Isaya
38 Koloneke viaco, Hesekiya wa kala oku vela kuenda wa pandele koku fa.+ Uprofeto Isaya+ omõla a Amose weya, yu wo sapuila hati: “Ca popia Yehova ceci hati: ‘Eca olonumbi ku vakuanjo yove, momo ove o ka fa; ku kayi.’”+ 2 Kuenje Hesekiya wa pongolokela vocimano kuenda wa fetika oku likutilila ku Yehova hati: 3 “Hu livondela a Yehova, mange ohenda, ivaluka+ okuti, nda endela kovaso ove lekolelo, lutima wosi+ kuenda nda linga eci ca sunguluka kovaso ove.” Kuenje Hesekiya wa fetika oku lila calua.
4 Kuenje ondaka ya Yehova yeya ku Isaya yiti: 5 “Tiukila kuenda sapuila Hesekiya+ hati: ‘Ca popia Yehova Suku ya Daviti kukululu yove ceci hati: “Nda yeva ohutililo yove.+ Nda mola asuẽlẽla ove.+ Komuenyo* wove ndi vokiyako 15 kanyamo,+ 6 kuenda ndi ka ku yovola ove lolupale lulo peka lia soma yo Asuria kuenda ndi ka popela olupale lulo.+ 7 Ondimbukiso yi tunda ku Yehova oco yu ku lekise okuti, Yehova o ka tẽlisa ondaka a popia yeyi:+ 8 Ndi ka lingisa okuti ulembo u kasi vocilondelo* ca Ahasi u tiukila konyima ananga ekũi.”’”+ Omo liaco, ulembo wa lokele ale wa tiukila konyima ananga ekũi vocilamanelo.
9 Ocisonehua cimue ca Hesekiya soma yo Yuda eci a kala oku vela kuenda oku kayisiwa kuvei waye.
10 Nda popia siti: “Eci handi sia kukile
Ndi sukila oku pita polombundi Vionjembo.*
Ndi ka tatekiwa kocisupe canyamo ange.”
11 Nda popia siti: “Ame si ka mola Yehova, Yehova vofeka yava va kasi lomuenyo.+
Si ka vandekela vali komanu
Eci ame ndi kala pokati kolonungi viocitumãlo muna okuti, ovina viosi vi imũha.
12 Ocitungilo cange cambatiwa kupãla kuenda copiwa kokuange+
Oco, ci kasi ndombalaka yungombo umue.
Nda muña omuenyo wange ndeci ukuakupota a linga;
Eye o ndi teta ndutele woku tuta.
Oku upisa komẽle toke koñolosi ove o ka ngeca kovitangi.+
13 Nda sanda oku tula utima ame muẽle toke komẽle.
Ndohosi yimue, Suku amamako oku teya akepa ange osi;
Oku upisa komẽle toke koñolosi ove o ka ngeca kovitangi.+
14 Ndolonjila vitito vi tukuiwa hati omiapia ale epanda, ndamamako oku lila;+
Ndamamako oku leña leña ndopomba.+
Ovaso ange a vandekela lekavo kilu:+
15 Nye ndi pondola oku popia?
Eye wa ci ndi popia kuenda wa ci linga.
Ndi ka lekisa umbombe vokuenda kuomuenyo wange wosi
Omo liesumuo* liange lialua.
16 ‘A Yehova, omunu wosi o kala lomuenyo omo liovina* evi,
Espiritu liange li kala lomuenyo omo liovina viaco.
Ove o ka tumbulula uhayele wange kuenda oku ndi kalisa lomuenyo.+
17 Tala! Nda kuata esumuo lialua okuti ombembua hayoko;
Pole, omo liocisola o ñuetele,
Ove wa ndi teyuila kocitunu cenyõleho.+
Ove wa imba akandu ange osi konyima yove.*+
Vana va lokila vocitunu ka va lavoka ovilinga viove via koleliwa.+
19 Vana va kasi lomuenyo ovo lika va ku sivaya;
Ndeci ndi kasi oku ci linga etaili.
Onjali yi pondola oku eca komãla vaye ukũlĩhĩso watiamẽla kovilinga viove via koleliwa.+
20 A Yehova, ndi popele,
Kuenda tu ka sika ovisungo viange, lovikuata viovisikilo viovikolo+
Oloneke viosi viomuenyo wange konjo ya Yehova.’”+
21 Kuenje Isaya wa popia hati: “Neni ekende lia pangiwa lakuyu a kukuta kuenda li kapi kombumbu, oco eye a kaye.”+ 22 Hesekiya wa pula hati: “Ondimbukiso yipi yi ka lekisa okuti, ndi ka lamanela konjo ya Yehova?”+