә вә тутушқа болиду, бирақ уларға ибадәт қилишниң һеч пайдиси йоқтур (Зәб. 115:4—8).
14—20 МАРТ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 14, 15
«Қулақ селиш қурбанлиқтин муһим»
w07-U 15/6 26-б., 4-абз.
Йәһва Худа бойсунған кишиләрни қәдирләйду
4 Йәһва Худа һәммини яратқанлиқтин, һәммә нәрсә Униңға тәәллуқ. Худаға берәләйдиған нәрсимиз — бу бизниң бойсунушимиз. Бизниң келип чиқишимиз вә әһвалимиз һәр түрлүк. Бирақ Йәһваға бойсунсақ, Шәйтанниң һечбир адәм синақларда Худаға садиқ болуп қалалмайду дегән әйивигә җавап берәләймиз. Бу немә дегән чоң шан-шәрәп!
it-U «Бойсунуш»
Бойсунуш
Бойсунушни һеч немигә авуштурушқа болмайду, униңсиз Худаниң разилиғиға егә болалмаймиз. Әгәр биз Йәһва Худаниң ейтқан сөзлиригә ишәнмисәк, Униңға бойсунмайдиған болимиз. Шуңа, Худаға бойсунмиғанлар җинкәшлик вә бутпәрәслик билән шуғулланғанлардин һеч пәрқи йоқ (С1я 15:23; Рм 6:16ни селиштуруң). Әгәр адәм Худаниң дегинидәк қилмай, көрсәтмилиригә бойсунмай, қуруқ еғиздила ейтса, у чағда у Худани һөрмәтлимәйдиғанлиғини вә Униңға ишәнч қилмиғанлиғини көрситиду (Мт 21:28—32). Пәқәт Худаниң Сөзини тиңшапла қоюп, бәлки униңға мас һәрикәт қилмиса, ундақ киши өзини алдап, Худаниң бәрикитидин айрилип қалиду (Яқ 1:22—25). Әйса ениқ көрсәткәндәк, әгәр һәтта адәм Худа халиған яхши ишларни қилип, лекин уни натоғра яки қара нийәт билән қилса, Худа ундақ кишини рәт қилип, Өз падишалиғиға киргүзмәйду (Мт 7:15—23).
Роһий гөһәрләрни издәйли
it-U «Ич ағритиш»
Ич ағритиш
Әгәр һәтта башқиларниң бесимидин рәһимлик көрситилгән болсиму, лекин у Худаниң ирадисигә қарши болса, буниң нәтиҗиси ечинарлиқ болуши мүмкин. Саулниң мисали буни ениқ көрситиду. Саулға охшаш гуна қилип, Худаниң мақулишидин айрилип қалмаслиқ үчүн, Йәһва Худаниң йоли тоғра екәнлигигә ишинишимиз лазим вә Униңға болған садақәтмәнлигимиз әң муһим болуши керәк.
21—27 МАРТ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 16, 17
«Бу җәң Йәһва Худаға тәәллуқ»
wp16.5-U 11-б., 2, 3-абз.
«Бу җәң Йәһва Худаға тәәллуқ»
Сиз Давутникигә охшаш ишәнчкә егә болғуңиз барму? Байқисиңиз, Давут қуруқ хам-хиял билән яшимиған. Униң ишәнчиси алған билими вә бешидин өткүзгән вақиәләргә асасланған. У Йәһваниң Қоғдиғучи вә Өз сөзидә Турғучи Худа екәнлигини билгән. Бизму ишәнчимизниң шундақ мәһкәм болушини халисақ, Муқәддәс китаптин билим елишимиз муһим. Алған билимни һаятимизда қолланған чағдила буниң пайдисини көрүп, ишәнчимиз мустәһкәм болидиғанлиғи шәк-шүбһисиз (Иб 11:1).
wp16.5-U 11-б., 8, 9-абз.
