“Otembo Yiñami Ndi Sukila Oku Tenda?”

Anga hẽ wa lipulile ale ndoco? Onepa yalua yolonumbi viaco vi sangiwa velivulu Organizados kamẽla 86-87. Olonjanja vimue, kua siata oku eciwa olonumbi vikuavo ndeci ca lekisiwa Vupange Wetu Wusoma Wenyene Linene wo 2008 vonepa Yapulilo Vatambuluiwa. Omo okuti ekalo liomanu lia litepa, ka tua siatele oku tambula ulala umue wolonumbi. Omo liaco ka ca sungulukile okuti akulu vekongelo ale vamanji vamue va tumbika olonumbi vikuavo.

Nda ku votuiwa epulilo limue okuti handi ka pali onumbi layimue ya sonehiwa, hundi la hundi o sukila oku lipula ndoco: Otembo yaco nda yi pesila hẽ kupange woku kunda? Ale nda yi pesila koku linga ovina vikuavo okuti ka vi pangi onepa kupange woku kunda? Ovina tu soneha vorelatorio yupange wetu woku kunda osãi losãi, te vi tu ĩha esanju okuti ka tu kala lutima wa lema. (Ovil. 23:1) Omo liaco, eci ca velapo hakutendako lika otembo, pole ndomo tua pesela otembo yaco kupange woku kunda.—Va Hev. 6:11.