كە‌لگۈسىگە بولغان كۆزقارىشىڭىز قانداق؟‏

مۇ‌قە‌ددە‌س كىتاب مۇ‌نداق دە‌يدۇ

‏«خۇ‌دا .‏ .‏ .‏ ئۇ‌لارنىڭ كۆزلىرىدىكى ھە‌ربىر تامچە ياشلىرىنى ئېرتىدۇ.‏ ئە‌مدى ئۆلۈم ئە‌سلا بولمايدۇ،‏ نە ماتە‌م،‏ نە يىغا-‏زار،‏ نە قايغۇ-‏ئە‌لە‌م بولمايدۇ،‏ چۈنكى بۇ‌رۇ‌نقى ئالە‌م ئۆتۈپ كە‌تتى».‏ —‏ ۋە‌ھىي 21:‏3،‏ 4.‏

بۇ‌نى بىلىش سىز ئۈچۈن ئە‌ھمىيە‌تلىك

مە‌نىلىك ۋە خۇ‌رسە‌ن قىلارلىق خىزمە‌تنى قىلالايسىز.‏ —‏ يە‌شايا 65:‏21–‏23.‏

ھە‌رقانداق كېسە‌للىك ۋە ئازاب-‏ئوقۇ‌بە‌تلە‌ر يە‌نە بولمايدۇ.‏ —‏ يە‌شايا 25:‏8؛‏ 33:‏24.‏

شاد-‏خۇ‌راملىق ئىچىدە دوست-‏بۇ‌رادە‌ر ۋە ئۇ‌رۇ‌ق-‏تۇ‌غقانلىرىڭىز بىلە‌ن مە‌ڭگۈ بىرگە ياشىيالايسىز.‏ —‏ زە‌بۇ‌ر 37:‏11،‏ 29.‏

مۇ‌قە‌ددە‌س كىتابتا ئېيتىلغانلارغا راستتىنلا ئىشىنە‌لە‌يمىزمۇ؟‏

شۇ‌نداق،‏ ئىشىنىشنىڭ ئاز دېگە‌ندىمۇ ئىككى سە‌ۋە‌بى بار:‏

• خۇ‌دانىڭ ئۆز ۋە‌دىسىنى ئورۇ‌نداشقا كۈچ-‏قۇ‌درىتى يېتىدۇ.‏ مۇ‌قە‌ددە‌س كىتاب،‏ پە‌قە‌ت يە‌ھۋا خۇ‌دالا «ھە‌ممىگە قادىر» دە‌يدۇ،‏ چۈنكى ئۇ‌نىڭ كۈچ-‏قۇ‌درىتى چە‌كسىزدۇ‌ر (‏ۋە‌ھىي 15:‏3)‏.‏ دېمە‌ك،‏ خۇ‌دا ئۆز ۋە‌دىسىنى ئورۇ‌نداپ،‏ بۇ دۇ‌نيانىڭ ئە‌ھۋالىنى ياخشىلاشقا تامامە‌ن قادىردۇ‌ر.‏ دە‌ل مۇ‌قە‌ددە‌س كىتابتا ئېيتىلغاندە‌ك،‏ خۇ‌دا ئۈچۈن ھە‌رقانداق ئىش مۇ‌مكىن بولىدۇ.‏ —‏ مە‌تتا 19:‏26‏.‏

• خۇ‌دا ئۆز ۋە‌دىسىنى ئورۇ‌نداشقا تە‌شنادۇ‌ر.‏ مە‌سىلە‌ن،‏ يە‌ھۋا ئۆلۈپ كە‌تكە‌ن كىشىلە‌رنى قايتا ھاياتقا ئېرىشتۈرۈشكە ئىنتىزار.‏ —‏ئايۇ‌پ 14:‏14،‏ 15.‏

  مۇ‌قە‌ددە‌س كىتاب ھە‌م:‏ «كۆڭلى سۇ‌نۇ‌قلارغا يېقىندۇ‌ر پە‌رۋە‌ردىگار،‏ روھى ئېزىلگە‌نلە‌رنى ئۇ قۇ‌تقۇ‌زار» دە‌يدۇ (‏زە‌بۇ‌ر 34:‏18)‏.‏ شۇ‌نداق،‏ خۇ‌دا مۇ‌ھتاجلىقتا قالغانلارغا ياردە‌م بېرىشكە تە‌شنادۇ‌ر.‏

  دېمە‌ك،‏ شۇ‌نىڭغا ئىشە‌نچ قىلالايمىزكى،‏ خۇ‌دا كە‌لگۈسىمىزنىڭ شاد-‏خۇ‌راملىققا تولۇ‌شى ئۈچۈن بىزگە ياردە‌م بېرىشنى بە‌كمۇ خالايدۇ.‏ —‏ زە‌بۇ‌ر 72:‏12–‏14؛‏ 145:‏16؛‏ پېترۇ‌سنىڭ 2-‏خېتى 3:‏9.‏