«Һаятимиз вә хизмитимиз. Иш дәптири» үчүн мәлумат мәнбәлири
6—12 МАРТ
ХУДА СӨЗИДИКИ ҒӘЗНӘ| ТАРИХНАМӘ 1-ЯЗМА 23—26
«Ибадәтханидики хизмәт яхши уюштурулған»
it «Лавийлар»
Давут назарәтчиләрни, башлиқларни, сотчиларни, дәрваза күзәтчиләрни вә ибадәтханидики ғәзнини күзитидиған кишиләрни тәйинләп, лавийларниң хизмитини яхши тәшкил қилған. Шундақла у ибадәтханида, һойлида вә ашханида роһанийларға қурбанлиқ қилишқа ярдәм беридиған, өлчәмләргә җавап беридиған вә күзәтчиләрниң хизмитини атқуридиған кишиләрни тәйинлиди. Музыкант болған лавийлар 24 топқа бөлүнүп, роһанийларға охшаш новәт билән хизмәт қилған. Уларниң вәзипилири чәк ташлаш арқилиқ ениқ болатти. Дәрваза күзәтчилириниңму қайси дәрвазида туридиғанлиғи чәк ташлаш арқилиқ һәл қилинатти (Т1я 23; 25; 26; Т2я 35:3—5, 10)
it «Роһаний»
Ибадәтханида хизмәт қилидиған роһанийларниң өз башлиқлири болған. Уларниң вәзипилири чәк ташлаш арқилиқ ениқланған. Улар 24 топқа бөлүнүп, һәр топ жилиға икки қетим бир һәптидин хизмәт қилатти. Мәйрәм күнлиридә һәммә роһанийлар биллә хизмәт қилған болуши керәк. Чүнки ибадәтхана беғишлиған вақиттиму, мәйрәмләрдә миңлиған қурбанлиқлар союлған (Т1я 24:1—18, 31; Т2я 5:11; 29:31—35; 30:23—25; 35:10—19). Роһаний башқа күнлириму, келип хизмәт қилалиған. Лекин новити билән хизмәт қилип жүргән башқа роһанийларға вәзиписини атқурушқа кашила қилмаслиқ керәк еди.
it «Музыка»
Давут Йәһваниң өйини қурушқа тәйярлиқ қилип, 400 лавийларни нахшичилар вә музыкантлар қилип тәйинлиди (Т1я 23:4, 5). Уларниң арисида 288 киши «Йәһваниң алдида саз-нәғмә қилишқа маһирлиқ билән үгитилгән» еди (Т1я 25:7). Барлиқ нахшичиларниң үстидин Асаф, Идифун вә Һеман рәһбәрлик қилатти. Уларниң һәрбири Лавий оғуллири Гирсон, Каав вә Мерариниң әвлади болған (Т1я 6:16, 31—33, 39—44; 25:1—6). Умумән ейтқанда Асаф, Һеман вә Идифунниң 24 оғли, уларниң һәммиси 288 музыкантларниң қатарида болған. Чәк ташлаш арқилиқ бу 24 оғулниң һәрқайсиси бир топқа башчи болди. Һәрбир топта башчиниң өзини санимиғанда 11 маһир нахшичи-сазәндиләр болған. Улар башчиниң өз оғуллириниң вә башқа лавийларниң арисидин талланған. Роһанийлар охшаш 288 маһир сазчи, нахшичиму 24 топқа бөлүнгән (1 + 11) × 24 = 288). Әгәр қалған 3712 шагиртму, 24 топқа бөлүнгән болса, ундақта һәрбир топта тәхминән 155 шагирт болған. Ундақта топтики һәрбир маһирға 13 шагирт келәтти (Т1я 25:1—31). Карнәйчилар роһанийлар болғанлиқтин, улар лавийлик нахшичи-сазәндиләрниң саниға кирмигән (Т2я 5:12; Сн 10:8ни селиштуруң).
it «Дәрваза күзәткүчилири»
Ибадәтханида. Өлүминиң алдида Давут падиша лавийлар билән ибадәтхана ишчиларниң хизмитини яхши уюштурған. Уларниң ичидә дәрваза күзәтчилириму болди, уларниң сани 4000 еди. Күзәтчиләр топ-топқа бөлүнүп, 7 күндин хизмәт қилған. Уларниң иши Йәһваниң өйини күзитиш вә униң дәрвазилириниң өз вақтида ечилип, йепилишиға қараш (Т1я 9:23—27; 23:1—6). Уларниң бәзилири күзитиштин башқа, Йәһваниң өйигә беғишлап әкәлгән ианиләргә җавап берәтти (П2я 12:9; 22:4).
