«Һаятимиз вә хизмитимиз. Иш дәптири» үчүн мәлумат мәнбәлири
4—10 ИЮЛЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 18, 19
«Барзилай — кәмтәрликниң яхши үлгиси»
w07-U 15/7 14-б., 5-абз.
Давут Барзилайниң ярдими үчүн интайин миннәтдар болған. Падиша Барзилайни меһрибанлиғи үчүн мукапатлап, униңға пәқәт маддий тәрәптин ғәмхорлуқ қилишни халимайла, бәлки өз сарийиға елип кетишни халиған. Әслидә, Барзилай маддий тәрәптин ярдәмгә муһтаҗ болмиған. Бу яшанған киши гөзәл пәзиләтләргә егә болған. Падишаниң сарийида яшаш чоң шан-шәрәп болған вә у йәрдә Барзилай алаһидә артуқчилиқларға егә болатти.
w07-U 15/7 14-б., 7-абз.
Барзилай яшанған киши еди вә у һаятиниң ахири йеқинлишиватқанлиғини билгән (Зәбур 90:10). У Давутқа ярдәм қилиш үчүн қолидин кәлгәнниң һәммисини қилған. Мәртивилик орунға егә болушқа имканийити болсиму, Барзилай өзиниң йеши чоң екәнлигини вә көп ишларни қилалмайдиғанлиғини чүшәнгән.
w07-U 15/7 15-б., 1, 2-абз.
Барзилайниң мисали әқил-парасәтлик болушниң муһим екәнлигини көрситиду. Бир тәрәптин хизмәттә шәрәплик вәзипиләрни елиштин қорқмаслиғимиз керәк яки болмиса арамхуда яшашни халап, җавапкарлиқ елишни рәт қилмаслиғимиз керәк. Әгәр Худаниң күчигә вә даналиғиға таянсақ, У бизгә керәклик һәммә нәрсини бериду (Филипиликләргә 4:13; Яқуп 4:17; Петрусниң 1-хети 4:11).
Башқа тәрәптин өзүмизниң күчимизни билип, қолумиздин немә келидиғанлиғини вә немә кәлмәйдиғанлиғини билишимиз керәк. Мәсилән, бурадиримиз роһий ишларға пүтүн вуҗуди билән қатнишип, көп хизмәт қилиду дәйли. Бирақ әгәр у қошумчә вәзипиләрни алса, аилисигә яхши ғәмхорлуқ қилалмайдиғанлиғини чүшиниши мүмкин. Бундақ вәзийәттә қошумчә вәзипиләрни алмиса, даналиқниң вә кәмтәрликниң бәлгүси болиду (Филипиликләргә 4:5; Тимотийға 1-хәт 5:8).
Роһий гөһәрләрни издәйли
w20.04 30-б., 19-абз.
19 Қийинчилиқлириңиз түпәйлидин Йәһва Худаға өзүңиз халиғандәк көп хизмәт қилалмисиңиз яки башқилар сизни чүшәнмәйватқандәк һис қилсиңиз, Мифибошәтниң үлгиси сизгә тәсәлли берәләйду (Сам. 2-яз. 4:4). Уму аҗиз болған вә Давут падишаниң адаләтсиз муамилисигә дуч кәлгән. Мифибошәт буниңға әйиплик болмисиму, яман һис-туйғуларға берилиш яки адавәт сақлашниң орниға, һаятидики яхши нәрсиләргә шүкүр қилған. У Давутниң бурун өзигә көрсәткән меһир-шәпқити үчүн миннәтдар болған (Сам. 2-яз. 9:6—10). Шуңа, Давут униңға адаләтсиз муамилә қилғанда, Мифибошәт вәзийәткә һәр тәрәптин нәзәр салған. У Давутқа хаталиғи үчүн аччиқланмиған вә буниң үчүн Худани әйиплимигән. Буниң орниға, у Йәһва тәйинлигән падишани қоллаш үчүн немә қилалайдиғанлиғи тоғрилиқ ойлиған (Сам. 2-яз. 16:1—4; 19:24—30). Йәһва Худа бизниң мәнпәитимизни ойлап, Мифибошәтниң әҗайип үлгисини Муқәддәс китапқа яздурған (Рим. 15:4).
