Uwa wo Vokati Ukuete Esilivilo ka li Pui

SEKULU UMUE UKUEKOLELO UKRISTãO WA POPIA HATI: “OMÕLA WA FINA NDA OKUETE OVITUWA VIWA.”

Ocili okuti oku tuwa kuomunu kuoku velisapo vali uwa wokilu, pole, eci nda hacoko ciyonguiwa. Kuenje olonjanja via lua eci ci tuala ketepiso livi liuwa wovokati. Pole, Ululiki wetu ovanja ondongosi eci tu kasi vutima okuti emolehiso lietu liokilu lisule. Lonjila eyi, eye, eye ongangu yavelapo yesombiso liakolapo. Ndomo Embimbiliya lia popia okuti: “Yehova ka vanji ndeci omunu [a] vanja, omunu o vanja okumõleha kuokilu, Yehova puãi o vanja vutima.”—1 Samuele 16:7

Suku eye ono yuwa wocili womunu, kuenda Ondaka yaye yilekisa okuti poku kulihisa esilivilo liomunu, ovituwa viaye ovio vi tendiwapo vali. Embimbiliya lilombolola okuti: “Ulambi ohembi, eposo ocina caño, puãi ukãi o sumbila Yehova o kemanyaiwa.” (Olosapo 31:30) Ocili okuti, uwa wo kilu ci tava oku seleka uvi wo vokati. (Ester 1:10–12; Olosapo 11:22) Ndaño okuti eposo lietimba li pondola oku pua vokuenda kuotembo, puãi uwa wovokati, ovituwa viwa viovutima vi pondola oku kula kuenda oku kala otembo yenda hu.

Omo liaco, cikuete uloño wa lua oku amamako lovituwa viwa ndeci ocisola, esanju, ombembua, epandi, unu, esunga, ekolelo, umbombe kuenda esuluviko! (Va Galatia 5:22,23) Lonjila ndoyo etu tu pondola oku kuata esilivilo liavelapo liuwa wovokati wenda hu.—1 Petulu 3:3,4.