Роһий гөһәрләрни издәйли
w22.03 22-б., 10-абз.
10 Қериндашларға қошулуп нахша ейтқанда, Йәһваға ибадәт қилимиз. (Зәб. 28:7). Исраиллар нахша ейтишни ибадәт қилишниң муһим бир қисми дәп қариған еди. Давут падиша 288 лавийларни ибадәтханида нахшичи болушқа тәйинлигән (Тар. 1-яз. 25:1, 6—8). Бүгүнки күндә, биз мәдһийә нахшилирини ейтқанда, Худаға болған сөйгү-муһәббитимизни ипадиләләймиз. Буниң үчүн яхши нахшичи болуш һаҗәтсиз. Бу селиштурушни муһакимә қилип бақайли: биз сөз қилғанда, «һәммимиз көп хаталишимиз», амма бу бизни җамаәт вә вәз хизмәттә сөзләштин тосуп қоймайду (Яқуп 3:2). Шуниңға охшаш, һәтта нахша ейтқанда авазимиз яхши болмисиму, йәнила Йәһваға мәдһийиләп нахша ейтишимиз лазим.
13—19 МАРТ
ХУДА СӨЗИДИКИ ҒӘЗНӘ| ТАРИХНАМӘ 1-ЯЗМА 27—29
«Атисиниң оғлиға меһрибанлиқ билән ейтқан нәсиһити»
w05 15/2 19-б., 9-абз.
9 Муқәддәс китапниң һәқиқәтлиригә ишәнчиңизни күчәйтиң. Худаниң хизмәтчиси болуш үчүн Худаниң Сөзини яхши билиш керәк (Филипиликләргә 1:9, 10). Худаниң һәрбир хизмәтчиси қанчә яшта болмисун, униң ишиниватқанлири һәқиқәтән Муқәддәс китапқа асасланғанлиғиға көз йәткүзиши керәк. Әлчи Паул етиқатдашларни һәммә нәрсигә көз йәткүзүшни вә яхшини мәһкәм тутушқа дәвәт қилған (Салоникилиқларға 1-хәт 5:21). Мәсиһий аилисидә өскән яшлар пәқәт ата-анисиниң ишәнчиси биләнла яшап жүрмәйду, һәқиқәткә өзлири көз йәткүзиши керәк екәнлигини чүшиниши муһим. Давут оғли Сулайманға «Атаңниң Худасини тонуп-билгин вә Униңға пүтүн жүригиң... билән хизмәт қилғин» дәп үндигән (Тарихнамә 1-язма 28:9). Яш Сулайман үчүн пәқәт дадисиниң Йәһва Худаға болған ишәнчисини риваҗландурғанлиғиға диққәт қилипла қоюши йетәрлик болмиған. У өзи Йәһва Худани яхширақ тонуши керәк еди. У шундақ қилишқа тиришқан вә мундақ дуа қилған: «Мән мошу хәлиқ алдида кирип-чиқишимни билишим үчүн даналиқ билән билим бәргәйсән» (Тарихнамә 2-язма 1:10).
w12 15/4 16-б., 13-абз.
13 Алидиған савиғимиз ениқ. Йәһва Худаға чин жүрәктин хизмәт қилиш дегинимиз җамаәт учришишлиридин қалмай, вәз қилишнила билдүрмәйду (Тар. 2-яз. 25:1, 2, 27). Әгәр Худаниң хизмәтчиси жүригидә мошу дуниядики нәрсиләрни яхши көрсә, Худа билән достлуғини йоқитип қоюши мүмкин (Луқа 17:32). Худаниң Падишалиғиға лайиқ болуш үчүн рәзилликни һәқиқәтән өч көрүп, яхшилиқни тутушимиз керәк (Рим. 12:9; Луқа 9:62). Шуниң үчүн Шәйтанниң дуниясидики һечбир нәрсиниң, у қандақ пайдилиқ яки йеқимлиқ болуп көрүнсиму, бизгә Падишалиқниң ғемини чин жүрәктин ойлашқа тосалғу болушиға йол бәрмәйли (Кор. 2-х. 11:14; Филипиликләргә 3:13, 14ни оқуң).
w17.09 32-б., 20, 21-абз.
