«Һаятимиз вә хизмитимиз. Иш дәптири» үчүн мәлумат мәнбәлири
5—11 СЕНТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 9, 10
«Йәһва Худаниң даналиғи үчүн Уни мәдһийиләң»
w99 1/7 30-б., 6-абз.
Саба аял падишаси Сулайман падиша билән чоңқур мавзулар тоғрилиқ сөзлишип, униң даналиғини синимақчи болған охшайду. Муқәддәс китапта у «көңлидә бар һәммә нәрсә һәққидә сөһбәтләшти» дәп йезилған. Сулайман болса, «униңға һәммә нәрсини чүшәндүрүп бәрди. У қизиққан нәрсиләр тоғрилиқ падиша җавап бәрмигән бирму соал қалмиди» (Падишалар 1-язма 10:2, 3).
w99 1/11 20-б., 6-абз.
Саба аял падишаси көргән вә аңлиған һәммә нәрсиләрдин һәйран болуп, кәмтәрлик билән мундақ дегән: «Сизниң адәмлириңиз нәқәдәр бәхитликтур, сизниң алдиңизда туруп, даналиғиңизни аңлаватқан қуллириңиз нәқәдәр бәһримәндур!» (Падишалар 1-язма 10:4—8). Саба аял падишаси Сулайманниң хизмәтчилирини бай болғанлиғи үчүн әмәс, Худаниң даналиғини аңлиғанлиғи үчүн бәхитлик дәп атиған. Саба аял падишаси һазирқи заманда яшайдиған Худа хизмәтчилири үчүн яхши үлгә көрсәткән. Бизму Йәһва Худа вә Әйса Мәсиһ бериватқан даналиқни баһалишимиз керәк.
w99 1/7 30-б.
Саба аял падишаси Сулайманниң даналиғиға вә падишалиғиниң гүллинишини көрүп «һаң-таң қалди» (Падишалар 1-язма 10:4, 5). У Сулайманниң хизмәтчилиридә падишаниң даналиғини аңлашқа әҗайип мүмкинчилиги барлиғини ейтип, Сулайманни падиша қилғанлиғи үчүн Йәһва Худани мәдһийилиди.
Роһий гөһәрләрни издәйли
w08 1/11 22-б., 5 абз.
Қедимий қолязмида йезилғандәк, (б.м.и. иккинчи миңжиллиқта яшиған) Мисирниң пирәвни Тутмос III Амон-Ра Карнак шәһәридики ибадәтханиға 13,5 тонна алтунни соға қилған. Б.м.и. VIII әсирдә Тир Тиглатпаласар III Ассирия падишасиға 4 тоннидин көпирәк селиқ төлигән. Һәр жили Фракиядә македониялиқ падиша Филипп II (б.м.и. 359—336 жиллири) үчүн 28 тонна алтун ишләп чиқирилған. Шуңа бу қолязмилардики мәлуматни селиштурғанда, Сулайман падишаниң алтунлири һәқиқәтән көп болғанлиғини ипадиләйду.
12—18 СЕНТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 11, 12
«Һәмрайиңизни әқил билән таллаң»
w18.07 16-б., 7-абз.
7 Сулайман яш вақтида Йәһва билән яхши мунасивәттә болған еди. Йәһва Сулайманға зор дана әта қилип, Йерусалимда мәркизий ибадәтханини селиш вәзиписини тапшурған. Амма Сулайман Йәһва билән болған достлуғидин айрилған еди (Падишалар 1-язма 3:12; 11:1, 2). Худаниң қанунида падиша «өзи тола хотун алмисун», «болмиса униң көңли бузулиду» дәп йезилған (Қанун шәрһи 17:17). Сулайман бу қанунға бойсунмиған. Нәтиҗидә, у 700 аял вә 300 кенизәкни алған (Падишалар 1-язма 11:3). Бу аялларниң көпинчиси ят хәлиқтин болуп, бутларға ибадәт қилған. Демәк, Сулайман ят хәлиқтин аялларни елип, Худаниң қануниға қарши чиққан еди (Қанун шәрһи 7:3, 4).
w19.01 15-б., 6-абз.
