«Һаятимиз вә хизмитимиз. Иш дәптири» үчүн мәлумат мәнбәлири

© 2023 Watch Tower Bible and Tract Society of Pennsylvania

4—10 СЕНТЯБРЬ

ХУДА СӨЗИДИКИ ҒӘЗНӘ | ӘСТӘР 1, 2

«Әстәргә охшаш кәмтәр болушқа интилиң»

w17.01 23-б., 11-абз.

Синақларға дуч кәлгәндә кәмтәр болуң

¹¹ Шуниң билән кичик пеиллиғимиз адәмләр бизни махтиғанда яки хошамәт қилғанда синилиши еһтимал. Башқилар Әстәрни көп махтиған. У Персиядики әң чирайлиқ аялларниң бири еди. Бир жил давамида уни вә униң риқабәтчилири болған башқа яш қизларни алаһидә хуш пурақ майлар билән әтирләрни сүркәп, падишаниң алдиға кириш үчүн тәйярлиған. Падиша Әстәрни таллап, уни мәликә қилди. Лекин Әстәргә көрситилгән диққәт уни өзгәртмиди. У мәнмәнчи болуп кәтмәстин, кичик пеил, меһрибан вә башқиларға һөрмәт қилишни сақлап қалған (Әстәр 2:​9, 12, 15, 17).

ia 130-б., 15-абз.

У Худаниң хәлқи үчүн җенини беришкә тәйяр болған

¹⁵ Әстәрниң падишаниң алдиға баридиған вақти кәлгәндә, униңға техиму чирайлиқ көрүнүши үчүн халиған зебу-зенәт буюмларни таллавелиш мүкинчилиги берилгән еди. Бирақ у кәмтәрликни көрситип, Һегай мәслиһәт бәргәндәк башқа һечнәрсә соримиди (Әстәр 2:15). Әстәр падишаниң жүригини пәқәт өзиниң гөзәллиги билән җәлип қилалмайдиғанлиғини чүшәнгән. У падиша сарийида кәмтәр билән кичик пеил хисләтлириниң камдин-кам учришидиғанлиғини билгән. Әстәрниң ойлиғанлири тоғра чиқтиму?

w17.01 24-б., 12-абз.

Синақларға дуч кәлгәндә кичик пеил болайли

¹² Биз кичик пеил болсақ, өзүмизни вә башқиларни һөрмәтләйдиғанлиғимизни көрситидиған усулда кийинимиз вә иш-һәрикәт қилимиз. Махтиниш вә башқиларниң диққитини җәлип қилишниң орниға, биз «еғир-бесиқ һәм мулайим роһқа» егә болушқа тиришимиз (Петрусниң 1-хети 3:​3, 4ни оқуң; Йәр. 9:​23, 24). Өзүмиз һәққидә қандақ ойда болғанлиғимиз бүгүнму-әтиму сөзүмиз яки ишимиздин көриниду. Мәсилән, қандақту бир имтиязға еришип, башқилар билмәйдиған мәлуматни билгәнликтин яки җавапкарлиғи бар бурадәрләр билән йеқин мунасивәттә болсақ, өзүмизни алаһидә қилип көрситишни халишимиз мүмкин. Яки бирәр муһим ишни қилишқа башқилар ярдәм бәргән болсиму, уни өзүмиз қилғандәк көрситишимиз мүмкин. Лекин Әйса һәққидә ойлап көрәйли. У адәмләргә өзиниң қанчилик дана болғанлиғини көрситәләтти. Лекин Әйса шундақ қилмай, әксичә пат-пат Худа Сөзигә көңүл бөлгән. У адәмләрниң өзини мәдһийилишини халимиған. Амма пүткүл шан-шәрәпни Йәһваға кәлтүргән (Йоһан 8:28).

Роһий гөһәрләрни издәйли

w22.11 31-б., 3—6 абз.

Сиз биләмсиз?

Тәтқиқатчилар Парс сеғиз лай тахта язмилирида Мардука (инглизчә Мордикай) исимлиқ бир әр кишини тилға алғанлиғини байқиған. У Шушанда башқурғучи, бәлким һесап қилғучи болуп ишлигән. Шәриқ тарих тәтқиқатчиси Артур Унгнад өз кәспигә пишқан тарихшунас болуп, тунҗа болуп Муқәддәс китаптин башқа һөҗҗәтләрдә Мордикай тоғрилиқ тилға елинғанлиғини елан қилған.

Унгнад буни оттуриға қойғандин кейин, тәтқиқатчилар башқа миңлиған Парс сеғиз лай тахта язмилирини тәрҗимә қилған. Уларниң арисида шәһәр тамлириниң әтрапидики харабилардин тепилған Персеполис тахтилири бар еди. Бу тахтилар Ксеркс I падиша заманиға тәвә болуп, елам тилида йезилған. Уларда Әстәр китавида тилға елинған бирнәччә исимлар бар.

Бирнәччә Персеполис тахтисида Мардука дегән исим йезилған, у Ксеркс I заманида Шушан ордисида падишаниң кативи болған. Бир тахтида Мардука тәрҗиман дәп тәсвирлигән. Бу тәпсилат Муқәддәс китаптики Мордикай һәққидики тәсвирләшкә мас келиду. У падиша Ахашверош (Ксеркс I) ордисида хизмәт қилидиған, кам дегәндә икки тилда сөзләйдиған әмәлдар еди. Мордикай дайим Шушандики падиша сарийиниң дәрвазисида олтиратти (Әстәр 2:​19, 21; 3:3). Бу падишалиқ дәрвазиси һәйвәтлик бена болуп, орда әмәлдарлириниң хизмәт орни еди.

Тахтида тилға елинған Мардука билән Муқәддәс китаптики Мордикайниң һәйран қаларлиқ охшашлиғи бар. Улар охшаш бир вақитта, охшаш бир падиша ордисиниң әмәлдарлири болған. Бу барлиқ охшашлиқлар археологиялик байқашларда тилға елинған Мардука билән Әстәр китавида тәсвирләнгән Мордикайниң охшаш бир шәхс екәнлигини көрситиду.

