31-دەرس
خۇدا پادىشاھلىقى دېگەن نېمە؟
خۇدا پادىشاھلىقى — مۇقەددەس كىتابنىڭ ئاساسىي ماۋزۇسى. يەھۋا بۇ پادىشاھلىقنى قوللىنىپ، ئۆزىنىڭ يەر يۈزى ئۈچۈن قىلغان ئەسلى ئىرادىسىنى ئەمەلگە ئاشۇرىدۇ. پادىشاھلىق دېگەن نېمە؟ ئۇ ھازىر ھۆكۈم سۈرۈۋاتقانلىقىنى قەيەردىن بىلىمىز؟ ئۇ ئاللىقاچان نېمىلەرنى ئەمەلگە ئاشۇردى ۋە كېلەچەكتە نېمە قىلىدۇ؟ مۇشۇ ۋە كېيىنكى دەرستە، بۇ سوئاللارغا جاۋاب تاپىمىز.
1. خۇدا پادىشاھلىقى دېگەن نېمە ۋە پادىشاھى كىم؟
خۇدا پادىشاھلىقى — ياراتقۇچى يەھۋا تىكلىگەن ھۆكۈمەت. ئەيسا مەسىھ ئۇنىڭ پادىشاھى، ئۇ ئاسماندا ھۆكۈمرانلىق يۈرگۈزىدۇ (مەتتا 4:17؛ يۇھاننا 18:36). مۇقەددەس كىتابتا ئەيسا ھەققىدە، ئۇ پادىشاھ بولۇپ، مەڭگۈ ھۆكۈمرانلىق قىلىدۇ، دەپ يېزىلغان (لۇقا 1:32، 33). خۇدا پادىشاھلىقىنىڭ پادىشاھى ئەيسا يەر يۈزىدىكى ئىنسانلار ئۈستىدىن ھۆكۈمرانلىق قىلىدۇ.
2. ئەيسا بىلەن كىملەر ھۆكۈمرانلىق قىلىدۇ؟
ئەيسا يالغۇز ھۆكۈمرانلىق قىلمايدۇ. ھەر قەبىلە، ھەر تىل، ھەر مىللەت، ھەر خەلقتىن تاللانغان ئىنسانلار پادىشاھلار سۈپىتىدە يەر يۈزى ئۈستىدىن ھۆكۈمرانلىق قىلىدۇ (ۋەھىيلەر 5:9، 10). ئەيسا مەسىھ بىلەن بىرلىكتە ھۆكۈمرانلىق قىلىدىغانلارنىڭ سانى قانچە؟ ئەيسا يەر يۈزىگە كەلگەندىن باشلاپ، مىليونلىغان كىشىلەر ئۇنىڭ ئەگەشكۈچىسى بولغان. بىراق، پەقەت 144000 كىشى ئۇنىڭ بىلەن بىرلىكتە ئاسماندا ھۆكۈمرانلىق قىلىدۇ (ۋەھىيلەر 14:1–4-نى ئوقۇڭ). ئەيسانىڭ يەر يۈزىدىكى باشقا بارلىق ئەگەشكۈچىلىرى خۇدا پادىشاھلىقىنىڭ پۇقرالىرى بولىدۇ.—زەبۇر 37:29.
3. نېمە ئۈچۈن خۇدا پادىشاھلىقى ئىنسانلار قۇرغان ھۆكۈمەتلەردىن ياخشى؟
گەرچە بەزى ھۆكۈمەت ئەمەلدارلىرى ياخشىراق ھۆكۈمرانلىق قىلىشقا تىرىشسىمۇ، ئەمما ئۇلارنىڭ ئىشلارنى ئۆزلىرى خالىغاندەك قىلىشقا كۈچ-قۇدرىتى يەتمەيدۇ. دۇنيادىكى ئەڭ ياخشى ھۆكۈمرانلارنىڭ ئورنىنى ھامان بىر كۈنى باشقا ھۆكۈمرانلار ئالىدۇ. بەلكىم، ئۇلار شەخسىيەتچى بولۇپ، ئۆز پۇقرالىرىنىڭ مەنپەئىتىنى كۆزدە تۇتمايدۇ. ئەمما، خۇدا پادىشاھلىقىنىڭ پادىشاھى ئەيسانىڭ ئورنىنى ھېچكىم ئالالمايدۇ. خۇدا مەڭگۈ يىقىلمايدىغان بىر پادىشاھلىقنى تىكلەيدۇ (دانىيال 2:44). ئەيسا پۈتكۈل يەر يۈزى ئۈستىدىن ھۆكۈمرانلىق يۈرگۈزىدۇ. ئۇ بىرىنى ياخشى كۆرۈپ، باشقىلىرىنى چەتكە قاقمايدۇ، ئەكسىچە ھەممىسىنى تەڭ كۆرىدۇ. ئەيسا مېھرىبان، ئاق كۆڭۈل ۋە ئادىل پادىشاھ. ئۇ ئادەملەرگىمۇ ئاق كۆڭۈل، مېھرىبان، ئادىل بولۇشنى ئۆگىتىدۇ.—يەشايا 11:9-نى ئوقۇڭ.
