«پادىشاھلىقىڭ كەلسۇن» مىليونلىغان كىشىلەرنىڭ دۇئاسى
«پادىشاھلىقىڭ كەلسۇن». ئەسىرلەر بويى مىليونلىغان كىشىلەر پادىشاھلىقنىڭ كېلىشىنى تىلغا ئېلىپ دۇئا قىلىۋاتىدۇ. نېمە ئۈچۈن؟ چۈنكى، ئەيسا پەيغەمبەر ئۆز ئەگەشكۈچىلىرىگە خۇدا پادىشاھلىقى ئۈچۈن دۇئا قىلىشنى ئېيتقان ئىدى.
دەسلەپتە، ھەزرىتى ئەيسانىڭ ئەگەشكۈچىلىرى ئۇنىڭ خۇدا پادىشاھلىقى ھەققىدە ئېيتقان سۆزلىرىنى تولۇق چۈشەنمىگەن. ئۇلار بىر قېتىم ئەيسا پەيغەمبەردىن: «ھەزرىتىم، شۇ ۋاقىتتا ئىسرائىلدا پادىشاھلىقنى قايتا ئەسلىگە كەلتۈرمەكچىمۇسىز؟»— دەپ سورىغان. ھەزرىتى ئەيسا ئۇلارغا خۇدا پادىشاھلىقىنىڭ ئېنىق قايسى ۋاقىتتا كېلىدىغانلىقىنى ئېيتمىغان، بەلكىم ئۇلار بۇنىڭغا ھەيران قالغان (ئەلچىلەر 1:6، 7). دېمەك، بۇ ئەمدى «خۇدا پادىشاھلىقى دېگەن نېمە؟» ۋە «ئۇ قاچان كېلىدۇ؟» دېگەن سوئاللارغا جاۋاب تاپالالمايدىغانلىقىمىزنى بىلدۈرەمدۇ؟ ياق، بىلدۈرمەيدۇ!
بۇ «كۈزىتىش مۇنارى» ژۇرنىلى تۆۋەندىكى سوئاللارغا جاۋاب تېپىشىڭىزغا ياردەم بېرىدۇ:
نېمە ئۈچۈن بىز خۇدا پادىشاھلىقىغا موھتاج؟
خۇدا پادىشاھلىقىنىڭ پادىشاھى كىم؟
خۇدا پادىشاھلىقى قاچان يەر يۈزى ئۈستىدىن ھۆكۈمرانلىق يۈرگۈزىدۇ؟
خۇدا پادىشاھلىقى نېمە ئىشلارنى قىلىدۇ؟
نېمە ئۈچۈن خۇدا پادىشاھلىقىنى ھازىر قوللاپ-قۇۋۋەتلىشىمىز كېرەك؟
خۇدا پادىشاھلىقى دېگەن نېمە؟