25-دەرس
خۇدا بىزنى نېمە ئۈچۈن ياراتتى؟
مۇقەددەس كىتابتا ئېيتىلغاندەك، ئىنساننىڭ ھاياتى قىسقا ۋە ئازاب-ئوقۇبەتكە تولغاندۇر (ئايۇپ 14:1). خۇدا بىزنى شۇنداق ياشاش ئۈچۈن ياراتقانمۇ؟ ئەگەر ئۇنداق بولمىسا، ئۇ نېمە مەقسەتتە بىزنى ياراتقان؟ ئۇنىڭ مەقسىتى بىر كۈنى ئەمەلگە ئاشامدۇ؟ ھازىر مۇقەددەس كىتابتىن كىشىگە تەسەللى بېرىدىغان جاۋابلارنى تاپايلى.
1. يەھۋا بىزنى نېمە مەقسەتتە ياراتقان؟
يەھۋا بىزنىڭ مۇمكىنقەدەر ئەڭ ياخشى ھايات كەچۈرۈشىمىزنى خالايدۇ. ئۇ ئادەم-ئاتا ۋە ھاۋا-ئانىنى يەر يۈزىدە ياراتقاندا، ئۇلارنى گۈزەل ئېرەم بېغىغا ئورۇنلاشتۇرغان. كېيىن، «خۇدا ئۇلارنى بەرىكەتلەپ: ‹سىلەر پەرزەنتلىك بولۇپ كۆپىيىڭلار، يەر يۈزىنى تولدۇرۇپ، ئۇنى بويسۇندۇرۇڭلار›،— دېگەن» (يارىتىلىش 1:28). يەھۋا ئۇلارنىڭ پەرزەنتلىك بولۇپ، پۈتۈن يەر يۈزىنى جەننەتكە ئايلاندۇرۇشى ۋە ھايۋاناتلاردىن خەۋەر ئېلىشىنى خالىغانىدى. ئۇ پۈتۈن ئىنسانلارنىڭ مۇكەممەل تەن بىلەن، ساغلام مەڭگۈ ھايات كەچۈرۈشىنى مەقسەت قىلغان.
ھازىر شۇنداق ھايات كەچۈرمىسەكمۇa، ئەمما خۇدانىڭ ئەسلى مەقسىتى ئۆزگەرگىنى يوق (يەشايا 46:10، 11). ئۇ ھېلىھەم ئۆزىگە ئىتائەتچان بولغان ئىنسانلارنىڭ مۇكەممەل شارائىتتا مەڭگۈ ياشىشىنى خالايدۇ.—ۋەھىيلەر 21:3، 4-نى ئوقۇڭ.
2. ھازىر مەنىلىك ھايات كەچۈرۈش ئۈچۈن نېمە قىلالايمىز؟
يەھۋا خۇدا بىزنى روھىي ئېھتىياج بىلەن ياراتقان. شۇڭا، ئۇنى تونۇش ۋە ئۇنىڭغا ئىبادەت قىلىش ئارزۇ-ئىستىگىمىز بار (مەتتا 5:3–6-نى ئوقۇڭ). يەھۋا بىزنىڭ ئۇنىڭ بىلەن يېقىن دوست بولۇشىمىزنى خالايدۇ. ئۇنىڭ يولىدا مېڭىپ، ئۇنى سۆيۈشىمىزنى ۋە پۈتۈن قەلبىمىز بىلەن ئۇنىڭغا خىزمەت قىلىشىمىزنى خالايدۇ (تەكرار قانۇن 10:12؛ زەبۇر 25:14). ئەگەر بىز شۇنداق قىلساق، مەيلى قانداق قىيىنچىلىقلارغا دۇچ كەلمەيلى، ھەقىقىي خۇشاللىققا ئېرىشەلەيمىز. يەھۋاغا ئىبادەت قىلىپ ياشىساق، ھاياتىمىز ئەھمىيەتلىك ئۆتىدۇ. سەۋەبى، بىز ئۇ خالىغاندەك ھايات كەچۈرىمىز.
چوڭقۇرراق قېزىڭ
يەھۋا بىز ئۈچۈن يەر شارىنى ياراتقاندا، ئۆزىنىڭ چوڭقۇر مېھىر-مۇھەببىتىنى كۆرسەتكەن. مۇقەددەس كىتاب بىزنىڭ نېمە مەقسەتتە يارىتىلغانلىقىمىزنى ئېيتىپ بېرىدۇ. مۇشۇلار ھەققىدە بىلىۋېلىڭ.
3. يەھۋا ئىنسانلارنىڭ شاد-خۇرام ھايات كەچۈرۈشىنى مەقسەت قىلغان
فىلىمنى كۆرۈپ، كېيىن تۆۋەندىكى سوئال ئۈستىدە ئويلىنىپ كۆرۈڭ.