«Бу җәң Йәһва Худаға тәәллуқ»
Әлвәттә, Давут Ғолиятниң гусмустәк палван екәнлигини вә униң қурал-ярақлирини көргән. Лекин у униңдин қорқуп кәтмигән. Давут өзини Ғолият билән селиштурмиған. У Ғолиятни Йәһва Худа билән селиштурған. Бойи 3 метр қарғайдәк Ғолият һәммә әскәрлириниң бойидин егиз болған. Бирақ Аләмниң Яратқучиси билән селиштурғанда у ким шунчә? У Йәһва Худаниң алдида оңайла йәнчилип йоқ болидиған қуртқа охшиған.
wp16.5-U 12-б., 4-абз.
«Бу җәң Йәһва Худаға тәәллуқ»
Бәзидә бизниң қийинчилиқлиримиз йоған тағдәк болуп көрүнүши мүмкин, лекин күч-қудрити чәксиз Йәһва Худаниң йенида у қийинчилиқлиримиз кичиккинә болуп қалиду. Йәһва бизниң Худайимиз болса вә Давутқа охшаш Униңға ишәнсәк, һеч қандақ қийинчилиқ бизни йеңәлмәйду. Чүнки Йәһваниң күчигә һеч нәрсә тәң кәлмәйду.
Роһий гөһәрләрни издәйли
it-U «Саул»
Саул
Йәһва Худа Саулдин Өзиниң роһини еливетип, яман роһниң униң һис-туйғулириға, ойлириға тәсир қилип, көңүл хатирҗәмлигини бузушиға йол қойған. Саулниң ойи вә жүриги яманлиққа тез жүгригәнликтин, Йәһва Худаға бойсунмиған. Шуниң үчүн Худаниң роһи униңға тәсир қилмиған вә қоғдимиған. Уни «яман роһниң қийнишиға Йәһва йол қойди» дәп ейтишқа болиду.
28-МАРТ—3-АПРЕЛЬ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 18, 19
«Утуққа еришкәндиму кәмтәр болуп қелиң»
w04-U 1/4 15-б., 4-абз.
Һаятиңизда өзгиришләр болғанда, Худаға тайиниң
4 Кейин Давут әскәрбеши болуп тәйинлинип, филистинлиқлар билән җәң қилип, уларни йеңивалиду. Хәлиқ уни яхши көрүп қалиду. Уни нахшида махтайду. Униңдин илгири Саул падишаниң хизмәткарлириниң бири Давутни «чилтарда маһир ойнайдиғанла» әмәс, «батур, җәңдә җасур, даналиқ билән сөзләйдиған, толиму келишкән жигит» дәп тәсвирлигән.
w18.01 28, 29-б., 6, 7-абз.
Адәмләр арисидики пәриқни көрүң
6 Бәзибир адәмләр келишкән, нами чиққан, музыкиға қабилийити бар, күчлүк яки башқиларниң һөрмитигә егә болғанлиқтин, тәкәббур болуп кәткән. Давутта мошуниң һәммиси болған, лекин у өмүрвайәт кәмтәр болуп қалған. Мәсилән, Ғолятни өлтәргәндин кейин, Саул падиша униңға қизини аяллиққа бәрмәкчи болиду. Лекин Давут буниңға: «Мән ким екәнмән, һаятим немә болуп, атамниң ханидани Исраилда немидурки, мән падишаниң күйоғли болғаймән»,— дәп җавап бәрди (Самуилниң 1-язмиси 18:18). Давутқа кәмтәр болушқа немә ярдәм бәрди? У өзиниң хисләтлири, қабилийәтлири билән артуқчилиқлириниң һәммиси Худа униңға кәмтәрлик көрситип, диққәт бөлгәнликтин бар болғанлиғини чүшәнгән (Зәбур 113:5—8). Давут һәммә яхшилиқ Йәһвадин кәлгәнлигини билгән (Коринтлиқларға 1-хәт 4:7ни селиштуруң).
