Eteke Limue Tu Sukila Oku Ivaluka

YESU Kristu vuteke waye wa sulako palo posi, wa lia ondalelo lolondonge viaye. Eye wa nyañula ombolo ka yi kuete etumbisa lokopo yovinyu. Kuenje wa vi eca kolondonge viaye. Noke wa popia lavo hati: ‘Ci lingaili onjivaluko yange.’​—⁠Luka 22:⁠19.

Unyamo ulo, eteke lioku ivaluka olofa via Yesu li ka kala Calumingu koñolosi, veteke 4 kosãi ya Kupupu. Veteke liaco eli, Olombangi via Yehova koluali luosi vika liongolola oco va ivaluke olofa via Yesu. Omo liaco, tu ku laleka lesanju lialua oco o likongele letu kohongele eyi. Pula yimue Ombangi ya Yehova vimbo liene oco yi ku sapuile oku ku ka pitila ohongele yaco. Pulavo elivala ohongele yaco yika lingiwa.