«Һаятимиз вә хизмитимиз. Иш дәптири» үчүн мәлумат мәнбәлири
© 2023 Watch Tower Bible and Tract Society of Pennsylvania
3—9 ИЮЛЬ
ХУДА СӨЗИДИКИ ҒӘЗНӘ | ӘЗРА 4—6
«Бу ишқа арилашмаңлар»
w22.03 18-б., 13-абз.
Зәкәрияниң көргәнлирини көрдиңизму?
13 Ибадәтханини қайта ясаш иши чәкләнгән еди. Шундақтиму, йетәкчилик қилишқа тәйинләнгән кишиләр баш роһаний Йәшуа вә валий Зәрубабил «Худаниң өйини қайта қурушқа башлиған» (Әзра 5:1, 2). Бәлким, бәзи йәһудийлар бу қарарни хата дәп ойлиған. Чүнки ибадәтхана қурулуш ишини дүшмәндин йошурғили болматти, улар барлиқ амалларни ишлитип, тосқунлуқ қилатти. Икки мәсъулийәтчан киши, Йәшуа вә Зәрубабил, Йәһваниң қоллап-қувәтлишигә еришкән еди. Қандақ?
w86 1/2 29-б., 2, 3-абз., рамка
Йәһва Худаниң «көзи ақсақалларда болған»
Әгәр ақсақаллар өзлири бу һөкүмәт әмәлдарлириға қаршилиқ көрсәткән болса, ибадәтханиниң қурулуш иши дәрһалла мәнъий қилинған болатти. Шуңа бу ақсақаллар яхши нәтиҗә елип келиши үчүн падишиға һөрмәт билән җавап қайтурған. Улар Қорәш падишаниң чүшәргән, лекин аллибурун унтулуп қалған пәрмани һәққидә шу әмәлдарларниң есигә салған. Бу пәрманниң ярдими билән исраиллар өз вақтида ибадәтханини әслигә кәлтүрүш ишини башлиған еди. Әмәлдарлар Парс империясиниң сәясити бойичә қанунларни өзгәртишкә болмайдиғанлиғини билгәнликтин, хәвп-хәтәрниң алдини елиш үчүн падишаниң пәрманиға қарши чиқиштин қорққан еди. Шуңа Дариус падиша өз пәрманини чүшәргичә, қурулуш иши давам қилған (Әзр 5:11—17; 6:6—12).
w22.03 15-б., 7-абз.
Зәкәрияниң көргәнлирини көрдиңизму?
7 Бир өзгириш ибадәтхана қурулушини қилғучиларға көп ярдәм бәргән. Қандақ өзгириш? Миладидин илгирики 520-жили, йеңи падиша Дариус Парсниң һөкүмрани болған. У һакимийәт жүргүзгән иккинчи жили, ибадәтхана қурулушини чәкләш буйруғиниң қанунсиз екәнлигини байқиған. Шуниң билән, Дариус бу қурулушни тамамлаш әмир-пәрманини чүшәргән (Әзра 6:1—3). Падишаниң бу буйруғи һәммә кишини һәйран қалдурған еди. У қурулушни қайта башлашқа рухсәт берипла қалмай, әтраптики хәлиқләргә қурулуш ишиға тосқунлуқ қилишни тохтитишқа, һәтта қурулушни тамамлашқа керәклик пул вә материалларни тәминләп беришни буйриған! (Әзра 6:7—12). Нәтиҗидә, йәһудийлар төрт жилдин кейин, йәни миладидин илгирики 515-жили бу ибадәтхана қурулушини тамамлалиған (Әзра 6:15).
w22.03 19-б., 16-абз.
Зәкәрияниң көргәнлирини көрдиңизму?
16 Йәһваниң йол-йоруқ бериш йолидин йәнә бири — «садиқ һәм әқил-парасәтлик қул» (Мәт. 24:45). Бәзи вақитларда бу қул биз толуқ чүшәнмәйдиған йол-йоруқни көрситиши мүмкин. Мәсилән, районимизда йүз бериш мүмкинчилиги йоқ дәп қаралған тәбиий апәттин қутқузуш үчүн тәйярланған ениқ көрсәтмиләр берилиши мүмкин. Яки бу қул жуқумлуқ вирус мәзгилидә һәддидин зиядә еһтиятчан болуп кәткәндәк һис қилимиз. Әгәр берилгән йол-йоруқлар әмәлийәтчан әмәстәк һис қилсақ, қандақ қилишимиз керәк? Биз Йәшуа вә Зәрубабил арқилиқ берилгән көрсәтмиләргә исраиллар қулақ селип, қандақ пайда-мәнпәәткә еришкәнлиги һәққидә чоңқур ойлап көрсәк болиду. Йәнә оқуған Муқәддәс китаптики башқа үзүндиләр һәққидә ойлансақму болиду. Бәзидә Худа хәлқигә берилгән, инсанларниң нәзәридә әмәлийәткә мас кәлмәйдиғандәк йол-йоруқ, нәтиҗидә уларниң һаятини сақлап қалған еди (Һак. 7:7; 8:10).
Роһий гөһәрләрни издәйли
w93 15/6 32-б., 3—5 абз.
Муқәддәс китапқа ишинәләмсиз?