6 Шәйтан бизниң униңға охшаш Йәһваниң өлчәмлирини көзгә илмай, өзүмизниң билгинимизни қилип жүридиған исиянчи болушимизни халайду. Әлвәттә, Шәйтан бизни өзигә охшаш ойлашқа вә һәрикәт қилишқа мәҗбурлалмайду. Шуңа у мәхситигә йетиш үчүн башқа амалларни тапқан. Мәсилән, Шәйтан бизни униң тәсири астидики адәмләр билән қоршайду (Йоһ. 1-х. 5:19). Яман билән дост болуш ой-пикримизни вә иш-һәрикәтлиримизни «бузидиғанлиғини» билсәкму, Шәйтан бизниң улар билән арилишип, яман тәсиргә учришишимизни үмүт қилиду (Кор. 1-х. 15:33). Сулайман падиша дәл шу тузаққа чүшүп қалған. У ялған илаһларға ибадәт қилған көп аялларға өйләнгән. Улар униңға қаттиқ тәсир қилип, аста-аста униң «көңлини аздурди». Шундақ қилип, Сулайман Йәһвадин жирақлишип кәткән (Пад. 1-яз. 11:3).
w18.07 17-б., 9-абз.
9 Йәһва гунаға һечқачан көз жуммайду. Муқәддәс китапта: «[Сулайман] өз көңлини Униңдин яндурди. Униң үчүн Худавәндиниң ғәзиви униңға кәлди»,— дәп йезилған. Йәһва Сулайманға ярдәм беришкә һәрикәт қилған. Йәһва «Өзини икки мәртивә ашкарә қилған... һәм бу ишлар тоғрисидин униңға: “Башқа тәңриләргә әгәшмигин”,— дәп әмир бәргән еди. Лекин Худа униңға буйруғинини тутмиған еди». Нәтиҗидә, Сулайман Худаниң қобул қилишидин һәм ярдимидин айрилған еди. Йәһва Сулайманниң әвлатлири пүтүн Исраил хәлқи үстидин һөкүмранлиқ қилишиға рухсәт қилмиған вә улар нәччә йүз жил көп қийинчилиқларни баштин кәчүргән (Падишалар 1-язма 11:9—13).
Роһий гөһәрләрни издәйли
w18.06 14-б., 1—4 абз.
Реһабам кейинчә өз қошунлирини жиғип, өзигә қарши чиққан қәбилиләр билән җәң қилмақчи болған еди. Бирақ Йәһва Худа Шәмая пәйғәмбәр арқилиқ мундақ деди: «Бурадәрлириңлар бәни-Исраил билән җәң қилғили чиқмаңлар. Һәрбириңлар өз өйигә йенип кәтсун, чүнки бу иш Мәндиндур» (Падишалар 1-язма 12:21—24) (Изаһәткә қараң.).
Реһабамниң Йәһваға бойсунуши асанға чүшкәнму? У тикәнлик қамча билән оңлаймән дегән еди, әнди топилаңни көтәргән адәмләргә қарши һечқандақ чарә қолланмиса, хәлиқ йеңи падиша һәққидә немә ойлайду? (Тарихнамә 2-язма 13:7ни селиштуруң). Реһабам хәлиқниң немә дәп ойлишиға писәнт қилмай, әскәрлири билән биргә «Худавәндиниң сөзигә қулақ селип йенип кетип, Худавәндиниң сөзигә мувапиқ йолға раван болди».
Биз буниңдин қандақ савақ алалаймиз? Башқилар бизни заңлиқ қилсиму, һәрдайим Йәһваниң сөзигә қулақ селиш даналиқтур. Әгәр итаәтчан болсақ, Худа һәрдайим бизгә мол бәрикитини төкиду (Қанун шәрһи 28:2).
Реһабам Худаға бойсунғанлиғи үчүн бәрикәткә еришкәнму? У Йәһуда билән Бениамин қәбилилиригә давамлиқ һөкүмранлиқ қилған вә шу районда йеңи шәһәрләрни қурушни қарар қилған. Йәнә у бәзи шәһәрләрни «наһайити мәһкәм қилди» (Тарихнамә 2-язма 11:5—12). Әң муһими, Реһабам бир мәзгил Йәһваниң қанунлириға бойсунған еди. Он қәбилилик падишалиқниң хәлқи бутларға чоқунғанлиқтин, көп адәмләр Реһабам падишани вә һәқиқий ибадәтни қоллаш үчүн Йерусалимға кәлгән (Тарихнамә 2-язма 11:16, 17). Реһабам Йәһваға бойсунғанлиғи үчүн, униң падишалиғи мустәһкәмләнгән еди.