11—17 ИЮЛЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 20, 21
«Йәһва — адаләтлик Худа»
it-U «Гибион»
Әсирләр өтүп, Саул падиша гибеонлуқларни йоқ қилмақчи болған. Бирақ гибеонлуқлар Йәһва Худа бу рәзилликни ашкарә қилмиғичә сәвирчанлиқ билән күткән. Шундақла улар Тәврат қануни бойичә рухсәтсиз кишини өлтүрүшкә болмайдиғанлиғини чүшәнгән. Давут улардин немини халайдиғанлиғини сориғанда, улар Саулниң йәттә оғлини тапшурушни сориған. Чүнки қан төкүштә пәқәт Саул әмәс, униң оғуллири әйиплик болған (С2я 21:1—9). Демәк, бу вәзийәттә балилири атисиниң гунайи үчүн әмәс, «җанға җан» дегән принципқа мас өз гунайи үчүн өлүм җазасиға һөкүм қилинған (Қ.ш 24:16; 19:21).
Роһий гөһәрләрни издәйли
w13-U 15/1 31-б., 14-абз.
14 Ақсақаллар бизни илһамландуруп, хизмәттә хошал болушимизға ярдәм берәләйду. Буниңға көп мисаллар бар. 65-яшлиқ пионер қериндишимиз мундақ дәйду: «Бирнәччә вақит бурун мән бир қисмән болуп, вәз хизмитидин һерип қалаттим. Бир ақсақал буни байқап, маңа көңүл бөлди. Биз Муқәддәс китаптики ой-пикирләр тоғрилиқ чоңқур ойлинип, яхши параңлаштуқ. Мән шу мәслиһәтләрни қолландим. Бу маңа ярдәм бәрди. Шу ақсақал мениң чүшкүнлүккә чүшкинимни байқап, маңа яр-йөләк болғиниға интайин миннәтдармән». Абишайға охшаш, ярдәм беришкә тәйяр вә диққәтчан ақсақалларниң болуши немә дегән яхши-һә!
18—24 ИЮЛЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 22
«Йәһва Худа ярдәм беридиғанлиғиға ишиниң»
cl-U 19-б., 11-абз.
11 Муқәддәс китапта «Пәрвәрдигар интайин күчлүк» екәнлиги йезилған (Йәшая 40:26). Йәһва Худа исраилларни Қизил деңиздин өткүзүп, кейин 40 жил давамида чөл-баяванда уларға қандақ ғәмхорлуқ қилғанлиғи тоғрилиқ оқуғанда, һәйран қалимиз. Мәсилән, деңиздики суниң бөлүнүватқанлиғини көз алдиңизға кәлтүрәләйсиз. Үч миллиондин ошуқ хәлиқ деңизниң қурутулған түви билән меңип, икки тәрәптин суниң йоған тамлардәк туруватқанлиғини көрүватамсиз? (Чиқиш 14:21; 15:8). Чөл-баяванда Худаниң ғәмхорлуғини һис қиливатамсиз? Мәсилән, қорам таштин су еқиватиду, йәрдә ақ уруққа охшаш нан пәйда болуватиду (Чиқиш 16:31; Санлар 20:11). Бу мисаллардин Йәһва Худа пәқәт күчини көрситипла қоймай, шу күчини хәлқигә ғәмхорлуқ қилиш үчүн пайдиланғанлиғини көрүватимиз. Ярдәм беришкә тәйяр вә күч-қудрәтлик Худа бизниң дуалиримизға қулақ салидиғанлиғини билиш бизгә тәсәлли бериду (Зәбур 46:1).
w10-U 1/6 26-б., 4—6 абз.
«Садақәтмәнлик билән һәрикәт қилиш» дегән ибраний сөз-ибарини «меһрибанлиқ билән һәрикәт қилиш» дәпму тәрҗимә қилишқа болиду. Һәқиқий садақәтмәнлик меһир-муһәббәт билән бағлиқ. Йәһва Худа Униңға садақәтмән болған кишиләрни яхши көриду. Садақәтмән болуш бу пәқәт сезим әмәс, бу һәрикәт. Йәһва Худа өзгәрмәйду (Яқуп 1:17). У Өзиниң принциплирини мәһкәм тутиду вә дайим Өз сөзидә туриду. Давут Йәһва тоғрилиқ мундақ дәп язған: «Ташлимас Өзиниң садақәтмән хәлқини» (Зәбур 37:28).