Бу төмүр тийин бүгүнки күндики Түркияниң шәрқий җәнуптики Тарс шәһиридә ясалған еди. Шу тийин миладидин илгирики 4-әсирдә Парс валийси Мазусниң һөкүмранлиғида ясалған. Униң үстигә «Фират дәриясиниң ғәрип тәрипиниң баш валийси» дегән оюп йезилған сөз-ибарә тепилған.
Немишкә бу сөз-ибарә биз үчүн чоң әһмийәткә егә? Сәвәви дәл шу сөз-ибарини Муқәддәс китаптин тапалайсиз. Әзра 5:6—6:13 айәтләрдә Парс падишаси Дариос билән Татнай исимлиқ валийниң арисида язған хәтлири тилға елинған. Шу хәтләрдә йәһудийларниң Йерусалимдики ибадәтханини қайта ясаш мәсилиси оттуриға қоюлған еди. Әзра Худа Қануниниң әстаидил көчүргүчиси болған. Шуңа у һәммини еһтиятчанлиқ билән язғанлиғи һәйран қаларлиқ әмәс. Чүнки сиз Әзра 5:6; 6:13-айәтләрдин (КТ) «Дәрияниң ғәрип тәрипиниң валийси Татинай» дегән сөз-ибарини тапалайсиз.
Әзра бу төмүр тийинни соқуп ясаштин 100 жил бурун тәхминән миладидин илгири 460-жилда язған. Әлвәттә, бәзи кишиләр қедимда яшиған әмәлдарларниң нам-унванлирини тилға елиш анчә муһим әмәс дәп ейтиши мүмкин. Бирақ сиз Муқәддәс китап язғучилириға, һәтта ушшақ-чүшшәк тәпсилатларға ишәнгән болсиңиз, шу язғучиларниң башқа язғанлириға болған ишәнчиңиз күчәймәмду?
10—16 ИЮЛЬ
ХУДА СӨЗИДИКИ ҒӘЗНӘ | ӘЗРА 7, 8
«Әзраниң жүрүш-туруши Йәһваға шан-шәрәп кәлтүргән»
w00 1/10 14-б., 8-абз.
Пайдилиқ вә хошаллиқ әкелидиған издиниш
8 Шәк-шүбһисизки, Худа Сөзигә болған меһир-муһәббитимиз һис-туйғулиримизниң мәнбәси болған жүригимиздин чиқиши керәк. Биз оқуғанда тохтап, оқуғанлиримиздин хошаллиқ тепишимиз лазим. Роһий ой-пикирләргә чоңқур чөкүп, мулаһизә қилиш муһим. Шундақ қилиш үчүн әтраплиқ ойлинип, дуа қилишимиз керәк. Әзраға охшаш Худа Сөзини оқуп, издиниш өткүзүштин авал өз қәлбимизни тәйярлиқ қилишимиз зөрүр. У һәққидә мундақ йезилған: «Әзра Йәһва бәргән Қанунни тәтқиқ қилип, әмәл қилишқа вә исраилларға қанун-қаидиләрни үгитишкә өз қәлбини тәйярлиқ қилған еди» (Әзр 7:10, ЙД). Өз қәлбини тәйярлиқ қилишта Әзраниң йәтмәкчи болған үч мәхситигә диққәт қилиң: тәтқиқ қилиш, әмәл қилиш вә үгитиш. Биз униң үлгисигә әгишишимиз керәк.
si 75-б., 5-абз.
Муқәддәс китапниң 13-китави: Тарихнамә 1-язма
5 Тарихни шундақ ишәнчилик вә тоғра Әзрадин башқа һечким яхши язмиған еди. Сәвәви «Әзра Йәһва бәргән Қанунни тәтқиқ қилип, әмәл қилишқа вә исраилларға қанун-қаидиләрни үгитишкә өз қәлбини тәйярлиқ қилған еди» (Әзра 7:10, ЙД). Тәңри Худа уни Өз муқәддәс роһи билән қоллап-қувәтлигән. Парс империясиниң падишаси болса, Әзрада Худадин кәлгән даналиқни көргәндә, униңға Йәһудийә өлкисидә мәлум дәриҗидә һакимийәт жүргүзүш һоқуқини тапшурған (Әзра 7:12—26). Шуниң билән Әзра пәйғәмбәр Худа тәрипидин даналиққа вә падишадин һоқуққа еришип, тоғра тарихий һөҗҗәтләргә егә болғанда, у тарихнамини мувәппәқийәтлик һалда тәсвирлигән.
it «Кәмтәрлик»
Кәмтәрлик
Тоғра йол-йоруққа еришишкә ярдәм бериду. Киши өзини Худаниң алдида төвән тутса, Худаниң йол-йоруғиға еришиши мүмкин. Әзра муһим бир вәзипигә егә болуп, кишиләрниң, шу җүмлидин 1500дин көпирәк әр киши, роһанийлар, нефинейлар, аяллар билән балиларниң Бабил шәһиридин Йерусалимға қайтип келишини йетәклиши керәк еди. Униңдин башқа, улар Йерусалимдики ибадәтханини безәш үчүн жиққан нурғун алтун-күмүчләрни елип бериши керәк еди. Әлвәттә, улар йолда һимайигә муһтаҗ болған. Лекин башқилар Әзра падишаниң һимайисигә тайиниду дәп ойлимаслиғи үчүн у падишадин қуралланған әскәр вә чавандазларни сорашни халимиған. Униңдин башқа, у: «Худайимизниң қоли Уни барлиқ издигәнләрниң үстигә илтипат көрситишкә қоюлиду»,— дәп падишаға ейтқан. Шуңа исраиллар Худаниң алдида өзлирини төвән тутуши үчүн Әзра уларға роза тутуңлар дәп җакалиған. Улар Худадин мошу хәтәрлик йолда өзлирини дүшмәнләрдин қоғдишини сориған. Худаниң қоли исраиллар билән биллә болуп, дүшмәнләрдин вә йолдики қарақчилардин сақлиған. Нәтиҗидә улар аман-есән Йерусалимға йетип кәлгән еди (Әзра 8:1—14, 21—32, КТ).