19—25 СЕНТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 13, 14
«Немә үчүн кәмтәр болуп, бариға шүкүр қилишимиз керәк?»
w08 15/8 8-б., 4-абз.
4 Йеробоам падиша достлириға қиммәт соғиларни бәргән. Әгәр пәйғәмбәр жүригидә пулни яхши көридиған болса, падишаниң тәкливи униңға чоң бир езиқиш болатти. Бирақ Йәһва Худа униңға: «Сән у йәрдә нан йемә, су ичмә вә барған йолуң билән қайтма»,— дәп буйруқ бәргәнликтин, пәйғәмбәр падишаға: «Гәрчә сән маңа өйүңниң йеримини бәрсәңму, мән саңа кирмәймән вә бу зиминда нан йемәймән һәм су ичмәймән»,— дегән. У Бәйтәлдин чиққанда башқа йол билән кәткән (Пад. 1-яз. 13:8—10).
w08 15/8 11-б., 15-абз.
15 «Пүткүл қәлбиң билән Йәһваға ишинип, Өз әқлиңгә зади таянма» (Пәнд-нәсиһәтләр 3:5). Бурунқидәк Йәһваға тайинишниң орниға, бу қетим пәйғәмбәр өзигә таянған. Өткүзгән хаталиғи үчүн у һаятидин вә Худаниң разилиғидин айрилған. Буниңдин қандақ савақ алимиз? Биз өз әқлимизгә таянмай, Йәһваға садиқ хизмәт қелишимиз керәк.
w08 15/8 9-б., 10-абз.
10 Йәһудадин кәлгән пәйғәмбәр яшанған пәйғәмбәрниң ялған ейтиватқанлиғини чүшиниши керәк еди. У мундақ дәп ойлиса болатти: «Әгәр Йәһва маңа йеңи көрсәтмә бәрмәкчи болса, немә үчүн пәриштисини башқа кишигә әвәтти?» Пәйғәмбәр немә қилишини Йәһвадин сориса болатти, бирақ Муқәддәс китапта униң рәһбәрлик сорап дуа қилғанлиғи йезилмиған. Әксинчә, «Худаниң адими униң билән өйигә келип, ненини йәп, сүйини ичти». Йәһва буниңға рази болмиди. Худаниң адими йәп-ичкәндин кейин өйигә қайтти. «Уни йолда шир учритип, өлтүрүвәтти». Бу пәйғәмбәрниң һаяти вә хизмити шундақ аяқлашти (Пад. 1-яз. 13:19—25).
Роһий гөһәрләрни издәйли
w10 1/7 29-б., 5-абз.
Падишалар 1-язма 14:13тин Йәһваниң хисләтлири тоғрилиқ билишкә болиду. Йәһва Худа Йеробоамниң оғли Абияда яхши бир нәрсә «тапти». Йәһва униң жүригини пухта тәкшүргән. Бир алимниң ейтишичә, Абия аилисидикиләргә қариғанда, ташларниң арисида ятқан мәрвайиткә охшаш болған. Йәһва Худа униң яхшилиғиға баһа берип, мукапатлиди.
26-СЕНТЯБРЬ—2-ОКТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 15, 16
«Аса җасурлуқ билән һәрикәт қилди. Сизчу?»
w12 15/8 8-б., 4-абз.
Аса ят әлләрдин кәлгән қурбангаһларни вә қурбанлиқ егизликлирини вә бут түврүклирини кесип ташлиди (Тар. 2-яз. 14:2, 3). У ибадәтханида җинсий әхлақсизлиқ қилған кишиләрни қоғлап чиққти. Шундақла Аса падиша хәлиқни Йәһва Худани издәп, Униң әмирлирини орунлашни дәвәт қилған (Пад. 1-яз. 15:12, 13; Тар. 2-яз. 14:4).
w17.03 17-б., 7-абз.
