مۇقاۋىدىكى ماۋزۇ | ئىنسانلارنىڭ خۇدانى سۆيۈشىنى قىيىنلاشتۇرىدىغان يالغانچىلىقلار
ئىنسانلارنىڭ خۇدانى سۆيۈشى قىيىن بولغان
«خۇدايىڭ يەھۋانى پۈتۈن قەلبىڭ، پۈتۈن جېنىڭ ۋە پۈتۈن كۈچۈڭ بىلەن سۆيگىن». مۇسا پەيغەمبەر، تەكرار قانۇن 6:5
بەزى ئادەملەر خۇدانى سۆيۈش قىيىن دەيدۇ. گەرچە ئۇلار ئاللاغا ئىشەنسىمۇ، ئۇ ئىنسانلارغا، شەخسەن ماڭا كۆڭۈل بۆلمەيدۇ ۋە ئۇ مەندىن بەك يىراق دېگەن ئوي-پىكىردە بولۇپ كەلمەكتە. بەزىلەر بولسا، ھەتتا خۇدانى رەھىم-شەپقەتسىز دەپمۇ قارايدۇ. تۆۋەندە بىر نەچچە كىشىلەرنىڭ ئوي-پىكىرلىرىنى كۆرۈپ باقايلى:
«مەن خۇداغا دۇئا قىلىپ، ياردەم سورىغان بولساممۇ، ئۇنىڭ ماڭا شەخسەن كۆڭۈل بۆلگەنلىكىنى ھېس قىلمىدىم. مەن خۇدانى ھېس-تۇيغۇلىرى بار شەخس دەپ قارىمىغان ئىدىم».—ماركو، ئىتالىيە.
«گەرچە مەن خۇداغا خىزمەت قىلىشنى خالىغان بولساممۇ، ئۇ مەندىن ئىنتايىن يىراقتەك تۇيۇلغان ئىدى. ھەتتا ئۇ رەھىمسىز ۋە پەقەت جازالايدۇ دەپ ئويلىدىم. ئۇ ئاجايىپ ھېس-تۇيغۇلارغا تولغان خۇدا ئىكەنلىكىگە ئىشەنمىگەن ئىدىم».—روزا، گۋاتېمالا
بالىلىق چېغىمدا خۇدا خاتالىقلىرىمنى ئىزدەيدۇ ۋە پەقەت جازالاش ئۈچۈن پۇرسەت كۈتىدۇ دەپ ئويلايتتىم. كېيىنرەك، ئۇ بىزگە كۆڭۈل بۆلمەيدۇ دەپ ئويلاشقا باشلىدىم. مەن ئۈچۈن خۇدا ئادەملەرنى باشقۇرىدىغان، لېكىن ئۇلارنىڭ ھاياتىغا ھەرگىزمۇ قىزىقمايدىغان باش مىنىستردەك بولغان.—رايموندا، كانادا.
سىزنىڭچە، خۇدانى سۆيۈش قىيىنمۇ؟ قايسى دىنغا تەۋە بولۇشىدىن قەتئىينەزەر، كۆپلىگەن ئىنسانلار ئەسىرلەر بويى ئۇشبۇ سوئال ئۈستىدىن چوڭقۇر ئويلانغان. قىزىقارلىق يېرى، ئوتتۇرا ئەسىرلەردە خرىستىئانلار ھەتتا ھەممىگە قادىر تەڭرىگە دۇئا قىلمىغان. نېمە ئۈچۈن؟ چۈنكى، ئۇلار ۋەھىمىگە چۈشۈپ، خۇدادىن قورققان. تارىخشۇناس ۋىل دۇرانت بۇ ھەققىدە مۇنداق دەپ ئېيتقان: «ئاددىي بىر گۇناھكار بەندە شۇنچە ھەيۋەتلىك ھەممىگە قادىر خۇداغا دۇئا قىلىشقا قانداق جۈرئەت قىلالايدۇ؟»
قىزىق، قانداقلارچە خۇدانى «قورقۇنچلۇق ۋە يىراق» بىر شەخس دېگەن كۆز قاراش پەيدا بولدى؟ مۇقەددەس كىتاب خۇدا ھەققىدە نېمىلەرنى ئۆگىتىدۇ؟ خۇدا توغرىسىدىكى ھەقىقەتنى ئۆگىنىش ئۇنى سۆيۈشىڭىزگە ياردەم بېرەلەمدۇ؟