11—17 СЕНТЯБРЬ

ХУДА СӨЗИДИКИ ҒӘЗНӘ | ӘСТӘР 3—5

«Башқиларға қолуңиздин келишичә ярдәм бериң»

it «Мордикай»

Мордикай

Һаманға тазим қилмиди. Ахашверош падишаниң сарийида агаглиқ Һаман дегән киши хизмәт қилған еди. Падиша униң мәнсивини өзидә болған барлиқ шәйхләрдин егиз қойди. Шуниң билән шаһниң дәрвазилирида хизмәт атқуридиған әмәлдарлар Һаманға тазим қилип, униң алдида жиқилип һөрмәт көрситишини буйриди. Пәқәт Мордикай униңға жиқилип, тазим қилмиған. Чүнки у өзиниң йәһудий екәнлигини уларға аян қилғанди (Әст 3:1—4). Мордикайниң чүшәндүрүшидә униң Йәһва Худа билән болған мунасивити, у йәһудий болуш сүпити билән туғулишидинла Худаға беғишланғанлиғини билдүриду. Мордикайниң Һаманға тазим қилмиғанлиғи, униңға һөрмәт көрсәтмигәнлигини билдүрмәйду. Адәттә Исраилда жуқури дәриҗилик адәмләрниң алдида тазим қилиш, шундақ адәмләрни һөрмәтлигәнлигини көрситәтти (С2я 14:4; 18:28; П1я 1:16). Шуңа Мордикайниң Һаманға тазим қилмаслиғиниң муһим сәвәви болған. Һаман амаләк миллитидин болған болуши мүмкин, шу сәвәптин Йәһва Худа «амаләкләр билән әвлаттин әвлатқа җәң қилиду» дәп ейтқан еди (Чқ 17:16). Мордикай бу ишларни сәясий сәвәпләр билән қилмиған. Униңға Йәһва Худа билән болған садақәтмәнлиги муһим болған.

it «Мордикай»

Мордикай

Исраилларниң әркинликкә чиқишиға ярдәм бәргән. Йәһудийларни йоқ қилиш пәрмани чиққанда, Әстәр шаһмәликиси мәртивигә еришти. Шуңа, Мордикай йәһудийларниң аман қалидиғанлиғиға ишәнгән. Мордикай, Әстәрниң еғир жүкни өз үстигә алидиғанлиғини чүшәндүрди. У падишаға хәлқини рәһим қилип, ялвурушини җекилиди. Һәтта Әстәрниң һаяти хәтәр астида болсиму, у падишаниң алдиға беришкә келишти (Әст 4:7—5:2).

ia 133-б., 22, 23-абз.

У Худаниң хәлқи үчүн җенини беришкә тәйяр болған

²² Әстәр Мордикайниң сөзни аңлиғанда қорқуп кәткәнди. Мошу вақитта Әстәрниң һаятида әң чоң бир синақ болған. Әстәр Мордикайниң мураҗиитини орунлашқа қорққан. У падишаниң алдиға чақирилмай барса, өлүмгә һөкүм қилиниши мүмкин екәнлигини Мордикайниң есиға салди. Падиша қолидики алтун сәлтәнәт һасисини созған вақиттила униң алдиға кәлгән киши аман қелиши мүмкин еди. Падишаниң буйруғини рәт қилған Ваштиниң вәзийитидин кейин падиша Әстәргә рәһимлик көрситәмду? Шундақла Әстәрниң падиша алдиға чақирилмиғанлиғиға 30 күн болған еди! Падишаниң маңа болған көңли совуп, униң ойи өзгирип кәттимекин дегән һәрхил ойлар Әстәрниң көңлини беарам қилғанду (Әст 4:9—11).

²³ Мордикайниң ишәнч билән ейтқан җавави Әстәрниң етиқадини мустәһкәмлиди. Әгәр сән мошу вақитта иш-һәрикәт қилмисаң, йәһудийларға мәдәт вә қутқузулуш башқа йәрдин келиду деди. У чағда қаршилашқучилар күндин-күнгә күчәйгәнсири йәһудийлар аман қалимиз дәп иш-һәрикәт қилмай күтүп олтириши орунлиқму? Бу йәрдин Мордикайниң Йәһва Худаға болған мустәһкәм етиқатини көримиз. У Йәһва Худа Өз хәлқиниң йәр йүзидин йоқап кетишигә вә бәргән вәдиси орунланмай қалмайдиғанлиғиға толуқ ишәнгән (Йәшуа 23:14). Кейин Мордикай Әстәргә: «Ким билсун, бәлким, ушбу күн үчүн сән шаһмәликиси мәртивигә йәткәнсән?»,— дәп ейтти (Әстәр 4:12—14). Мордикай һәқиқәтән тәқлид қилишқа әрзийдиған киши, шундақ әмәсму? У пүтүнләй Йәһваға Худаға таянған. Бизчу? (Пәнд н. 3:​5, 6)

Роһий гөһәрләрни издәйли

kr 160-б., 14-абз.

Әстәр билән Мордикайға охшаш әркин ибадәт қилиш үчүн биз қандақ күришиватимиз?

¹⁴ Әстәр билән Мордикай Йәһва тәләп қилғандәк ибадәт қилиш үчүн күрәшкән (Әстәр 4:13—16). Сизму шундақ күрәш қилаламсиз? Әлвәттә. Қанун мәсилилиридә адаләтсизликкә дуч кәлгән бурадәр-қериндашлар үчүн дайим дуа қилсиңиз болиду. Бу дуа һәрқандақ қийинчилиқларға дуч келиватқан етиқатдашларға зор күч-ғәйрәт бериду (Яқуп 5:16ни оқуң). Йәһва дуалириңизға дайим җавап берәмду? Бизниң сотларда ғәлибә қазанғанлиғимиз буниң дәлил-испатлиридур! (Ибр. 13:​18, 19).

18—24 СЕНТЯБРЬ

ХУДА СӨЗИДИКИ ҒӘЗНӘ | ӘСТӘР 6—8

«Яхши сөһбәтлишишниң сири»

ia 140-б., 15, 16-абз.

У дана, җасур вә җанпидалиқ билән һәрикәт қилған

¹⁵ Әстәр сәвир-тақәтлик билән йәнә бир күнни күткәнликтин, Һаман өзигә зиянкәшлик қилған. Бу ишқа Йәһваниң арилашқанлиғи сәвәвидин падиша таң атқичә ухлимай чиққан (Пәнд н. 21:1). Шуңа Муқәддәс китаптики: «Ниҗатимни бәргүчи Худани күтимән», дегән сөзлиригә сәл қарашқа болмайду (Мика 7:7ни оқуң). Әгәр Худани сәвир-тақәтлик билән күтсәк, У қийинчилиқлиримизни биз ойлиғандинму яхши һәл қилип бериши мүмкин.

У җасурлуқ билән сөзлигән

¹⁶ Әстәр падишаниң сәвир-тақитини синимай, униңға һәммини ейтип беришини қарар қилған. Бирақ у қандақ ейтиши керәк еди? Падиша Әстәрдин: «Әстир мәликәм, сизниң арзуюңиз қандақ?» — дәп сориди (Әстәр 7:2). Мана, әнди Әстәрниң сөзләйдиған вақти кәлди.

ia 140-б., 17-абз.