7 Давутқа охшаш бүгүнму Худаниң хизмәтчилири кәмтәр болушқа тиришмақта. Алла тәала болған Йәһваниң өзи кәмтәр екәнлигини билгинимиз қәлб таримизни тәвритиду (Зәбур 18:35). Биз мошу сөзләрни һаятта қоллинишни халаймиз: «һәмдәртлик, меһрибанлиқ, әқил мөмүнлигиниң, мулайимлиқ һәм узақ сәвирликниң назук сезимлириға пүркүнәйли» (Колосилиқларға 3:12). Меһир-муһәббәт махтанмайду вә тәкәббурланмайду (Коринтлиқларға 1-хәт 13:4). Башқилар бизниң кәмтәр екәнлигимизни көргәндә, уларму Йәһвани билишни халайду. Йәһва гувачиси әмәс йолдиши аялиниң яхши жүрүш-турушини көрүп, Йәһваға йеқинлишиши мүмкин. Шундақ қилип, адәмләр Худаниң хизмәтчилириниң кәмтәрлигини көрүп, һәқиқәтни тонуйду (Петрусниң 1-хети 3:1).
Роһий гөһәрләрни издәйли
it-U «Пәйғәмбәр»
Пәйғәмбәр
Йәһва Худа алаһидә вақиәләрдә пәйғәмбәрлиригә Өз роһини қондурған. Худаниң күчлүк һәрикити билән уларниң ейтқан сөзлири, қилған һәрикәтлири адәттикидин башқичә еди. Саул немә үчүн йешинип, ялиңач ятқанлиғи ениқ әмәс. Бәлким мошу қилиғи Саулниң падиша кийимидин айрилған аддий адәм екәнлигини вә Йәһва Худаниң һакимдарлиғи билән күчигә қарши туралмайдиғанлиғини билдүргән болуши мүмкин.
4—10 АПРЕЛЬ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 20, 22
«Яхши дост болуш үчүн немә қилиш керәк?»
w19.11 7-б., 18-абз.
Ахир заман кәлмәй туруп, достлуғимизни мустәһкәмләйли!
18 Бүгүнки күндә етиқатдашлиримиз нурғун қийинчилиқларға дуч келиватиду. Мәсилән, көплигән қериндашлар тәбиий апәтләр яки адәмләр пәйда қиливатқан апәтләрдин азап чекиватиду. Улар шундақ мүшкүл әһвалға чүшкәндә, бәзи қериндашлар өз өйлиригә чақиралайду. Йәнә башқа қериндашлар болса, уларға маддий ярдәм бериши мүмкин. Бирақ Йәһва Худадин қериндашлиримизға ярдәм беришини һәммимиз соралаймиз. Қериндишимиз чүшкүнлүккә чүшкәндә, сөз тапалмай униңға немә ейтишни яки қандақ ярдәм беришни билмәй қелишимиз мүмкин. Лекин шундақ вәзийәттә һәрбиримиз ярдәм қолумизни суналаймиз. Мәсилән, униңға вақтимизни бөләләймиз. У сөзлигәндә, зәң қоюп тиңшалаймиз. Шундақла униңға Язмилардин өзүмиз яхши көридиған айәтни оқуп, тәсәлли берәләймиз (Йәшая 50:4). Достлиримиз еғир әһвалда болғанда, әң муһими уларниң йенида болуштур (Пәнд-нәсиһәтләр 17:17ни оқуң).
w08-U 15/2 8-б., 7-абз.
Йәһваниң йолида жүрүң
7 Худа биздин достлиримизға вападар болушимизни күтиду (Пәнд н. 17:17). Саулниң оғли Йонатан Давут билән яхши дост болған. Йонатан Давутниң Ғолиятни өлтүргәнлигини аңлиғанда, униң «җени Давутниң җениға чаплашти вә Йонатан уни өзиниң җенидәк яхши көрүп қалди» (Сам. 1-яз. 18:1, 3). У һәтта Давутни дадиси Саул уни өлтүрмәкчи болғанлиғини агаһландурған.
w09-U 15/10 19-б., 11-абз.
