Хизмәттә техиму маһирлиқ болушқа интилиң
1. Биринчи әсирдики мәсиһийләрниң қайси үлгилиридин вәзилик маһаритимизни яхшилитиш керәк екәнлигини көрүниду?
1 Мәсиһийләр дайимий вәзә қилиш маһаритини яхшилитиши лазим. Шу сәвәптин Әйса Мәсиһ шагиртлириға вәзә қилғанда, уларниң маһарәтлик болушиға ярдәмләшкән (Луқа 9:1—5; 10:1—11). Шуңа, Акила вә Прискила Аполосни өйигә чақирип, «Худа йолини ениғирақ чүшәндүрүп бәрди» (Әлч. 18:24—26). Гәрчә Тимотий тәҗрибилик вәзичи болсиму, униң «утуқлири һәммисигә рошән болуши үчүн» Паул уни тәлим бериштә яхшилинишқа дәвәт қилған (Тим. 1-х. 4:13—15) Хуш хәвәрни қанчә вақиттин бери вәзә қилишимиздин қәтъийнәзәр, тәлим бериш маһаритимизни яхшилитишни тохтатмаслиғимиз һаҗәт.
2. Биз башқилардин қандақ үгинәләймиз?
2 Башқилардин үгиниң. Хизмәттә маһирлиқни яхшилитиш усуллириниң бири — башқилардин үгиниш (Пәнд н. 27:17). Мәсилән, башқа җакалиғучиларниң қандақ тәвсийә қиливатқанлиғиға диққәт қилиң. Тәҗрибилик вәзичиләрдин мәслиһәт сораң вә уларни диққәт билән тиңшаң (Пәнд н. 1:5). Сизгә қайта йолуқуш, Муқәддәс Китап үгинишини башлаш яки хизмәтниң башқа тәрәплиригә иштирак қилиш қийинму? У чағда тәшәббус көрситип, топниң назарәтчисидин яки тәҗрибилик вәзичидин ярдәм сораң. Шуниңдәк Йәһваниң муқәддәс роһи вәзилик маһаритимизни яхшилитишқа ярдәм берәләйдиғинини унтумаң. Бу һәққидә дайим дуада сораң (Луқа 11:13).
3. Соримиған болсиңизму, бирси сизгә мәслиһәт бәрсә, қандақ инкас қайтурисиз?
3 Әгәр бирси, сиз соримисиңизму, хизмитиңизгә бенаән мәслиһәт бәрсә, рәңҗимәң (Вәз 7:9) Аполостин үлгә елип, ярдәмни кичик пеиллиқ вә миннәтдарлиқ билән қобул қилиң. Бу сизниң даналиғиңизни көрситиду (Пәнд н. 12:15).
4. Хизмәттә техиму маһирлиқ болушқа интилиш муһим екәнлиги һәққидә Әйса қандақ мисал арқилиқ чүшәндүргән?
4 Утуқлириңиз Худани мәдһийиләйду. Әйса Мәсиһ шагиртлирини хизмәттә техиму маһирлиқ болушқа үндигәндә бир мисални пайдиланди. У өзини үзүм бәрги билән, шагиртлирини болса шахлар билән селиштурған. Атиси һосул беридиған һәрқандақ бәргини «көп мевә бериши үчүн» уни путайдиғини һәққидә Әйса мисалида ейтип бәргән еди (Йоһ. 15:2). Нәқ шуниңға охшаш, бағвән үзүмзарлиғиниң мол һосул беришини халиғандәк, Йәһваму тәлим бериш маһаритимизни яхшилитип, «еғиз мевисини» беришни давамлаштурушимизни халайду (Ибр. 13:15). Хизмитимизни яхшилитиш қандақ әҗайип нәтиҗиләргә елип келиду? Әйса: «Силәр көп мевә бәрсәңләр, Атам шуниң билән улуқлиниду», дегән (Йоһ. 15:8).