Kuli hẽ Etavo li Sesamẽla Oku Koleliwa?
Nda eteke limue wa sumuĩle omo liovina vĩvi asongui vetavo va ku lingile, citava okuti ku kolela vali ketevo liaco. Pole, ivaluka okuti, kuli etavo limue o pondola oku kolela. Eci Yesu a kala palo posi, wongolola omanu vakuekolelo kuenje wa lekisa ndomo va pondola oku pokola kolonumbi via Suku. Olondonge via Kristu via siata oku pokola kolonumbi Viembimbiliya. Pi o pondola oku sanga olonumbi viaco?
Estelle wa tukuiwa kefetikilo liocipama cilo wa popia hati: “Nda kuata elomboloko Liembimbiliya eci nda fetika oku lilongisa Lolombangi Via Yehova. Ka pa pitile otembo yalua oco ndi kuate elomboloko liolondaka vi sangiwa kelivulu lia Yoano 8:32 vi popia hati: ‘Vu kũlĩha ocili, kuenda ocili cu yovoli.’”
Ray, wa tukuiwa kefetikilo liocipama cilo wa popia hati: “Oku lilongisa Embimbiliya Lolombangi Via Yehova ca ndi kuatisa oku limbuka okuti Suku hayeko wa siata oku kokela ohali komanu. Ngeca olopandu ku Suku, momo nda limbuka okuti o kuete esunga lioku ecelela ungangala, kuenda wa likuminya oku malako ovitangi viosi.”
Koloneke vilo omanu valua voluali ka va siatele oku lekisa ovituwa viwa. Pole tu pondola oku lekisa ovituwa viwa. Omanu valua va yongola ekuatiso lioku kuata elomboloko liolonumbi Viembimbiliya kuenda oku vi kapako. Eli olio esunga lieci Olombangi Via Yehova via siatela oku longisa omanu Embimbiliya ocali voluali luosi. Omo liaco, osemana losemana, omanu va kasi oku lilongisa Embimbiliya oco va kuate ukamba wocili Lululiki wavo kuenda oku kuata esanju komuenyo.a
Onjanja yikuavo eci o lisanga Lolombangi Via Yehova momo lie ku vi pulisila esunga lieci via kolelela ketavo liavo? Konomuisa alongiso avo, kuenda ovolandu avo. Noke, kũlĩhĩsa oco o limbuke nda kuli etavo limue o pondola oku kolela.
[Etosi pombuelo]
a Oco o sange alomboluilo akuavo, tanga velivulu Embimbiliya li Longisa Nye?, lia sandekiwa Lolombangi Via Yehova.
[Elitalatu kemẽla 7]
[Etosi lia velapo 7]
Momo lie ku pulisila Olombangi Via Yehova esunga lieci va kolelela ketavo liavo?