Роһий гөһәрләрни издәйли
w12-U 15/11 17-б., 7-абз.
7 Давут Исраилдики қилған улуқ ишлирини Йәһваниң кәмтәрлигиниң ярдими арқилиқ қилғанлиғини етирап қилған. Башқичә ейтқанда, Худа егилип Давутқа нәзәр салған (Зәбур 113:5—7). Биз тоғрилиқ немә ейтишқа болиду? Бизниңму хисләтлиримиз, қабилийәтлиримиз вә шәрәплик вәзийәтлиримиз Худадин әмәсму? (Кор. 1-х. 4:7). Өзини кичик тутқан киши «улуқ» болиду, чүнки Худаниң көз алдида техиму баһалиқ болиду (Луқа 9:48).
25—31 ИЮЛЬ
ХУДА СӨЗИДИКИ ҒӘЗНӘ | САМУИЛНИҢ 2-ЯЗМИСИ 23, 24
«Сизниң бериватқиниңиз қурбанлиқму?»
it-U «Аравна»
Аравна Давутқа хаманни, қурбанлиқ қилиш үчүн мални вә отунни бекарға бәрмәкчи болған. Бирақ Давут буниңға келишмәй, һәммини сетивелишни халиған. Самуилниң 2-язмиси 24:24тики айәтләргә мас Давут хаманни вә буқиларни 50 шекәл күмүчкә сетивалған (110 доллар). Бирақ Тарихнамә 1-язма 21:25тә йезилғандәк, Давут шу йәр үчүн 600 шекәл алтун төлигән (тәх. 77000 доллар). Самуилниң 2-язмисида пәқәт қурбанлиқ үчүн керәклик нәрсиләр вә йәр тоғрилиқ йезилған. Буниң һәммиси шу баһаниң ичигә киргән. Амма Тарихнамә 1-язмини язған киши кейин шу йәрдә селинидиған ибадәтхана тоғрилиқ ейтип, сетивалған йәрни шу қурулуш билән бағлаштурған (Т1я 22:1—6; Т2я 3:1). Ибадәтханиниң мөлчири шунчилик йоған болғинини әстә тутсақ, Давут 600 шекәл алтунни қурбанлиқ қилидиған кичик йәр үчүнла әмәс, ибадәтхана болидиған йоған йәр үчүн төлигән болуши мүмкин.
w12-U 15/1 18-б., 8-абз.
8 Исраиллиқ киши Йәһваға миннәтдарлиғини билдүрүш үчүн яки Уни рази қилиш үчүн өз ихтияри билән қурбанлиқни қилишни халиса, лайиқ болидиған мални таллаш қийин болмиғанду. У Йәһва Худаға хошаллиқ билән қолида бар әң яхшисини бәргән. Бүгүн Худаниң хизмәтчилири Тәврат қанунида тәләп қилинидиған қурбанлиқларни қилмайду, бирақ Йәһваға хизмәт қилиш үчүн күчини, вақтини вә пулини исрап қилиду. Әлчи Паул вәз хизмитимизни, яхшилиқлиримизни вә мәртлик билән қилған ишлиримизни Худаға лайиқ қурбанлиқлар дәп атиған (Евр. 13:15, 16). Бу қурбанлиқларни қандақ нийәт билән қилғанлиғимиз Худаға болған миннәтдарлиғимизниң қанчилик чоңқур екәнлигини көрситиду.
Роһий гөһәрләрни издәйли
w05-U 15/5 19-б., 6-абз.
Давут қан тоғрилиқ Худаниң қанунини һөрмәтлигән, шуңа һәтта бу қанунниң учини бузидиған һәрқандақ нәрсидин нери болған. Бизму Худаниң қанунлириға болған шундақ көзқарашни риваҗландурушимиз керәк.
