«Һаятимиз вә хизмитимиз. Иш дәптири» үчүн мәлумат мәнбәлири
© 2022 Christian Congregation of Jehovah’s Witnesses
2—8 ЯНВАРЬ
ХУДА СӨЗИДИКИ ҒӘЗНӘ | ПАДИШАЛАР 2-ЯЗМА 22, 23
«Немә үчүн кәмтәр болуш керәк?»
w00 15/9 29, 30-б.
Шәк-шүбһисизки, Йошия pәзил әҗдатлириниң Худаниң өйигә кәлтүргән зиянни бир тәрәп қилғанлиғи үчүн Йәһва Худаға миннәтдарлиғини билдүргән. Иш қайнавақатқан вақитта, Шафан әҗайип бир йеңилиқни ейтиду. Униң қолида немә? Хилқия баш роһаний «Йәһва өйидә Қанун китавини» тепивалғанлиғини ейтиду (Тарихнамә 2-язма 34:12—18).
Йошия қолязмида немә йезилғанлиғини билишкә алдирайду. Шафан қолязмини оқуватқанда, падиша Худаниң пәрманлирини униң хәлқи қандақ қоллиниватқанлиғи тоғрисида чүшинишкә тиришиду. Қолязмида, әгәр адәмләр ялған худаларға ибадәт қилса, улар җазалинип, қоғланда болидиғанлиғи тоғрилиқ йезилғанлиғи уни һәйран қалдурған. Хәлиқ Худаниң қанунлиридин қанчилик жирақлишип кәткәнлигини Йошия чүшәнгәндә, кийимини житип Хилқия, Шафан вә башқилириға: «Йәһвани мениң намимдин... мошу китапниң сөзлири һәққидә сорап келиңлар. Чүнки ушбу китапта йезилғинидәк, атилиримиз Йәһваниң сөзлиригә әмәл қилмиғини үчүн, Йәһваниң дәрғәзиви зордур»,— деди» (Падишалар 2-язма 22:11—13; Тарихнамә 2-язма 34:19—21).
w00 15/9 30-б., 2-абз.
Йошияниң әлчилири Йерусалимдики Хулда аял пәйғәмбәргә бариду. У аял чәтнәп кәткән хәлиқниң қийин әһвалға чүшүп қалидиғанлиғини Йәһва Худаниң сөзидин ейтип бериду. Йошия Йәһва Худаға кәмтәрлик көрсәткәнлиги үчүн униң бу қийин әһвалини көрмәйдиғанлиғини ейтти. Йәһва Худа Йошияға әҗдатлириң билән биргә қәбирдә течлиқта ятисән дәп вәдә қилған (Падишалар 2-язма 22:14—20; Тарихнамә 2-язма 34:22—28).
Роһий гөһәрләрни издәйли
w01 15/4 26-б., 3, 4-абз.
Йошияниң балилиқ дәври еғир болсиму, Йәһва Худаниң көз алдида яхши ишларни қилған. Муқәддәс китапта униң һөкүмранлиғи наһайити утуқлуқ болған дәп йезилған: «Йәһваға пүтүн қәлби, пүтүн дили вә барлиқ күчи билән Муса қануни тәләп қилидиған барлиқ нәрсидә мошундақ мураҗиәт қилған падиша йә авал, йә кейин болмиған еди» (Падишалар 2-язма 23:19—25).
Балилиқ дәвирдә қийналғанларға, Йошияниң үлгиси илһам бериду
9—15 ЯНВАРЬ
ХУДА СӨЗИДИКИ ҒӘЗНӘ | ПАДИШАЛАР 2-ЯЗМА 24, 25
«Қандақ вақитта яшаватқанлиғимизни әстин чиқармаң»
w01 15/2 12-б., 2-абз.
2 Яш Йошия падиша Сәфнияниң пәйғәмбәрлик сөзини аңлап, Йәһуда хәлқини бутпәрәсликтин тазилашқа башлиған. Қандақла болушидин қәтиъийнәзәр, падиша хәлиқ арисида йүз бериватқан рәзилликни пүтүнләй тохтиталмиди. Падишаниң бу иш-һәрикәтлири «Йерусалимни ушбу бегуна қан билән» толтурған бовиси Манассәниң гуналирини жуялмиди (Падишалар 2-язма 24:3, 4; Тарихнамә 2-язма 34:3). Шуңа Йәһва Худаниң һөкүм күни сөзсиз келиду.
w07 15/3 11-б., 10-абз.
