«Һаятимиз вә хизмитимиз. Иш дәптири» үчүн мәлумат мәнбәлири
2—8 МАЙ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 27—29
«Давутниң уруш плани»
it-U «Ахиш»
Давут Саулдин йошурулғанда Ахиш падишадин икки қетим пана сориған. Биринчи қетим, филистинлиқлар Давутниң дүшмән екәнлигини чүшинип қалғанда, у сараң болувалған. Ахиш падиша униң һеч зийини йоқлиғини билип уни қоювәтти (С1я 21:10—15; Зб 34). Иккинчи қетим, Давут 600 әскири вә уларниң аилилири билән Ахиш падишаға кәлди, у болса, Зиқлақ шәһирини уларға бәргән. Улар шу йәрдә бир жил, төрт ай яшиған. Ахиш падиша Давут вә униң адәмлири йәһудий шәһәрлиригә һуҗум қиливатиду дәп ишәнгән.
w21.03 4-б., 8-абз.
8 Давут дуч кәлгән йәнә бир қийинчилиқни көрүп чиқайли. Падиша болуп тәйинләнгәндин кейин, Давут рәсмий падишалиқ тәхтидә олтириш үчүн көп жиллар күтүшкә тоғра кәлгән (Сам. 1-яз. 16:13; Сам. 2-яз. 2:3, 4). Шу вақитта, униңға сәвирчанлиқ билән күтүшкә немә ярдәм бәргән? Давут үмүтсизлинип чүшкүнлүккә чүшүшниң орниға өзи қилалайдиған нәрсиләргә көңүл бөлгән. Мәсилән, Давут филистинлиқларниң зиминида қачқун болуп яшаватқанда, исраилларниң дүшмәнлиригә қарши күрәш қилиш пурситини қолидин чиқармиған. Шундақ қилип, у Йәһуда зимининиң чегарилирини қоғдиған (Сам. 1-яз. 27:1—12).
it-U «Ялғанчилиқ»
Йәһва Худа қәстәнлик билән ялған ейтқанларни өч көриду. Лекин һоқуқи йоқ адәмләргә һәқ мәлуматни ейтишниң һаҗити йоқ. Әйса мундақ дегән: «Иштқа муқәддәс нәрсини бәрмәңлар яки тоңғузниң алдиға үнчә-мәрвайитларни ташлап қоймаңлар. Чүнки ишт кәйнигә бурулуп силәрни таллайду, тоңғуз үнчә-мәрвайитларни аяқ астида дәссәп янчийду» (Мт 7:6). Шу сәвәптин, Әйса буниң зиян әкелидиғанлиғини көрсә, бәзидә толуқ мәлуматни ейтмиған вә соалларға удул җавап бәрмигән (Мт 15:1—6; 21:23—27; Йоһ 7:3—10). Шуниңға охшаш Ибраһим, Исһақ, Раһаб вә Елиша Йәһваға ибадәт қилмайдиған адәмләргә һәқиқәтни толуқ ейтмиған (Яр 12:10—19; Йшу 2:1—6; Яқ 2:25; П2я 6:11—23).
Роһий гөһәрләрни издәйли
w10-U 1/1 20-б., 5, 6-абз.
Әгәр садақәтмән Самуил пәйғәмбәр техи һаят болған болса, Саул билән сөзлишиш үчүн бахши аял билән алақилишип, Худаниң қануниға қарши чиқаттиму? Йәһва Худа Саул билән сөзлишишни халимиған. Бахши Һәммигә Қадир Худани өлүп кәткән Самуил билән сөзлишишкә мәҗбурилалаттиму? Әлвәттә, яқ. Шу «Самуил» Худаниң садиқ пәйғәмбири әмәс, униң қияпитидә көрүнгән яман роһ яки җин болған еди.
9—15 МАЙ
ХУДА СӨЗИДИКИ ҒӘЗНӘ | САМУИЛНИҢ 1-ЯЗМИСИ 30, 31
«Күч-мәдәтни Йәһва Худадин елиң»
w06-U 1/8 28-б., 12-абз.
