Tu pondola oku amamako oku eca olopandu ku Yehova poku sokolola asumũlũho tua siata oku tambula kokuaye. Nda tua sanjukila ovina viosi Yehova a siata oku tu lingila, tu yuvula oku kala vakualutukãi, kuenje eci ci ka tu kuatisa oku liyaka lovitangi. Omo liaco ocisonehua cunyamo ulo wo 2015, ci ka tu ivaluisa ovina viaco.

▪ Esunga Lieci tu Sukilila Oku Enda Kocipito Condalelo ya Ñala

Ocipama cilo ci ka lombolola esunga lieci tu sukilila oku enda Kocipito Conjivaluko violofa via Yesu. Ci lombololavo eci ombolo lovinyu vi lomboloka. Ci lekisa ndomo omunu umue a pondola oku kũlĩha nda o kuete omoko yoku lia kombolo loku nyua kovinyu. Ocipama cilo ci ka tu kuatisavo oku limbuka ndomo omunu lomunu a sukila oku li pongiyila Kocipito Condalelo ya Ñala.

▪ Pamisi Olohuela Viene Oco u Kuati Esanju

▪ Ecelela Okuti Yehova o Pamisa Olohuela Viove

Alume kumue lakãi vavo va sukila oku teyuila olohuela viavo kasakalalo oluali lulo lua Satana kuenda kayonjo. Lekuatiso lia Yehova va pondola oku pamisa olohuela viavo kuenda oku kuata esanju. Ocipama catete ci ka lombolola atosi atãlo a pondola oku kuatisa oku pamisa olohuela loku amamako. Ocipama cavali ci ka lombolola ndomo tu pondola oku teyuila olohuela vietu.

▪ Anga hẽ Ocisola ka ci Tokoka ci Tẽliwa?

Ocisola cocili ulume lukãi va li kuetele ci lomboloka nye? Ocisola cocili ci pondola oku amamako? Ocisola cocili ci lekisiwa ndati? Kũlĩha eci Ocisungo ca Salomone ci tu longisa catiamẽla kocisola cocili haico ci amamako.

ULANDU: Vamanji va molẽha koñoño yemẽla liatete, va kasi oku kundila kocitumãlo cimue ca posoka ci tukuiwa hati Grindelwald okuti ku molẽha olomunda ocipãla vi tukuiwa hati Bernese

KO SUISA

OMANU

7.876.000

AKUNDI

18.646

OMANU VA ENDELE KOCIPITO CONJIVALUKO KUNYAMO WO (2013)

31.980