Немишкә Йәһва гувачилири ибадәт қилғанда, чапрасни ишләтмәйду?

Көп адәмләр чапрасни мәсиһий дуниясиниң алаһидә бәлгүси дәп билиду. Йәһва гувачилири мәсиһийләр болсиму, ибадәт қилғанда чапрасни ишләтмәйду. Немә сәвәптин?

Биринчи сәвәп – Әйса пәйғәмбәр чапраста өлмигән. Муқәддәс язмиларда униң аддий түврүктә өлгини йезилған. Иккинчи сәвәп – Муқәддәс язмилар: «Бутпәрәсликтин қечиңлар!», – дәп җиддий агаһландуриду, демәк ибадәт қилғанда чапрасни ишлитиш бутқа ибадәт қилиш билән баравәр (Коринтлиқларға 1-хәт 10:14; Йоһанниң 1-хети 5:21).

Әйса: «Әгәр бир-бириңларға меһир-муһәббәтлик болсаңлар, силәрниң мениң шагиртлирим екәнлигиңларни һәммиси тонуйду», – дәп, муһим мәсилигә диққәт ағдурди (Йоһан 13:34, 35). Буниң билән Әйса пәйғәмбәр һәқиқий әгәшкүчилириниң алаһидә бәлгүси – чапрасни яки қандақту бир бәлгүни ишлитиш әмәс, бәлки, пидакар меһир-муһәббәтни көрситиш екәнлигини ейтқан.