20 Давут падиша Сулайманға қурулушниң ахириғичә Йәһва униң билән болидиғанлиғини есиға салди (Тарихнамә 1-язма 28:20). Сулайман бу сөзләр һәққидә мулаһизә қилғанлиғи сөзсиз вә униң яш вә тәҗрибисиз болғанлиғи ишқа киришишигә тосалғу болмиди. Әксичә, у зор җасурлуқ көрситип, Йәһваниң ярдими билән һашамәтлик ибадәтханини йәттә йерим жилниң ичидә селип болди.
21 Йәһва Худа Сулайманға ярдәм бәргәндәк, бизгиму җасур болушқа вә аилимиз билән җамаәттики ишлиримизни атқурушқа ярдәм берәләйду (Йәшая 41:10, 13). Йәһваға болған хизмитимиздә җасурлуқ көрсәтсәк, һазирму, келәчәктиму униң бәрикәтлиригә еришидиғанлиғимизға ишәнчлик болалаймиз. Ундақ болса, җасур болуп, ишқа киришәйли!
Роһий гөһәрләрни издәйли
w17.03 29-б., 6, 7-абз.
Давут еғир күнләрдә униңға вападар болуп қалған башқа кишиләр билән йеқин арилашқан. Униң бири Хушай болған. У Муқәддәс китапта «Давутниң йеқин дости» дәп аталған (Сам. 2-яз. 16:16; Тар. 1-яз. 27:33). Бәлким Хушай падишаниң хизмәтчиси вә дости болған вә Давут униңға бәзи вақитларда мәхпий ишларни тапшурған.
Давутниң оғли Абшалом тәхтини тартивалғандин кейин көплигән исраиллар униң тәрәпигә өтти, Хушай болса Давутқа вападар болуп қалған. Давутқа қечишқа тоғра кәлгәндә, Хушай униң кәйнидин маңди. Давутниң жүриги қаттиқ яриланди, чүнки балиси вә ишәнгән кишилири сатқунлуқ қилди. Бирақ Хушай садиқ болуп, падишаға қарши қилинған планни бузуш үчүн, һаятини тәвәкәлгә тикишкә тәйяр болған. Хушай Давутниң хизмәткари сүпитидә қилишим шәрт дәп әмәс, һәқиқий дост болғанлиқтин шундақ қилған (Сам. 2-яз. 15:13—17, 32—37; 16:15—17:16).
20—26 МАРТ
ХУДА СӨЗИДИКИ ҒӘЗНӘ| ТАРИХНАМӘ 2-ЯЗМА 1—4
«Сулайман падиша әқилсиз иш-һәрикәт қилған»
it «Әскәр»
Сулайманниң падиша болуши Исраил хәлқиниң әскиригә тәсир қилған. Сулайман һөкүмранлиқ қилғанда хәлиқ теч-аманлиқта, хатирҗәм яшисиму, у атлар билән ат һарвуларни көпәйтти. Көпинчиси у атларни Мисирдин сетивалған. Шу атлар билән ат һарвуларни тутуш үчүн пүткүл падишалиқта шәһәрләрни селишқа тоғра кәлгән (П1я 4:26; 9:19; 10:26, 29; Т2я 1:14—17). Бирақ Сулайман башлиған бу ишқа Йәһва Худа һечқачан бәрикитини бәрмигән. Шундақ қилип, Сулайман вапат болғандин кейин вә падишалиқ икки бөлүнгәндин кейин Исраил әскири вәйран болушқа башлиди. Кейинирәк Йәшая пәйғәмбәр мундақ дәп язған: «Ярдәм издәп Мисирға барғанларниң һалиға вай! Улар атларға тайинип, көп болғанлиғидин җәң һарвулириға, интайин күчлүк болғанлиғидин атлиқ әскәрләргә ишинип кәтти! Бирақ Исраилдики Муқәддәс Болғучиға қаримайду, Пәрвәрдигарни издимәйду» (Йша 31:1).