7 Бизниң жүригимиз Йәһваға пүтүнләй берилгәнлигини қандақ биләләймиз? Өзүңиздин мундақ сорап көрүң: «Бешимға күн чүшкәндә Йәһваға бойсунимәнму? Униң җамаитини пак сақлашқа бәл бағлидимму?» Аса падишаға өз момисини мәликә мәртивисидин айриветиш үчүн қанчилик көп җасурлуқ һаҗәт болди десиңизчу! Бәзидә бизгиму Асаға охшаш җасурлуқ керәк. Мәсилән, аилә әзалириңизниң бири яки йеқин достуңиз гуна қилип, товва қилмиғанлиғи үчүн җамаәттин чиқирилсичу? Униң билән мунасивитиңизни үзәләмсиз? Қәлбиңиз сизни немә қилишқа дәвәт қилиду?
it «Аса»
Бәзи вақитларда Аса падишаға даналиқ вә пәм-парасәтлик йетишмигән болсиму, Йәһва уни садиқ падиша дәп һесаплиған, чүнки униң яхши сүпәтлири болған (Т2я 15:17).
Роһий гөһәрләрни издәйли
w98 15/9 21, 22-б.
Йәшуа 6:26дә: «Шу чағда Йәшуа қәсәм ичип, мундақ дегән еди: «Йәһваниң алдида мошу Йериха шәһирини йәнә тикләп ясайдиған киши ләнәткә учрисун! У бу шәһәрниң һулини тунҗисида салған болуп, униң дәрвазилирини өзиниң кәнҗә оғлида тиклисун». Бу пәйғәмбәрлик сөзләр 500 жилдин кейин әмәлгә ашти. «Униң күнлиридә бәйтәллик Ахиил Йерихани ясап чиқти. У өзиниң тунҗиси Абирам туғулғанда шәһәрниң һулини қурди, кәнҗә оғли Сегуб туғулғанда униң дәрвазилирини қойди. Йәһваниң Йәшуа Нун арқилиқ ейтқан сөзи бойичә бу оғуллири өлүп кәтти» (П1я 16:34). Йәһва бу пәйғәмбәрлик сөзләрни йезишқа дәвәт қилған һәм униң орунлишиға ғәмхорлуқ қилған.
3—9 ОКТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 17, 18
«Қай вақитқичә силәр икки путуңларға асқақлайсиләр?»
w17.03 10-б., 6-абз.
6 Исраиллиқлар Вәдә қилинған йәрдә яшиғанда, йә Йәһваға ибадәт қилишни, йә башқа илаһларға хизмәт қилишни таллиши керәк еди (Йәшуа 24:15ни оқуң). Бир қариғанда, бу оңай болған. Лекин бу таллаш һаят-мамат мәсилиси еди. Һакимлар дәвридә исраиллиқлар қайта-қайта натоғра қарарларни чиқарған. Улар Йәһвадин үз өрүп, сахта илаһларға сәҗдә қилған еди (Һакимлар 2:3, 11—23). Кейинирәк, Елия пәйғәмбәрниң күнидиму Худа хәлқи йә Йәһваға, йә Баал дегән ялған худаға хизмәт қилишни таллиши керәк еди (Падишалар 1-язма 18:21). Бәлким, сиз «бу асанғу, сәвәви Йәһваға хизмәт қилиш әң яхши һаят йоли» дәп ойлайдиғансиз. Әсли, дана адәм җансиз худаға сәҗдә қилматти. Бирақ исраиллиқлар бу қарарни қилалмай жүргән. Муқәддәс китапта уларниң «икки тәрәпкә тәлмүрүп турғанлиғи», йәни иккиләнгәнлиги, йезилған. Елия пәйғәмбәр даналиқ билән хәлиқни һәқиқий Худа Йәһваға ибадәт қилишқа дәвәт қилди.
ia 88-б., 15-абз.
15 «Баалниң хизмәтчилири қаттиқ вақиришип униңға мураҗиәт қилди, адити бойичә өзлирини пичақлири вә нәйзилири билән тилип, уларниң тәнлири қанға милинип, һәтта қан шоқирап ақти». Буниң һәммиси бекар болди, чүнки «үнму, җавапму, диққәт бәлгүсиму берилмиди» (Пад. 1-яз. 18:28, 29). Баал сахта илаһ еди. Адәмләрни Йәһвадин жирақлаштуруш үчүн, Шәйтан бу нәрсә яки Баални ойлап чиқарған. Әгәр адәмләр Йәһвани өз Ғоҗайини дәп талимиса, шу чағда улар шәрмәндиликкә вә номуста қалиду (Зәбур 25:3; 115:4—8ни оқуң).
ia 90-б., 18-абз.