У дана, җасур вә җанпидалиқ билән һәрикәт қилған

¹⁷ Әстәр өз тәливини ейтиштин авал, ичидә Худаға қисқа дуа қилған болуши мүмкин. Андин Әстәр падишаға: «Әгәр мән көзлиридә илтипат тапқан болсам, шаһим, әгәр силиниң нәзәридә бу лаяқәтлик болса, мениң арзу-арминим бойичә маңа һаятим һәдийә қилинса вә мениң өтүнүшим бойичә хәлқим маңа тапшурулса»,— деди (Әстәр 7:3). Әгәр байқисақ, падиша қандақ қарар чиқиришидин қәтъийнәзәр Әстәр уни һөрмәтләйдиғанлиғини билдүргән. Әстәр падишани қәстән камситқан Вашти хаништин қанчилик пәриқләнгән, һә! (Әстәр 1:10—12). Падишаниң мәккар Һаманға ишинип жүргәнлигини Әстәр тәнқит қилмиған. У падишадин пәқәт өзиниң һаятини өлүмдин сақлап қелишини сориған.

ia 141-б., 18, 19-абз.

У дана, җасур вә җанпидалиқ билән һәрикәт қилған

¹⁸ Шаһмәликәниң тәливини аңлиған падиша һаң-таң болуп қалди. Шаһмәликәниң һаятиға қәст қилишқа петинған киши ким екән? Әстәр сөзини давамлаштуруп: «Чүнки мән вә мениң хәлқим қирилишқа, өлтүрүлүшкә вә һалакәткә берилмәктә. Әгәр биз қуллуққа сетилидиған болсақ, мән еғизимни ачматтим. Һалбуки, дүшмән шаһимға зиянни һечқандақ йепип берәлмәйду»,— деди (Әстәр 7:4). Әстәр падишаға һечнемини йошурмай, һәммини очуқ-ашкарә ейтқан. Әгәр улар қуллуққа сетилидиған болса, Әстәр еғизини ачмиған болатти. Лекин пүтүн бир милләтниң йәр йүзидин йоқ болуп кетиши падишаға зиян елип кәлгәнликтин, Әстәр буни ейталмай туралмиди.

¹⁹ Башқиларни ишәндүрүш үчүн, Әстәрдин көп нәрсиләрни үгинәләймиз. Шуниңға охшаш, бизму йеқинлиримиз вә һоқуқи бар адәмләр билән муһим мәсилиләрни муһакимә қилғанда, сәвир-тақәтлик болуп вә һөрмәт билән очуқ-йоруқ сөзләшсәк, яхши нәтиҗиләргә еришәләймиз (Пәнд н. 16:​21, 23).

Роһий гөһәрләрни издәйли

w06 1/3 11-б., 1-абз.

Әстәр китавидики пайдилиқ ой-пикирләр

Йәһудийларни қирип ташлаш падишаға қандақ зиян йәткүзәтти?

Йәһудийлар қуллуққа сетилип, улар өлтүрүлсә, падиша қанчилик зиянға учрайдиғанлиғини Әстәр силиқ-сипайилиқ билән ейтқан. Әгәр Һаман йәһудийларни қуллуққа сетиветишни ойлиған болса, падишаниң ғәзнисигә чүшидиған пулдин, 10000 күмүч тәңгигә ешип чүшкән болатти. Шундақла Һаманниң яман ойи әмәлгә ашқан болса, падиша аялидин айрилип қалған болар еди.

25-СЕНТЯБРЬ—1-ОКТЯБРЬ

ХУДА СӨЗИДИКИ ҒӘЗНӘ | ӘСТӘР 9, 10

«Мордикай өз һоқуқини хәлиқкә ярдәм бериш үчүн қолланған»

it «Мордикай»

Мордикай

Һаманниң орниға падишадин кейинки иккинчи адәм болуп Мордикай тәйинләнгән. Шундақла дөләт һөҗҗәтлирини тәстиқләш үчүн падиша үзүк-тамғисини Мордикайға тапшурған. Падиша Әстәргә Һаманниң өйини бәргән. Әстәр болса, Һаманниң өй-җайиға башчи қилип Мордикайни қойған. Мордикай падишаниң бәргән һоқуқини пайдлинип, йәһудийлар өз һаятини һимайә қилиш пәрманини чиқарған. Шундақ қилип, йәһудийлар үчүн азатлиқ һәм хошаллиқ күн кәлгән. Персия империясидики нурғун адәмләр йәһудийлар тәрәпкә өткән. Йәһудийлар адар ейиниң 13-күни, йәни йәһудийларни йоқ қилиш қануни өз күчигә киридиған күни, җәңгә тәйяр турған. Мордикай жуқури мәртивилик адәм болғанлиқтин, вилайәт башчилири вә әмәлдарлар уни қоллап-қувәтлигән. Суздики җәң йәнә бир күн давам қилған. Йәһудийлар пүтүн империя бойичә 75000дин ошуқ дүшмәнлирини, шундақла уларниң ичидә Һаманниң 10 оғлиниму өлтүривәткән (Әст 8:1—9:18). Әстәр Мордикай чиқарған буйруқни қоллап қувәтлигән. Һәр жили йәһудийлар адар ейиниң 14, 15-күнлири «Пурим» дегән күнни нишанлиши керәк еди. Улар шу күнләрни тойлап, бир-биригә һәм кәмбәғәлләргә соғиларни беришәтти. Мордикай падишадин кейин иккинчи адәм болғанлиқтин, замандашлириниң арисида һөрмәткә сазавәр болуп, уларниң пайдиси үчүн иш-һәрикәт қилған (Әст 9:19—22, 27—32; 10:​2, 3).

it «Пурим»

Пурим

Мәхсәт. Бәзи бир адәмләрниң ейтишичә йәһудийлар нишанливатқан Пурим мәйрими дәсләпки өткүзүлгән диний Пурим мәйримидин пәриқлиниду. Мордикай билән Әстәр һәқиқий Йәһва Худаға ибадәт қилған. Бу мәйрәм Йәһва Худаға шан-шәрәп кәлтүрүш үчүн орунлаштурулған. Мордикай Йәһва Худаға садақәтмән болғанлиғи үчүн йәһудийлар хәтәргә дуч кәлгән. Шуңа улар өзлириниң аман-есән қалғанлиғи үчүн Йәһва Худаға миннәтдар болуши керәк еди. Һаман амаләк хәлқидин чиққан болуши мүмкин. Шуңа Йәһва Худа амаләк хәлқини ләнәт қилип, уларни йоқ қилишқа һөкүм чиқарған еди. Мордикай Худаниң көрсәтмилирини һөрмәтлигәнликтин Һаманға тазим қилишни рәт қилған (Әст 3:​2, 5; Чқ 17:14—16). Мордикайниң Әстәргә ейтқан сөзлиридин (Әст 4:14) йәһудийларниң азат болуши Худадин келидиғанлиғини көрүшкә болиду. Әстәр падишаниң алдиға келишидин авал роза тутуп, Худаға мураҗиәт қилип ярдәм сориғанлиғини көрситиду (Әст 4:16).

cl 101, 102-б., 12, 13-абз.

