Elitokeko Liatavo he Likasi Ocipepi? — OCISELEKO CALIVULU VO INTERNET Colombangi Via Yehova

Elitokeko Liatavo he Likasi Ocipepi?

Krause Ukristão, mitavaso yocisoko co Federação Mundial yetavo liava Luterano wa popia hati: “Tu lombangi viotembo yi kuete esilivilo liocili vesapulo lietavo lietu.” Haicovo ca vanguiwa la Papa João Paulo II ca tiamẽla “kondimbukiso yesapulo yonjila ya tila yokuongotiya elitokeko liocili pokati Kakristão.”

Oku handelekiwa kuolondaka evi kua kala ondimbukiso yuvangi wo cituma cuviali veteke lia 31 yosãi ya Mbalavipembe wo 1999, vo Augsburgo ko Alemanha, loku lekisa esapulo lioku likuata omunga Vondotilina Yilomboluiwa. Kua nõliwile lutate ocitumãlo kuenda otembo yocipito caco. Eci ca vanguiwa keteke olio 31 liosãi ya Mbalavipembe kunyamo wo 1517, cina Martinho Lutero a valelele vepito lionembele yoko Wittenberg okuti 95 katosi olondaka viaye, lonjila yoku fetika Kuepongoloko lietavo lio Protestante. Ocili okuti, kolupale luo Augsburgo, kunyamo wo 1530, vakuetavo lia Lutero va lekisila ono yondolotina yavo, ya tukuiwa okuti, Esapulo lia lingiwila volupale luo Augsburgo lina liapatãliwa Letavo lio Katolika, noke lieya oku nena oku litepa kuetavo lio Katolika kuenda lio Protestante.

Anga hẽ Esapulo lioku likuata Omunga nda lia litumbika muẽle oku yula esunga lieci ku kasilili oku litepa kuetavo, ndomo ca vanguiwa?

Havosiko vakala lelavoko lioku tẽlisiwa kueci. Cipitahãla 250 kolo Teólogo vietavo lio Protestante via pisa epingilo liaco, kuenje via sapula eci ca kala loku lingiwa Letavo lio Katolika. Va Protestante ka va kuatele esanju eci Etavo lio Katolika ndomo ca vanguiwa Vohongele yoko Trento ndaño likasiko, puãi elitokeko, ocimãho cimue ci kasi ocipãla.

Oku litepa kuenda olonamalãla vi sangiwa pokati Kakristão Vesanda, kua lua enene okuti vamue va kuesapulo lioku likuata omunga ka va tẽla oku ci potolola. Handi vali, elitokeko vekolelo te lika vetavo li kuete ociseveto ca kolapo okuti Ondaka ya Suku Embimbiliya. (Va Efeso 4:3–6) Hakulitavako lika pokati kolohuminyo, pole elitokeko liocili li yilila koku lilongisa kuenda koku kapako eci Suku a tu pinga. Uprofeto ukuekolelo Mika wa lombolola hati: “Olofeka viosi viendela, ofeka vonduko ya Suku yayo, ofeka vonduko ya suku yayo, etu puãi tu endela ño–o hu, oloneke ka vi pui, vonduko ya Yehova Suku yetu.”−Mika 4:5.

[Ofoto ya Eciwa Kemela 32]