18 Илияс пәйғәмбәр дуа қилиштин бурун, шу җайда турған адәмләр техичә Йәһва Худаниң Баалдин һеч пәрқи йоқ дәп ойлиғанду. Бирақ униң дуасидин кейин һәммиси рошән болди. «Шу вақитта Йәһвадин от чүшүп, көйдүрмини, отунларни һәм ташларни, топини вә орида болған суни ялмап жутувәтти» (Пад. 1-яз. 18:38) Бу растинла әҗайип мөҗүзә болған.
Роһий гөһәрләрни издәйли
nwtsty, Лқ 4:25 үчүн тәтқиқ қилиш мәлумати
Үч жил алтә ай. П1я 18:1гә бенаән, Илияс пәйғәмбәр қурғақчилиқниң «үчинчи жилда» аяқлишидиғанлиғи тоғрилиқ елан қилған. Бәзилири Әйсаниң сөзлири Падишалар 1-язмидики сөзләргә қарши дәп ойлайду. Лекин Ибраний Язмиларда қурғақчилиқ үч жилдин азирақ вақитқа созулғанлиғи йезилмиған. «Үчинчи жилда» дегән ибарә Илияс пәйғәмбәр Ахабқа биринчи қетим қурғақчилиқ һәққидә ейтқандин кейин башланған вақит арилиғини билдүриду (П1я 17:1). Бу қурғақчилиқ вақтиниң башлиниши мүмкин (адәттә қурғақчилиқ алтә ай болатти, бирақ бу жили у узун вақитқа созулуп кәтти). Униңдин башқа, бу қурғақчилиқ Илияс Ахабниң қешиға йәнә бир қетим барғандин кейин, «үчинчи жилда» аяқлашмиған, амма Кармәл теғидики тәсирлик вақиәдин кейин аяқлашқан (П1я 18:18—45). Демәк, Әйсаниң сөзлири вә униң иниси Яқуп (Яқ 5:17)дә язған сөзләргә охшаш, шундақла бу П1я 18:1дики вақитқа мас келиду.
10—16 ОКТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 19-20
«Тәсәлли елиш үчүн Йәһваға мураҗиәт қилиң»
w19.06 15-б., 5-абз.
5 Падишалар 1-язма 19:1—4ни оқуң. Изабәл аял падишаниң Илиясни өлтүргүси кәлгәндә, у қорқуп кетип Бәршебаға қечип кәткән. Җени азапланғанлиғи шуки, һәтта өзигә өлүм тилигән. Пәйғәмбәр немә үчүн өзини шундақ һис қилған? Чүнки у «биздәкла сезимлири бар» намукәммәл адәм еди (Яқуп 5:17). Бәлким, Илияс һерип һалидин кетип, чүшкүнлүккә чүшкән. «Пак ибадәтни қоллаш үчүн қилған әмгигим зайә кәтти, хәлиқ тоғра йолға қайтмиди вә Йәһваниң хизмәтчилиридин ялғуз мәнла қалдим» дәпму әнсиригән болуши мүмкин еди (Пад. 1-яз. 18:3, 4, 13; 19:10, 14). Садиқ пәйғәмбәрниң шундақ һис-туйғуда болғини бизни һаң-таң қалдуруши мүмкин. Лекин Йәһва Худа униң сезимлирини яхши чүшәнгән.
ia 103-б., 13-абз.
13 Илияс пәйғәмбәр қаттиқ ухлап қалғанда, Йәһва пәриштисини әвәтти. Пәриштә қолини тәккүзүп: «Тур, тамақланғин»,— деди. Илиясниң алдида иссиқ нан вә су турған. Илияс пәриштигә рәхмәт ейтмиған болуш керәк. У йәп-ичип, қайта ухлап қалған. Бәлким у чүшкүнлүккә чүшкәнлиги шунчилик, һәтта бир сөзму ейтқуси кәлмигән. Шундақ болған болсиму, пәриштә уни әтигәндә йәнә бир қетим охатти. У қол тәккүзүп: «Тур, қосиғиңни тойдурғин, чүнки алдиңда узақ йол!»— деди (Пад. 1-яз. 19:5—7).
ia 106-б., 21-абз.