Роһий гөһәрләрни издәйли
w06 15/1 19-б., 10-абз.
Әзра китавидики пайдилиқ ой-пикирләр
Немә үчүн Бабилдики нурғун йәһудийлар Әзра билән биллә Йерусалимға беришни халимиған? Йерусалимға қайтиш улар үчүн йеңи һаят башлаш вә җапа-мәшәқәтләргә дуч келишни билдүргән. Бабил шәһиридә яшашқа қариғанда, Йерусалимдики қолайсиз шараитларда яшаш асан болмиған. Униңдин башқа, сәпәр қилишниң өзи хәвп-хәтәр еди. Йерусалимға қайтмақчи болған йәһудийлар Йәһва Худаға болған иман-етиқатқа, пак ибадәткә болған қизғинлиққа вә җасарәткә муһтаҗ болған.
17—23 ИЮЛЬ
ХУДА СӨЗИДИКИ ҒӘЗНӘ | ӘЗРА 9, 10
«Итаәтсизликниң аччиқ ақивети»
w06 15/1 20-б., 1-абз.
Әзра китавидики пайдилиқ ой-пикирләр
Исраилларниң сахта илаһларға чоқунидиған аялларға өйлиниши қандақ аччиқ ақивәткә елип келиши мүмкин еди? Әсирдин қайтқан хәлиқ Мәсиһ кәлгичә һәқиқий ибадәтниң паклиғини сақлиши керәк еди. Йәһудий болмиған кишиләр билән той қилиш пак ибадәткә хәвп-хәтәр туғдуратти. Бәзи йәһудийлар бутпәрәсләр билән той қилғанлиқтин пүткүл Исраил хәлқи аста-аста йоқап кетиши мүмкин еди. У чағда Мәсиһ кимләргә келәтти? Шуңа Әзраниң көңли бәк беарам болғанлиғи һәйран қаларлиқ әмәс!
w09 1/10 10-б., 6-абз.
Йәһва сиздин немә тәләп қилиду?
Чин жүрәктин Йәһваға бойсунсақ, бәрикәткә еришимиз. Муса пәйғәмбәр Исраил хәлқигә Йәһваға немә үчүн бойсунуш керәклигини чүшәндүрүп, мундақ дегән: «Шу вақиттила саңа яхши болиду» (13-айәт). Раст, Йәһваниң һәммә қанунлири биз үчүн көп пайда әкелиду. Немә үчүн? «Худа Өзи меһир-муһәббәттур» (Йоһанниң 1-хети 4:8). Шу сәвәптин, У бизгә мәңгү пайда елип келидиған қанунларни бәргән (Йәшая 48:17). Һазирниң өзидә Йәһваниң тәләплирини орунлисақ, көп қийинчилиқлардин нери болуп, келәчәктә болса, Худа Падишалиғиниң һөкүмранлиғида бизни әҗайип һаят күтмәктә.
Роһий гөһәрләрни издәйли
w06 15/1 20-б., 2-абз.
Әзра китавидики пайдилиқ ой-пикирләр
Немә үчүн исраиллар чәт әллик аялларни балилири билән өз жутиға қайтуривәткән? Әгәр балилири қалған болса, анилири Йәһуда зиминида қелип өз жутиға қайтип кәлмәслиги мүмкин еди. Униңдин башқа, адәттә пәрзәнт ана меһригә муһтаҗ еди.
24—30 ИЮЛЬ
ХУДА СӨЗИДИКИ ҒӘЗНӘ | НӘҺӘМИЯ 1, 2
«Мән дәрһал дуа қилдим»
w08 15/2 3-б., 5-абз.
Йәһва Худани ядиңизда һәрдайим тутуң
5 Бәзидә биз Худадин ярдәм сораш үчүн дәрру яки қисқа дуа қилишимиз керәк. Парс падишалиғиниң падишаси Артахшашт өз сақийси Нәһәмияниң ғәмкин болғанлиғини байқиған. Падиша униңдин: «Сән ағрип қалмиғансән?»— дәп сориған. Нәһәмия болса, Худаға дәрһал дуа қилған. Нәһәмияниң Худаға өз ич-бағрини төкүшкә вақти болмиған. Қаримаққа у ичидә қисқа дуа қилған. Қандақ болушидин қәтъий нәзәр, Тәңри Йәһва униң дуасиға җавап берип, падиша Нәһәмияниң Йерусалим тамлирини қайта ясаш истигини қоллап-қувәтлигән (Нәһәмия 2:1—8ни оқуң). Дуалар һәтта дәрһал, қисқа вә ичидә қилған болсиму, Худа уларни аңлиши мүмкин.
be 177-б., 4-абз.
