14-دەرس
ئىبادىتىمىز خۇدانىڭ كۆڭلىنى قانداق خۇرسەن قىلالايدۇ؟
ئالدىنقى دەرستە ئۆگىنىپ ئۆتكەندەك، خۇدا ھەممىلا دىننى قوبۇل قىلمايدۇ. بىراق، بىز پەقەت بىرلا يول بىلەن ياراتقۇچىمىزغا ئىبادەت قىلىش ئارقىلىق، ئۇنىڭ كۆڭلىنى خۇرسەن قىلالايمىز. ئۇنداقتا، قانداق ئىبادەت قىلساق، ئۇنىڭ كۆڭلى خۇرسەن بولىدۇ؟ (ياقۇپ 1:27) مۇقەددەس كىتابنىڭ نېمە ئۆگىتىدىغانلىقىنى كۆرۈپ باقايلى.
1. توغرا ئىبادەت قىلىشنى نەدىن ئۆگىنەلەيمىز؟
مۇقەددەس كىتاب بىزگە قانداق ئىبادەت قىلىشنى ئۆگىتىدۇ. ئەيسا مەسىھ ياراتقۇچى خۇداغا شۇنداق دېگەن: «سېنىڭ سۆزۈڭ ھەقىقەتتۇر» (يۇھاننا 17:17). بەزى دىنلار خۇدا سۆزى بولغان مۇقەددەس كىتابتىكى ھەقىقەتكە پەرۋا قىلماي، ئۇلارنىڭ ئورنىغا ئىنسانلارنىڭ تەلىملىرى ۋە ئۆرپ-ئادەتلىرىنى دەستىدۇ. خۇدانىڭ ئەمىرلىرىنى بىر ياققا قايرىپ قويغانلاردىن يەھۋا خۇرسەن بولمايدۇ (ماركۇس 7:9-نى ئوقۇڭ). ئەمما، بىز يەھۋانىڭ مۇقەددەس كىتابتا كۆرسەتكەن ھەقىقەت سۆزلىرىگە ئەگەشسەك، ئۇنىڭ كۆڭلىنى خۇرسەن قىلىمىز.
2. يەھۋاغا قانداق ئىبادەت قىلىشىمىز كېرەك؟
بىز پەقەت يەھۋاغىلا ئىبادەت قىلىشىمىز كېرەك، چۈنكى ئۇ ياراتقۇچى ئېگىمىز (ۋەھىيلەر 4:11). دېمەك، بىز چوقۇم ئۇنىلا سۆيۈشىمىز، ئۇنىڭغىلا ئىبادەت قىلىشىمىز لازىم. ھەرقانداق بۇت، سۈرەت ياكى شۇنىڭغا ئوخشاش نەرسىلەردىن يىراق تۇرۇشىمىز كېرەك.—يەشايا 42:8-نى ئوقۇڭ.
بىزنىڭ قىلىدىغان ئىبادىتىمىز چوقۇم مۇقەددەس ۋە يەھۋا قوبۇل قىلىدىغان ئۇسۇلدا بولۇشى كېرەك (رىملىقلار 12:1). بۇ بىز چوقۇم ئۇنىڭ ئەخلاق ئۆلچەم-قائىدىلىرىگە ماس ياشىشىمىز كېرەكلىكىنى بىلدۈرىدۇ. مەسىلەن، يەھۋانى سۆيىدىغانلار ئۇ بەلگىلىگەن نىكاھ ھەققىدىكى ئۆلچەملەرگە چىن قەلبىدىن بويسۇنۇشى كېرەك. يەنە تاماكا چېكىش، ھاراق ئىچىش، نەشە چېكىش ۋە باشقا زەھەرلىك نەرسىلەرنى قوللىنىشقا ئوخشاش زىيانلىق ئادەتلەردىن يىراق تۇرۇشى كېرەكa.