21 Йәһва Худа тәбиәттики һәйран қаларлиқ нәрсиләрни яратти вә У һечкимгә тәң кәлмәйдиған қудрәткә егә. Һәтта асманлар Уни сиғдуралмайду! (Пад. 1-яз. 8:27) Қудрәтлик Пәрвардигаримиз Йәһва Худа Илияс пәйғәмбәргә яр-йөләк болған.
ia 106-б., 22-абз.
22 Оттин кейин аста юмшақ аваз чиққан. Бу аваз Илиясқа йәнә бир қетим соал қойди. Илияс болса, йәнә бир қетим өз дәрдини очуқ ейтип бәрди. Буниңдин кейин Илиясқа йеник болуп қалған. Амма бу авазниң униңға ейтқанлиридин кейин у техиму көңүл арамлиғини тапти. Йәһва Худа униң хизмитини интайин баһалайдиғанлиғиға ишәндүргән. Шундақ қилип, У Өзиниң пәйғәмбиригә Исраилда бутпәрәсликкә қарши немиләрни қилидиғанлиғини ейтип бәрди.
Роһий гөһәрләрни издәйли
w97 1/11 31-б., 2-абз.
Нурғун Худаниң хизмәтчилири бүгүнки күндә хизмәт қилишқа тәйярлиғини көрсәтмәктә. Бәзилири Елишаға охшаш, өзлириниң «етизлирини» ташлап, хизмәт қилишқа тәйяр. Мәсилән, улар маддий тәрәптин қурбанлиққа берип, вәз ейтқучилар йетишмәйдиған йәрләргә көчүп кәткән яки Бәйтәлдә хизмәт қилса, гайибирлири башқа дөләтләргә көчүп, теократиялик қурулушларға қатнишиватиду. Башқилири болса, көзгә көрүнмәйдиған ишларни қиливатиду. Бирақ уларниң һәммиси Йәһваниң көз алдида муһим ишларни қиливатиду.
17—23 ОКТЯБРЬ
ХУДА СӨЗИДИКИ ҒӘЗНӘ | ПАДИШАЛАР 1-ЯЗМА 21, 22
«Йәһва Худа һоқуқини қандақ қоллинидиғанлиғидин үлгә елиң»
it «Әскәрләрниң Сәрдари Йәһва»
Йәһва «әскәрләрниң Сәрдари» дәп атилиду. Чүнки асмандики мәхлуқлар хурабинлар, сирафлар вә пәриштиләрдин ибарәт (Йша 6:2, 3; Яр 3:24; Вһ 5:11). Йәһва уларни топлар билән тәртиплик уюштурған. Мәсилән, қорқуп турған Елишаниң хизмәткари вәһийдә «Елишаниң чөрисидә пүтүн тағниң от ялқунидин болған ат билән һарвулардин толғинини көрди» (П2я 6:15—17).
w21.02 4-б., 9-абз.
9 Кәмтәрлик. Йәһва пүтүн Каинаттики әң дана Шәхстур. Буниңға қаримастин, У Өз хизмәтчилириниң ой-пикригә қулақ салиду (Ярит. 18:23, 24, 32). Униң һоқуқи астида болған хизмәтчилириниң пикрини қобул қилиду (Пад. 1-яз. 22:19—22). Йәһва мукәммәл Худа, бирақ у биз қилалмайдиған нәрсиләрни тәләп қилмайду. Буниң орниға, У Өз хизмәтчилириниң утуқлуқ хизмәт қилишиға ярдәм бериду (Зәб. 113:6, 7 [112:6, 7]). Әмәлийәттә, Муқәддәс китапта «Йәһва — мениң Ярдәмчимдур», дәп тәсвирләнгән (Зәб. 27:9 [26:9]; Ибр. 13:6). Давут падиша өзигә тапшурулған улуқ ишни Йәһва кәмтәр болғанлиғи вә ярдәм бәргәнлиги сәвәплик қилалидим, дәп етирап қилған (Сам. 2-яз. 22:36).
it «Ялғанчилиқ»
Сахта пәйғәмбәрләр Ахаб падишани Гилиадтики Рамотта җәңдә ғәлибә қазинидиғанлиғини ишәндүргән. Лекин падишаниң вапат болидиғанлиғини Йәһваниң пәйғәмбири Мика алдин ала ейтқан. Мика пәйғәмбәр вәһий көргән. Бир пәриштә Йәһваға: «“Мән берип, униң барлиқ пәйғәмбәрлириниң еғизида алдамчи роһ болимән”,— деди. Худа җававән: “Һә, сән буни қилип, уни ишәндүрисән. Берип, буни әмәлгә ашурғин!”— дәп иҗазәт бәрди». Бу пәриштә сахта пәйғәмбәрләргә тәсир қилған. Нәтиҗидә, улар Ахаб падиша аңлиғуси кәлгән нәрсиләрни ейтқан. Мика пәйғәмбәр Ахаб падишани агаһландурсиму, падиша ялған сөзләрни аңлашни халиған, ақиветидә һаятидин айрилған (П1я 22:1—38; Т2я 18).
