Amamako Loku Pokola ku Yehova

Oku pokola, uwa umue ka wa siatele etaili, owo ocituwa ci limbukisa omanu va Suku yocili Yehova. Omunu wa pokola amamako oku panamãla koloseteko kuenda ka kupuka, ndaño papita otembo yalua. Lilongisa ongangu ya Soma yiwa Hesekiya. Embimbiliya liti: “Oco polosoma viosi via Yuda ka pa kaile wa lisoka laye, ci kale evi vio kuama, ci kale evi vio telekela.” Nye ca tepisile Hesekiya? Eye “wa kakatela Yehova,” ndaño wa ñualiwile lafendeli vosuku yesanda Moleke. Ocili, Hesekiya “ka pambukile vonjila yaye [voku kuama Yehova], puãi wa lava Ovihandeleko viaye.”−2 Olosoma 18:1–6.

Upostolo Paulu wa kala omunu ukuavo okuti wamamako oku pokola ku Yehova. Esapulo liupange waye ndomo cisangiwa Vovisonehua via va Helasi vieca uvangi wokuti Paulu wamamako oku lingila upange longusu yaye osi. Toke muele kesulilo liomuenyo waye palo posi, Paulu wa tela oku vangula eci catiamela kokuaye hati: “Nda yaka uyaki uwa. Oku yoloka nda mala. Koku tata ekolelo nde lipua.”−2 Timoteo 4:7

Hangangukuoyo yepokolo tukuete yoku setukula Hesekiya la Paulu! Tu setukula ekolelo liavo poku amamako loku pokola ku Suku yetu Wavelapo, Yehova.−Va Heveru 13:7.