3. نېمە ئۈچۈن يەھۋاغا ئېتىقادچى قېرىنداشلىرىمىز بىلەن بىرلىكتە ئىبادەت قىلىمىز؟
ھەر ھەپتە يىغىلىشلارغا قاتنىشىپ، ئېتىقادچى قېرىنداشلار بىلەن بىرلىكتە يەھۋانى مەدھىيىلەيمىز (زەبۇر 111:1، 2). كۆپچىلىك بىلەن بىرلىكتە ناخشا ئېيتىش — يەھۋانى مەدھىيىلەشنىڭ بىر يولى (زەبۇر 104:33). يەھۋا بىزنى جامائەت يىغىلىشىغا تەكلىپ قىلىدۇ، چۈنكى ئۇ بىزنى بەكمۇ سۆيىدۇ. ئۇ يىغىلىشلارنىڭ بىزگە پايدىلىق ئىكەنلىكىنى ۋە مەڭگۈ شاد-خۇرام ياشىشىمىزغا ياردەم بېرەلەيدىغانلىقىنى بىلىدۇ. ئۇنىڭدىن باشقا، ئىبادەت يىغىلىشلىرىدا بىر-بىرىمىزگە ئىلھام ۋە كۈچ-مەدەتلەرنى بېرەلەيمىز.
چوڭقۇرراق قېزىڭ
نېمە ئۈچۈن يەھۋا ئۇنىڭغا ئىبادەت قىلغان كىشىلەرنىڭ بۇتلارنى ئىشلىتىشىگە يول قويمايدىغانلىقىنى بىلىۋېلىڭ. ئۇنىڭدىن باشقا، ياراتقۇچى يەھۋانى مەدھىيىلەشنىڭ مۇھىم يوللىرىنى ئۆگىنىۋېلىڭ.
4. بىز ئىبادەت قىلغاندا بۇتلارنى ئىشلەتمەسلىكىمىز كېرەك
خۇدا بىزنىڭ بۇتپەرەسلىك قىلىشىمىزنى خالىمايدىغانلىقىنى قانداق بىلىمىز؟ فىلىمنى كۆرۈڭ، كېيىن تۆۋەندىكى سوئال ئۈستىدە ئويلىنىپ كۆرۈڭ.
قەدىمكى زاماندا، خۇدانىڭ خىزمەتچىلىرى بۇتپەرەسلىك قىلغاندا ئاقىۋىتى قانداق بولغان؟
بەزى ئادەملەر ئىبادەت قىلغاندا، خۇداغا يېقىنلىشىش ئۈچۈن بۇتلارنى ئىشلىتىدۇ. بىراق، شۇنداق قىلىش، ئەكسىچە ئۇلارنى خۇدادىن يىراقلاشتۇرىدۇ. چىقىش 20:4–6 ۋە زەبۇر 106:35، 36-نى ئوقۇڭ، كېيىن تۆۋەندىكى سوئاللارغا جاۋاب بېرىڭ:
سىز باشقىلار ئىبادەت قىلغاندا بۇتلارنى ئىشلەتكەنلىكىنى كۆرگەنمۇ؟
بۇتلارنى ئىشلىتىشكە قارىتا، يەھۋا قانداق كۆزقاراشتا؟
بۇتلارنى ئىشلىتىشكە قارىتا، سىز قانداق كۆزقاراشتا؟
5. پەقەت يەھۋاغىلا ئىبادەت قىلىش بىزنى ساختا دىنىي تەلىملەردىن ئەركىن قىلىدۇ
يەھۋاغا توغرا ئۇسۇلدا ئىبادەت قىلىش بىزنى ساختا دىنىي تەلىملەردىن ئازات قىلىدىغانلىقىنى كۆرۈپ بېقىڭ. فىلىمنى كۆرۈڭ.