Роһий гөһәрләрни издәйли
w21.10 3-б., 4—6 абз.
4 Ахири Йәһваниң сәвир-тақити түгигән. У Илияс пәйғәмбәрни Ахаб вә Изабәлға җаза һөкүмини, йәни уларниң аилә әзалириниң өлтүрүлидиғанлиғини елан қилишқа әвәткән. Илиясниң сөзлири Ахабқа бәк қаттиқ тәсир қилған. Һәйран қаларлиқ йери, шу һакавур адәм өзини төвән тутуп, кәмтәр болған (Пад. 1-яз. 21:19—29).
5 Ахаб гәрчә шу вақитта өзини кәмтәр тутқан болсиму, кейинирәк иш-һәрикәтлири униң һәқиқий товва қилмиғанлиғини көрсәткән. У йәнә өз падишалиғида Баалға ибадәт қилишни йоқ қилип, униң орниға Йәһваға ибадәт қилишни гүлләндүрүшкә һәрикәт қилишқа тиришмиған. Башқа ишлириму Ахабниң һәқиқий товва қилмиғанлиғини көрсәткән.
6 Кейинирәк Ахаб Йәһуданиң яхши падишаси Йәһошафат билән бирлишип, сүрийәликләргә қарши җәң қилишқа чақирғанда, Йәһошафат авал Йәһва Худаниң бир пәйғәмбиридин мәслиһәт сорап көрүшни тәклип қилған. Дәсләптә Ахаб тәкливини рәт қилип: «Йәнә бир киши бар. Униң арқилиқ Йәһвани сориғили болиду, лекин мән уни яхши көрмәймән, чүнки у мән һәққидә яхшилиқни ейтмайду, пәқәт яманлиқнила»,— дегән. Шундақтиму улар ахири Мика пәйғәмбәрдин мәслиһәт сориған. Дәл Ахаб ейтқандәк, шу пәйғәмбәр Ахаб һәққидә яман хәвәрни йәткүзгән. Рәзил падиша Ахаб товва қилип, Йәһвадин кәчүрүм сорашниң орниға, Униң пәйғәмбирини зинданға ташлатқан (Пад. 1-яз. 22:7—9, 23, 27). Гәрчә падиша Йәһва Худаниң пәйғәмбирини зинданға ташлатқан болсиму, униң пәйғәмбәрлик сөзлириниң әмәлгә ешишиға һечқандақ тосалғулуқ қилалмиған. Кейинирәк Ахаб җәңдә өлтүрүлгән (Пад. 1-яз. 22:34—38).
24—30 ОКТЯБРЬ
ХУДА СӨЗИДИКИ ҒӘЗНӘ | ПАДИШАЛАР 2-ЯЗМА 1, 2
«Тәлим бериш вә тәлим елишни үгиниң»
w15 15/4 13-б., 15-абз.
15 Елиша тоғрилиқ һекайидин бурадәрләр яхши савақ алалайду. Елиша вә Илияс пәйғәмбәр Йордан дәриясиға бариду. «Илияс йепинчисини қатлап, униң билән суни уривиди, су иккигә бөлүнүп турди; улар иккиси қуруқ йолдин өтти». Қурутулған дәриядин өткәндин кейин, улар давамлиқ сөзлишип маңди. Көргинимиздәк, Елиша һәммини билимән дәп ойлимиған. Илияс елип кетилгичә, Елиша униң ейтқан һәрбир сөзни көңлигә пүткән. Бүгүнму бурадәрләр тәҗрибилик ақсақалларға һөрмәт көрситиши керәк.
w15 15/4 13-б., 16-абз.