چوڭقۇرراق قېزىڭ
خۇدا پادىشاھلىقى نېمە ئۈچۈن ئىنسانلار قۇرغان ھەرقانداق ھۆكۈمەتتىن ياخشى ئىكەنلىكىنى بىلىۋېلىڭ.
4. خۇدا پادىشاھلىقى پۈتكۈل يەر يۈزى ئۈستىدىن ھۆكۈمرانلىق قىلىدۇ
ئىنسانىيەت تارىخىدا، ھېچقانداق بىر ھۆكۈمران ئەيساغا ئوخشاش كۈچلۈك ھۆكۈمران بولالمىغان. مەتتا 28:18-نى ئوقۇڭ، كېيىن تۆۋەندىكى سوئالغا جاۋاب بېرىڭ:
ئەيسانىڭ ھوقۇقى باشقا بارلىق ھۆكۈمرانلارنىڭ ھوقۇقىدىن قانداق ئۈستۈن تۇرىدۇ؟
ئىنسانلار قۇرغان ھۆكۈمەتلەر دائىم ئالمىشىپ تۇرىدۇ. ھەربىرى يەر-يۈزىنىڭ پەقەت مەلۇم بىر قىسمىنى باشقۇرىدۇ. ئۇنداقتا، خۇدا پادىشاھلىقىچۇ؟ دانىيال 7:14-نى ئوقۇڭ، كېيىن تۆۋەندىكى سوئاللارغا جاۋاب بېرىڭ:
خۇدا پادىشاھلىقىنىڭ مەڭگۈ مەۋجۇت بولۇپ تۇرۇشىنىڭ بىز ئۈچۈن قانداق پايدىسى بار؟
بۇ پادىشاھلىق پۈتكۈل يەر يۈزى ئۈستىدىن ھۆكۈمرانلىق قىلسا، نېمە ئۈچۈن ياخشى؟
5. خۇدا پادىشاھلىقى ئىنسانلار قۇرغان ھۆكۈمەتلەرنىڭ ئورنىنى ئالىدۇ
نېمە ئۈچۈن خۇدا پادىشاھلىقى چوقۇم ئىنسانلار قۇرغان ھۆكۈمەتلەرنىڭ ئورنىنى ئېلىشى كېرەك؟ فىلىمنى كۆرۈڭ، كېيىن تۆۋەندىكى سوئال ئۈستىدە ئويلىنىپ كۆرۈڭ.
ئىنسانلارنىڭ ھۆكۈمرانلىقى قانداق نەتىجە ئېلىپ كەلدى؟
ۋەز 8:9-نى ئوقۇڭ، كېيىن تۆۋەندىكى سوئاللارغا جاۋاب بېرىڭ:
سىزنىڭچە، خۇدا پادىشاھلىقى ئىنسانلار قۇرغان ھۆكۈمەتلەرنىڭ ئورنىنى ئېلىشى كېرەكمۇ؟ نېمە ئۈچۈن؟
6. خۇدا پادىشاھلىقىنىڭ ھۆكۈمرانلىرى بىزنى چۈشىنىدۇ
پادىشاھىمىز ئەيسا يەر يۈزىدە ئىنسان بولۇپ ياشىغان. شۇڭا، ئۇ ئاجىزلىقلىرىمىزغا ھېسداشلىق قىلالايدۇ (ئىبرانىيلار 4:15). يەھۋا ھەر قەبىلە، تىل ۋە مىللەت كىشىلىرى ئارىسىدىن تاللىغان 144000 ساداقەتمەن ئەرلەر ۋە ئاياللار، ئەيسا بىلەن بىرلىكتە ھۆكۈمرانلىق قىلىدۇ.—ۋەھىيلەر 5:9.