Б. м. и. 607-жил. Сәдәқияниң падишалиқ қиливатқанлиғиға он бир жил болған еди. Бабил падишаси Небуқаднисар Йерусалимни қоршавға алғиниға 18 ай болған. Небуқаднисарниң һөкүмранлиғиниң он тоққузинчи жилниң бәшинчи айниң йәттинчи күни, Йерусалимға падишаниң баш қоғдиғучиси Нәбузардан келиду (Падишалар 2-язма 25:8). Нәбузардан шәһәрниң сиртидин лагерьдики вәзийәтни тәкшүрүп, қандақ иш-һәрикәт қилиши үчүн план қуриду. У үч күндин кейин айниң онинчи күни Йерусалимға кирип шәһәргә от қоюветиду (Йәрәмия 52:12, 13)
Роһий гөһәрләрни издәйли
w05 1/8 12-б., 1-абз.
Манассә көп қан төккәнлиги үчүн, Йәһва Худа Йәһуда хәлқини «кәчүргүси кәлмиди». Йәһва Худа қан төкүшкә көз жуммайду. У бегуна кишиләрниң қенини төккән адәмләрдин өч алидиғанлиғиға ишәнчлик болалаймиз (Зәбур 37:9—11; 145:20).
16—22 ЯНВАРЬ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 1—3
«Муқәддәс китап чөчәк яки ривайәт әмәс, һәқиқий китап»
w09 1/9 14-б., 1-абз.
Мәсилән, Муқәддәс китаптики Тарихнамә 1-язма 1—9 баплирида вә Луқа 3-бапта Йәһуда хәлқиниң әвладтилири һәққидә нәсәпнамә яки йезилған тизимни қарап чиқайли. Тарихнамидә 48 әвлад йезилған, Луқа китавида болса, 75 әвлат тоғрилиқ язған. Язғучи Луқа Әйса Мәсиһниң нәсапнамисини язған болса, Тарихнамидә Исраил хәлқиниң падишалири билән роһанийларниң насәпнамиси кәлтүрүлгән. Һәр иккила тизимда көплигән мәлум кишиләрниң исимлири йезилған. Мәсилән, Сулайман, Давут, Яқуп, Исһақ, Ибраһим, Нуһ вә Адәм ата. Бу икки тизимда тарихта растинла яшиған адәмләрниң исимлири йезилған. Демәк, Адәм ата һәқиқәтән яшиған.
w08 1/6 3-б., 4-абз.
Муқәддәс китаптики икки насәпнамидә Нуһниң растинла болғанлиғини испатлайду (Тарихнамә 1-язма 1:4; Луқа 3:36). Езра билән Луқа бу тизимни язғанда, әстайдиллиқ билән тәтқиқ қилған. Луқа Әйса Мәсиһниң насәпнамисини Нуһ пәйғәмбәргичә язған.
w09 1/9 14, 15-б.
Әйса Мәсиһ өзиниң мукәммәл һаятини адәмзатни гунадин азат қилиш үчүн төләм сүпитидә бәрди (Мәтта 20:28; Йоһан 3:16). Төләм дегинимиз — йоқитип қойған яки айрилип қалған нәрсини қайтуруп елиш үчүн төлинидиған бебаһа һәқ. Шу сәвәптин, Муқәддәс китапта Әйсаниң һаяти мувапиқ төләм сүпитидә тәсвирләнгән (Тимотийға 1-хәт 2:6). Мүмкин немигә мувапиқ дәп сорайдиғансиз? Муқәддәс китап мундақ дәп җавап бериду: «Адәм атида һәммиси өлгинидәк, Мәсиһтә һәммиси һаят болиду» (Коринтлиқларға 1-хәт 15:22). Әйсаниң итаәтчан инсанийәт үчүн қурбанлиқ қилған мукәммәл һаяти, Адәм атиниң Ерәм бағдики тунҗа гуна қилған сәвәвидин йоқитилған мукәммәл һаятиға мас келиду (Римлиқларға 5:12). Демәк Адәм ата яшимиған болса, Мәсиһниң төләм қурбанлиғи мәнасиз болатти.