it «Җәң һарву»
Сулайманниң һөкүмранлиғидин бурун Исраил хәлқидә җәң һарвулар көп болмиған. Худаниң қануни бойичә атларни көпәйтишкә болматти, чүнки хәлқиниң бехәтәрлиги атларға бағлиқ болмиған. Бу қанун көп атларниң болушиға йол қоймиған (Қ.ш 17:16). Падишалар хәлиққә қандақ еғир жүк артидиғанлиғини агаһландуруғанда, Самуил пәйғәмбәр: «У [Падиша] силәрниң оғуллириңларни елип, өз атлири билән җәң һарвулириға олтарғузиду»,— дегән (С1я 8:11).
Сулайман падиша җәң һарвуларни 1400гичә көпәйтип, Исраил хәлқиниң әскирини күчәйтти (П1я 10:26, 29; Т2я 1:14, 17). Уларни тутидиған алаһидә шәһәрләр болған, улар пәқәт Йерусалимда әмәс, башқиму йәрләрдә болған (П1я 9:19, 22; Т2я 8:6, 9; 9:25).
Роһий гөһәрләрни издәйли
w05 1/12 19-б., 6-абз.
Сулайманниң өтүнүшидин Йәһва Худа униң даналиққа вә билимгә егә болушини халайдиғанлиғини көрди. Бизниң дуалиримизму Худаға жүригимиздә немә барлиғини көрситиду. Шуниң үчүн немә тоғрилиқ дуа қиливатқанлиғимизға диққәт қоюшимиз керәк.
27-МАРТ—2-АПРЕЛЬ
ХУДА СӨЗИДИКИ ҒӘЗНӘ | ТАРИХНАМӘ 2-ЯЗМА 5—7
«Жүригим мәзкүр җайда»
w02 15/11 5-б., 1-абз.
Кейин Давут Йерусалимда падиша болғанда, у Йәһва Худаға беғишлап мустәһкәм һашамәтлик өй селишни халиған. Бирақ Давут көп қан төккәнликтин, Йәһва Худа униңға: «Мениң исмимға өй салма»— дегән. Ибадәтханини униң оғли Сулайман салидиғанлиғини ейтти (Тарихнамә 1-язма 22:6—10). Сулайман ибадәтханини йәттә йерим жил селип болуп, б.м.и 1026-жили уни беғишлиди. Йәһва Худа бу қурулушқа рази болуп, мундақ деди: «Мән сениң дуайиңни һәм Маңа ялвурған илтиҗаңни аңлидим. Сән Мениң исмим әбәт һазирлинидиған өйни салдиң, Мән уни муқәддәслидим. Көзүм һәм жүригим Мениң шу җайда әбәдий-әбәт болиду» (Падишалар 1-язма 9:3). Исраиллар садақәтмән болғандила, Йәһва Худа ибадәтханиға рази болған еди. Әгәр улар Йәһва Худадин үз өрсә, У шу җайни харабилиққа айландуратти (Падишалар 1-язма 9:4—9; Тарихнамә 2-язма 7:16, 19, 20).
it «Ибадәтхана»
Тарих. Бу ибадәтхана б.м.и. 607-жилғичә турди. Шу жили Небуқаднисар падишаниң қол астидики Бабил әскәрлири уни вәйран қилди (П2я 25:9; Т2я 36:19; Йр 52:13). Исраиллиқлар бутларға чоқунуп кәткәнлиги үчүн Йәһва Худа башқа хәлиқләргә Йәһуда билән Йерусалимға һуҗум қилишқа вә ибадәтханиниң ғәзнисини булаң-талаң қилишқа йол қойди. Шу чағда Ибадәтханиғиму адәмләр сәл қариған. Ибадәтхана беғишланғандин кейин тәхминән 33 жилдин кейин (б.м.и. 993) Сулайманниң оғли Реһабам һакимдарлиқ қиливатқан вақитта, Мисирниң падишаси Шишақ ибадәтханиниң ғәзнисини булаң-талаң қилған (П1я 15:18, 19; Т2я 15:17, 18; 16:2, 3). Аса падиша (б.м.и. 977—937) Йәһва Худаниң ибадәтханисиға һөрмәт билән қариған, лекин Йерусалимни қоғдаймән дәп ахмақлиқ иш қилди. У Сүрийә падишиси I Бенһадад Исраил падишаси Баша билән қурған келишимни бузуветиши үчүн, униңға ибадәтхана ғәзнисидики барлиқ алтун, күмүчләрни беривәтти (П1я 15:18, 19; Т2я 15:17, 18; 16:2, 3).