Меһри йоқ дунияда достлуқни риваҗландуруң
11 Йонатан Давутқа ич тарлиқ қилмиған. Хәлиқ Давутни махтиғанда, Йонатан хапа болмиған вә дадисиниң Давут тоғрилиқ ейтқан төһмитигә ишәнмигән (Сам. 1-яз. 20:24—34). Бизму Йонатанға охшаш болимизму? Достлиримизға шәрәплик вәзипә тапшурулғанда, улар үчүн хошал болимизму? Улар қийинчилиққа дуч кәлгәндә, яр-йөләк болуп илһам беримизму? Улар тоғрилиқ яман гәпләрни аңлиғанда, буниңға дәрру ишинимизму? Йә болмиса, Йонатанға охшаш, достумизға вападар болуп уни қоғдаймизму?
Роһий гөһәрләрни издәйли
w05-U 15/3 24-б., 5-абз.
Самуилниң 1-язмисидики пайдилиқ ой-пикирләр
21:12, 13: Қийинчилиқлар билән күрәшкәндә, оюмизни вә қабилийәтлиримизни қоллинишимиз керәк. Худаниң Сөзи бизгә зерәклик, билим вә әқил бериду (Пәнд н. 1:4). Шундақла, җамаәттики ақсақаллар бизгә ярдәм берәләйду.
18—24 АПРЕЛЬ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 23, 24
«Йәһва Худани чидамлиқ билән күтүң»
w04-U 1/4 16-б., 8-абз.
Һаятиңизда өзгиришләр болғанда, Худаға тайиниң
8 Давут һәммини Худаниң қолиға тапшурушқа тәйяр болуп, чидамлиқ билән Худаға болған ишәнчисини көрсәтти. Һәтта Давут Саулниң натоғра қиливатқанлиғини билсиму, униңдин өч алмиған, уни һақарәтлимигән вә у тоғрилиқ яман сөзләрни ейтмиған. Давутниң Саулни өлтүрүш пурсити болсиму, у өч елиштин нери болған вә Йәһва Худа өз вақтида адаләтликни орнитидиғанлиғиға ишәнгән (Самуилниң 1-язмиси 25:32—34; 26:10, 11).
w04-U 1/6 22, 23-б.
Шамал қаяққа чиқса сиз шу яққа иңишәмсиз?
Синақниң һәммә пәйттини өтүшигә йол берип, чидамлиқни риваҗландуруш керәк. Шу чағда ишәнчимиз толуғи билән синилиду. Бәзидә қийинчилиғимизни һәл қилиш үчүн Муқәддәс китаптики принципларни орунлимай һәрикәт қилишни халишимиз мүмкин. Мәсилән, өмүрлүк җүптиңизни техи тапмиғанлиғиңиз үчүн көңлиңиз йерим болуватқанду. Әгәр шундақ болса, Худаниң хизмәтчисигә турмушқа чиқиш буйруғини бузушқа езиқип кетидиған һәрқандақ нәрсидин баш тартиң (Коринтлиқларға 1-хәт 7:39). Мүмкин некайиңизда қийинчилиқлар болуватқанду. Айрим яшаш яки аҗришиш арқилиқ некадики қийинчилиқларни һәл қилишқа дәвәт қилидиған бу дунияниң көзқаришидин нери болуң (Малаки 2:16; Әфәсликләргә 5:21—33). Ихтисадий тәрәптин аилиңизни беқиш қийин болуватқан болуши мүмкин. Гуман туғдуридиған яки қанунни бузидиған йоллар арқилиқ пул тепиштин нери болсақ, Йәһва Худаға тайинидиған болумиз (Зәбур 37:25; Ибранийларға 13:18). Йәһва Худа бизниң ишлиримизни бәрикәтлиши үчүн, Униңға хизмәт қилишта бар күчимизни чиқиришимиз керәк. Шундақ қилип, Йәһва Худаниң қийинчилиғимизни һәл қилишниң әң яхши йолини көрситидиғанлиғини күтүшкә бәл бағлайли (Мика 7:7).
Роһий гөһәрләрни издәйли
w17.11 30-б., 11-абз.