Роһий гөһәрләрни издәйли
it «Нәсәпнамә»
Аялларниң исми. Бәзидә нәсәпнамидә аялларниң исимлири учришиду, буниң өз сәвәплири бар. Мәсилән, вәдә қилинған әвлат Ибраһимниң башқа аялдин әмәс, Сараһтин (Сарә) чиқидиғанлиғини көрситиш үчүн Яритилиш 11:29, 30-айәтләрдә Сараһ тилға елинған. Бу айәтләрдә Милкаһ тоғрилиқму йезилған, чүнки у Исһақниң аяли Рәбәкәниң момиси болған. Демәк, Рәбәкә Ибраһимниң туққини болған, шуңа Исһақ ят хәлиқләрдин болған аялға өйләнмәсилиги керәк еди (Яр 22:20—23; 24:2—4). Яритилиш 25:1дә Ибраһимниң кейинки аяли Хәтураниң исми йезилған. Демәк, Сараһ қайтиш болғандин кейин Ибраһим йәнә өйләнди. Йәһва Сараһниң бала тепиш қабилийитини әксигә кәлтүргәндин кейин 40 жил өтсиму, Ибраһим бала тепиш қабилийитидин айрилмиғанлиғини көрүмиз (Рм 4:19; Яр 24:67; 25:20). Буниңдин Исраил хәлқиниң мадиан хәлқи вә башқа аравиядә яшайдиған қәбилиләр билән қандақ туққанчилиғи бар екәнлигини көрситиду.
Шундақла нәсәпнамидә Лия, Раһилә вә Яқупниң башқиму тоқал аяллириниң исимлири оғуллири билән биргә йезилған (Яр 35:21—26). Кейинирәк Йәһваниң уларниң оғуллири билән болған мунасивитини чүшинишкә ярдәм бериду. Мошуниңға охшаш сәвәпләр билән башқа аялларниң исимлири нәсәпнамиға тизимлинишини чүшәндүрүп бериду. Әгәр аяллар мирасқа егә болса, у чағда уларниң исимлири нәсәпнамиға йезилатти (Сн 26:33). Шу сәвәптин Тамар, Рахаб вә Рутни алаһидә тилға алған. Уларниң һәрбири җасурлуқ билән иш қилғанлиғи үчүн Әйса Мәсиһниң әвлади болуш шан-шәривигә егә болған (Яр 38; Рт 1:3—5; 4:13—15; Мт 1:1—5). Нәсәпнамидә тизимға елинған башқа аялларниң исимлирини Тарихнамә 1-язма 2:35, 48, 49; 3:1—3, 5тә тапалайсиз.
23—29 ЯНВАРЬ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 4—6
Дуалирим мән һәққидә немиләрни ашкарилайду?
w10 1/10 23-б., 3—7 абз.
Ябез дайим дуада болған. У дуа қилишни башлиғанда алди билән Худаниң бәрикитигә еришишни өтүнүп сориған. Кейин у етиқадиниң мустәһкәм екәнлигини көрситидиған үч нәрсини сориған.
Биринчидин, Ябез Худадин чегарисини кәңәйтишини сориған (10-айәт). Бу абройлуқ киши башқиларниң йеригә егә болушни халимиған. Униң бу өтүниши йәр билән әмәс, бәлки адәмләр билән бағлиқ болған. У мүмкин һәқиқий Худаниң техиму көп хизмәтчилири яшисун дәп, зиминниң кәңәйтишини тәләп қилған болуши мүмкин.
Иккинчидин, Ябез Худаниң қоли униң билән болушини сориған. «Худаниң қоли» дегән ибарә, Өзиниң хизмәтчилиригә ярдәм бериш үчүн қоллинидиған Худаниң күч-қурити (Тарихнамә 1-язма 29:12). Шу сәвәптин, Ябез Худаниң қоли қисқа әмәс екәнлигини чүшәнгәнликтин, қәлбидики арзу-арманлириниң әмәлгә ашурудиғанлиғини сориған.
Үчинчидин, Ябез «Сениң қолуң мән билән болуп, қайғу-һәсрәт чәкмишим үчүн, мени зулумдин қоғдисаңди!»— дәп илтиҗа қилди. «Қайғу-һәсрәт чәкмишим үчүн» дегән ибарә, Ябез қайғу-һәсрәттин нери болуши үчүн әмәс, бәлки шу яман ишларниң сәвәвидин чүшкүнлүккә чүшүп қалмаслиғи үчүн дуада ялвуруп сориған болуши мүмкин.
