Momo Lie Otembo Yitito Enene?

O TEMBO. Etu pamue tusanga ekatanga liokulimbuka ondaka yaco yasesameÞla, pole tuakũlĩha mueÞle okuti lalimue eteke tu mola otembo yalua. Tuakũlĩha okuti oyo yipita enene lonjanga. Ocili, olonjanja vialua tulinga hati, “Avoyo otembo yipita vali enene lonjanga.”

Haimo, eci usonehi wisungo Vongelesi o tukuiwa Austin Dobson wa popele ocili ko 1877 eci a linga hati: “Ove opopia hati, otembo yapita? Sio! Avoyo we, Otembo yitãi, etu tupita.” Tunde eci afa ko 1921, Dobson wa teÞlisa ale eci cisoka 80 kalima; pole otembo haimo yamamako.

Otembo Yalua

CatiameÞla Kululiki Ukuacikembe, Embimbiliya li tu lomboluila hati: “Eci olomunda ka via citiwile handi; osimbu kua lulikile handi ongongo loluali; tunde ka ku ci toke ka ku ci, ove mueÞle Suku.” (Osamo 90:2) Ale ndomo capopia o The New Jerusalem Bible (A Nova Bíblia De Jerusalem) hati:, “tunde konahũlũlua toke konahũlũlua ove ove Suku.” Omo liaco otembo yikamamako ndeci eye mueÞle suku amamakovo—muenda hũ!

Pole okucitepisa la Suku, okuti okuete onahũlũlua yotembo ndevi akuete, etu tutanga eci catiameÞla komanu okuti: “oloneke vietu viosi vi pita pita lonyeño yove. Tu malusula anyamo etu ndoku tula omuenyo. Oloneke vietu kulo kilu lieve vi tela akui epanduvali kanyamo, pamue, mekonda liongusu, akui ecelãla kanyamo. Haimo lumue upami wao upange lika, lesumuo. Momo u nyõleha ndopo kuenje tu taka.”—Osamo 90:9, 10.

Momo lie omuenyo etaili ukasilili umbumbulu enene, osimbu okuti Embimbiliya lilongisa okuti ocipango Suku akuetele omanu cokukala muenda hũ (Efetikilo 1:27, 28; Osamo 37:29) Handi yomuenyo umue kopui ulikuata locipango ca Suku, momo lie omanu vakuetele lika eci capita ño pokati, okuti kuciteÞla 30.000 koloneke? Momo lie omanu vakuetele ño otembo yitito? Helie ale cipi okuti oco cukuacikele cekalo eli liesumuo? Embimbiliya lieca atambululo asuapo kuenda asanjuisa.a

Etepuluko Liotembo Yitito

Vakuasimbu vakalimbuka okuti vokuenda kuakũi alima apita ndeti ndopo elianga liokukala lomuenyo likasi lika lokutepuluka calua. Umue ukuasapulo, Dr. Sybille Fritsch, wa popele okuti vokuenda kualima apita asoka 200, olowola viupange vosemana viasiata okutepuluka cisoka 80 toke 38, “puãi eci lopo kacamãlele okuliyeya kuetu kuatiameÞla kotembo yetu.” Eye wa lombolola lulelu hati: “Kakuli otembo; otembo olombongo; tusukila calua otembo ndecivo tusukila okufuima; owu omuenyo umue weyuka ovitangi.”

Ovoloño okaliye a yulula apuluvi kuenda apondolo ana okuti ka a lotiwa lovitumbulukila viacilo. Pole epondolo liokulikapa vovopange aco alua, kuenda asakalalo alua eyililako alinga okuti otembo yikala yitito calua yokucilinga. Etaili lilo, kolonepa vialua violuali, omanu vakasilili lika okuvanja vanja kololosio, okuyayulako okutunda kohulo yolofa toke konele kukuavo. Tete osukila k kowola 7:00 komeÞle, Mai osukila okutuala omãla kosikola kowola 8:30 komeÞle, Papakulu okalisanga la ndotolo kowola 9:40 komeÞle kuenda etu vosi tusukila okuenda kohongele kowola 7:30 koñolosi. Velambalalo limue lionjanga, mukuete ekambo liotembo yimue yepuyuko. Etu tua kuakuliyeyela okulitundila ovopange eteke leteke.