1—7 АВГУСТ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 1, 2
«Өткүзгән хаталиғиңиздин савақ аламсиз?»
it-U «Сулайман»
Адония өзиниң планини әмәлгә ашурған болса, Сулайман тирик қалматти. Шундақ болсиму, Сулайман униң һөкүмранлиғи течлиқ-аманлиқ болидиғанлиғини көрсәткән. У тәхтигә олтарғанда, өч елишни халимиған. Адония қорқуп Муқәддәс чедирға қечип кәтти. Шуниң үчүн Сулайман падиша Адонияни елип келишни буйриди. Кейин Сулайман: «Әгәр Адония өзини инавәтлик адәмдәк тутса, у чағда униң бешидин бирму чач йәргә чүшмәйду»,— дәп вәдә қилип, униң өйигә қоюп бәрди (П1я 1:41—53).
it-U «Адония»
Давутниң өлүмидин кейин Адония Батшебадин: «Сулайман падишаға... маңа сунәмлик Абишагни хотунлуққа беришини ейтиңа»,— дәп өтүнди. Адония падишалиқтин қуруқ қалған, шуңа буниң орниға Абишагни хотунлуққа елишни халиған болуп көрүнүши мүмкин. Бирақ униң бурунқидәк һарам ойи болған. Қедимий Шәриқтики урп-адәт бойичә падишаниң аяллири вә кенизиклири кейинки избасириға өтәтти (С2я 3:7; 16:21ни селиштуруң). Адонияниң өтүнишини Сулайман падишалиққа көз қизартқан дәп қариған. Шу сәвәптин у Адонияни өлүм җазасиға кәсти (П1я 2:22—25).
Роһий гөһәрләрни издәйли
w05-U 1/7 30-б., 1-абз.
Худаниң қанунлирини бузуп, һеч җазасиз қалмаймән дәп ойлашқа болмайду. «Һаятлиққа апиридиған йолдин» әтәй чәтнәп кәткәнләр буниң ечинарлиқ ақиветини көриду (Мәтта 7:14).
8—14 АВГУСТ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 3, 4
«Даналиқ алтундин қиммәт»
w11-U 15/12 8-б., 4—6 абз.
4 Сулайман тәҗрибиси йоқлиғини чүшинип, Йәһвадин даналиқ сориған (Падишалар 1-язма 3:5—9ни оқуң). У байлиқ яки шөһрәтни әмәс, даналиқ сориғанлиғи Худаға интайин яқти. Шуңа Йәһва униңға даналиқ берипла қоймай, молчилиқму бәрди (Пад. 1-яз. 3:10—14). Әйса ейтқандәк, Сулайманниң даналиғи һәммисигә мәлум болғини шунчә, Сабаниң падиша мәликиси буниңға көз йәткүзүш үчүн узақ йол меңип кәлгән (Пад. 1-яз. 10:1, 4—9).
5 Йәһва мөҗүзә қилип, бизни бир дәмдила даналиқ қилиду дәп күтмәймиз. Сулайман даналиқни Йәһва бериду дегән, бирақ даналиққа еришиш үчүн күч чиқиришимиз керәклигиниму ейтқан. «Қулақ салсаң даналиққа, көңүл қойсаң әқил-идрәккә», дана болисән дегән. Сулайман «чақирсаң», «издисәң», «қазсаң» дегән сөзләрни қолланған (Пәнд н. 2:1—6). Көргинимиздәк, даналиққа еришиш мүмкин.
6 Өзүмиздин мундақ соришимиз лазим: «Мән Сулайманға охшаш, даналиққа ғәзнидәк қараймәнму?» Ихтисадий җәһәттин қийин әһвалдин бәзи адәмләр бар диққитини ишиға бөлиду яки бу уларниң билим елиш қарариға тәсир қилиду. Сизниң аилиңиз тоғрилиқ немә ейтишқа болиду? Қарарлириңиздин Худаниң даналиғини қәдирләп, униңға еришишкә тиришиватқанлиғиңиз көрүнәмду? Көпирәк даналиққа егә болуш үчүн мәхсәтлириңизни өзгәртишиңиз керәкму? Даналиққа егә болуп, уни һаятиңизда қоллансиңиз, һазир вә келәчәктә өз йолиңизда муваппәқийәтлик болисиз. Сулайман мундақ дәп язған:«У чағда һәққанийлиқ, адиллиқ вә дуруслуқни, шундақла һәр қандақ гөзәл йолни чүшинидиған болисән» (Пәнд н. 2:9).
Роһий гөһәрләрни издәйли
w98-U 1/2 11-б., 15-абз.