12 Давут Худани хапа қилиштин қорққан. Шуңа у дурус һәрикәтләрни қилипла қоймай, қийин әһвалда җүръәтлик вә даналиқ билән һәрикәт қилған. Бир қетим әр кишиләр шәһәрдә болмиғанда, амаләкләр кирип, шәһәрни көйдүрүп, аяллирини, балилирини вә мал-мүлкилирини өзлири билән елип кәткән. Давут вә униң адәмлири қайтип келип, буни көргәндә жиғлап кәткән. Адәмләрниң қайғуси чапсанла ғәзәпкә айлинип, Давутни таш етип өлтүрүвәткиси кәлгән. Лекин Давутниң көңли йерим болмиди (Пәнд-нәсиһәтләр 24:10). Униң Худадин әймингәнлиги Йәһваға мураҗиәт қилишқа дәвәт қилип, у «Пәрвәрдигари Худадин мәдәт тапти». Худаниң ярдими билән Давут вә униң адәмлири амаләкләргә һуҗум қилип, туққанлирини вә мал-мүлкини қайтурувалған (Самуилниң 1-язмиси 30:1—20).
w12-U 15/4 30-б., 14-абз.
14 Бизниң һис-туйғулиримиз Худаға мәлум. «Жүригимиз зар жиғлап», «көңлүмиз езилгәндә» Худа бизниң йенимизда болуп, өз вақтида Давутқа тәсәлли бәргәндәк, бизгиму тәсәлли бериду. «Мәңгүлүк муһәббитиң шат-хорам қилар мени, бәрһәқ, көрдүң җапалиримни, билип йәттиң азаплиримни» (Зәб. 31:7). Йәһва Худа пәқәт азаплиримизни көрүпла қоймай, бәлки бизни йөләйду вә илһам бериду. Мәсилән, У шундақ ярдәмни учришишлар арқилиқ қилиду.
Роһий гөһәрләрни издәйли
w05-U 15/3 24-б., 9-абз.
Давутниң бу қарари Санлар 31:27-айәткә асасланған. Йәһва Худа һәтта кичиккинә болсиму, җамаәтни қоллиғанларни қәдирләйду. Немила болмисун, һәммини адәмләр үчүн әмәс, бәлки пүткүл вуҗудимиздин Йәһва үчүн қилайли (Колосилиқларға 3:23).
16—22 МАЙ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 1—3
«“Оқя” матәм нахшисидин немини үгинимиз?»
w00-U 15/6 13-б., 9-абз.
9 Сиз һоқуқи бар кишигә һеч бир яманлиқ қилмидиңиз, лекин у сизгә яманлиқ қилған күнләр болғанму? Давут Саулға һөрмәт көрсәткән. Саул вапат болғанда, Давут хошал болмай матәм нахшисини ейтти. «Саул билән Йонатан — өмридә меһир-муһәббәтлик достлар болуведи. Өлүмидиму улар айрилмиди. Улар бүркүтләрдин чапсанирақ, ширлардин күчлигирәк еди. Исраилниң қизлири!... Саул һәққидә жиғлаңлар!» (Самуилниң 2-язмиси 1:23, 24). Саул Давутқа адаләтсизлик қилсиму, Давут Йәһва Худаниң майланғанлириға чоңқур һөрмәт көрситиштә яхши үлгә қалдурди.
w12-U 15/4 10-б., 8-абз.
8 Саулниң чоң оғли униңдин кейин падиша болуши мүмкин еди. Бирақ Йәһва Худа Давутни Исраилниң падишаси қилип тәйинлигән. Йонатан Худаниң қарарини һөрмәтлигән, шуңа у Давутқа ич тарлиқ қилмай, уни рәқабити дәп қаримиған. Йонатанниң көңли Давутниң көңлигә бағлинип қалған. У униңға вападар болуп қалимән дәп қәсәм бәргән. У Давутқа өзиниң қилич, оқя вә потисини берип, падишаға көрсәткән шан-шәривини көрсәтти (Сам. 1-яз. 18:1—4). Йонатан һәтта Давутни Саулдин қоғдаш үчүн өз җенини тәвәккәлгә тикип, қолида барини қоллинип, уни мустәһкәмлиди. Давутқа садақәтмәнлигини ипадиләп Йонатан мундақ деди: «Сән Исраилниң үстидин падиша болисән, мән болсам, сениңдин кейинки иккинчи киши болимән» (Сам. 1-яз. 20:30—34; 23:16, 17). Йонатан вапат болғанда, Давут өз қайғусини вә меһир-муһәббитини матәм нахшисида ейтқанлиғи һәйран қаларлиқ әмәс (Сам. 2-яз. 1:17, 26).