Дәрру җавап бериш керәк болғанда
Әгәр бири туюқсиз етиқадиңиз тоғрилиқ сориса, немә қилсиңиз болиду? Нәһәмияниң үлгисигә әгишиң. У падиша Артахшаштниң соалиға җавап бериштин авал ичидә қисқа дуа қилған (Нәһ. 2:4). Кейин ичиңиздә җавапниң планини тез түзүң. Кейинки қәдәмләрни бесиң: 1) тилға алғили болидиған бир яки икки ой-пикирни таллаң; 2) бу ой-пикирләрни тәкитләйдиған қандақ айәтләрни кәлтүрүшкә болидиғанлиғини ойлап беқиң; 3) соал сориған кишини тиңшашқа қайил қиларлиқ вә һөрмитиңизни көрситидиған киришмә сөз һәққидә ойлап көрүң. Андин кейин сөзләшни башлаң.
Роһий гөһәрләрни издәйли
w86 15/2 25-б.
Пак ибадәтниң ғалибийити
Яқ, сәвәви Нәһәмия Йерусалимниң вәйран қилиниши һәққидә көп вақит «кечә-күндүз» дуа қилатти (Нәһ. 1:4, 6). Нәһәмия Артахшаштқа Йерусалим сепил-тамлирини қайта ясаш истигини ейтиш пурситидин пайдилинип, у йәнә дуа қилған. Худа Нәһәмияниң дуасиға җавап берип, униңға Өз илтипатини билдүргән. Нәтиҗидә, Нәһәмиягә шәһәрдики сепил-тамларни қайта тикләш һоқуқи тапшурулған еди.
Биз үчүн савақ: Нәһәмия Йәһва Худадин йол-йоруқ елиш үчүн Униңға дуа қилған. Бизму һемишәм дуа қилип вә қарарларни чиқарғанда, Йәһва Худаниң йол-йоруғиға мас иш-һәрикәт қилишимиз лазим (Римлиқларға 12:12).
31–ИЮЛЬ—6-АВГУСТ
ХУДА СӨЗИДИКИ ҒӘЗНӘ | НӘҺӘМИЯ 3, 4
«Қара иш иззәт-абройиңизни чүширәмду?»
w06 1/2 10-б., 1-абз.
Нәһәмия китавидики пайдилиқ ой-пикирләр
Пак ибадәт үчүн қилинған ишлар иззәт-абройимизни чүшириду дәп ойлимаслиғимиз керәк. Униңдин башқа, бундақ ишларни рәт қилған текойлиқларниң арисидики бәзи алийҗанап адәмләргә охшап қалмаслиғимиз керәк. Биз Худаға хизмәт қилиш үчүн тәйярлиқ билән өз вақти билән күчини чиқарған башқа текойлиқлардин үлгә алалаймиз.
w19.10 23-б., 11-абз.
Йәһва Худа сизни ким болғузалайду?
11 Көп әсирләрдин кейин, Шаллумниң қизлири Йерусалимниң тамлирини әслигә кәлтүрүш ишиға қатнишиш шан-шәрипигә егә болған (Нәһ. 2:20; 3:12). Уларниң дадиси шаһзадә болсиму, Шаллумниң қизлири бу қийин вә бәк хәтәрлик ишни қилишқа тәйяр болған (Нәһ. 4:15—18). Уларниң мәшһур текойлиқлар билән пәриқ йәр билән асмандәк еди, сәвәви текойлиқлар улар «әмгәк қилишни халимиди» (Нәһ. 3:5). Йерусалим тамлириниң қурулуши 52 күн ичидила пүткәндә, Шаллумниң қизлири қанчилик хошал болғанлиғини тәсәввур қилип көрүңа! (Нәһ. 6:15). Бизниң күнлиримиздә көплигән аял қериндашлар Йәһва Худаға беғишланған имарәтләрни қуруш вә яхши һаләттә сақлаш ишлириға ярдәмлишип, муқәддәс хизмәтниң бу алаһидә түригә хошаллиқ билән қатнишиду. Шу қериндашлар қабилийәтлирини ишлитип, қизғинлиқ вә садақәтмәнлик билән хизмәт қилип, Падишалиқ ишиниң алға бесишиға һәссисини қошмақта.
w04 1/8 18-б., 16-абз.
16 Мәйли яшлар яки яшанғанлар болсун, етиқатдашларниң һәммиси Мәсиһ әгәшкүчилиригә хас улуқлуққа болған көзқаришини йетилдүрүши лазим. Җамаәттә һәр түрлүк вәзипиләрни орунлаш керәк. Әгәр бирси сиздин анчә муһим әмәс иш қилишни сориса, наразилиқ көрсәтмәң (Самуилниң 1-язмиси 25:41; Падишалар 2-язма 3:11). Ата-анилар, силәр балилириңларни Ибадәт өйидә яки Конгресс сарийида уларға тапшурулған ишларни тәйярлиқ билән орунлашқа дәвәт қиламсиләр? Силәрниң көзгә көрүнмәйдиған иш қиливатқанлиғиңларни улар көрәмду? Йәһва гувачилириниң Баш Идарисидә хизмәт қиливатқан бурадәр ата-анисиниң мисалини та мошу күнгичә әсләйду. У мундақ дегән: «Уларниң Ибадәт өйидики яки Конгресс сарийидики бесиқтуруш ишиға болған көзқариши бу ишларни муһим дәп қариғанлиғини көрсәткән еди. Улар қериндашларға яки җамаәт үчүн иш қилишқа дайим тәйяр болған вә бундақ ишлар иззәт-абройини чүшириду дәп һечқачан ойлимиған. Ата-анамниң көзқаришиға охшаш болуш, Бәйтәлдә маңа тапшурулған һәр түрлүк вәзипиләрни хошаллиқ билән орунлашқа ярдәм бериду».