Бар күчиңизни чиқарғанда «Худадин үлгә елиңлар»

¹² Йәһва Худа җамаәтни рәһбәрлик қилишқа ақсақалларни тәйинлигән (Ибранийларға 13:17). Шуңа роһий йетилгән әр кишиләр Худа бәргән һоқуқни җамаәткә ғәмхорлуқ қилип, уларни қоғдаш үчүн қоллиниши керәк. Ақсақалларға берилгән бу һоқуқ етиқатчиларниң үстидин һөкүмранлиқ қилишиға һоқуқ берәмду? Әлвәттә, яқ. Ақсақаллар җамаәттики өз вәзиписини кәмтәрлик билән орунлиши муһим (Петрусниң 1-хети 5:​2, 3). Муқәддәс китап ақсақалларға: «Өз оғлиниң қени билән сетивалған. . . пүткүл падиға диққәт билән қараңлар»,— дәйду (Әлчиләр 20:28). Бу падидики һәрбир адәмгә мулайимлиқ билән муамилә қилишниң әң муһим сәвәви.

¹³ Буни бир мисал билән селиштурайли. Сизниң йеқин достуңиз өзиниң әң қиммәт бир нәрсисигә қарап турушини өтүнүп сориди. Достуңиз бу нәрсини қиммәт баһаға сетивалғанлиғини билисиз. Шуни билгәндә бу нәрсигә наһайити еһтиятчанлиқ билән қарамсиз? Худди шуниңға охшаш, Худа Өзи баһалайдиған мүлкини, қойға охшаш хәлиқтин тәшкилләнгән җамаәтни ақсақалларниң җавапкарчилиғиға тапшурған (Йоһан 21:​16, 17). Йәһва Худа Өз қойлирини бәк қәдирлигәнликтин, уларни йеганә оғли Әйса Мәсиһниң қиммәт баһалиқ қени билән сетивалған. Бу болса, Йәһва Худаниң улар үчүн төлигән әң қиммәт баһасидур. Кәмтәр ақсақаллар мошу буйруқни есидә сақлап, Йәһва Худаниң қойлириға ғәмхорлуқ қилиду.

Роһий гөһәрләрни издәйли

w06 1/3 11-б., 4-абз.

Әстәр китавидики пайдилиқ ой-пикирләр

Немә үчүн йәһудийлар дүшмәнлириниң мал-мүлкини олҗиға алмиған? Уларниң мәхсити бай болуш әмәс, әксинчә һаятини сақлап қелиш болған еди.

2—8 ОКТЯБРЬ

ХУДА СӨЗИДИКИ ҒӘЗНӘ | АЮП 1—3

«Давамлиқ Йәһва Худаға чоңқур меһир-муһәббитиңизни көрситиң»

w18.02 6-б., 16, 17-абз.

Нуһ, Даниял вә Аюпниң етиқади билән итаәтчанлиғиға тәқлит қилайли

¹⁶ Аюп қандақ қийинчилиқларға дуч кәлгән? Аюпниң һаятида чоң өзгиришләр йүз бәргән. Авал, у «шәриқниң һәммә адәмлиридин даңқлиқ еди» (Аюп 1:3). У наһайити бай болғанлиқтин, бәк мәшһур вә һөрмәткә сазавәр болған (Аюп 29:7—16). Буниңға қаримастин, у өзини башқилардин үстүн һесаплимиған яки Худасизму яшалаймән дәп ойлимиған. Буни нәдин билимиз? Йәһва уни «қулум» дәп атиған һәм Аюп һәққидә: «Худадин қорқидиған һәм яманлиқтин жирақ туридиған, мукәммәл, дурус адәм»,— дегән (Аюп 1:8).

¹⁷ Амма туюқсиз Аюпниң һаяти тамамән өзгәрди. У қолида болған барлиғидин айрилди. Җени азапланғанлиғи шуки, у һәтта өлгүси кәлди. Бүгүнки күндә биз Аюпниң қийинчилиқлириға Шәйтан сәвәпчи болғанлиғини билимиз. Униң ейтишичә, Аюп пәқәт өз ғемини ойлиғанлиқтинла Худаға хизмәт қилған (Аюп 1:​9, 10ни оқуң). Йәһва Худа Шәйтанниң бу әйивигә җиддий қариған. Униң ялғанчи екәнлигини испатлаш үчүн Худа немә қилди? У Аюпқа садиқлиғини дәлилләшкә вә Худани яхши көргәнликтин хизмәт қилидиғанлиғини көрситишкә пурсәт бәрди.

w19.02 5-б., 10-абз.

Садақәтмәнлигиңизни сақлаң!

¹⁰ Аюпниң вақтида оттуриға қоюлған мәсилә һәрбиримиз билән бағлиқ. Шәйтан сизни Йәһвани чин жүрәктин яхши көрмәйду, өз җенини сақлап қелиш үчүн Йәһваға ибадәт қилишни тохтитиду дәп ейтиду. Башқичә қилип ейтқанда, Шәйтан сизни һәргизму Йәһваға садақәтмән болалмайду дәп, нийитиңизгә гуман кәлтүриду (Аюп 2:​4,5; Вәһ. 12:10). Бундақ әйип һәқиқәтән көңлүңизгә еғир келиду. Бирақ бу тоғрисида ойлинип көрүң: Йәһва сизгә әҗайип имканийәт бериватиду. Йәһва Худа сизгә ишәнгәнликтин, Шәйтанниң сизни синишиға йол берип, садақәтмән екәнлигиңизни испатлалайсиз. Шәйтанниң ялғанчи екәнлигини дәлилләшкә өз һәссиңизни қошалайдиғанлиғиңиз сөзсиз. Йәһва сизгә ярдәм беришкә вәдә қилиду (Ибр. 13:6). Аләмниң Егиси бизгә ишәнч қилиду. Бу немә дегән шан-шәрәп! Садақәтмәнликниң қанчилик муһим екәнлигини чүшинәмсиз? Садақәтмәнликни сақлисақ, Шәйтанниң әйивини йоққа чиқирип, Атимизниң муқәддәс исмини улуқлишимиз вә Униң һөкүмранлиғини қоллап-қувәтлишимиз мүмкин. Қандақ қилип садиқ болуп қалалаймиз?

Роһий гөһәрләрни издәйли

w21.04 11-б., 9-абз.

Әйсаниң ахирқи сөзлиридин немиләрни үгинәләймиз?