Роһий гөһәрләрни издәйли
it-U «Қериндаш»
«Қараңлар, нәқәдәр гөзәл, нәқәдәр йеқимлиқ, қериндашлар ара болса инақлиқ» дәп течлиқ вә инақлиқ пәқәт туққанларниң арисидила болидиғанлиғини Давут ейтмиған (Зб 133:1). Давут Йонатанни бир ата-анидин болмисиму, уни акам дәп ейтти, чүнки улар дост болуп, бир бирини қоллиған (С2я 1:26) Ака-ука дәп охшаш мүҗәз-хулқи яки һәтта яман бир қилиқлири барларни ейтиду (П.н 18:9).
23—29 МАЙ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 4—6
«Йәһва Худани хапа қилип қоюштин қорқуң»
w05-U 15/5 17-б., 8-абз.
Давут сандуқни һарвуда көчүрүп келиш нийити яхши болсиму, лекин бу Худаниң көрсәтмисигә қарши болған (Чиқиш 25:13, 14; Санлар 4:15, 19; 7:7—9). Уззаниң вақиәсидин адәмләрниң қандақ яхши нийити болсиму, Худаниң тәләплири өзгәрмәйдиғанлиғини көрүшкә болиду.
w05-U 1/2 26-б., 20-абз.
20 Келишим сандуғиға хилаплиқ қилғучилар өлүм җазасиға учрайдиғанлиғини ениқ агаһландурулған (Санлар 4:18—20; 7:89). Шуңа келишим сандуғини йөткигәндә, униңға бепәрва қаримаслиқ керәк еди. Узза роһаний болмисиму, ләвий сүпитидә қанунни билиши керәк еди (Самуилниң 1-язмиси 6:20—7:1). Давут уни башқа йәргә көчүрүштин авал, келишим сандуғи шу җайда тәхминән 70 жил болған. Шуңа Узза келишим сандуғиға тегишкә болмайдиған қанунни кичигидин билгән болуши мүмкин.
w05-U 1/2 27-б., 21-абз.
21 Йәһва Худа жүрәкни көриду. Муқәддәс китапта Узза «һөрмәтсизлик қилған» дәп йезилған, демәк, Йәһва униң жүригидә болған қандақту һарам нийитини байқиған. Узза чекини билмәйдиған мәнмән адәм болғанму? (Пәнд-нәсиһәтләр 11:2) Йә болмиса, Узза униң аилисидә сақлинип турған бу сандуқни һәммисиниң көз алдида елип маңғанлиғи үчүн һакавурлуқ қилдиму? (Пәнд-нәсиһәтләр 8:13) Келишим сандуғини тутуп қелишқа Йәһваниң күчи бар екәнлигигә Узза ишәнмигәнму? Қандақла болмисун, Йәһваниң тоғра һәрикәт қилидиғанлиғиға ишәнсәк болиду. Худа Уззаниң жүригидә немә бар болғанлиғини көргәнлиги үчүн униңға тез һөкүм чиқарди (Пәнд-нәсиһәтләр 21:2).
Роһий гөһәрләрни издәйли
w96-U 1/4 29-б., 1-абз.