Роһий гөһәрләрни издәйли
w06 1/2 9-б., 1-абз.
Нәһәмия китавидики пайдилиқ ой-пикирләр
Қурулушқа қатнашқанлар қандақ қилип бир қоли билән ишләтти? Бу иш жүк тошуғучилар үчүн еғир болмиған, сәвәви улар жүкни бешиға яки мүрисигә артивелип, бир қоли билән жүкни тутуп, йәнә бир қолида нәйзә тутатти. Қурулушчилар болса, икки қоли билән ишләшкә тоғра кәлгән. Шуңа уларниң «һәрқайсиниң белидә қилич болди». Дүшмәнләр һуҗум қилса, улар билән күрәш қилишқа тәйяр еди.
7—13 АВГУСТ
ХУДА СӨЗИДИКИ ҒӘЗНӘ | НӘҺӘМИЯ 5—7
«Нәһәмия башқиларға хизмәт қилишни халиған»
w02 1/11 27-б., 3-абз.
Өтмүштә һәм бүгүнки күндә пак ибадәтни қоллап-қувәтләш
Нәһәмия башқилар үчүн өз вақтини вә уюштурғучи болуш маһарәтлирини ишлитипла қалмай, бәлки пак ибадәтни маддий җәһәттин қоллап-қувәтлигән. У өз пулини төләп, йәһудий қериндашлирини қуллуқтин азат қилған. Нәһәмия башқиларға қәризгә пул бәргән болсиму, өсүм елиштин ваз кәчкән. У хәлиқтин валийға беришкә зөрүр болған баҗ-селиғини тәләп қилмай, хәлиқкә еғирчилиқ салмиған. Әксинчә у: ««Дәстихинимда йәһудийлардин һәм башчилардин һәр күни 150 адәм тамақлинатти. Бу әтрапимизда яшиған башқа хәлиқләрдин келип тамақланғанлардин ташқири. Мана, мениңда бир күндә тәйярлинидиған таамлар: бир буқа, алтә бодалған қой һәм көплигән қушлар. Он күндә бир қетим шарапниң түр-түри бериләтти» (Нәһәмия 5:8, 10, 14—18).
w16.09 6-б., 16-абз.
Қоллириң бошишип кәтмисун
16 Йәһва Худа Нәһәмия билән ярдәмчилириниң қоллирини мошу лайиһини әмәлгә ашурушқа күчәйткән. Улар Йерусалим сепил-тамлирини 52 күн ичидә тамамлиған (Нәһ. 2:18; 6:15, 16). Нәһәмия бу ишни назарәт қилипла қоймай, шәхсән өзиму Йерусалим сепил-тамлирини қайта ясашқа қатнашқан (Нәһ. 5:16). Шуниңға охшаш, бүгүнки күндә нурғунлиған ақсақаллар Нәһәмияни үлгә қилип, тәшкилатимизниң лайиһилиригә яки йәрлик Ибадәт өйилирини асрайду яки бесиқтуруш ишиға қатнишиду. Улар башқа етиқатдашлар билән вәз қилиду, падичилиқ хизмитини қилип, аҗизлашқан қоллирини, езилгән вә чүшкүнлүккә чүшкән қериндашларни күчәйтиду (Йәшая 35:3, 4).
w00 2/1 32-б.
Қайси мәнада Худа сизни әскә алиду?
Муқәддәс китаптин көргинимиздәк, Худаниң әскә елиши У һәрикәт қилидиғанлиғини билдүриду. Мәсилән, йәр 150 күн су астида болғанда Худа Нуһни «әскә алди... йәр-зиминға шамал чиқарди вә сулар йенишқа башлиди» (Яритилиш 8:1). Әсирләр өтүп, филистийәликләр тәрипидин қарғу қилинған вә кишәнләнгән Шимшон Худаға дуа қилип, мундақ дегән: «Һәй, Йәһва Пәрвардигар Егәм! Мени есиңға алсаңчу һәм һазир бир қетимла мустәһкәмлигинә». Йәһва Худа Шимшонни қайси мәнада әскә алған? Худа Шимшонға Униң дүшмәнлиридин интиқам елиш үчүн адәттин ташқири күч бәргән (Һакимлар 16:28—30). Йәһва Худа Нәһәмияниң тиришчанлиғини бәрикәтлигән вә Йерусалимда пак ибадәтни тиклигән.
Роһий гөһәрләрни издәйли
w07 1/7 30-б., 15-абз.