Роһий гөһәрләрни издәйли
w10 1/12 11-б., 7-абз.
Сулайманниң дуаси жүригимизгә тәсәлли бериду. Бәзидә адәмләр бизниң қәлбимиздики дәрдимизни ахирғичә чүшәнмәйду (Пәнд-нәсиһәтләр 14:10). Лекин Йәһва Худа бизни интайин яхши чүшинип, бизгә ич ағритиду. Дуада Йәһва Худаға һәммә дәрдимизни ейтип бәргәндә, ичимиз йениклишип қалиду. Муқәддәс китапта шундақ йезилған: «Һәм пүткүл ғәм-тәшвишлириңларни Униңға тапшуруңлар, чүнки У силәргә ғәмхорлуқ қилмақта» (Петрусниң 1-хети 5:7).
10—16 АПРЕЛЬ
ХУДА СӨЗИДИКИ ҒӘЗНӘ| ТАРИХНАМӘ 2-ЯЗМА 8, 9
«У даналиқни қәдирлигән»
w99 1/11 20-б., 4-абз.
Шәба мәликиси Сулайман падиша билән көрүшүш үчүн көп күч вә вақит чиқарған. Шәба падишалиғи заманавий Йемен республикисиниң территориясидә җайлашқан болуши мүмкин. Мәликә төгә карванни билән Йерусалимға йетип келиши үчүн 1600 чақирим йолни бесип өтүшкә тоғра кәлгән. Әйса Шәба мәликиси тоғрилиқ у «йәрниң четидин кәлгән еди» дегән. Бу мәликини шунчә көп күч чиқиришқа немә дәвәт қилған? Әң муһими у Сулайманниң дана сөзлирини аңлаш үчүн кәлгән еди (Луқа 11:31).
w99 1/7 30-б., 4, 5-абз.
Шәба мәликиси «Йерусалимға интайин зор байлиқ билән кәлгән: төгиләргә бәк нурғун хушпурақлиқ дора-дәрмәкләр, көплигән алтун һәм есил қиммәтлик ташлар жүкләнгән еди» (Падишалар 1-язма 10:2). Униң немә үчүн хизмәтчиләрни әгәштүрүп жүргәнлиги чүшинишлик. Сәвәви у күч-қудрәтлик һөкүмран болған вә өзи билән бүгүнки пул билән һесаплиғанда у нәччә он миллион долларлиқ қиммәт-баһалиқ нәрсиләр билән йолға чиққан еди.
Сулайман падишаниң Йәһва Худаниң ярдими билән шунчилик шан-шөһрәткә еришкәнлигини мәликә аңлиған еди. Шуңа у Сулайманниң қешиға пәқәт иш мәсилиси биләнла кәлмигән. Әң муһими мәликә Сулайманниң дана сөзлирини аңлаш үчүн һәм падишаниң Худаси болған Йәһва тоғрилиқ билишниму халиған еди. Бәлким, мәликә Сам вә Һамниң әвлади болған, шуңа у ата-бовилири ибадәт қилған Худа тоғрилиқ билишни халиған.
w99 1/7 30, 31-абз.
Шәба мәликиси Сулайман падишаниң даналиғидин вә униң падишалиғиниң гүллинишидин бәк тәсирлинип, деми ичигә чүшүп, һаң-таң қалған (Падишалар 1-язма 10:5). Бәзиләр бу ибарини мәликә дәм алалмай қалди дәп чүшиниду. Бир алим һәтта униң һошидин кәткәнлигини пәрәз қилиду. Қандақ болушидин қәтъийнәзәр, мәликә көргән вә аңлиғанлиридин һәйран қалған. Мәликә: «Сизниң адәмлириңиз нәқәдәр бәхитликтур, сизниң алдиңизда туруп, даналиғиңизни аңлаватқан қуллириңиз нәқәдәр бәһримәндур! Сизни сөйүп Исраил тәхтигә олтарғузған Худайиңиз Йәһва мәдһийиләнсун!»— дегән еди. Андин мәликә падишаға қиммәтбаһалиқ соғиларни вә алтунларни бәргән. Пәқәт алтунниң умумий сани заманавий пул билән селиштурғанда 40000000 долларға тәң болған. Шуниң билән Сулайман падиша Шәба мәликисигә көплигән мүлүкләрни соға қилған һәм һәтта мәликә «сориған вә халиған нәрсиләрниму» Сулайман униңға соға қилди (Падишалар 1-язма 10:6—13).