Ябезниң дуаси униң һәқиқий ибадәткә болған көзқаришини, ишәнчисини вә дуаларни Аңлиғучи Худаға таянғанлиғини көрситиду. Йәһва Худа униң дуасиға қандақ җавап бәрди? «Худа униңға сориған нәрсини һәдийә қилди».
Роһий гөһәрләрни издәйли
w05 1/10 9-б., 7-абз.
Саулниң күнлиридә Йордан дәриясиниң шәрқий тәрипидә яшиған қәбилиләр улардин икки һәссә көп болған агарилиқлар билән җәң қилип, уларни йеңивалған. Шу қәбилиләрниң батур адәмлири Йәһва Худаға тайинип, Униңдин ярдәм сориған. Бизму роһий дүшмәнлиримиз билән күрәш қилғанда, Йәһваға тайинайли (Әфәсликләргә 6:10—17).
30-ЯНВАРЬ—5-ФЕВРАЛЬ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 7—9
«Йәһва Худаниң ярдими билән қийин тапшуруқларни орунлалайсиз»
w05 1/10 9-б., 8-абз.
Ибадәтханини күзәткән лавийлар ишәнчкә егә болған. Уларға ибадәтханиниң муқәддәс җайлириға кириш ачқучлири тапшурулған. Лавийлар һәр күни ибадәтханиниң ишиклирини ечип, садақәтмәнлик билән хизмәт қилған. Бизгә адәмләргә хуш хәвәрни ейтиш вә уларни Худаниң хизмәтчилири болушқа ярдәм бериш иши тапшурулған. Бизму лавийларға охшаш җавапкар болушимиз керәк.
w11 15/9 32-б., 7-абз.
Қедимий Исраилда чоң җавапкарлиқни атқурған Пинехас җасарәтлик, зерәклик хисләтлирини көрситип, Худаға таянған. Шуңа у һәрқандақ қийинчилиқларни йеңип чиққан. Пинехас Худаниң хәлқигә ғәмхолуқ қилғанлиғи үчүн Йәһва униңдин рази болған. Тәхминән 1000 жилдин кейин Әзра Худаниң илһами билән мундақ дәп язған: «Елиазарниң оғли Пинихас уларниң үстидин назарәтчи еди. Авалқи вақитларда Йәһва улар билән болатти» (Тар. 1-яз. 9:20). Йәһва Худа бүгүнму җамаәттә рәһбәрликни өз бойниға алған вә садиқ хизмәтчилиригә ярдәм бериду.
Роһий гөһәрләрни издәйли
w10 15/12 21-б., 6-абз.
6 Йәһва Худа пәйғәмбәрлири арқилиқ хизмәтчилиригә Уни мәдһийләп, нахша ейтишини буйриған. Роһаний қәбилисидин чиққан нахшичилар музыкини ойлап чиқиришқа һәм орунлашқа йетәрлик виқит чиқириши үчүн, һәтта лавийларға тапшурулған вәзиплиридин бошитилған еди (Тар. 1-яз. 9:33).
6—12 ФЕВРАЛЬ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 10—12
«Худаниң ирадисини орунлаш арзуюңизни күчәйтиң»
w12 15/11 6-б., 12, 13-абз.
12 Давут принципларға асасланған қанунларни яхши чүшәнгән вә уларға мас яшашни халиған. Бир күни у уссап: «Ким мени дәрвазиниң қешида турған Бәйтләһәм қудуғидин су билән қандурса?»— дегән. Шу чағда үч әскәр филистийәликләрниң қараргаһиға кирип, Бәйтләһәм қудиғидин Давутқа су елип кәлди. Лекин Давут бу суни ичкүси кәлмәй, Йәһваниң алдида йәргә төкивәтти. У: «Һәргиз бу ишни Худайимим алдида қилмасмән! Наһәтки мән мошу җанлирини қурбанлиққа тутқан әрләрниң қенини ичимәнму? Чүнки улар җанлирини өлүмгә тутуп, бу суни әкәлди!»— дәп, уни ичмиди (Тар. 1-яз. 11:15—19).
