26-ناخشا
خۇدا بىلەن يۈر!
(مىخا 6:8)
1. كەمتەر بول، خۇدا بىلەن يۈر؛
تۇت سەمىمىي، ھەق يول.
خۇداغا سادىق بولۇپ يۈر؛
ئۇ بەرگەن كۈچكە تول.
بولساڭ ھەق يولدا ماڭماقچى،
ئالدانما، ئاگاھ بول؛
خۇدا، ئۇ يېتەكلەر سېنى،
كەمتەر بالىدەك بول.
2. پاك بول سەن، خۇدا بىلەن يۈر؛
تاشلىغىن گۇناھنى.
گۈزەل پەزىلەت يېتىلدۈر؛
خۇرسەن قىل خۇدانى.
دائىم ھەقىقىي، ئادىل، پاك
ئىشلار ئۈچۈن ئويلان.
قادىر خۇداغا ئىشەنچ قىل،
غەم قىلما، بول سەۋرچان.
3. سادىق بول، خۇدا بىلەن يۈر؛
ئىخلاسمەن ئادەم بول،
تاپ قانائەت، ئېيتقىن شۈكۈر،
ئېچىلار بەختكە يول.
خۇدا بىلەن يۈر؛ قىل شادلىق،
ئېيت مەدھىيە، ناخشا.
ئەمدى بولار چوڭ خۇشاللىق
خۇدا شاھلىقىدا.
(يارىتىلىش 5:24؛ 6:9؛ فىلىپىلىكلەر 4:8؛ 1-تىموتىي 6:6–8-ئايەتلەرگە ھەم قاراڭ).