Һеч нәрсә сизни мукапаттин айримисун
11 Һәқиқий меһир-муһәббәт билән меһрибанлиққа интилишкә тиришсақ, көрәлмәсликкә асан берилмәймиз. Муқәддәс китапта: «Меһир-муһәббәт узақ сәвирлик һәм меһрибандур. Меһир-муһәббәт қизғанмайду»,— дәп йезилған (Коринтлиқларға 1-хәт 13:4). Көрәлмәслик қәлбимиздә йилтиз тартмаслиғи үчүн һәрқандақ мәсилидә көзқаришимиз Йәһваниңкидәк болуши керәк. Қериндашлиримизға бир тәнниң, йәни җамаәтниң, әзалири сүпитидә қаришимиз лазим. Муқәддәс китапта мундақ дейилгән: «Бир әзаниң даңқи чиқса, униң билән һәммә әзалар шатлиниду» (Коринтлиқларға 1-хәт 12:16—18, 26). Қериндишимиз қандақту бир утуққа йәтсә, биз униңға көрәлмәслик қилмай, әксичә, униң билән биллә хошал болимиз. Шаул падишаниң оғли Йонатанниң үлгиси һәққидә ойлап көрүң. У өзиниң әмәс, Давутниң падиша болидиғанлиғиға һәсәт қилмиған. Һәтта Давутқа тәсәлли берип, қоллиди (Самуилниң 1-язмиси 23:16—18). Бизму Йонатанға охшаш, меһрибанлиқ билән меһир-муһәббәт көрситәләймизму?
25-АПРЕЛЬ—1-МАЙ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 25, 26
«Ойланмай иш қиламсиз?»
ia-U 78-б., 10—12 абз.
У әқил-парасәт билән һәрикәт қилған
12 Набалниң аччиғи келип, Давутни һақарәтлигән. У ачкөзлүктин вақирап: «Мән өз ненимни вә сүйимни һәм қойлиримни қирқиғучиларға союп қойған гөшимни елип, қанғирап жүргән адәмләргә беримәнму?»— дегән. Набал Давутни ғоҗайинидин қечип кәткән қул дәп атап, мәсхирә қилған. У Давутни Саулға охшаш өч көргән болуши мүмкин.
ia-U 80-б., 18-абз.
У әқил-парасәт билән һәрикәт қилған
18 Абигал йолдишиниң хаталиғини өз бойниға елип, Давуттин кәчүрүм сориған. У йолдишиниң исминиң мәнасиға мас адәм екәнлигини етирап қилип, Давутқа охшаш һөрмәтлик адәмниң шундақ тәкәббур адәмдин өч елишиға әрзимәйдиғанлиғини ейтқан. Шуңа, бундақ адәмни җазалаш, Давутниң нам-абройини чүшүрәтти. Абигал «Йәһваниң урушлирини жүргүзиватиду» дәп ейтип, Давутни Йәһва Худаниң вәкили дәп қариған. «Сизни Исраилниң һөкүмрани қилип қойғанда» дегән сөзлиридин байқиғинимиздәк, Абигал Давут вә униң падишалиғиға мунасивәтлик Худаниң вәдисини билгән. Кейин у Давутни сәвәпсиз қан төкүп, Худаниң алдида гуна қилмаслиққа дәвәт қилған. Шундақ қилип, Абигал уни пушайман қилип, виждан азавини тартиштин сақлиған (Самуилниң 1-язмиси 25:24—31ни оқуң).
Роһий гөһәрләрни издәйли
ia-U 79-б., 16-абз.
У әқил-парасәт билән һәрикәт қилған
16 Набал Йәһваниң тәйинләнгән вакилигә һөрмәтсизлик көрсәткән вә униң әқилсизлигидин бегуна адәмләр һалакәткә учратти. Әгәр Абигал қол қоштуруп олтарған болса, уму йолдишиға охшаш әйипкар болатти. Мәйли қандақ болсун, әң муһими у Йәһва Худаға бойсунуши керәк еди.