13 Қанун бойичә қанни истимал қилишқа болматти, уни Йәһваниң алдида йәргә төкүши керәк еди. Давут буни яхши чүшәнгәнликтин, у немә үчүн шундақ қилиши керәклигиниму билгән. Давут «тәнниң жени қанда» екәнлигини чүшәнгән. Бирақ әскәрләр қан әмәс, су әкәлгән. У чағда Давут суни немә үчүн ичишни рәт қилди? Давут үчүн бу су шу әскәрләрниң қенидәк баһалиқ болуп, шуниң үчүн Давут суни ичмәй, уни йәргә төкүвәтти (Лав. 17:11; Қ. шәр. 12:23, 24).
w18.06 16-б., 5, 6-абз.
5 Худа қанунлириниң бизгә ярдәм беришини халисақ, уларни пәқәт оқуп яки билипла қоймай, шу қанунларни яхши көрүшимиз вә һөрмәтлишимиз керәк. Муқәддәс китапта: «Яманлиқтин нәпрәтлиниңлар, меһрибанлиқ-яхшилиқни сөйүңлар»,— дәп йезилған (Амос 5:15, КТ). Буни қандақ қилалаймиз? Биз Йәһваниң көзқаришиға охшаш көзқарашни риваҗландурушимиз керәк. Бир мисал кәлтүрәйли. Сиз уйқусизлиқ кесилигә гириптар болдиңиз дәйли. Дохтур сизгә пайдилиқ таамларни йейиш, көпирәк бәдән чиниқтуруш вә турмуш адитиңизни өзгәртиш һәққидә көрсәтмә бериду. Униң ейтқанлири бойичә қилип, пайдисини көргәндә, дохтурниң бәргән көрсәтмилири һәққидә немә ойлайсиз?
6 Шуниңға охшаш, Яратқучимиз бизни гунаниң яман ақиветидин һимайә қилип, турмушимизни техиму яхшилаш үчүн қанунларни бәргән. Мәсилән, Худа Сөзидин биз ялғанчилиқ, алдамчилиқ, оғрилиқ, зина, зораванлиқ қилмаслиғимиз вә җинлар билән алақидә болмаслиғимиз керәклигини үгинимиз (Пәнд-нәсиһәтләр 6:16—19ни оқуң; Вәһ. 21:8). Йәһваға итаәтчан болушниң қандақ яхши нәтиҗә елип келидиғанлиғини көргәндә, Униңға вә Униң қанунлириға болған меһир-муһәббитимиз ашиду.
Роһий гөһәрләрни издәйли
it «Жүрәк»
Пүтүн жүрәк билән хизмәт қилиш. Адәттики жүригимизгә қариғанда, символлуқ жүригимиз бөлүнүп кетиши мүмкин. Давут: «Исмиңдин әйиминишим үчүн қәлбимни пүтүн қилғайсән» дәп ейтқан дуасидин немини яхши көрүш, әйминиш охшаш вәзийәтләргә дуч кәлгәндә адәмниң жүриги бөлүнүп кетиши мүмкин екәнлигинин көрүшкә болиду (Зб 86:11). Ундақ адәм Худаға пүтүн жүриги билән хизмәт қилалмайду (Зб 119:113; Вһ 3:16). Әгәр у икки ғоҗайинға хизмәт қилишқа тиришса яки башқиларни алдаш үчүн ойидикини ейтмай, башқа нәрсини ейтидиған адәмниң жүригини бөлүнгән дәп ейтишқа болиду (Т1я 12:33; Зб 12:2). Әйса шундақ иккийүзлүк адәмни әйиплигән (Мт 15:7, 8).
Худаниң разилиғиға егә болушни халиғанлар жүригиниң бөлүнүп кетишигә йол бәрмәслиги керәк. Йәһва Худаға бар вуҗудимиз билән хизмәт қилишимиз муһим (Т1я 28:9). Буниң үчүн көп күч чиқириш керәк, чүнки жүригимиз алдамчи вә зулум ишларға майил (Йр 17:9, 10; Яр 8:21). Жүригимиз бөлүнүп кәтмәслиги үчүн дуа қилиш керәк (Зб 119:145; Й.ж 3:41). Муқәддәс китапни дайим пухта тәтқиқ қилиш муһим (Әзр 7:10; П.н 15:28). Вәз хизмитигә паал қатнишишимиз зөрүр (Йр 20:9). Йәһваға пүтүн жүрүги билән хизмәт қилидиғанлар билән достлишишимиз керәк (П2я 10:15, 16).