يەھۋا نېمە ئۈچۈن يەر شارىنى شۇنچىلىك گۈزەل قىلىپ ياراتقان؟
ۋەز 3:11-نى ئوقۇڭ، كېيىن تۆۋەندىكى سوئالغا جاۋاب بېرىڭ:
بۇ ئايەتتىن، ياراتقۇچى يەھۋانىڭ ئىرادىسى ھەققىدە نېمىنى ئۆگىنەلەيمىز؟
4. يەھۋانىڭ ئىرادىسى ئۆزگەرگىنى يوق
زەبۇر 37:11، 29 ۋە يەشايا 55:11-نى ئوقۇڭ، كېيىن تۆۋەندىكى سوئالغا جاۋاب بېرىڭ:
يەھۋانىڭ ئىنسانلار ئۈچۈن قىلغان ئىرادىسىنىڭ ئۆزگەرمىگەنلىكىنى قانداق بىلىمىز؟
تاشلىۋېتىلگەن ئۆينى قايتا تىكلەشكە بولىدۇ. خۇددى شۇنىڭدەك، ئىنسانلار تەرىپىدىن ۋەيران قىلىنغان يەر شارىنى ياراتقۇچىمىز يەھۋا يېڭىلايدۇ. ئۇ يەردە خۇدانى ياخشى كۆرىدىغان كىشىلەر ياشايدۇ
5. يەھۋا خالىغاندەك ياشىساق، ھاياتىمىز ئەھمىيەتلىك ئۆتىدۇ
ھاياتنىڭ مەنىسىنى بىلىش بىزنى شاد-خوراملىققا چۆمدۈرىدۇ. فىلىمنى كۆرۈپ، كېيىن تۆۋەندىكى سوئال ئۈستىدە ئويلىنىپ كۆرۈڭ:
ھاياتنىڭ ھەقىقىي مەنىسىنى بىلگەندىن كېيىن، تېرۇمى ئۆز ھاياتىدا قانداق ئۆزگۈرۈشلەرنى قىلغان؟
ۋەز 12:13-نى ئوقۇڭ، كېيىن تۆۋەندىكى سوئالغا جاۋاب بېرىڭ:
يەھۋا بىز ئۈچۈن شۇنچە كۆپ ئىشلارنى قىلغان. بۇنىڭ ئۈچۈن ئۇنىڭغا مىننەتدارلىقىمىزنى قانداق بىلدۈرۈشىمىز كېرەك؟
بەلكىم، بەزىلەر مۇنداق سورايدۇ: «بىز نېمە ئۈچۈن ياشايمىز؟»
سىز قانداق جاۋاب بېرىسىز؟
خۇلاسە
ياراتقۇچى يەھۋا يەر يۈزىدە مۇكەممەل شارائىتتا مەڭگۈ شاد-خۇرام ياشىشىمىزنى خالايدۇ. بىز چىن قەلبىمىزدىن ئۇنىڭغا ئىبادەت قىلساق، ھازىرمۇ ۋە كېلەچەكتىمۇ مەنىلىك ھايات كەچۈرىمىز.
تەكرارلاش
خۇدا ئادەم-ئاتا بىلەن ھاۋا-ئانا ئۈچۈن ئەسلى نېمىنى ئىرادە قىلغان؟
خۇدانىڭ ئىنسانلار ئۈچۈن قىلغان ئىرادىسى ئۆزگەرمىگەنلىكىنى قانداق بىلىمىز؟
ھاياتنىڭ ھەقىقىي مەنىسىنى قانداق تاپالايسىز؟
ئىزدىنىپ كۆرۈڭ
ئېرەم بېغى ئۆتمۈشتە ھەقىقەتەن بولغانلىقى ھەققىدىكى دەلىل-ئىسپاتلارنى بىلىۋېلىڭ.
نېمە ئۈچۈن يەر شارى مەڭگۈ مەۋجۇت بولۇپ تۇرىدىغانلىقىغا ئىشىنەلەيمىز؟
«يەر شارى يوق بولۇپ كېتەمدۇ؟» (تور بېكەتتىكى ماقالە)
ھاياتنىڭ مەنىسى ھەققىدە مۇقەددەس كىتابنىڭ نېمە دېگەنلىكىنى كۆرۈپ بېقىڭ.
ئۆزىدە ھەممە نەرسە تەل دەپ ئويلىغان بىر كىشىنىڭ ھاياتىدا نېمە كەملىكىنى قانداق چۈشەنگەنلىكىنى كۆرۈڭ.
«ھازىر ھاياتىمنىڭ ھەقىقىي ئەھمىيىتىنى چۈشەندىم» (55:3)
a بۇنىڭ سەۋەبىنى كېيىنكى دەرستىن بىلەلەيسىز.