ئەيسا ۋە ئۇنىڭ بىلەن ھۆكۈمرانلىق قىلىدىغانلار يەر يۈزىدە ياشىغان ئىنسانلارنىڭ تۈرلۈك ئىسسىق-سوغۇقلارنى باشتىن ئۆتكۈزىدىغانلىقىنى بىلىدۇ. بۇ سىزگە تەسەللى بېرەمدۇ؟ نېمە ئۈچۈن؟
يەھۋا ھەرخىل مىللەتتىن بولغان كىشىلەرنى ئەيسا بىلەن بىرلىكتە ھۆكۈمرانلىق قىلىشقا تاللىغان
7. خۇدا پادىشاھلىقىنىڭ قانۇنلىرى مۇكەممەل
ئادەتتە، ھۆكۈمەتلەر ئۆز پۇقرالىرىنىڭ پايدا-مەنپەئىتىنى كۆزلەپ، ئۇلارنى قوغداش ئۈچۈن قانۇنلارنى چىقىرىدۇ. خۇددى شۇنىڭدەك، خۇدا پادىشاھلىقىنىڭ قانۇنلىرىغىمۇ ئۇنىڭ پۇقرالىرى چوقۇم بويسۇنۇشى كېرەك. 1-كورىنتلىقلار 6:9–11-نى ئوقۇڭ، كېيىن تۆۋەندىكى سوئاللارغا جاۋاب بېرىڭ:
ئەگەر ھەممىلا ئادەم خۇدا چىقارغان قانۇنلارغا ئەمەل قىلسا، سىزنىڭچە بۇ دۇنيا قانداق بولىدۇa؟
خۇدا ئۆز خەلقىدىن قانۇنلارغا بويسۇنۇشىنى تەلەپ قىلىدۇ. سىزنىڭچە، ئۇنىڭ شۇنداق تەلەپ قىلىش ھوقۇقى بارمۇ؟
مۇقەددەس كىتابقا ئاساسلانغاندا، خۇدانىڭ قانۇنىغا بويسۇنمىغانلارنىڭ ئۆزگىرىشى مۇمكىنمۇ؟—11-ئايەتنى كۆرۈڭ.
ھۆكۈمەتلەر ئۆز پۇقرالىرىنىڭ مەنپەئىتىنى قوغداش ئۈچۈن قانۇنلارنى ئورنىتىدۇ. خۇدا پادىشاھلىقىنىڭ ئورناتقان قانۇنلىرى ئەڭ ياخشى
بەلكىم، بەزىلەر مۇنداق سورايدۇ: «خۇدا پادىشاھلىقى زادى نېمە؟»
سىز قانداق جاۋاب بېرىسىز؟
خۇلاسە
خۇدا پادىشاھلىقى — يەر يۈزى ئۈستىدىن ھۆكۈمرانلىق قىلىدىغان ئاسماندىكى ھەقىقىي ھۆكۈمەت.
تەكرارلاش
خۇدا پادىشاھلىقىنىڭ ھۆكۈمرانلىرى كىملەر؟
نېمە ئۈچۈن خۇدا پادىشاھلىقى ئىنسانلار قۇرغان ھۆكۈمەتلەردىن ياخشى؟
يەھۋا ئۆز پادىشاھلىقىنىڭ پۇقرالىرىدىن نېمىنى تەلەپ قىلىدۇ؟
ئىزدىنىپ كۆرۈڭ
خۇدا پادىشاھلىقى قەيەردە؟ ئەيسانىڭ بۇ ھەققىدە نېمە دېگەنلىكىنى بىلىۋېلىڭ.
«خۇدا پادىشاھلىقى زادى قەيەردە؟» (تور بېكەتتىكى ماقالە)
يەھۋا گۇۋاھچىلىرى ئۈچۈن خۇدا پادىشاھلىقىغا سادىق بولۇش نېمە ئۈچۈن ھەرقانداق نەرسىلەردىن مۇھىم؟
يەھۋانىڭ 144000 كىشىنى ئەيسا بىلەن بىرلىكتە ھۆكۈمرانلىق قىلىشقا تاللايدىغانلىقى ھەققىدە، مۇقەددەس كىتاب نېمە دەيدىغانلىقىنى بىلىۋېلىڭ.
دۇنيادا ئادالەتنى پەقەت خۇدا ئورنىتالايدىغانلىقىغا تۈرمىدىكى بىر ئايالنى نېمە ئىشەندۈرگەن؟
«ئادالەتسىزلىكنىڭ يوق قىلىنىدىغانلىقىنى بىلدىم» («ئويغىنىش!»، 2011-يىل، نويابىر)
a بەزى قانۇن-قائىدىلەر بۇ كىتابنىڭ 3-قىسمىدا مۇھاكىمە قىلىنىدۇ.