16 Елиша қилған биринчи мөҗүзиси, Илиясниң мөҗүзисигә охшиған. Елишаниң һоқуқи болсиму, һәммини башқичә қилиш керәк дәп ойлимиған. Әксинчә, Елиша хизмитини атқурғанда Илиястин үлгә алған. Шундақ қилип, уни үгәткән кишигә һөрмәт көрсәткән. Бу башқа пәйғәмбәрләргә илһам бәргән (Пад. 2-яз. 2:15). Елиша 60 жил давамида пәйғәмбәр болуп хизмәт қилған. Шу арилиқта у Йәһваниң ярдими билән һәтта Илияс пәйғәмбәрдинму көпирәк мөҗүзә қилған.
Роһий гөһәрләрни издәйли
w05 1/8 9-б., 1-абз.
Бу каинаттики бир җай яки Худа билән пәриштиләр маканлишидиған роһий бир җай болмиған (Қанун шәрһи 4:19; Зәбур 11:4; Мәтта 6:9; 18:10). Илияс пәйғәмбәр көтирилгән «асман» атмосфера асмини еди (Зәбур 78:26; Мәтта 6:26). Йәр атмосферасиға көтирилгән от ялқун һарвуси Илиясни йәрниң башқа четигә елип кетилгән охшайду, у шу йәрдә бир аз вақит яшиған.
31-ОКТЯБРЬ—6-НОЯБРЬ
ХУДА СӨЗИДИКИ ҒӘЗНӘ | ПАДИШАЛАР 2-ЯЗМА 3, 4
«Балиңизни елиң»
w17.12 5-б., 7-абз.
7 Муқәддәс китапта йезилған иккинчи тирилиш вақиәси Елиша пәйғәмбәр билән болған. Шунәм шәһиридә балилири йоқ бир исраиллиқ аял яшиған. У Елишаға меһмандостлуқ көрсәткәнликтин, Йәһва уни вә яшанған йолдишини бәрикәтләп, уларға оғул соға қилди. Амма бирнәччә жилдин кейин бу оғул өлүп қалди. Анисиниң өзини қандақ һис қилғинини тәсәввур қилип көрүң. Дәрди еғир болғини шуки, у Елишани тепиш үчүн, Кармил теғиға 30 километр йол маңди. Пәйғәмбәр хизмәтчиси Гехазини балини тирилдүрүш үчүн Шунәмгә әвәткән. Амма Гехази уни тирилдүрәлмиди. Шуңа қайғуға патқан ана Елиша пәйғәмбәр билән өйигә барди (Падишалар 2-язма 4:8—31).
w17.12 5-б., 8-абз.
8 Елиша өлүп қалған оғул бала ятқан бөлмигә чиқип, дуа қилди. Йәһва униң дуасиға җавап берип, балини мөҗүзәвий һалда һаятқа қайтурди. Бу аял балисиниң тирик екәнлигини көргәндә, хошаллиғи қин қиниға патмиди! (Падишалар 2-язма 4:32—37ни оқуң). У Һаннаниң дуада ейтқан сөзлирини әслигәнду. Йәһва Худа уни бәрикәтләп, Самуил исимлиқ оғулни соға қилмиғичә, Һанна пәрзәнт сөйәлмигән. Һанна Йәһвани «өзи гөргә чүшүрүп, йәнә қопуридиғанлиғи» үчүн мәдһийилиди (Самуилниң 1-язмиси 2:6). Шунәмдә оғулни удул мәнада қопурғанлиғи арқилиқ Худа өлгәнләрни тирилдүрүшкә қудрәтлик екәнлигини испатлиди.
Роһий гөһәрләрни издәйли
it «Пәйғәмбәр»
«Пәйғәмбәрләр топи» яки «пәйғәмбәрләр оғуллири» дегән ибарә пәйғәмбәрләргә көрсәтмиләрни беридиған мәктәпни яки бир пәйғәмбәрләр җәмийитини билдүрүши мүмкин. Пәйғәмбәрләрдин ибарәт болған топларниң Бәйтәлдә, Ерихада вә Гилгалда болғанлиғи йезилған (П2я 2:3, 5; 4:38; С1я 10:5, 10ни селиштуруң). Самуил Рамадики шундақ бир топни башқурған. Елишаму шундақ хизмәт атқурған болуши кәрәк (С1я 19:19, 20; П2я 4:38; 6:1—3; П1я 18:13). Улар аддий һаят кәчүргәнликтин, өзлиригә туридиған макан-җай салған вә җабдуқ-қуралларни қәризгә алған.