Давут падиша сүпитидә болған бу вақиә үчүн җавап бериши керәк еди. Давутниң болған вақиәсидин көрүмизки, һәтта адәм Йәһва Худа билән яхши мунасивәттә болсиму, бәзидә еғир вәзийәттә натоғра һәрикәтләрни қилиши мүмкин. Авал Давутниң аччиғи келип кетиду. Кейин қорқуп кетиду (Самуилниң 2-язмиси 6:8, 9). Униң Йәһва Худаға болған ишәнчиси қаттиқ синалди. Бу вәзийәттә Давут ғәм-тәшвишини Йәһва Худаға жүклимиди вә Униң әмирлиригә бойсунмиди. Биз биләнму шундақ болуши мүмкинму? Бәзидә Йәһваниң көрсәтмилиригә әмәл қилмиғинимиз үчүн қийинчилиқларға учрашсақ, Йәһва Худани әйипләймизму? (Пәнд-нәсиһәтләр 19:3).
30-МАЙ—5-ИЮНЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 7, 8
«Йәһва Худа Давут билән келишим түзгән»
w10-U 1/4 20-б., 3-абз.
Йәһва Худа Давутниң арзуси вә садақәтмәнлигидин қаттиқ тәсирлинип, униң билән келишим түзүп, әвладидин чиққан бир шәхс мәңгү һакимдарлиқ қилидиғанлиғини алдин-ала ейтти.
w10-U 1/4 20-б., 4-абз.
Униң туғулидиғанлиғини ейтқан пәриштә мундақ деди: «Йәһва Рәб униңға атиси Давутниң тәхтини әта қилиду. Яқупниң өйи үстидин мәңгү һакимдарлиқ қилиду һәм униң Падишалиғиниң чеки болмайду» (Луқа 1:32, 33). Худаниң Давут билән түзгән келишими Әйса Мәсиһтә әмәлгә ашти. Униңға һоқуқни адәмләр әмәс, Худа бәргән. Шу сәвәптинму, униң мәңгү һакимдарлиқ қилиш һоқуқи бар. Худаниң вәдиси болса, һечқачан орунланмай қалмайду (Йәшая 55:10, 11).
w14-U 10/15 10-б., 14-абз.
14 Давутниң падишалиқ һакимийити турақлиқ болиду, сәвәви униң әвлади Әйса мәңгү яшап, «униң тәхти қуяш кәби парлап турар» (Зәбур 89:34—37). Әйса һечқачан һоқуқини натоғра пайдиланмайду вә униң утуқлири мәңгү давамлишиду.
Роһий гөһәрләрни издәйли
it-U «Ахирқи күнләр»
Балаамниң пәйғәмбәрлик сөзи. Вәдә қилинған зиминға кириштин авал Балаам пәйғәмбәр Моабниң падишаси Балаққа мундақ деди: «Кәл, мән саңа бу хәлиқ [Исраил] келәчәктә сениң хәлқиң билән немә қилидиғинини җакалай... Яқуптин юлтуз чиқиватиду вә Исраилдин һаса көтүрүливатиду, у Моабниң бәглирини уҗуқтуриватиду һәм Сетниң оғуллирини қириватиду» (Сн 24:14—17). Бу пәйғәмбәрлик сөз орунланғанда, айәттики «юлтуз» моаблиқларни йеңивалған Давут еди (С2я 8:2).
6—12 ИЮНЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 9, 10
«Давут садиқ меһир-муһәббәт көрсәткән»
w06-U 15/6 14-б., 6-абз.
Давут мундақ дәп язған: «Ғериб-аҗизларға ғәмхорлуқ қилған киши нәқәдәр бәхитлик-һә! Еғир күнләрдә Пәрвәрдигар униңға панаһ болиду. Пәрвәрдигар уни қоғдап, уни аман сақлайду» (Зәбур 41:1, 2). Давут җан дости Йонатанниң асқақ оғли Мефибошетқа ғәмхорлуқ қилған. Бу бизгә яхши үлгә. Биз гадайларға вә көңли аҗизларға тоғра көзқарашта болушимиз керәк (Самуилниң 2-язмиси 9:1—13).
w05-U 15/5 17-б., 12-абз.
Давут бәргән вәдисини орунлиди. Бизму өз сөзүмиздә турушимиз керәк.
w02-U 15/2 14-б., 10-абз.