Etu Katukasi Ulika Kokukuata Otembo Yitito

Unyali wa Suku Satana Eliapu, okuti eye okasi lokukokela omuenyo womanu okukala umbumbulu, kaliye ungangala waye ukasi lokuñualilapo eye mueÞle. (Cisokisa Va Galatia 6:7, 8) Okuvangula citiamela kokucitiwa kusoma wa Mesiya kilu, Esituluilo 12:12 lutuiha elavoko eci lia popia liti: “Oco yoleli, ailu lene wa tungimo. Puãi ove a ngongo, love a kalunga, ngongo yene! Momo eliapu lia lokila kokuene lonyeño ya lua, omo lia limbuka okuti oloneke vialio vitito.”

Ndomo calombolola Embimbiliya, etu kaliye tukasi muele ‘koloneke vitito.’ Hesanjukuolio tukuete liokukũlĩha okuti otembo yelisanjo lia Satana ndopo yipuako yosi. Mekonda o ka kapiwa vonjembo, omanu va sunguluka va ka pongoluisiwa okuti valipua, kuenda va ka kuata omuenyo kopui una Yehova a va yonguile kefetikilo. (Esituluilo 21:1-4) Ekambo liotembo ka li kala vali ocitangi.

Ove o sokolola ndomo ci ka kala elomboloko lioku kuata omuenyo ko pui—okukala muenda hũ? Lalimue vali eteke o ka kuatiwa lefengi liovina wa kuatele okuvisiapo. Nda o sukila vali otembo, kuli eteke lia hela, ale osemana yiyako, ale ulima wiya—ocili, onahũlũlua yikasi kovaso yove!

Kaliye Otembo Tukuete te Tuyikuama Lolondunge

Lokulimbuka okuti otembo yaye yakambako yokukemba omanu yimbumbulu, Satana omanu wa va kapa vupange wakahandangala oco cimõlehe ndu okuti kavakuete vali otembo yoku yevelela olondaka viwa Viusoma wa Suku wa tumbikiwa. Omo liaco, ciwa okuti tuyevelela elungulo lia Suku okuti: “Oco endaendi lutate nda vakualondunge. Ko ka endaendi ndava va kamba olondunge. Kolisiko oku yukisa oloneke viene leci cesunga lika, momo oloneke vilo via viha. Oco ko ka lingi aveke, puãi limbuki ocipango ca Yehova.—Va Efeso 5:14-17

Cikuete esilivilo lialua etu okukuama otembo yetu lolondunge kovina viosi vikuete vali esilivilo pole ka tu yisandola lokusanda ovina kavikuete esilivilo! Etu te tukuata ocituwa cimuamue ndeci cakuatele Mose eci a pingile ku Yehova volondaka evi: “Tu longise oku tenda ciwa oloneke vietu, okuti tu liupilako ovitima violondunge.”—Osamo 90:12.

Ocili, oluali luetaili vosi va talavaya calua. Kuenje, Olombangi via Yehova viu ku vetiya okuti o pita yimue otembo yove yisilivila oco olo lilongise olonumbi viatiamela ku Suku kuenje o ka kuata omuenyo ko Pui vemehi Liusoma waye. Owola yimosi lika vosemana olilongisa Embimbiliya ‘’lokulimbuka ocipango ca Yehova,l okuti cu ku suñamisa okukala umue wa loñoloha pokutelisiwa kuolondaka evi: “Tunda kũvi; lingainga esunga; kuenje o tumala oloneke viosi. 29 Olondingesunga vi piñala ofeka, vi tungamo oloneke ka vi pui”—Osamo 37:27, 29

[Atosi]