تەتقىق قىلىش ئۇسۇللىرى
ياخشى ئۆگىنىش مۇھىتى يارىتىڭ
شەخسىي تەتقىق ئۆگىنىشىڭىزنىڭ ئۈنۈملۈك بولۇشىنى خالامسىز؟ تۆۋەندىكى تەكلىپ-پىكىرلەر ياخشى ئۆگىنىش مۇھىتىنى يارىتىشىڭىزغا ياردەم بېرەلەيدۇ:
قولايلىق جاينى تاللاڭ. ئوقۇشقا قولايلىق بولۇش ئۈچۈن پاكىزە، يورۇق بىر جاينى تېپىڭ. ئۆيدە ئۈستەلدە ئالدىدا ئولتۇرۇپ ياكى سىرتلاردا مۇۋاپىق بىر يەردە ئۆگىنىش قىلسىڭىز بولىدۇ.
خالىي جاينى تېپىڭ. ئەيسا «تاڭ سۈزۈلمەستە» ھېچكىم ئۇنىڭغا دەخلى قىلمايدىغان «خالىي بىر يەرگە» بېرىپ، دۇئا قىلغان (ماركۇس 1:35). ئەگەر ئۆزىڭىز يالغۇز قېلىپ ئۆگىنىشكە ئىمكانىيەت بولمىسا، ئائىلە ئەزالىرىڭىزغا ياكى بىلەن تۇرۇۋاتقان كىشىلەرگە شەخسىي تەتقىق ئۆگىنىش قىلىدىغانلىقىڭىزنى خەۋەر قىلىپ قويۇڭ. سىزنىڭ قاچان ئۆگىنىش قىلىدىغانلىقىڭىزنى بىلسە، شۇ چاغدا باشقىلار سىزگە دەخلى قىلمايدۇ.
دىققىتىڭىزنى مەركەزلەشتۈرۈڭ. ئەگەر تەتقىق ئۆگىنىشى قىلغاندا تېلېفون ياكى كومپيۇتېرنى ئىشلەتسىڭىز، دىققىتىڭىز چېچىلىپ كەتمەسلىكى ئۈچۈن ئۇلارنى دەخىل قىلمايدىغان ھالەتكە قويۇپ قويۇڭ. ئەگەر ئۆگىنىش قىلىۋاتقاندا، قىلش زۆرۈر بىر ئىش ئېسىڭىزغا كېلىپ قالسا، ئۇنى بىر يەرگە يېزىپ قويۇپ، تەتقىق ئۆگىنىشىنى تۈگەتكەندىن كېيىن، ئۇ ئىشنى قىلىڭ. ئەگەر دىققىتىڭىزنى مەركەزلەشتۈرۈش قىيىن بولسا، ئورنىڭىزدىن تۇرۇپ ئۇياق-بۇياققا مېڭىپ، سوزۇلۇپ ھەرىكەت قىلىڭ.