10 Бир нәччә жиллар өтүп, Давут падиша Йонатанни шунчилик яхши көргәнликтин, Мефибошетқа меһрибанлиқ көрситиду. Давут униңға Саулниң барлиқ етизлирини қайтуруп берип, Саулниң хизмәтчиси Сибаға шу йәрни ишлитишини тапшурди. Давут Мефибошетқа йәнә мундақ дегән: «Һәрдайим мениң җозамдин тамақлинисән» (Самуилниң 2-язмиси 9:6—10). Давутниң қилған меһрибанлиғи вә рәһимлиги Мефибошетқа тәсәлли берип, кичиккинә болсиму, униң ағриғини йеник қилғанлиғи сөзсиз. Биз үчүн қандақ әҗайип үлгә дәңа! Бизму һаятида «нәштәр» санчилғанларға меһрибанлиқ көрситишимиз муһим.
Роһий гөһәрләрни издәйли
it-U «Сақал»
Қедимий шәриқтики хәлиқләр, униң ичидә исраиллар сақални әр кишиниң абройи дәп қаратти. Тәврат қанунида исраилларға: «чекәңлардики чечиңларни қисқа қирқимаңлар вә сақилиңларниң чәтлирини бузмаңлар»,— дегән буйруқ берилгән (Лв 19:27; 21:5). Сәвәви шундақ қилиш бутқа чоқунидиғанларда диний ибадәт дәп һесапланған.
13—19 ИЮНЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 11, 12
«Яман хаһишларниң сизни чирмавелишиға йол бәрмәң»
w21.06 17-б., 10-абз.
10 Давут падиша Йәһваниң ярдими билән мал-дуния, нам-атақ вә дүшмәнлири үстидин ғәлибиләргә еришкән. Йәһваниң бәрикәтлири шунчә көп болғанки, у һәтта: «Уларни санап түгитиш мүмкин әмәс»,— дегән (Зәб. 40:5 [39:6]). Амма вақит өтүп, ачкөзлүк сәвәплик Давут Йәһваниң өзи үчүн қилғанлирини унтуп, бариға қанаәт қилмай, көпирәк нәрсигә еришишни халиған. Гәрчә Давутниң бирқанчә аяли болсиму, у қәлбидә башқиниң аялиға еришиш арзусиниң күчийишигә йол қойған. Давут шәхсийәтчилик қилип, хетийлиқ Урияниң хотуни Батшеба билән җинсий мунасивәттә болған вә у аял һамилдар болуп қалған. Зинахорлуқ гунайи аздәк, Давут Урияни өлтүрүшиниму орунлаштурған (Сам. 2-яз. 11:2—15). Шу вақитта Давут Йәһвани көрмәйду, дәп ойлиғанму? У Йәһваға шунчә узун жиллар хизмәт қилған болсиму, у ачкөз болуп кәткәч, ахирида көплигән азап-оқубәтләргә дучар болған. Бәхиткә яриша, Давут товва қилған вә қайта Йәһваниң илтипатиға еришкәнлигигә бәк миннәтдар болған! (Сам. 2-яз. 12:7—13).
w19.09 17-б., 15-абз.
15 Давут падиша сүпитидә көп һоқуққа егә болған. Йәһва Худа униң қолиға пәқәт аилисинила әмәс, пүтүн Исраил хәлқини тапшурған. Бәзидә Давут һоқуқини тоғра қолланмай, еғир гуна өткүзгән (Сам. 2-яз. 11:14, 15). Лекин у Йәһва Худаниң җазасини қобул қилип, Униңға итаәт қилған. Давут дуа қилип, Йәһваға ич бағрини төккән вә Униң нәсиһитигә қулақ селишқа бар күчини салған (Зәб. 51:1—4). Шуниң билән у кәмтәр болуп, әр кишиләрниңла әмәс, аялларниңму нәсиһитини қобул қилған (Сам. 1-яз. 19:11, 12; 25:32, 33). Давут өз хаталиқлиридин савақ алған вә Йәһва Худаға болған хизмитини һаятида биринчи орунға қойған.
w18.06 16-б., 7-абз.