it «Сулайман»
«Шәба мәликиси Сулайманниң пүткүл даналиғини һәм у салған өйини, дәстихинидики таамлирини, шарапчиларниң хизмитини, уларниң кийимлирини, ибадәтханида үзлүксиз қурбанлиқ сунуватқан көйдүрмә қурбанлиқлирини көрүп, у демини ичигә тартип, һәйран қалди. У падишаға: «Бирақ мана, маңа һәтта йеримиму ейтилмапту. Данишмәнлигиңиз һәм байлиғиңиз билән сиз мән аңлиған сөздин ешип кетипсиз. Сизниң адәмлириңиз нәқәдәр бәхитликтур, сизниң алдиңизда туруп, даналиғиңизни аңлаватқан қуллириңиз нәқәдәр бәһримәндур! Сизни сөйүп Исраил тәхтигә олтарғузған Худайиңиз Йәһва мәдһийиләнсун! Йәһва Өзиниң Исраилға болған мәңгү меһир-муһәббити бойичә сизни адиллиқ билән һөкүм чиқиришқа падиша қилип қойди»,— дәп махтиди» (П1я 10:4—9; Т2я 9:3—8).
Роһий гөһәрләрни издәйли
it «Тәхт»
Муқәддәс китапта тәхткә апиридиған алтә пәләмпәй болғини вә шу алтә пәләмпәйниң икки тәрипидә 12 шир һәйкили қоюлғанлиғи тоғрилиқ ейтилиду (Т2я 9:17—19). Бу орунлуқ еди, чүнки шир һөкүмранлиқ һоқуқининиң символи болған (Яр 49:9, 10; Вһ 5:5). 12 шир Исраил хәлқиниң 12 қәбилисини билдүрәтти. Бу хәлиқниң тәхттә олтарған һоқуқи бар падишаға беқинишқа вә уни қоллап-қувәтләшкә тәйяр екәнлигини көрситәтти.
17—23 АПРЕЛЬ
ХУДА СӨЗИДИКИ ҒӘЗНӘ| ТАРИХНАМӘ 2-ЯЗМА 10—12
Дана мәслиһәткә қулақ селиң
w18.06 13-б., 3-абз.
У Худани хурсән қилалатти
Реһабамниң муһим бир қарар чиқириши керәк болған. Әгәр хәлиқниң өтниши бойичә қилса, өзи, аилиси һәм қол астидики кишиләр бурунқидәк һашамәтлик турмуш кәчүрәләтти. Амма у хәлиқ сориғандәк қилмиса, улар униңға қарши исиян көтириши мүмкин еди. Ундақта, Реһабам қандақ қилған? У авал атисиниң мәслиһәтчилири болған ақсақаллардин әқил сориған. Улар хәлиқниң өтүнгинидәк қилишни ейтқан. Лекин Реһабам кейин өзиниң тәңдашлири билән мәслиһәтлишип, хәлиқкә қаттиқ қол болушни қарар қилған. У хәлиқкә: «Атам боюнтуруғуңларни еғир қилди, лекин мән уни техи еғир қилай. Атам силәрни қамча билән оңлатти, лекин мән силәрни чаян [тикәнлик қамча, ЙД] билән оңлай»— деди (Тарихнамә 2-язма 10:6—14).
w17.01 30-б., 12-абз.