«Яманлиқни яхшилиқ билән йеңиңлар»
15 Үчинчидин, Нәһәмияниң дүшмәнлири бир сатқун арқилиқ уни Худаниң Қануниға хилаплиқ қилишқа урунған. Шәмая униңға: «Кәл, иккимиз биллә Худаниң өйигә, һәрәмниң ичигә кирип, кәйнимиздин ибадәтханиниң ишиклирини йепивалайлуқ, чүнки улар сени өлтүрүшкә келиду, түндә өлтүрүшкә келишни нийәт қилмақта»,— дәп Шәмая Нәһәмияниң өлтүрүлидиғанлиғи һәққидә ейтип, ибадәтханида йошурунуп аман қалидиғанлиғиға униң көзини йәткүзмәкчи болған. Амма Нәһәмия роһаний болмиған. Шуңа ибадәтханида йошурунувалған болса, у гуна қилған болатти. У һаятини аман қалдурмақчи болуп, Худаниң Қануниға хилаплиқ қилаттиму? Яқ. Шәмая тәйярлап қойған тузаққа Нәһәмия қандақларчә берилмиди? У һәқиқий пәйғәмбәр Худаниң Қануниға хилаплиқ қилишқа мәслиһәт бәрмәйдиғанлиғини чүшәнгән. Нәһәмия дүшмәнлириниң уни йеңишигә йол қоймиған. Буниңдин көп өтмәй, у йәкүнләп: «Сепил қурулуп, елул ейиниң 25-күни 52 күн давамида тамамланди»,— дегән (Нәһәмия 6:10—15; Санлар 1:51; 18:7).
14—20 АВГУСТ
ХУДА СӨЗИДИКИ ҒӘЗНӘ | НӘҺӘМИЯ 8, 9
«Йәһвадин кәлгән шат-хорамлиқ — күчимиздур»
w13 15/10 21-б., 2-абз.
Яхши тәйярланған дуаниң үлгиси.
2 Йерусалим сепил-тамлири қайта ясилип, бир ай өткәндин кейин йәһудийлар җәм болған (Нәһ. 6:15). Худаниң хәлқи бу ишни 52 күн ичидә тамамлап, кейин өз роһий еһтияҗлириға көңүл бөлүшкә башлиған. Тишри дәп атилидиған кейинки айниң биринчи күни йәһудийлар Әзра билән башқа лавийларниң Худа Қанунини қандақ үнлүк оқуши вә чүшәндүрүшигә қулақ селиш үчүн мәйданға чиқип жиғилған. Барлиқ аилиләр, йәни аңлиғанлирини чүшинәләйдиған кишиләрниң һәммиси «сәһәрдин башлап чүшкичә» туруп, Худаниң сөзлирини тиңшиған. Уларниң мисали бүгүнки күндә қолайлиқ Ибадәт өйлиридә жиғиливатқанларниң һәммиси үчүн яхши үлгә әмәсму? Учришиш вақтида, бәзидә диққитимиз чечилип кәтмәмду яки әрзимәс нәрсиләр һәққидә ойлинишқа башлаймизму? Әгәр шундақ болса, шу йәһудийларниң мисалини әскә елиң. Улар пәқәт Худаниң сөзлирини тиңшапла қалмай, бәлки аңлиғанлирини өз қәлбигә селип, гуналиридин товва қилип жиғлиған (Нәһ. 8:1—9).
w07 15/7 22-б., 9, 10-абз.
«Роһ бойичә иш қилиңлар»
9 Хошал болуш дегәнлик һәқиқий бәхитни һис қилиш демәктур. Йәһва бәхитлик Худа (Тимотийға 1-хәт 1:11; Зәбур 104:31). Әйса Мәсиһ Атисиниң ирадисини орунлаштин хошаллиқ тапиду (Зәбур 40:8; Ибранийларға 10:7—9). «Йәһвадин кәлгән шат-хорамлиқ — күчимиздур» (Нәһәмия 8:10, ЙД).
10 Әгәр биз дуч келидиған қийинчилиқ, ғәм-қайғу яки зиянкәшликкә қаримастин, Худаниң ирадисини орунлисақ, Худа бизгә хошаллиқ вә көңүл хатирҗәмлигини ата қилиду. Худани тонуған киши нәқәдәр бәхитлик! (Пәнд-нәсиһәтләр 2:1—5). Биз Худа билән болған достлуқни орнитип риваҗландурсақ, хошаллиққа еришимиз. Бу достлуқ болса, тоғра билимгә вә Әйса бәргән төләм қурбанлиғиға болған ишәнчимизгә асаслиниду (Йоһанниң 1-хети 2:1, 2). Хошал болушниң йәнә бир сәвәви — һәқиқий хәлиқаралиқ қериндашчилиқниң бир әзаси болуштур (Зәфания 3:9; Һагай 2:7). Шуниңдәк, Худа Падишалиғиға болған үмүт вә хуш хәвәрни вәз қилиш шан-шәрипи бизгә хошаллиқ әкелиду (Мәтта 6:9, 10; 24:14). Униңдин башқа, биздә мәңгү яшаш пурсити бар (Йоһан 17:3). Шәк-шүбһисизки, биз шунчилик әҗайип үмүткә егә болғач, «пәқәт шатлинип» яшишимиз керәк (Қанун шәрһи 16:15).