7 Немә тоғра, немә натоғра екәнлигини билиш үчүн Худа қанунини бузуп, азап чекишимиз шәрт әмәс. Биз өтмүштә башқиларниң өткүзгән хаталиқлиридин савақ алалаймиз. Бу мисаллар Муқәддәс китапта йезилған. Пәнд-нәсиһәтләр 9:9да мундақ ейтилған: «Дана адәмгә дәвәт қилсаң, униң әқли техиму толуқ болиду. Һәққаний адәмгә дурус йол көрсәтсәң, униң билими техиму ашиду». Бу билим Йәһвадин кәлгән болуп, буниңдин яхширақ билим йоқ! Мәсилән, Давут Йәһваға итаәтсизлик қилип, Батшеба билән җинсий әхлақсизлиқ қилғанда, буниң ақивети еғир болған (Самуилниң 2-язмиси 12:7—14). Бу вақиәни оқуғанда, өзүңиздин мундақ соал сорап көрүң: «Давут өзини бу еғир ақивәтләрдин қандақ сақлалатти? Мән шуниңға охшаш вәзийәттә болсам, немә қилаттим? Әхлақсизлиқ қилишқа аздурулсам, Давуттәк һәрикәт қилимәнму яки Йүсүптәкму?» (Яритилиш 39:11—15). Гунаниң ақивети қанчилик еғир болидиғанлиғи һәққидә ойлансақ, яманлиққа техиму нәпрәтлинидиған болимиз.
Роһий гөһәрләрни издәйли
it-U «Давут»
Әгәр Йәһва Худа Муса қанунини адәмләргә қараштурушқа рухсәт бәргән болса, иккилисини шундақла зинадин туғулмиған балини аниси билән биллә өлтүрүветәтти (Қ.ш 5:18; 22:22). Шуңа Йәһва Худа Давут билән падишалиқ тоғрилиқ келишим түзгәнлиги үчүн бу ишни Өз қолиға елип меһрибанлиқ көрсәтти. Сәвәви Давут өзиму меһрибанлиқ көрсәткән. Униңдин ташқири Худа Давутниң пушайман қиливатқанлиғини көргән (Зб 51:1—4).
20—26 ИЮНЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 13, 14
«Амнонниң шәхсийәтчилиги чоң балаға елип кәлгән»
it-U «Абшалом»
Амнонниң өлтүрүлиши. Абшаломниң сиңлиси Тамар чирайлиқ болғини үчүн өгәй акиси Амнон униңға ашиқ болуп қалиду. Ялғандила ағриқ болувелип, тамақ пишириш үчүн Тамарни кәлсун дәп сорайду. Тамақни бәргәндә, Амнон Тамарни зорлайду. Тамарға муһәббити ешип тешип турған Амнон әнди уни җенидин яман өч көрүп, өйидин қоғлап чиқириду.
w17.09 6-б., 11-абз.
11 Муқәддәс китапта җинсий әхлақсизлиқниң аздурулушиға қарши турмиған адәмләрниң мисаллириму бар. Бу мисаллар өзигә егә болалмиғанлиқниң ақивети қанчилик яман болидиғанлиғини көрситиду. Әгәр сиз Кимберлиниңкигә охшаш вәзийәткә чүшүп қалсиңиз, Пәнд-нәсиһәтләрниң 7-бабидики әқилсиз жигитни есиңизға елиң. Шундақла Амнонниң қилған иши қандақ яман нәтиҗигә елип кәлгәнлиги һәққидә ойлинип көрүң (Самуилниң 2-язмиси 13:1, 2, 10—15, 28—32). Ата-анилар аиләвий ибадәттә мошу мисалларни муһакимә қилиш арқилиқ балилириға өзини тутуш билән даналиқни риваҗландурушқа үгитәләйду.
it-U «Абшалом»
Арида икки жил өтиду. Абшалом мәйрәм қилмақчи болиду. Бу мәйрәмгә у Давут падиша билән униң оғуллирини чақириду. Давут падиша бeаралмаймән дәйду. Шу чағда Абшалом падишаниң тунҗа оғли Амнонни қоюп бериңа дәп ялвуруп турувалди (П.н 10:18). Амнон мәйрәмдә шарап ичип кәйип болғанда, Абшалом қуллириға уни өлтүрүветишни буйруйду.
