Ocimãho Covipama Vielilongiso

Ovipama Vielilongiso 1, 2 KEMẼLA 3-11

Oku sokolola ovolandu Embimbiliya, ci pamisa ekolelo lietu. Nda tu amamako oku ivaluka Yehova, oka tambulula olohutililo vietu. Pole, tu sukila oku pokola kuenda oku kolela Kokuaye. Oku endela volonjila via Yehova, ci tu kuatisa oku koleliwa, oku lekisa umbombe, oku kuata utõi, kuenda oku kapako vakuetu.

Ovipama Vielilongiso 3, 4 KEMẼLA 12-20

Yesu Kristu, wa kala Omisionaliu yavelapo. Omo liaco, lilongisa ndomo a pindisiwa, kuenda ndomo a longisa, leci ca vetiya omanu oku lekisa ocisola kokuaye. Kũlĩhĩsa ndomo tu pondola oku kuama ongangu ya Yesu kuenda ndomo tu vetiya ovitima viomanu tu kundila olondaka viwa.

Ocipama Celilongiso 5 KEMẼLA 21-25

Kũlĩhĩsa esunga lieci tu popela okuti, oku tukuluka kua Kristu kuambata otembo yalua. Konomuisa Ovisonehua, vi eca uvangi u kuatisa oku limbuka omanu va panga onepa ‘kocitumbulukila’ Yesu a tukula. (Mat. 24:​34) Noke kũlĩhĩsa esunga lieci ka tu tẽlela oku tenda otembo yi kala “ocitumbulukila” caco.