⁹ Әйса немә дегән? Әйса өлүштин сәл авал: «Илаһим, Илаһим, немишкә мени ташлавәттиң?»— дәп товлиған (Мәт. 27:46). Немә үчүн Әйсаниң шундақ товлиғанлиғи Муқәддәс китапта чүшәндүрүлмигән? Ундақта биз шу сөзләрни мулаһизә қилип, немиләрни үгинәләймиз? Биз Әйса шу сөзләрни қилиш арқилиқ Зәбур 22:1дики бәшарәтни әмәлгә ашурғанлиғини үгинәләймиз. Йәнә әшу сөзләр шуни йениқ көрсәткәнки, Йәһва Өз Оғлини һимайә қилиш үчүн униң әтрапиға тосақ қоймиған (Аюп 1:10). Әйса өзигә өчмәнлик қилғучиларниң униң иман-етиқадини өлгичә толуқ синишиға Атисиниң рухсәт бәргәнлигини чүшәнгән. Һечбир инсан Әйсаға охшаш синаққа дуч кәлмигән. Буниңдин башқа, әшу сөзләр Әйсаниң өлүмгә лайиқ һечбир җинайәт өткүзмигәнлигини тәстиқләйду.

9—15 ОКТЯБРЬ

ХУДА СӨЗИДИКИ ҒӘЗНӘ | АЮП 4, 5

«Ялған мәлуматтин пәхәс болуң»

mwb 16.04 3-б., рамка

Елипаз

Елипаз едум елидики Теман дегән йәрдин болса керәк. Йәрәмия 49:7гә бенаән, Теман едумлиқларниң билим вә даналиқниң мәркизи болған. Елипаз «Тәсәлли беришкә» кәлгәнләрниң әң чоңи вә әң абройлуғи болғанлиқтин, биринчи болуп гәп башлиған болса керәк. У үч қетим параң қилған вә башқиларға қариғанда узағирақ сөзлигән.

w05 15/9 26-б., 2-абз.

Яман ойларға қарши туруң

Елипаз адәттин ташқири роһлар билән сөзләшкәнлигидин мундақ дегән: «Йүзүмни бир роһ силап өтти, Қорққинимдин тенимдики түкләрму һүрпийип кәтти. У намәлум роһ тохтиди, амма мән йүзини көрәлмидим. Бир сийма көз алдимда туратти, авазини җим-җит туруп аңлидим» (Аюп 4:​15, 16, ЙД). Елипазниң ойиға қандақ роһ тәсир қилған? Елипазниң тәнқидий көз қаришидин Худаниң пәриштиси униңға сөз қилмиғанлиғи көриниду (Аюп 4:​17, 18). Бу яман роһ болған. Йәһва Худа Елипаз билән униң икки достини һөкүм қилғанму? (Аюп 42:7). Һә, Елипаз җинниң тәсиридә болғанлиғи шәк-шүбһисиздур. Униң сөзи Худаниң ойлаш тәрзигә мас кәлмәйдиғанлиғини әкс әттүрәтти.

w10 15/2 19-б., 5, 6-абз.

Шәйтанға алданмаңлар!

Шәйтан, Аюп пәйғәмбәрниң үч достиниң бири болған Елипазни пайдилинип, инсан һечнәрсигә әрзимәйдиған бәндә екәнлигини көрситишкә тиришти. Елипаз, адәмләрни лайдин ясалған өйләрдә яшайду дәп, Аюпқа мундақ деди: «уларниң асаси топидур вә улар күйдәк тез йоқап кетиду. Улар ахири таң билән кәч арилиғида вәйран болиду, мәңгүлүккә йоқ болуп, һечким уларға етибар бәрмәйду» (Аюп 4:​19, 20).

Муқәддәс китапта бизни «сапал қачилар» билән селиштуриду (Кор. 2-х. 4:7). Аҗизлиғимизниң сәвәви, гуна билән намукәммәлликни мирас қилип алғанлиғимиздур (Рим. 5:12). Өз күчимиз билән Шәйтанниң бесимиға һәргиз қарши туралмаймиз. Лекин биз Худаниң хизмәтчилири болғачқа, ярдәмсиз қалмаймиз. Аҗизлиғимизға қаримастин, Худа бизни қәдирләйду (Йша 43:4). Шундақла Йәһва Худа «Униңдин муқәддәс роһни сориғанларға бериду» (Луқа 11:13). Худаниң муқәддәс роһи Шәйтанниң синақлириға қарши турушимизға бизгә «адәттики күчтин ешип чүшидиған күчни» бериду (Кор. 2-х. 4:7; Флп. 4:13). «Етиқатимизда мустәһкәм болуп», Иблисқа қарши турсақ, Худа Өзи бизни мустәһкәмләп, күчлүк қилиду (Пет. 1-х. 5:8—10). Шуңа Иблис Шәйтандин һеч қорқмаслиғимиз керәк.

mrt 32-б., 13—17 абз.

«Ялған мәлуматтин пәхәс болуң»

● Мәлуматниң мәнбәси билән мәзмуниниң ишәнчилик екәнлигини тәкшүрүң

Муқәддәс китапта немә йезилған: «Һәммә нәрсигә көз йәткүзүңлар» (Салоникилиқларға 1-хәт 5:21).

Қандақту бир хәвәргә ишинип вә уни башқа биригә әвәтиштин авал, һәтта уни йеңилиқларда йенип-йенип қайтилап көрәтсиму, бу хәвәрниң ишәнчилик екәнлигигә көз йәткүзүң. Қандақ қилип?

Мәнбәниң ишәнчилик екәнлигини тәкшүрүң. Йеңилиқлар компанияси билән башқа тәшкилатлар бу хәвәрни комерциялиқ яки сәясий мәхсәтләрдә бурмулиши мүмкин. Шуниң үчүн мошу хәвәрни башқа мәнбәләр билән селиштуруп көрүң. Бәзи вақитларда достлиримиз электронлуқ почта яки иҗтимаий торлар арқилиқ өзлири ойланмай ялған хәвәрләрни әвәтиши мүмкин. Шуңа аңлиған йеңилиқларниң әсли нусхисини тәкшүрмигичә, бу хәвәргә ишәнмәң.

Хәвәрниң мәзмуни конирап қалғанму яки бурмиланғанму — шуниңға көз йәткүзүң. Уларниң чиқидиған күнигә, факт вә дәлил-испатлириға диққәт қилиң. Әгәр мурәккәп хәвәрни интайин аддий қилип йәткүзсә яки болупму адәмниң һис-туйғусини ойғитидиған хәвәрләрдин пәхәс болуң.

Роһий гөһәрләрни издәйли

w03 15/5 22-б., 5, 6-абз.