13—19 ФЕВРАЛЬ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 13—16
«Көрсәтмиләргә бойсунуш утуққа елип келиду»
w03 1/5 10-б., 12-абз.
12 Исраил хәлқигә қайтурулған муқәддәс чедир Кириат-Йаримда көп жиллар болғандин кейин Давут падиша уни Йерусалимға елип келишини халиди. Давут барлиқ хәлиқ башчилирини жиғип, «әгәр силәргә лайиқ болса вә шуниңға Пәрвәрдигаримиз Йәһваниң әрки болса,.. Худаниң сандуғини йөткәп әкеләйли»,— дәп мәсилиһәтләшти. Бирақ у буниңға мунасивәтлик Йәһваниң ой-пикрини билиш үчүн пухта издиниш жүргәзмиди. Әгәр Давут бу тоғрилиқ тәтқиқ қилған болса, муқәддәс чедирни һарвуға селип әкәлмигән болатти. Қанун бойичә уни Кааф қәбилисидин чиққан лавийлар көтирип әкелиши керәк еди. Башқа вәзийәтләрдә Давут Худадин дайим рәһбәрлик сориған, бу қетим у ундақ қилмиди. Буниң ақивети яхшилиққа елип кәлмиди. Кейинирәк Давут: «Биз Тәңримиз Йәһвани лазим болғандәк издимигинимиз сәвәвидин, силәр авал буни қилмиғиниңлар үчүн, У бизни җазалиди»,— дәп етирап қилди (Тарихнамә 1-язма 13:1—3; 15:11—13; Санлар 4:4—6, 15; 7:1—9).
w03 1/5 11-б., 13-абз.
13 Лавийлар муқәддәс сандуқни Аведарниң өйидин Йерусалимға йөткигәндә улар Давут язған нахшини ейтти: «Йәһва қудритини истәңләр, Униң йүзини дайим издәңлар. У қилған мөҗүзиләрни әстә тутуңлар, карамәтлири билән еғизиниң қарарлирини унтумаңлар» (Тарихнамә 1-язма 16:11, 12).
Роһий гөһәрләрни издәйли
w14 15/1 10-б., 14-абз.
14 Давут муқәддәс сандуқни Йерусалимға йөткигәндә, лавийлар буниңға хошал болуп Тарихнамә 1-язма 16:31дә: «Самалар шатлансун, Йәр тәнтәнә қилип: “Йәһва — Падиша!”— десун», дәп Йәһвани мәдһийлигән. Бәлким, кимду бирси: «Язмиларда Йәһваниң Мәңгү Падиша екәнлиги йезилғанғу, ундақта Давутниң заманида у падиши болди дегәнни қандақ чүшинишкә болиду?— дәп ейтиши мүмкин. Йәһва һөкүмранлиғини әмәлгә ашурған пәйттә яки кимду бирсини Өзиниң вәкили сүпитидә таллиғанда яки қандақту бир вәзийәтни атқурушқа тәйяр қилғанда Падиша болиду. Давут өлүштин илгири Йәһва Худа униң падишалиғи мәңгү болидиғанлиғини вәдә қилған. «Сениң күнлириң пүткәндә һәм сән атилириң билән биллә ятқанда, сениң ичиңдин чиққан оғлуңни қоюп, падишалиғиңни мәңгүгә мустәһкәмләймән» (Сам. 2-яз. 7:12, 13). Бу вәдә 1000 жилдин ошуқ вақит өткәндин кейин, Давутниң «әвлади» дунияға кәлгәндә әмәлгә ашти. Бу әвлад ким вә у қачан Падиша болди?
20—26 ФЕВРАЛЬ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 17—19
«Роһиңиз чүшсиму, хошал болуп қелиң»
w06 15/7 19-б., 1-абз.