Роһий гөһәрләрни издәйли
it «Арамий тили»
Арамий тили
Исраиллар Бабил қуллиғидин азат болуп, бираз вақит өткәндин кейин роһаний Әзра Йерусалимда җәм болған хәлиқкә Тәврат қанунини оқуған. Лавийлар болса, оқуған сөзләрниң мәнасини чүшәндүргән. Нәһәмия 8:8дә мундақ дәп йезилған: «[Улар] һәқиқий Худаниң Қанунини, мәзкүр китапни ениқ оқуп, изаһларни қошуп, оқулғанни чүшәндүрәтти». «Чүшәндүрүш» дәп тәрҗимә қилинған ибраний сөзи бәлким, ибраний тилида йезилған текстни арамий тилиға тәрҗимә қилишни өз ичигә алған болуши мүмкин. Чүнки йәһудийлар арамий тилини, бәлким Бабилда үгәнгән болуши мүмкин. Қандақ болушидин қәтъийнәзәр «чүшәндүрүш» дегән сөз оқуғанларни чүшәндүрүп беришни билдүриду. Чүнки йәһудийлар һәтта ибраний тилини чүшәнгән болсиму, оқуғанлириниң мәнасини чоңқурирақ чүшиниш үчүн уларға чүшәндүрүш керәк еди.
21—27 АВГУСТ
ХУДА СӨЗИДИКИ ҒӘЗНӘ | НӘҺӘМИЯ 10, 11
«Улар Йәһва Худа үчүн шәхсий қурбанлиқларни бәргән»
w98 15/10 22-б., 13-абз.
Йерусалим өз намиға лайиқ
13 Нәһәмияниң күнлиридә хәлиқ түзгән келишимгә әмәл қилип, Йерусалим тамлирини беғишлаш күнигә тәйяр болған. Амма йәнә бир мәсилини һәл қилиш керәк еди. Һазир 12 дәрвазиси бар йоған там билән қоршалған Йерусалим техиму көп аһалигә муһтаҗ еди. Гәрчә Йерусалимда бәзи исраиллар яшиған болсиму «шәһәр кәң вә йоған болғанлиқтин, хәлиқ болса униңда көп болм[иған]... еди» (Нәһәмия 7:4). Бу мәсилини һәл қилиш үчүн муқәддәс шәһәр Йерусалимда хәлиқниң ондин бир қисми яшиши үчүн чәк ташланған. «Шуниң билән халисәнә Йерусалимда яшашқа келишкәнләрниң барлиғини хәлиқ бәрикәтлиди» (Нәһәмия 11:1, 2). Улар бүгүнки күндә вәз ейтқучилар аз йәрләргә көчүп бериш мүмкинчиликлири бар болған бурадәр-қериндашларға яхши үлгә қалдурған. Видеолар
w86 15/2 26-б.
Пак ибадәтниң ғәлибә қазиниши
Мирасқа алған йәрлирини ташлап кәткәнләр зиян тартиши мүмкин еди. Сәвәви Йерусалимға көчүп бериш бәзибир қийинчилиқ вә чиқимларға елип келәтти. Бәлким шу шәһәрниң турғунлири һәртүрлүк хәвп-хәтәрләргә дуч келиши мүмкин еди. Мошундақ әһвалларға қаримастин хәлиқ пидакар роһни көрсәткәнләрни махташқа лайиқ дәп һесаплиған. Хәлиқ Йәһва Худа уларни бәрикәтлисун дәп дуа қилған.
w16.04 8-б., 15-абз.
Худаға садиқ болғанларни У бәрикәтләйду
15 Йәһва Худаға өзүмизни беғишлап, Униң ирадисини сөзсиз орунлаймиз дәп вәдә бәрдуқ. Бу йол биздин тәр төкүп хизмәт қилишни тәләп қилидиғанлиғини чүшәнгән едуқ. Биздин анчә яқмайдиған ишни тәләп қилғанда, болупму шу чағларда садиқлиғимиз алаһидә синилиду. Әгәр тәйярлиқ билән шундақ қурбанлиқларға барсақ вә һәтта қийинчилиқларға қаримастин Худаға хизмәт қилсақ, шу чағда Худаға толуғи билән тайинидиғанлиғимизни көрситимиз. Худаниң бәргән бәрикәтлири бизниң бәргән һәрқандақ қурбанлиқлиримиздинму ешип чүшиду (Мал. 3:10). Йиптаһниң қизичу? У дадисиниң бәргән вәдисигә қандақ қариған?
Роһий гөһәрләрни издәйли
w06 1/2 11-б., 1-абз.
Нәһәмия китавидики пайдилиқ ой-пикирләр
Немишкә Исраил хәлқидин отун елип келишни тәләп қилған? Муса қанунида бу тәләп тоғрилиқ һечқандақ ениқ көрсәтмә берилмигән. Бу тәләп алаһидә һаҗәт болғанлиқтин пәйда болған. Қурбанлиқларни көйдүрүш үчүн нурғун отун керәк еди. Бәлким ибадәтханида хизмәт қилалайдиған нефинейлар аз болған. Шуңа ибадәтханиға новәт билән отун елип келиши үчүн чәк ташлатти.