Роһий гөһәрләрни издәйли
g04-U 22/12 8, 9-б.
Келишкән чирайлиқ болсиму, Абшаломниң нийити һарам болған. У шөһрәт пәрәз болғанлиқтин, дадисиға қарши чиқип, тәхтисини еливалғуси кәлгән. У һәтта дадисиниң дедәклирини зорлиған. Абшаломниң бу ишлири Йәһва Худаниң ғәзивини қозғиған вә кейин у қийнилип җапа тартип өлгән (Самуилниң 2-язмиси 15:10—14; 16:13—22; 17:14; 18:9, 15).
Әҗайип сиртқи көрүнүш Абшаломниң һакавурлуғини вә садақәтмәнсизлигини һеч ақлимиди вә өлүмдин қутулдуруп қалмиди. Муқәддәс китапта нурғун дана адәмләрниң мисаллири йезилған, лекин уларниң ташқи көрүнүши тоғрилиқ һечнемә йезилмиған. Ениқки, әң муһими адәмниң ички дуниясиниң чирайлиғи.
27-ИЮНЬ—3-ИЮЛЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 15—17
«Абшалом һакавур болғанлиқтин, исиян көтәргән»
w16.02-U 23-б., 10-абз.
Давутниң оғли Абшалом кичик пеил болмиған, шуңа у Худаға садақәтмән болалмиған. Шундақла у нурғунлиған исраилларға садиқ болимән дәп уларни өз тәрипигә тартивалған. Абшалом Йәһва Худаниң Давутни падиша қилғанлиғини билгән болсиму, Абнерға охшаш дадисини өлтүрүшкә пурсәтни издигән.
w12-U 15/7 13-б., 5-абз.
5 Қувлуқ нийитини әмәлгә ашуруш үчүн Абшалом исраиллиқларниң ғемини ойлиғандәк өзини көрситип, падишаниң улар билән кари йоқ дегәнгә ишәндүрди. Абшалом Шәйтанға охшаш, өзини адәмләргә ғәмхорчан қилип көрсәткән, бирақ өз дадисиға төһмәт қилған.
it-U «Һеброн»
Бирнәччә жилдин кейин Давутниң оғли Абшалом Һебронға қайтип келип, дадисиниң тәхтини тартивалмақчи болған, амма ойлиғинидәк болмай қалған (С2я 15:7—10). Һеброн бир вақитта Йәһуданиң пәйтәхти һәм Абшаломниң туғулған шәһири еди. У мошу шәһәрдин һөкүмранлиқ қилишни башлашни халиған болуши мүмкин.
Роһий гөһәрләрни издәйли
w18.08 6-б., 11-абз.
11 Бәзидә башқилар сөзгә сөз қошуп биз һәққидә йерим-ярта мәлумат тарқитип, бизгә зиян кәлтүрүши мүмкин. Мефибошәт шундақ вақиәни баштин кәчүргән. Давут падиша Мефибошәткә бовиси Саулниң һәммә йерини қайтуруп бәргән (Самуилниң 2-язмиси 9:6, 7). Бирақ кейинирәк Давут Мефибошәт һәққидә ялған гәпләрни аңлиған еди. У гәп-сөзләрниң раст-ялғанлиғини тәкшүрмәйла, Мефибошәтниң һәммә мал-мүлкини тартивалған (Самуилниң 2-язмиси 16:1—4). Давут униң билән сөзләшкәндин кейин, өзиниң хата қилғанлиғини тонуп йәткән. Шуңа, у Мефибошәтниң мал-мүлкиниң бир қисмини қайтуруп бәргән (Самуилниң 2-язмиси 19:24—29). Әгәр Давут алдирақсанлиқ қилмай, дәлил-испатларға еришкән болса, Мефибошәт һечқандақ адаләтсизликкә учримиған болатти.