Ибраний язмиларда тилға елинған қедимий Исраилдики әң атақлиқ кишиләрниң бири Давут. У падичи, музыкант, пәйғәмбәр вә Исраил хәлқиниң падишаси болған. Давут Йәһва Худаға пүтүнләй таянған. Давут Йәһва Худа билән зич мунсивәттә болғанлиқтин, Худаға атап ибадәтхана селиш арзуси болған. Бу ибадәтхана Исраилда һәқиқий Худаға ибадәт қилиш мәркизи болуши керәк еди. Давут шу ибадәтханида орунлинидиған вә униңға бағлиқ һәммә нәрсә Худаниң хәлқигә көп хошаллиқ вә бәрикәт елип келидиғанлиғини билгән. Шуниң үчүн Давут мундақ дәп нахша ейтқан: «Сән таллиған һәм Өзәңгә йеқинлаштурған кишилириң нәқәдәр бәхитликтур! Улар Сениң һойлаңда яшайду. өйүңдә бар яхшилиқларға тойимиз, Муқәддәс ибадәтханаң бәрикәтлиригә» (Зәбур 65:4).
w21.08 22, 23-б., 11-абз.
11 Мошу тәмсилидики чакарларға охшаш, бизму Йәһваға хизмәт қилишта өзүмизгә тапшурулған вәзипини көңүл қоюп орунлаш арқилиқ хошаллиғимиз үстигә хошаллиқ қошалаймиз. Вәз хизмәтниң вә җамаәтниң түрлүк иш-паалийәтлиригә қизғин қатнишиң (Әлч. 18:5; Ибр. 10:24, 25). Җамаәт жиғилишлириға алдин-ала тәйярлиқ қилип бериң. Шунда башқиларға илһам беридиған җавапларни берәләйсиз. Һәптә арилиғидики жиғилишта сизгә оқуғучилар тапшуруғи берилсә, әстаидил тәйярлиқ қилиң. Әгәр җамаәттә бири сиздин ярдәм сориса, сөзиңиздә туруп ишәшлик болуң. Сизгә тапшурулған вәзипини муһим әмәс, униңға көп вақит сәрип қилишимниң һаҗити йоқ дәп ойлимаң. Өз хизмитиңиздә маһир болушқа тиришиң (Пәнд н. 22:29). Роһий иш-паалийәтләр вә тапшурулған вәзипиңизни көңүл қоюп қилсиңиз, шу ишлириңизда техиму маһир болуп, хошаллиғиңиз үстигә хошаллиқ қошалайсиз (Гал. 6:4). Шундақла башқилар сиз алғуңиз кәлгән артуқчилиқни алған вақитта улар билән хошал болуш оңайирақ болиду (Рим. 12:15; Гал. 5:26).
Роһий гөһәрләрни издәйли
w20.02 12-бәттики рамка
Йәһва Худа маңа көңүл бөләмду?
«Йәрдики миллиардлиған адәмләрниң арисида Йәһва Худа маңа көңүл бөлидиған мән ким едим?» дәп ойлайдиғансиз. Шундақ ой-хиялда болған ялғуз сизла әмәс. Давут падиша мундақ дәп язған: «Йәһва! Сән уни байқайдиған адәм, У ким? Вә диққитиңни униңға бөлүдиған, Өлүп кетидиған кишиниң оғли, у ким?» (Зәб. 144:3). Давут падиша Йәһва Худаниң уни бәк яхши билидиғанлиғиға һеч гуман қилмиған (Тар. 1-яз. 17:16—18). Өз Сөзи вә тәшкилати арқилиқ Йәһва Худа сизниңму Униңға көрсәткән меһир-муһәббитиңизни байқайдиғанлиғиға сизни ишәндүриду. Буниңға ишинишкә ярдәм беридиған Муқәддәс китаптики бирнәччә айәтни көрүң:
• Сиз туғулмастин авал Йәһва Худа сизгә көңүл бөлгән (Зәб. 139:16).
• Йәһва Худа жүригиңиздә немә барлиғини вә немә һәққидә ойлайдиғанлиғиңизни билиду (Тар. 1-яз. 28:9).
• Йәһва Худа шәхсән Өзи сизниң һәрбир қилған дуайиңизға қулақ салиду (Зәб. 65:2).
• Жүрүш-турушиңиз Йәһва Худани хошал қилиду яки рәнҗитиду (Пәнд н. 27:11).
• Йәһва Худа шәхсән Өзи сизни Өзигә җәлип қилған (Йоһ. 6:44).
• Йәһва Худа сизни шунчилик яхши билидуки, һәтта өлүп кәтсиңизму, У сизни тирилдүрәләйду. У сизгә һазирқиға охшап кетидиған йеңи тән вә әқил-һошни бериду, һәтта охшаш хатирилириңиз вә пәқәт сизгә хас миҗәз-хулқиңиз болиду (Йоһан 11:21—26, 39—44; Әлчиләр 24:15).
