Тоғра қарар чиқиришқа немә ярдәм бериду?

Биз һәммимиз қарарларни чиқиримиз. Уларниң көпинчиси Йәһва Худа билән болған достлуқ мунасивитимизгә яхши яки яман тәсир қилиду. Мәсилән, қәйәрдә яшашни, җан беқиш үчүн немә иш қилишни яки той қилиш-қилмаслиқни қарар қилишимиз керәк. Биз тоғра қарар чиқарсақ, хошал болумиз вә Яратқучи Йәһваниму хурсән қилалаймиз.

1. Тоғра қарарларни чиқиришиңизға Муқәддәс китап қандақ ярдәм берәләйду?

Бир қарар чиқириштин авал, Йәһва Худаға дуа қилип, Униңдин ярдәм сораң вә Униң бу ишқа қандақ көзқарашта екәнлигини чүшиниш үчүн Муқәддәс Язмиларни тәтқиқ қилиң (Пәнд-нәсиһәтләр 2:3—6ни оқуң). Бәзи вәзийәтләрдә Йәһва ениқ йол-йоруқ көрситип бериду. Әшу йол-йоруққа бойсунсиңиз, әң яхши қарарни чиқиралайсиз.

Әгәр Муқәддәс Язмилардин немә қилишиңизни көрситип беридиған ениқ көрсәтмини тапалмисиңизчу? Йәһва йәнила сизни «тегишлик болған йолда» йетәкләймән дәйду (Йәшая 48:17, КТ). У тоғра йолни қандақ көрситип бериду? Принциплар арқилиқ көрситип бериду. Муқәддәс китаптики принциплар — Худаниң ой-пикирлири вә һис-туйғулирини ашкарә қилидиған асасий һәқиқәтләрдур. Муқәддәс Язмилардики үзүндиләрни оқуп, чоңқур ойланғинимизда, Худаниң мәлум бир ишқа болған көзқаришини чүшинип йетәләймиз. Биз Тәңри Йәһваниң көзқаришини яхши билсәк, Уни хурсән қилидиған қарарларни чиқиралаймиз.

2. Бир қарар чиқириштин авал немә һәққидә ойлинип көрүшимиз керәк?

Муқәддәс китапта: «Зерәк һәрқандақ қәдимини ойлайду»,— дәп йезилған (Пәнд-нәсиһәтләр 14:15). Демәк, қарар чиқириштин бурун, таллашлиримиз һәққидә чоңқур ойлинишқа чоқум вақит чиқиришимиз керәк. Шундақ қилғанда, өзүңиздин мундақ сорап көрүң: «Муқәддәс китаптики қайси принциплар бу вәзийәткә мас келиду? Қайсисини таллисам, көңлүм хатирҗәм болиду? Қарарим башқиларға қандақ тәсир қилиду? Әң муһими, қарарим Йәһва Худани хошал қиламду?» (Қанун шәрһи 32:29)

Яратқучи Йәһваниң бизгә неминиң яхши, неминиң яман екәнлигини ейтиш һоқуқи бар. Биз Униң қаидә-принциплирини яхши билсәк вә уларға әмәл қилишта чиң турсақ, өз вижданимизни тәрбийиләймиз. Виждан — бизгә яхши-яманни пәриқләндүрүшкә ярдәм беридиған һис-туйғу (Римлиқларға 2:14, 15). Тәрбийиләнгән виждан яхши қарар чиқиришимизға ярдәм бериду.

ЧОҢҚУРИРАҚ ҚЕЗИҢ

3. Муқәддәс китап сизни йетәклисун

ВИДЕО: «Муқәддәс китап принциплири сизни йетәклисун!» (5:54)

• Таллаш әркинлиги дегән немә?

• Немә үчүн Яратқучи Йәһва бизгә таллаш әркинлигини бәргән?

• Дана қарар чиқиришимиз үчүн Йәһва Худа бизгә немини бәргән?

Муқәддәс китаптики принципни көрүш үчүн, Әфәсликләргә 5:15, 16ни оқуң. Кейин төвәндә кәлтүрүлгән вәзийәт һәққидә чоңқур ойлинип көрүң. Вақтиңиздин тоғра пайдилинип,...

• дайим Муқәддәс китапни оқуш үчүн немә қилалайсиз?

• яхширақ җора, ата-ана, оғул яки қиз болуш үчүн немә қилалайсиз?

• җамаәт жиғилишлириға қатнишиш үчүн немә қилалайсиз?