15 Йәһва Ибраһимға бәргән вәдисини әмәлгә ашурди. У Ибраһимниң әвлатлирини Өзиниң хәлқи қилип, Қанун бәргән. Б.м.и. 1473-жили Мусаниң избасари Йәшуа Исраил хәлқини Қанан зиминиға әкәлгән. Кейин шу йәр қәбилиләр арисида бөлүнди. Шундақ қилип, Йәһваниң бу йәрни Ибраһимниң әвлатлириға беримән дегән вәдиси орунланған. Исраиллиқлар садиқ болуп қалса, Йәһваму сөзидә туруп, уларға дүшмәнлириниң үстидин ғәлибә қазинишқа ярдәм берәтти. Давут падиша болғанда шундақ болған. Давутниң оғли Сулайман падиша болғанда, Йәһваниң Ибраһимға бәргән вәдисиниң үчинчи қисми орунланди. «Йәһудийлар билән исраиллиқлар көп болуп, нурғунлиғи билән деңиз қумиға тәң еди. Улар йәп-ичип, хошал-хорам яшатти» (Падишалар 1-язма 4:20).
15—21 АВГУСТ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 5, 6
«Бар күчни чиқирип, чин жүрәктин қилинған қурулуш»
w11-U 1/2 15-б.
Қариғайлар интайин мәһкәм, чирайлиқ, пуриғи йеқимлиқ болиду вә уни қурт-қоңғуз йемәйду. Шуниң үчүн Сулайман ибадәтханини салғанда әң яхши материалларни ишләткән.
it-U «Қариғай»
Қедимий заманда яғачларниң муһтаҗлиғи көп болған. Шуңа миңлиған адәмләр орманлардики дәрәқләрни кесип, бир-биригә бағлап, Оттура деңизидики Тир яки Сидонға йәткүзәтти. Шу яғачлар деңиз арқилиқ Җаффағичә йетәтти. Шу йәрдин яғачларни Йерусалимға йәткүзүләтти. Бу ишниң һәммиси Сулайман билән Хирамниң арисидики түзүлгән келишим бойичә қилинған (П1я 5:6—18; Т2я 2:3—10).
it-U «Ибадәтхана»
Сулайман падиша пүткүл Исраилдин 30000 адәмни яллап, уларни 10000дин 3 топқа бөлди. Һәрбир топ бир ай Либанда ишлигән, 2 ай өйлиридә болған (П1я 5:13, 14). Шундақла еғир жүкләрни көтиридиған 70000 адәм вә тағда ишләйдиған 80000 таш ярғучилар бар еди (П1я 5:15; 9:20, 21; Т2я 2:2). Униңдин ташқири, Сулайман 550 кишини башчи қилип тәйинлиди. Уларниң 3 300 ярдәмчилири болған охшайду (П1я 5:16; 9:22, 23). Уларниң 250ги исраил болған, 3 600 киши ят хәлиқтин чиққан мусапирлар болған (Т2я 2:17, 18).
Роһий гөһәрләрни издәйли
g-U 5/12 17-бәттики рамка
Муқәддәс китапта қандақту вақиәләрниң нәқ вақти йезилған. Мәсилән, Падишалар 1-язма 6:1дә Сулайман падишаниң ибадәтханини дәл қайси вақитта салғанлиғини билишкә болиду. Бу айәттә мундақ дәп йезилған: «Исраил оғуллириниң Мисирдин чиққининиң 480-жили [толуқ 479-жил], Сулайманниң Исраил үстидин һөкүмранлиқ қилишиниң төртинчи жили, иккинчи ай санилидиған зиб ейида у Йәһваға өй-бәйт қурушқа башлиди».
Муқәддәс китапниң хронологияси бойичә, Сулайманниң падишалиғиниң 4-жили б.м.и. 1034-жили болған. Бу жилдин 479 жилни еливәтсәк, б.м.и. 1513-жил чиқиду. Бу жили исраиллар Мисирдин чиққан.
22—28 АВГУСТ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 7
«Икки түврүктин немини үгинәләймиз?»
w13-U 1/12 13-б., 3-абз.