27-ФЕВРАЛЬ—5-МАРТ
ХУДА СӨЗИДИКИ ҒӘЗНӘ | ТАРИХНАМӘ 1-ЯЗМА 20—22
«Яшларға утуқлуқ болушиға ярдәм бериң»
w17.01 28-б., 8-абз.
8 Тарихнамә 1-язма 22:5ни оқуң. Бәлким, Давутниң ойичә, Сулайман шунчилик муһим ишни башқурушқа тәйяр әмәс еди. Ибадәтхана «наһайити чоң» болуши керәк еди, лекин Сулайман «яш туруп, назук» болған еди. Шундақ болсиму, Давут Йәһваниң Сулайманға бу алаһидә ишни орунлишиға ярдәм беридиғанлиғини билгән. Шуңа Давут оғлиниң бу зор ишни орунлашқа тәйярлиниши үчүн қолидин кәлгинини қилип, ярдәм бәрди.
w17.01 27-б., 7-абз.
7 У Йәһва үчүн ибадәтханини өзи селишни интайин халиған, шуңа униң көңли йерим болғанду. Буниңға қаримастин, оғли Сулайман башқуридиған қурулуш ишини пүтүнләй қоллиған. Давут ишчиларни һәм керәклик төмүр, мис, күмүч, алтун вә яғачни жиғишқа ярдәм бәрди. Қурулған ибадәтхана Давутниң әмәс, Сулайманниң ибадәтханиси дәп аталған, лекин Давут үчүн ибадәтханини селиш үчүн кимниң шан-шәрәпкә еришидиғанлиғи муһим әмәс еди. Әксичә, у Сулайманниң роһини көтирип, униңға: «Әнди әй оғлум, Худавәндә сән билән болғай. Сән раваҗлиқ болуп, сән тоғрилиқ ейтқинидәк Тәңриң Худавәндиниң бәйтини ясиғайсән»,— дәп ейтқан (Тар. 1-язма 22:11, 14—16).
w18.03 13-б., 14, 15-абз.
14 Ақсақаллар роһий мәхсәтләр һәққидә иҗабий һалда сөзлисә, ата-аниларға ярдәм берәләйду. 70 жилдин ошуқ вақит давамида толуқ вақитлиқ хизмәт қилған қериндишимиз Расселл бурадәр билән сөһбәтләшкәнлигини әслиди. Шу чағда у пәқәт алтә яшта еди. У мундақ дәйду: «У мениң билән роһий мәхсәтлирим тоғрисида сөзлишиш үчүн 15 минут вақтини чиқарди». Растинла, иҗабий вә тәсәлли беридиған сөзләр адәмниң пүтүн һаятиға тәсир қилиши мүмкин (Пәнд-нәсиһәтләр 25:11). Шундақла ақсақаллар ата-анилар билән балиларни Ибадәт өйидики ишларға қатнишишқа тәклип қилалайду. Балилар йешиға вә қабилийитигә мас келидиған тапшуруқларни қилса болиду.
15 Җамаәттики башқа қериндашлар қандақ ярдәм берәләйду? Яшларға орунлуқ түрдә шәхсий диққәт бөлсә болиду. Мәсилән, яшларниң Йәһваға йеқинлишиватқанлиғини көрситидиған бәлгүләрни байқашқа тиришиң. Улар җамаәт учришишида җавап бәрдиму? Һәптә оттурисидики учришишта тапшурмини орунлидиму? Мәктәптә гувалиқ бәрдиму? Йә болмиса, яманлиқ қилишқа аздурулғанда, тоғра һәрикәт қилдиму? Шундақ қилған болса, уларни махташқа алдираң! Учришиштин бурун вә униңдин кейин яшлар билән сөзлишишкә мәхсәт қоюң. Шу чағда балилар өзлириниң «зор җамаәтниң» бир әзаси екәнлигини һис қилиду (Зәб. 35:18).
Роһий гөһәрләрни издәйли
w05 1/10 11-б., 6-абз.
Йәһва Худа пәриштигә ағриқни тохтитишни буйриди. Чүнки җапа тартиватқан хәлқини көрүп, Униң жүриги ағриди. Һәқиқәтән, Йәһва Худаниң «рәһим-шәпқәтлиги интайин улуқтур!».