4. Яхши қарарларни чиқириш үчүн вижданиңизни тәрбийиләң

ВИДЕО: «Вижданиңизни пак сақлаң» (5:13)

• Бу видеода қериндаш вижданини тәрбийиләш вә Йәһва Худани хурсән қилидиған қарарни чиқириш үчүн қандақ қәдәмләрни ташлиған?

Немишкә башқилардин биз үчүн қарарларни чиқирип беришни соримаслиғимиз керәк? Ибранийларға 5:14ни оқуң, кейин төвәндики соалларға җавап бериң:

• Башқилардин өзүмиз үчүн қарар чиқирип беришни сораш асандәк көрүнсиму, амма чоқум немини унтумаслиғимиз лазим?

• Вижданиңизни тәрбийиләш вә тоғра қарар чиқириш үчүн немә қилалайсиз?

5. Башқиларниң вижданини һөрмәтләң

Кишиләр пәриқлиқ қарарларни чиқириду. Башқиларниң вижданини һөрмәтләйдиғанлиғимизни қандақ көрситәләймиз? Төвәндики икки хил әһвални ойлап көрүң:

1-вәзийәт: Ясинишни яхши көридиған қериндаш йеңи җамаәткә көчти дәп пәрәз қилайли. Җамаәттики қериндашлар шундақ ясинишни яқтурмайду.

Римлиқларға 15:1 вә Коринтлиқларға 1-хәт 10:23, 24ни оқуң, кейин төвәндики соалларға җавап бериң:

• Бу айәтләргә асасән, шу қериндаш қандақ қарар чиқиралатти? Әгәр башқиларниң виждани йол қоймиған ишқа, сизниң вижданиңиз йол қойса, немә қилисиз?

2-вәзийәт: Бир бурадәр Муқәддәс китапқа асасән, һарақни мувапиқ миқдарда ичсә болидиғанлиғини билиду дәйли. Амма у һәргиз ичмәсликни қарар қилиду. У башқа бурадәрләрниң олтиришта һарақ ичиватқанлиғини көриду.

Вәз 7:16 вә Римлиқларға 14:1, 10ни оқуң, кейин төвәндики соалларға җавап бериң:

• Бу айәтләргә асасән, шу бурадәр қандақ қарар чиқиралатти? Башқилар вижданиңиз йол қоймайдиған ишни қиливатқанлиғини көрсиңиз, немә қилисиз?

Тоғра қарарларни чиқиришиңизға ярдәм беридиған үч қәдәм

1. Йәһваға дуа қилиң. Тоғра қарар чиқириш үчүн ярдәм сораң (Яқуп 1:5).

2. Издинип тәтқиқ қилиң. Муқәддәс китаптин керәклик принципларни издәң. Йәнә тәҗрибилик етиқатчилардин мәслиһәт сораң.

3. Тәсирини ойлап көрүң. Қарариңиз сизниң вә башқиларниң вижданиға қандақ тәсир қилидиғанлиғини ойлап көрүң.

ХУЛАСӘ

Әгәр биз Йәһва Худаниң көзқаришини нәзәргә алсақ вә иш-һәрикитимизниң башқиларға яхши яки яман тәсир қилидиғанлиғини ойлисақ, тоғра қарар чиқиралаймиз.

Тәкрарлаш

• Йәһва Худани хурсән қилидиған қарарларни қандақ чиқиралайсиз?

• Өз вижданиңизни қандақ тәрбийиләләйсиз?

• Башқиларниң вижданини һөрмәтләйдиғанлиғиңизни қандақ көрситәләйсиз?

ИЗДИНИП КӨРҮҢ

Худа билән болған достлуғиңизни күчәйтидиған қарарларни қандақ чиқиралайсиз?

«Худани улуқлайдиған қарарларни чиқириң» («Күзитиш мунари» 2011-жил, 15-апрель)

Йәһваниң бизгә қандақ нәсиһәт беридиғанлиғини чоңқурирақ чүшиниң.

«Йәһва Өз хәлқини йетәкләйду» (9:50)

Бир кишиниң қийин қарарни чиқиришиға немә ярдәм бәргәнлигини көрүң.

«Йәһва барчә яхшилиқларниң капалитидур» (5:46)

Мәлум бир ишқа қарита Муқәддәс китапта ениқ йол-йоруқ берилмигән болса, Йәһва Худани хурсән қилидиған қарарни қандақ чиқиралайдиғанлиғиңиз һәққидә көпирәк биливелиң.

«Сиз дайим Муқәддәс китапниң әмирлиригә муһтаҗму?» («Күзитиш мунари» 2003-жил, 1-декабрь)