Тәқабил туруп, һаят мусабиқисидә ғәлибә қазиниң

Дуния йүзи бойичә Худа тәшкилатиниң бир әзаси болуш бизни бәк илһамландуруши мүмкин. Шуңа дуния йүзидики меһир-муһәббәтлик етиқатдашларниң арисида болуш немә дегән бәрикәт, һә! (Петрусниң 1-хети 2:17). Шундақла бизму бурадәр-қериндашларни илһамландурушимиз мүмкин.

Мәсилән, һәққаний Аюп пәйғәмбәрниң мисалини көрүп бақайли. Һәтта сахта тәсәлли беридиған Елипаз мундақ сөзләрни ейтқан: «Жиқилғанни сениң сөзлириң турғузатти вә пүкүлгән тизларни сән мәккәмләттиң» (Аюп 4:4). Шундақ вәзийәттә биз қандақ инкас қайтуримиз? Бурадәр-қериндашлар Худаға давамлиқ хизмәт қилиши үчүн уларни қоллап-қувәтләшкә һәрқайсимиз җавапкар. Шуңа, улар билән болған мунасивитимиз мошу сөзләргә мас болуши керәк: «Аҗизлашқан қоллириңларни күчәйтиңлар вә титригән тизлириңларни чиңайтиңлар» (Йәшая 35:3). Һәрбир җамаәт учришишида бир яки икки етиқатдашни роһландуруп, қоллап-қувәтләшкә мәхсәт қояламсиз? (Ибранийларға 10:​24, 25). Йәһва Худаниң мақуллишиға еришкәнлиги үчүн уларға чин жүрәктин сәмимийлик билән ейтқан махташ вә миннәтдарлиқ сөзлиримиз, мошу йолда мустәһкәм туруп, һаят мусабиқисидә ғәлибә қазинишиға ярдәм бериши мүмкин.

16—22 ОКТЯБРЬ

ХУДА СӨЗИДИКИ ҒӘЗНӘ | АЮП 6, 7

«Һаят чидиғусиз болғанда»

w06 15/3 14-б., 10-абз.

Аюп китавидики пайдилиқ ой-пикирләр

Қайси мәнада инсанниң һаяти «әскәр хизмитигә» охшайду? Аюп бәк қийин синақларға дуч келип вә қийинчилиқларниң кәйни-кәйнидин униң бешиға чүшкәнлигини ейтқан (Аюп 10:17). Инсан өлгән күнидин башлап, қайта тирилиш вақитқичә у қәбирдә йетишқа мәҗбур болиду. Аюп мошу дәвирни қуллуқта жүргән күнләр билән селиштурған.

w20.12 16-б., 1-абз.

«Йәһва роһи езилгәнләрни қутқузиду»

БӘЗИДӘ биз һаятимиз қисқа вә җапа-мәшәқәтләргә толған дәп ойлишимиз мүмкин (Аюп 14:1). Шуңа бәзибир чағларда үмүтсизлинип кетимиз. Йәһваниң көплигән қедимий замандики хизмәтчилири шундақ һис туйғуда болған, һәтта бәзибирлири өлүмни тилигән (Пад. 1-яз. 19:2—4; Аюп 3:1—3, 11; 7:​15, 16). Улар ишәнч бағлиған Худаси Йәһва уларни қайта-қайта бәзиләп илһам-мәдәтләрни бәргән. Уларниң бешидин өткән иш-вақиәләр бизгә тәсәлли бериду вә көп нәрсиләрни үгитиду (Рим. 15:4).

g 12/1 16, 17-б.

Сизниң башқа һаят кәчүргиңиз кәлмисә

Вәзийитиңиз қандақ болушидин қәтъий нәзәр шуни есиңиздә сақлаң: сиз ялғуз әмәс, чүнки һәрбир адәм шундақ қийинчилиқларға дуч келиватиду. Муқәддәс китапта мундақ сөзләр йезилған: «. . .пүткүл мәвҗудатларниң. . . аһ уруватқанлиғини билимиз» (Римлиқларға 8:​22, ЙД). Дуч кәлгән қийинчилиғиңиз һечқачан һәл болмайдиғандәк көрүнсиму, вақит өтүп вәзийәтләр өзгириши мүмкин. Һазир болса бизгә немә ярдәм бериду?

Һис-туйғуңизни роһий йетилгән йеқин достуңиз билән бөлүшүң. Муқәддәс китап мундақ дәйду: «Һәқиқий дост һәр вақитта яхши көриду. У муһтаҗ вақитта қериндишиңдәк йениңдин чапсан тепилиду» (Пәнд-нәсиһәтләр 17:17). Муқәддәс китапта тилға елинған һәққаний Аюп, өз һис-туйғулири билән бөлүшкән. Аюпниң көңли беарам болғанда мошу сөзләрни ейтқан: «Өмүрүм жиркиничлик болмақта. Дәрдимгә берилип, қәлбимни төкәй! Җан аччиғимда сөзләй» (Аюп 10:1). Қийинчилиқлириңизни башқилар билән бөлүшкәндә, бу сизниң вәзийитиңизгә башқичә көзқарашта болушқа ярдәм бериши мүмкин

Дуада Худаға ич-бағриңизни төкүң. Бәзи адәмләр дуани җанға арам беридиған терапия дәп ойлайду, лекин Муқәддәс китап улар ойлиғандәк үгәтмәйду. Мәсилән, Зәбур 65:2дә Йәһва Худани «дуаларни Тиңшиғучи»— дәйду. Шундақла Петрусниң 1-хети 5:​7-айәттә: «У силәргә ғәмхорлуқ қилмақта»— дәп йезилған. Муқәддәс китапта Йәһва Худаға тайинишниң қанчилик муһимлиғини қайта-қайта тәкитләйду. Мәсилән:

«Пүткүл қәлбиң билән Йәһваға ишинип, Өз әқлиңгә зади таянма. Барлиқ йоллириңда Уни әстә тут Вә У сени дурус йолға башлайду» (ПӘНД-НӘСИҺӘТЛӘР 3:​5, 6).

«Униңдин [Йәһвадин] әйминидиғанларниң арзулирини Орунлайду, налисини тиңшап, ниҗат бериду» (ЗӘБУР 145:19).

«Пәрвәрдигарға мураҗиәт қилғанда, шуниңға ишинимизки: Униң ирадисигә мувапиқ неминила сорисақ, У бизни тиңшайду» (ЙОҺАННИҢ 1-ХЕТИ 5:14).

«Йәһва қанунсизлардин жирақтур, Һәққанийларниң дуасини У тиңшайду» (ПӘНД-НӘСИҺӘТЛӘР 15:29).

Әгәр сиз дуада қийинчилиқлириңиз тоғрисида Худаға ейтип бәрсиңиз, У чоқум сизгә ярдәм бериду. Муқәддәс китап бизни ич-бағриңларни төкүңлар дәп дәвәт қилиду (Зәбур 62:8)

Роһий гөһәрләрни издәйли

w20.04 17-б., 10-абз.