28-АВГУСТ — 3-СЕНТЯБРЬ
ХУДА СӨЗИДИКИ ҒӘЗНӘ | НӘҺӘМИЯ 12, 13
«Дост таллиғанда Йәһваға садиқ болуң»
it «Аммонлуқлар»
Аммонлуқлар
Тобия ибадәтханидин қоғлинип чиқирилғандин кейин Исраил хәлқи Қанун шәрһи 23:3—6 айәтләрдики аммонлуқлар билән моаблиқлар Худаниң хәлқиниң бир қисми болмайду дегән Худаниң Қанунини оқуп, әмәлийәттә қолланған (Нәһ 13:1—3). Бу қанун тәхминән 1000 жил бурун берилгән еди, сәвәви аммонлуқлар билән моаблиқлар Вәдә қилинған зиминға йеқинлашқан исраилларға ярдәм бериштин баш тартқан. Шу сәвәптин, мошу хәлиқләрдин келип чиққан кишиләр Исраил хәлқиниң толуқ әзаси болалмиған һәм шундақла һәммә һоқуқ имтиязиға егә болалмиған. Бу аммонлуқлар вә моаблиқларниң һечқайсиси исраиллар билән арилишалмайду яки уларниң арисида яшалмайду, шундақла Худа Өз хәлқигә бәргән бәрикәтләргә еришәлмәйду дегәнни билдүрмәйду. Давутниң қошун сәрдари Зәләкниң миллити аммонлуқ һәм шундақла Рутниң миллити моаблиқ болғанлиғи буни испатлайду (Рут 1:4, 16—18).
w13 15/8 4-б., 5, 6-абз.
Силәр муқәддәс болдуңлар
5 Бизни қоршап турған муһит бизгә яман тәсир қилғанлиқтин, муқәддәс болуп қелиш асанға чүшмәйду. Елиашиб вә Тобияниң мисаллирини әскә алайли. Елиашиб баш роһаний болған, Тобия болса, аммонлуқ болған вә у Йәһуда башқурушида Парс падишаниң әмәлдари болуши мүмкин еди. Тобия вә униң тәрәпдарлири Нәһәмияниң Йерусалим тамлирини қайта тиклишигә қаршилиқ көрсәткән (Нәһ. 2:10). Аммонлуқларға ибадәтханиниң территориясигә киришкә рухсәт йоқ еди (Қ. шәр. 23:3). Ундақта немә үчүн баш роһаний Елиашиб Тобияға ибадәтханиниң ашханисидин орун бәргән?
6 Тобия Елиашибниң йеқин дости болған. Тобия вә униң оғли Йеханан йәһудий аялларға өйләнгән вә нурғунлиған йәһудийлар Тобияниң яхши ишлирини тилға алатти (Нәһ. 6:17—19). Елиашибниң нәвриси Тобияниң йеқин дости Санбаллатниң күйоғли болған. Санбаллат Самарийәниң һөкүмдари еди (Нәһ. 13:28). Бу мунасивәт баш роһаний Елиашиб немә үчүн өзигә йәһудий әмәс дүшмәнниң тәсир қилишиға йол қойғанлиғини чүшәндүриду. Лекин Нәһәмия Тобияниң һәммә өй җабдуқлирини ашханидин елип ташлап, Йәһваға садақәтмәнлигини көрсәткән.
w96 15/3 16-б., 6-абз.
Синақларға қаримастин, садақәтмән болуш
6 Әгәр биз Йәһва Худаға пүтүн вуҗудимиз билән садиқ болсақ, Униңға дүшмән болидиған адәмләр билән дост болмаймиз. Шуңа Яқуп мундақ язған: «Һәй Худаға вапасизлар, дуния билән достлишиш — бу Пәрвәрдигар билән дүшмәнлишиш екәнлигини билмәмсиләр? Шуңлашқа ким дунияниң дости болғуси кәлсә, у Худаға дүшмән болиду» (Яқуп 4:4). Давут падишаға охшаш садиқлиқни көрсәткүмиз келиду: У «Йәһва, Саңа өчләрдин нәпрәтлинимән, Саңа қарши чиққанлардин жиркинимән! Пүткүл вуҗудум билән уларни өч көрүмән, Улар мениңму дүшмәнлиримдур»,— дегән (Зәбур 139:21, 22). Билип туруп гуна қилидиған адәмләр билән қоюқ арилишишни халимаймиз, чүнки аримизда ортақ һеч нәрсә йоқ. Худаға болған садақәтмәнлигимиз Униң дүшмәнлири билән дост болуштин сақлайду.
Роһий гөһәрләрни издәйли
it «Музыка»
Музыка
Ибадәтханида нахша ейтишқа чоң әһмийәт берәтти. Чүнки Муқәддәс китапта нахшичилар тоғрилиқ нурғун қетим тилға елинған. Шундақла улар лавийларға хас болған башқа хизмәтләрдин бошитилған еди (Т1я 9:33). Бабил әсиридин қайтип кәлгәнлириниң арисида нахшичиларни алайтән тилға алғанлиғиға қарап, улар лавийларниң арисида мәхсус топ болғанлиғини көрүшкә болиду (Әзр 2:40, 41). Парс падишаси Артахшаш, нахшичилар билән башқа алаһидә топларға селиқ, җәримә вә баҗ төләшкә мәҗбурланмисун дәп пәрман чүшәргән (Әзра 7:24). Кейинәрәк падиша шундақ буйруқ бәргәнки, нахшичилар күндилик зөрүр нәрсиләр билән тәминлиниши керәк еди. Гәрчә буйруқни Артахшаш елан қилған болсиму, амма бу буйруқ һоқуқ бәргән падиша Әзрадин кәлгән болуши мүмкин (Нәһ 11:23; Әзр 7:18—26). Барлиқ нахшичилар лавийлар болсиму, Муқәддәс китапта нахшичилар билән лавийлар алаһидә топ болуп тилға елинғанлиғи һәйран қаларлиқ әмәс (Нәһ 7:1; 13:10).