Apulilo Vatambuluiwa

◼ Otembo yiñami tu lilongisa londonge yimue yi kasi oku amamako kespiritu?

Ciwa oku amamako oku lilongisa londonge yi kasi oku kula kespiritu osimbu ka malele oku lilongisa alivulu avali—Embimbiliya li Longisa Nye? kuenda “Kali Vocisola ca Suku.” Nda ondonge ya papatisiwa ale, pole ka malele alivulu a-a avali, elilongiso liaye te li amamako. Noke liepapatiso, citava okuti otembo yelilongiso, epasu, kuenda elilongiso liaco, tu vi kongela vorelatoriu yetu yupange woku kunda. Manji una wa kuama elilongiso liaco kuenda wa kuatisa koku longisa, o pondolavo oku tenda otembo yaco.—Tanga Upange Wetu Wusoma Welombo wo 2009 kemẽla 2.

Ci kuete esilivilo lialua olondonge viokaliye oku kuata ociseveto ca pama kocili Cembimbiliya, osimbu ka tua liwekelepo oku songola elilongiso liavo. Ovio vi sukila oku ‘tiamẽla’ ku Kristu, kuenda ‘oku pamisiwa vekolelo,’ oco vi tamalale kovitangi va laika oku pita. (Va Kol. 2:6, 7; 2 Tim. 3:12; 1 Pet. 5:8, 9) Oco va longisevo ciwa vakuavo, va sukila oku kuata ‘ukũlĩhĩso wocili.’ (1 Tim. 2:4) Poku longisa alivulu aco avali kolondonge vietu, tu kasi oku va kuatisa oku kakatela ‘kombundi yoku iñila komuenyo.’—Mat. 7:14.

Osimbu omunu ka taviwile handi oco a papatisiwe, akulu vekongelo va sukila oku kũlĩhĩsa nda omunu waco o kuete elomboloko lia suapo lialongiso atete Embimbiliya kuenda nda wa a kapako komuenyo waye. Akulu vekongelo te va kuata utate poku konomuisa londonge yimue ka ya malele handi oku lilongisa elivulu liatete. Nda ondonge yimue ka ya taviwile oco yi papatisiwe, akulu vekongelo va ka sokiya oku yĩha ekuatiso a sukila oco yi ka papatisiwe noke.—Tanga elivulu Organizados Para Fazer a Vontande de Jeová, kamẽla 217-218.

[Etosi lia velapo kemẽla 2]

Ci kuete esilivilo lialua olondonge viokaliye oku kuata ociseveto ca pama kocili Cembimbiliya