Қериндашларға муамилә қилишта Йәһва Худадин үлгә елиң

¹⁰ Бир-биримизни чүшинишкә тиришсақ, Йәһва Худани үлгә қилимиз. Қериндашларни яхширақ тонушқа тиришиң. Улар билән җамаәт учришишлиридин бурун вә улардин кейин параңлишиң, улар билән биллә вәз қилиң вә мүмкин болса, меһманға чақириң. Шундақ қилсиңиз, бәлким, соғ муамилә қилғандәк көрүнгән қериндашниң әсли уялчақ, пулпәрәс болуп көрүнгән бурадәрниң әсли меһмандост екәнлигини яки учришишларға пат-пат кечикип келидиған аилиниң қаттиқ қаршилиққа дуч келиватқанлиғини биләләйсиз (Аюп 6:29). Әлвәттә, биз «башқиларниң ишлириға чепилмаслиғимиз» керәк (Тим. 1-х. 5:13). Бирақ қериндашлиримизни вә улар немини баштин кәчүргәнлигини билиш уларни яхширақ тонушимизға ярдәм бериду.

23—29 ОКТЯБРЬ

ХУДА СӨЗИДИКИ ҒӘЗНӘ | АЮП 8—10

«Худаниң садиқ меһир-муһәббити бизни Шәйтанниң ялғанчилиғидин қоғдайду»

w15 1/7 12-б., 3-абз.

Худаниң мақуллишиға еришәләймизму?

Аюпниң бешиға чүшкән қийинчилиқлар адаләтсизлик болуп көрүнгән. Шуңа, Аюп садақәтмәнлигини сақлаш-сақлимиғанлиғидин қәтъийнәзәр, Худаға садақәтмәнлигим бәрибир дегәнгә охшаш натоғра ойда болған (Аюп 9:20—22). Аюп өзиниң адиллиғиға бәк ишәнчилик болғанлиғи шунчә, у өзини Худадинму адилмән дәп ейтқандәк көрүнгән (Аюп 32:​1, 2; 35:​1, 2).

w21.11 6-б., 14-абз.

Йәһваниң көрситидиған садиқ меһир-муһәббити

¹⁴ Йәһваниң садиқ сөйгү-муһәббити роһий җәһәттин қоғдайду. Давут Йәһваға дуа қилип, шундақ дегән: «Әй Пәрвәрдигар, Сән мениң панагаһимдурсән, Сақлайсән азаптин мени, Яңрар әтрапимда ниҗатлиқ нахшилири. . . Пәрвәрдигарниң мәңгүлүк [садиқ, ЙД] муһәббити қучақ ачар Униңға таянғанларға» (Зәб. 32:​7, 10). Худди қедимки заманда шәһәрни қоршап турған сепил тамлар шу шәһәрниң хәлқини қоғдиғандәк, Йәһваниң садиқ сөйгү-муһәббити Униң билән болған мунасивитимизни бузидиған һәрқандақ хәтәрдин бизни қоғдайду. Униңдин башқа, садиқ меһир-муһәббәт Йәһвани бизни Өзигә йеқинлаштурушқа үндәйду (Йәр. 31:3).

Роһий гөһәрләрни издәйли

w10 15/10 6, 7-б., 19, 20-абз.

«Йәһваниң ой-пикрини ким чүшинип йетәлиди?»

¹⁹ Йәһва Худаниң ой-пикри тоғрилиқ немиләрни үгәндуқ? Йәһва Худа ойлиғандәк ойлишимиз үчүн Униң Сөзи бизни шәкилләндүрүшигә йол қоюшимиз муһим. Униңдин ташқири, Йәһва Худаниң ойлири чәкләнгән дегән көзқараштин вә өзүмизниң пикир қилиш тәрзимиз һәм өлчәмлиримиз билән Униңға һөкүм чиқириштин нери болайли. Аюп: «Чүнки У мениңдәк адәм әмәсқу: Мән Униңға қандақ җавап беримән? Қандақ қилип, иккимиз биллә сотқа баримиз?»,— дегән (Аюп 9:32). Аюп Йәһва Худаниң ой-пикрини чүшәнгән, шуңа бизму униңға охшаш: «Мана, булар пәқәт Униң йоллириниң чәт-чәтлири. Биз пәқәт Униң сөзиниң қисмән шивирлишини аңлидуқ»—, дәп ейталаймиз (Аюп 26:14).

²⁰ Муқәддәс китапни оқуғанда чүшинишкә қийин болған йәрләрни болупму, Йәһваниң ой-пикиригә тегишлик вәзийәтләрни учратсақ, у чағда немә қилишқа болиду? Һәртәрәплимә шәхсий тәтқиқ қилип, шу соалларға җавап тапалмисақ, у чағда буни Йәһва Худаға болған ишәнчимизниң синилиши дәп қарисақ болиду. Есиңиздә болсун, Муқәддәс китаптики бәзибир вәзийәтләрдә, Йәһва Худаниң хисләтлиригә ишәнчилик екәнлигимизни көрситишкә мүмкинчилик бериду. Шундақ болса, Йәһва Худаниң қиливатқан һәммә иш-һәрикәтлирини кәмтәрлик билән етирап қилимиз (Вәз 11:5). Шуңа, әлчи Паулниң төвәндики ейтқан сөзлири билән келишимиз: «Аһ, Худа байлиғиниң һәм даналиғиниң, һәм илиминиң чәксиз чоңқурлуғи! Униң һөкүмлиригә әқил йәтмәслик һәм Униң йоллирини тәтқиқ қилалмаслиқ нәқәдәрдур! «Ким Йәһваниң әқлини чүшинип йәтти яки ким Униңға мәслиһәтчи болди?» Яки «ким Униңға авал берип, әнди У қайтуруши керәк?» Һәммә нәрсә Униңдин һәм Униң арқилиқ вә Униң үчүндур. Униңға әбәдил-әбәт шан-шәрәп болғай! Амин» (Рим. 11:33—36).

30-ОКТЯБРЬ—5-НОЯБРЬ

ХУДА СӨЗИДИКИ ҒӘЗНӘ | АЮП 11, 12

«Даналиққа еришиш вә униң пайдисини көрүшниң үч йоли»

w09 15/4 6-б., 17-абз.

