OVIPAMA VIELILONGISO VOLOSEMANA NDECI

OVIPAMA VIELILONGISO

▪ Sanjukila Ovituwa Via Yehova

▪ Sanjukila Ocali ca Yehova Kuenda Esunguluko Liaye

▪ Sanjukila Ocituwa ca Yehova Coku Kala Ukuacili Loku Ecela

Akristão valua va sima okuti, Yehova o kuete lika ovituwa vikuãla via velapo. Pole, ovipama evi vitatu, vi vokiya onjongole yetu yoku sola ovituwa vialua via Yehova okuti ka tua siatele oku vi konomuisa calua. Poku konomuisa ovituwa viaco, tu kũlĩhĩsa apulilo ndeci: Ci lomboloka nye? Yehova o lekisa ndati ocituwa caco? Tu kuama ndati ongangu ya Yehova yoku lekisa ocituwa caco?

▪ Ecelela Oku Penguluiwa Lepindiso Lia Yehova

Embimbiliya poku lombolola unene Yehova a kuete poku songuila omanu, li lekisa okuti, Yehova o kasi ‘Ndutungi wetu.’ (Isa. 64:8) Ocipama eci ci lekisa okuti tu pondola oku lilongisa catiamẽla Kutungi wetu Wavelapo ndomo a pengulula omunu lomunu, kuenda olofeka vikuavo kosimbu. Ocipama eci ci lombololavo ndomo tu pondola oku kuatisiwa poku ecelela oku penguluiwa la Yehova koloneke vilo.