Сулайманниң оғли Реһабам падиша болғанда, йеши чоң әр кишиләрдин бу йеңи вәзипини қандақ атқурушқа тегишлик мәслиһәт сориған. Лекин уларниң мәслиһитини рәт қилди! Уларға қулақ селишниң орниға, у өзи билән биллә чоң болған яш әрләрниң мәслиһитигә қулақ салди. Буниң ақивети бәк ечинишлиқ болди (Тарихнамә 2-язма 10:6—11, 19). Бу мисалдин қандақ савақ алалаймиз? Биздин йеши чоңирақ һәм тәҗрибиси көпирәк бурадәрләрдин мәслиһәт сориғанлиғимиз яхши. Яш бурадәрләр һәммисини чоқум бурундин тартип қоллинилған усулда қилиш керәк дәп ойлимаслиғи лазим. Шундақ болсиму, улар йеши чоң бурадәрләрниң пикрини чин жүрәктин һөрмәтләп, уларниң дегәнлири үнүмлүк болмайду дәп ойлашқа алдиримаслиғи керәк.
it «Реһабам»
Хәлиқ Реһабам падишаниң һакавурлуғи билән мәнмәнлигини көрүп, көпинчиси уни ташлап кәткән. Реһабам падишани яки Давут падишаниң өйини пәқәт Йәһуда билән Бениамин қәбилисила қоллап-қувәтлигән. Шундақла уни икки падишалиқниң диний хизмәтчилири, лавийлар вә он қәбилиниң бәзибир адәмлири қоллиған (П1я 12:16, 17; Т2я 10:16, 17; 11:13, 14, 16).
Роһий гөһәрләрни издәйли
it «Текигә охшиған җинлар»
Йәшуа 24:14тики сөзләрдин билгинимиздәк Мисирда болған ялған ибадәт исраиллиқларға қандақту бир мәнада тәсир қилған. Әзәкиялму исраиллиқлар Мисирдин чиққандин кейин узақ жиллар бойи ялған ибадәткә мунасивәтлик ишларни ташлимиған (Әзк 23:8, 21). Буниңға қарап бәзибир адәмләр мундақ дәп ойлиған: Худаниң исраиллиқларға «өшкиләргә охшайдиған җинларға қурбанлирини» әкәлмәслигини мәнъий қилған (Лв 17:1—7) вә Йеребоам тәйинлигән диний хизмәтчиләр ибадәт «егизликләргә, өзи ясиған текиләр билән буқиларға» сәҗдә қилғанлиғидин, улар өшкиләргә ибадәт қилғанлиғи көриниду (Т2я 11:15). Бу ибадәтниң түри болупму, төвәнки Мисирда кәң тарқалған еди.
Шундақтиму ибраний тилидики «жуң басқан» дегәнни билдүридиған «сеири́м» сөзи һәқиқәтән немини билдүридиғанлиғи бәлгүсиз. Бу сөз удул мәнадики өшкиләрни яки өшкиләргә охшайдиған бутларни йә болмиса адәмләр җинларни үсти жуң басқан өшкигә охшаш яратқан нәрсиләр дәп көз алдиға кәлтүргәнлигини билдүргән болуши мүмкин. Болмиса «өшкиләр» дегән сөз барлиқ бутларға болған жиркиничликни билдүрүши үчүн қолланған болуши мүмкин (Лв 26:30; Қ.ш 29:17).
24—30 АПРЕЛЬ
ХУДА СӨЗИДИКИ ҒӘЗНӘ| ТАРИХНАМӘ 2-ЯЗМА 13—16
Йәһва Худаға қайси вақитларда тайинисиз?
w21.03 5-б., 12-абз.
Яшлар, башқиларниң ишәнчисигә қандақ еришәләйсиләр?
12 Падиша Аса яш чеғида, кичик пейил вә батур адәм еди. Аса униң атиси Абия өлүп кәткәндин кейин, падиша болуп, бутларға чоқунушқа қарши күрәш қилишни башлиған. Йәнә у: «[Йәһуда хәлқигә] ата-бовилириниң Худаси болған Пәрвәрдигарни издәшни, муқәддәс қанун-әмирләрни тутушни әмир қилди»,— дәп ейтқан (Тар. 2-яз. 14:1—7). Зәраһ исимлиқ эфиопиялик киши «миллион кишилик қошуни» билән Йәһуда зиминиға һуҗум қилип кәлгән. Аса Йәһвадин: «Өз бәндәңгә ярдәм бәрсәң, у күчлүк болсун, аҗиз болсун Сән үчүн һеч қанчә иш әмәс. Пәрвәрдигар Худайимиз, бизгә ярдәм қилғайсән. Чүнки биз Саңа тайинимиз»,— дәп сориған. Асаниң бу гөзәл сөзлири Йәһваниң уни вә хәлқини қутқузуш қабилийитигә қанчилик ишәнч бағлиғанлиғини көрситиду. Аса асмандики Атисиға ишәнгән вә Йәһва Худа эфиопияликләрни мәғлуп қилған еди (Тар. 2-яз. 14:8—12).