Аюп Йәһва Худаниң исмини шәрәплигән

¹⁷ Аюпқа нуқсанлиғини сақлап қелишқа немә ярдәм бәргән? Аюп қайғу-һәсрәткә чүшүштин авал, Йәһва Худа билән зич мунасивитини йетилдүргән. Шәйтан Худани әйиплигәнлигини Аюп пәйғәмбәр билмигән. Амма у садиқ болуп қелишқа қәтъий бәл бағлиған. У мундақ дегән: «Өлүп кәткичә нуқсанлиғимни зади тартқузмаймән!» (Аюп 27:5). Аюп Худа билән болған мунасивитини қандақ йетилдүргән? Униң жирақ туққанлири Ибраһим, Исһақ вә Яқупқа Худаниң қандақ муамилә қилғанлиғи һәққидә билгәнлирини есидә мәһкәм сақлиған дәп ишәнчилик ейталаймиз. Шундақла Аюп тәбиәт мәнзирисигә қарап, Йәһва Худаниң көплигән хисләтлирини билгән болуши мүмкин (Аюп 12:7—9, 13, 16ни оқуң).

w21.06 10-б., 10—12 абз.

Йәһва йениңизда, сиз һәргиз ялғуз әмәс

¹⁰ Садақәтмән қериндашлар билән дост болуң. Келип чиқиши вә йеши сиздин пәриқлинидиған қериндашларни дост тутушқа тиришиң. Улардин көп нәрсиләрни үгинәләйсиз. Муқәддәс китап «яшанғанларда даналиқ» бар, дәп есимизгә салиду (Аюп 12:12). Яшанғанларму садиқ яшлардин көп нәрсиләрни үгинәләйду. Давут Йонатандин яш еди, амма бу уларниң дост болушиға тосқунлуқ қилмиған (Сам. 1-яз. 18:1). Давут билән Йонатан түрлүк қийинчилиқларға қаримай, бир-бириниң Йәһваға хизмәт қилишиға ярдәм бәргән (Сам. 1-яз. 23:16—18). Аилисидә ялғуз гувачи болған қериндишимиз Ирина мундақ дәйду: «Етиқатчи қериндашлиримиз һәқиқәтән биз үчүн роһий ата-ана, ака-ука вә һәдә-сиңиллар болалайду. Йәһва уларни ишлитип, еһтияҗлиримизни қанаәтләндүриду».

¹¹ Болупму тартинчақ болсиңиз, дост тепиш асанға чүшмәйду. Қаршилиқларға қаримай, һәқиқәтни үгәнгән тартинчақ қериндишимиз Ратна шундақ дәйду: «Мән роһий аиләмниң ярдимигә муһтаҗлиғимни етирап қилишим керәк еди». Башқиларға өз һис-туйғулиримизни ейтиш оңай болмаслиғи мүмкин, амма бу йеқин достларни тепишқа йол ачиду. Достлириңиз сизгә илһам берип, қоллап-қувәтләшни халайду. Бирақ уларниң сизгә шундақ ярдәм берәлиши үчүн, өз һис-туйғулириңизни уларға ейтип бериң.

¹² Дост тепишниң әң яхши усули — җамаәттики қериндашлар билән вәз хизмәткә чиқиш. Карэл йәнә мундақ дәйду: «Мән нурғун яхши достларға вәз хизмәт вә башқа роһий паалийәтләргә қатнишиш арқилиқ ериштим. Йәһва шу достлирим арқилиқ, көп жиллар давамида мени қоллап-қувәтләп кәлди». Йәһваниң садиқ хизмәтчилири билән дост болуш үчүн һәқиқәтән күч чиқиришқа әрзийду. Йәһва шундақ достлар арқилиқ, сизниң ялғузлуқ яки униңға охшаш сәлбий һис-туйғулар билән күрәш қилишиңизға ярдәм берәләйду (Пәнд н. 17:17).

it «Дана»

Дана

Худаниң даналиғи. Йәһва Худа — даналиқниң бирдин-бир Егиси, йәни Униң даналиғи мукәммәлдур (Рм 16:27; Вһ 7:12). Билим — дәлил-испатларни билиш. Йәһва Яратқучи йәни әзәлдин әбәдкичә Худа болғанлиқтин (Зб 90:​1, 2), каинат қандақ яритилған вә униңда немә ишлар йүз беридиғанлиғиниң һәммисини У яхши билиду. Физикилиқ қанунлар, тәбиәттики айлинишлар вә қанун-низамларни Худаниң Өзи яратқан. Улар болмиса, адәмләр тәтқиқ елип барғанда вә кәшип қилған нәрсилири немигә асасланғанлиғини билмәй, амалсиз қалған болатти (Ап 38:34—38; Зб 104:24; П.н 3:19; Йр 10:​12, 13). Техиму әһмийәтлиги, Йәһва Худа әхлақий қанун-қаидиләрни орнатқан. Адәм мошу қанун-қаидиләргә мас һаят кәчүрсә униң һаяти мәналиқ, утуқлуқ вә турақлиқ болиду (Қ.ш 32:4—6). Каинатта Йәһва Худаниң әқлигә сиғмайдиған һечнәрсә йоқ (Йша 40:​13, 14). Бәзидә Йәһва Худа Өзиниң адил тәләплиригә зит келидиған нәрсиләрниң, һәтта уларниң болушиға йол қойиду. Шуңа, келәчәк пүтүнләй Худаниң қолида. У қандақ нийәт қилған болса шундақ орунлинип, бәргән вәдилирини чоқум әмәлгә ашуриду (Йша 55:8—11; 46:9—11).

Роһий гөһәрләрни издәйли

w08 1/8 11-б., 5-абз.

Яш өсмүрләр билән сөзлишиш

▪ «Балиңизниң һәқиқәтән немә ейтмақчи болғанлиғини чүшинәмсиз?» «Қулақ сөзләрни айримамду Вә ағиз таамниң дәмини?» (Ап 12:11). Һазир қизиңизниң яки оғлуңизниң сөзлирини айривелиш бәк муһим. Өсмүрләр көп вәзийәтләрдә бир нәрсиләрни артуқчә көптүрүп ейтиду. Мәсилән, оғлуңлар яки қизиңлар: «Силәр маңа дайим кичик балиға муамилә қилғандәк муамилә қилисиләр!» яки «Силәр мени һечқачан тиңшимайсиләр!»— дәп ейтиши мүмкин. Уларниң «дайим», «һечқачан» дегән сөзлирини әйипләшкә тиришмаң, чүнки балиңиз бу сөзләрни удул мәнада ейтмиған болуши мүмкин. Мәсилән, униң: «Маңа дайим кичик балиға муамилә қилғандәк муамилә қилисиләр!»— дәп ейтқан сөзлири «Силәр маңа ишәнмәйватисиләр!»— дәп ейтмақчи болғиниду. «Силәр мени һечқачан тиңшимайсиләр!»— дәп ейтқан сөзи: «Силәр мениң немә ейтмақчи болғанлиғимни чүшәнсәңларчу!»— дегәнни билдүриду. Шуңа балиңизниң һәқиқәтән немә ейтмақчи болғанлиғини чүшинишкә тиришиң.