زەبۇر 91:14-نى ئوقۇڭ، كېيىن تۆۋەندىكى سوئالغا جاۋاب بېرىڭ:
پەقەتلا ياراتقۇچى يەھۋاغا ئىبادەت قىلىپ، ئۇنى چىن قەلبىمىزدىن سۆيىدىغانلىقىمىزنى كۆرسەتسەك، ئۇ بىزنى قانداق بەرىكەتلەيدۇ؟
6. جامائەت يىغىلىشلىرىدا خۇداغا ئىبادەت قىلىمىز
بىز يىغىلىشلاردا ناخشا ئېيتىپ، مۇھاكىمىلەرگە قاتنىشىپ، خۇدانى مەدھىيىلەيمىز ۋە بىر-بىرىمىزگە ئىلھام-مەدەتلەرنى بېرەلەيمىز. زەبۇر 22:22-نى ئوقۇڭ، كېيىن تۆۋەندىكى سوئاللارغا جاۋاب بېرىڭ:
باشقىلارنىڭ چىن يۈرەكتىن بەرگەن جاۋابلىرىنى ئاڭلىغاندا، خۇشال بولدىڭىزمۇ؟
سىزمۇ تەييارلىق قىلىپ جاۋاب بېرىشنى خالامسىز؟
7. ئۆگەنگەنلىرىڭىزنى باشقىلارغا ئېيتىپ بەرسىڭىز، يەھۋانىڭ كۆڭلى خۇش بولىدۇ
تۇرمۇشىمىزدا باشقىلارغا مۇقەددەس كىتاب ھەقىقىتىنى ئېيتىپ بېرىشنىڭ نۇرغۇن پۇرسەتلىرى بولىدۇ. زەبۇر 9:1 ۋە 34:1-نى ئوقۇڭ، كېيىن تۆۋەندىكى سوئالغا جاۋاب بېرىڭ:
سىز مۇقەددەس كىتابتىن ئۆگەنگەن قايسى مەزمۇننى باشقىلارغا ئېيتىپ بېرىشنى خالايسىز؟
بەزىلەر مۇنداق دەيدۇ: «ئەڭ مۇھىمى، خۇداغا قانداق ئىبادەت قىلىش ئەمەس، بەلكى ئۇنىڭ بارلىقىغا ئىشىنىپ، ئۆزىمىزنى پاك تۇتۇش».
سىز قانداق ئويلايسىز؟
خۇلاسە
چىن قەلبىمىزدىن پەقەت ياراتقۇچى يەھۋاغا ئىبادەت قىلىپ، جامائەت يىغىلىشلىرىدا ئۇنى مەدھىيىلەپ، باشقىلارغا ئۆگەنگەن ھەقىقەتلەرنى ئېيتىپ بەرسەك، خۇدانىڭ كۆڭلىنى خۇرسەن قىلالايمىز.
تەكرارلاش
خۇداغا توغرا ئۇسۇلدا ئىبادەت قىلىشنى قەيەردىن ئۆگىنەلەيمىز؟
نېمە ئۈچۈن پەقەتلا ياراتقۇچى يەھۋاغا ئىبادەت قىلىشىمىز كېرەك؟
نېمە ئۈچۈن خۇدانى خۇرسەن قىلىشنى خالايدىغانلار بىلەن بىرلىكتە ئىبادەت قىلىشىمىز كېرەك؟
ئىزدىنىپ كۆرۈڭ
بىر ئايال نېمە ئۈچۈن بۇتپەرەسلىكنى تاشلىدى؟ «مەن ئەمدى بۇتلارنىڭ قۇلى ئەمەس»، دېگەن تەرجىمىھالنى ئوقۇپ بېقىڭ.
«مۇقەددەس كىتاب ھاياتنى ئۆزگەرتىدۇ» («كۈزىتىش مۇنارى»، 2011-يىل، 1-ئىيۇل)
جامائەت يىغىلىشلىرىدا مۇھاكىمىگە قاتنىشىپ، جاۋاب بېرىشىڭىزگە ياردەم بېرىدىغان قانداق ئۇسۇللارنىڭ بارلىقىنى بىلىۋېلىڭ.
«يەھۋانى جامائەتتە مەدھىيىلەڭ» («كۈزىتىش مۇنارى»، 2019-يىل، يانۋار)
بىر يىگىتنىڭ جامائەت يىغىلىشىغا قاتنىشىشى ئاسان بولمىغان بولسىمۇ، ئۇ يىغىلىشنى تاشلىماسلىققا تىرىشقان. نەتىجىدە، نېمە ئىش بولغانلىقىنى كۆرۈپ بېقىڭ.
نۇرغۇن ئادەملەر كرېستنى خرىستىئان دىنىنىڭ بەلگىسى دەپ قارايدۇ.
a كېيىنرەك، باشقا دەرسلەردە مۇشۇ ماۋزۇلارنى مۇھاكىمە قىلىمىز.