Ибадәтханиниң кириш еғизиниң алдида йоған икки түврүк болған. Тамниң кәңлиги 7,5 сантиметр, диаметри — 1,7 метр, егизлиги — 8 метр болған. Түврүкләрниң бешиға мистин қуюлған икки таҗ ясалған еди (Падишалар 1-язма 7:15, 16; Тарихнамә 2-язма 4:17).
it-U «Боаз, II»
Шималий тәрәптә қоюлған түврүккә Боаз (мәнаси: «күчидә») дәп нам берилди. Җәнубий тәрәптә қоюлған түврүккә Яхин (мәнаси: «У тәстиқләйду») дәп нам берилди. Шәриқ тәрәпкә қарап туруп, бу намларни оңдин солға оқуғанда, «Йәһва ибадәтханини күчи билән тәстиқләйду» дегән ой чиқиду (П1я 7:15—21).
Роһий гөһәрләрни издәйли
it-U «Жуюш, жуюнуш
Худаниң хизмәтчилири җисманий җәһәттинму пакиз болуши керәк. Буни Муқәддәс чедирдики вә ибадәтханидики хизмәт қандақ уюштурулғанлиғидин көрүшкә болиду. Һарун вә униң оғуллири хизмәт қилидиған кийимлирини кийиштин авал жуюнуши керәк еди (Чқ 30:18—21; 40:30—32; Т2я 4:2—6). Роһанийлар қоллирини вә путлирини жуюш үчүн Муқәддәс чедирниң һойлисида мис дастики суни, кейинирәк ибадәтханидики мистин қуюлған дүгләк һавуздики суни қолланған (Чқ 30:18—21; 40:30—32; Т2я 4:2—6).
29–АВГУСТ—4-СЕНТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 8
«Сулайманниң хәлиқниң алдида кичик пеиллиқ билән чин жүрәктин ейтқан дуаси»
w09-U 15/11 9-б., 9, 10-абз.
9 Худа бизниң дуалиримизни аңлиши үчүн, биз чин жүрәктин дуа қилишимиз керәк. Келишим сандуғини Әң муқәддәс җайға киргүзгәндә, ибадәтханини булут қаплиған чағда Сулайман падиша Йәһвани мәдһийилиди. Бу дуадин көрүмизки, Худаға чин жүрәктин дуа қилған гунакар кишиниң үмүти бар. Әгәр дүшмәнләр Худаниң хәлқини қуллуққа елип кәтсә, бирақ уларниң жүрәклири пүтүнләй Йәһва билән болса, уларниң дуалирини Худа аңлайду (П1я 8:48, 58, 61). Демәк, чин жүрәктин дуа қилишимиз лазим.
w99-U 15/1 17-б., 7, 8-абз.
7 Сулайман әң улуқ қурулушни тамамлаштурған. Шундақ болсиму, у кичик пеиллиқ билән дуа қилған: «Гәрчә Худа һәқиқәтән йәрдә яшамду?! Мана, асманлар вә асманларниң асмини Сени сиғдуралмайду, мән салған бу өй техиму сиғдуралмайду!» (Падишалар 1-язма 8:27)
8 Биз топниң намидин дуа қилғанда, кичик пеил болушимиз керәк. Кичик пеиллиқ билән дуа қилғинимиз аһаңимиздин көрүнүши керәк. Бирақ пәқәт башқиларниң көз алдида шундақ көрүнүш үчүн әмәс, растинла сәмимий дуа қилишимиз лазим. Сәмимий ейтилған дуалар дағдуғулуқ болмайду. Адәм шундақ дуани тиңшиғанда, диққитини ейтиватқан кишигә әмәс, Худаға бөлүши керәк (Мәтта 6:5). Дуада немә тоғрилиқ ейтиватқанлиғимиздин кәмтәрлигимиз көриниду. Әгәр кичик пеиллиқ билән дуа қилсақ, Худадин халайдиғанлиғимизниң һәммисини орунлашни тәләп қилғандәк көрүнмәйду. Әксинчә, Йәһвадин Өз нийитигә мас һәрикәт қилишини сораймиз.
Роһий гөһәрләрни издәйли
it-U «Асман»
Сулайманниң сөзлири Худаниң макани йоқ екәнлигини билдүрмәйду. Шундақла бу сөзләр Худа һәммә йәрдә вә һәммә нәрсидә болидиғанлиғини билдүрмәйду. Буни Сулайманниң «Сениң маканлашқан орнуңда, асманларда» дегән сөзлиридин көрүшкә болиду (П1я 8:30, 39).