w21.03 5-б., 13-абз.
Яшлар, башқиларниң ишәнчисигә қандақ еришәләйсиләр?
13 Шәк-шүбһисизки, миллион кишилик қошунниң һуҗум қилиши чоң бир мәсилә болған. Бирақ Аса бу мәсилини мувәппәқийәтлик һәл қилған еди. Әпсуски, Аса анчә қийин әмәс мәсилигә дуч кәлгәндә, Йәһва Худа билән мәслиһәтләшмигән. Аса Исраил падишаси Башаниң һуҗум қилиш тәһдидигә учриғанда, Сүрийә падишасиға таянған. Бу қарар балаю апәт елип кәлгән еди. Йәһва Худа Һанани пәйғәмбәр арқилиқ Асаға мундақ дегән: «Өзүң Пәрвәрдигар Худайиңға әмәс, бәлки Сүрийә падишасиға таянғанлиғиң үчүн Сүрийә падишасиниң қошуни өз қолуңдин қутулди». Шуниңдин бери, Аса өмүр бойи җәң қилишип турған еди (Тар. 2-яз. 16:7, 9; Пад. 1-яз. 15:32). Бу вақиәдин қандақ савақ алсақ болиду?
w21.03 6-б., 14-абз.
Яшлар, башқиларниң ишәнчисигә қандақ еришәләйсиләр?
14 Кәмтәрликни сақлап қелиң вә давамлиқ Йәһваға тайиниң. Сиз чөмдүрүлүштин өтүп, Худаға болған зор ишәнчиңизни вә таянғанлиғиңизни көрсәттиңиз. У хошаллиқ билән сизни Өз аилисиниң әзаси болуш шан-шәрипигә ериштүргән. Униңға давамлиқ тайинишиңиз үчүн һазирниң өзидә немә қилишиңиз керәк? Қаримаққа, һаяттики әң муһим қарарларни чиқарғанда, Худаға тайиниш асан. Бирақ башқа вақитлардичу? Оюн-тамашилар, иш вә һаятта қол йәткүзмәкчи болған мәхсәтләр билән мунасивәтлик қарарларни чиқарғанда, Йәһваға тайиниш бәкму муһим. Өз әқлиңизгә таянмаң. Әксинчә вәзийәтлириңизгә мас келидиған Муқәддәс китап принциплирини издәп, уларни әмәлийәттә қоллиниң (Пәнд н. 3:5, 6). Әгәр шундақ қилсиңиз, Йәһвани хошал қилалайсиз вә җамаитиңиздикиләрниң һөрмитигә еришәләйсиз (Тимотийға 1-хәт 4:12ни оқуң).
Роһий гөһәрләрни издәйли
w17.03 17-б., 7-абз.
Йәһваға пүтүн қәлбимиз билән хизмәт қилайли!
7 Бизниң жүригимиз Йәһваға пүтүнләй берилгәнлигини қандақ биләләймиз? Өзүңиздин мундақ сорап көрүң: «Бешимға күн чүшкәндә Йәһваға бойсунимәнму? Униң җамаитини пак сақлашқа бәл бағлидимму?» Аса падишаға өз момисини мәликә мәртивисидин айриветиш үчүн қанчилик көп җасурлуқ һаҗәт болди десиңизчу! Бәзидә бизгиму Асаға охшаш җасурлуқ керәк. Мәсилән, аилә әзалириңизниң бири яки йеқин достуңиз гуна қилип, товва қилмиғанлиғи үчүн җамаәттин чиқирилсичу? Униң билән мунасивитиңизни үзәләмсиз? Қәлбиңиз сизни немә қилишқа дәвәт қилиду?