Ndomo Olohueli vi Pamisa Olohuela Viavo

Avirahama la Sara, va sia ongangu yiwa kolohueli vina vi li kuetele ocisola haivo va li sumbila pokati. (Efet. 12:11-13; 1 Pet. 3:6) Pole, olohuela viavo ka via lipuile kuenda va liyakavo lovitangi komuenyo. Nye olohueli vi pondola oku lilongisila kongangu ya Avirahama la Sara?

Oku li sapela pokati. Eci ohueli yove yi vangula olondaka vi ku sumuisa, tambulula lumbombe. (Efet. 16:5, 6) Sandi otembo yoku kala kumosi. Lekisa kolondaka kuenda kovilinga okuti o sole ohueli yove. Ocina ca velapo ceci okuti, kongela Yehova volohuela viove poku lilongisila kumosi Ondaka ya Suku, oku likutilila kuenda oku fendelela kumosi. (Uku. 4:12) Oku pamisa olohuela, ceca esivayo ku Yehova okuti eye Usovoli wolohuela.

TALA OVIDEO LOSAPI HATI, NDOMO TU PAMISA OLOHUELA KUENDA TAMBULULA APULILO AKUÃIMO:

• Vovideo, ovitangi vipi Shaan kuenda Kiara va kala oku liyaka lavio volohuela?

• Momo lie oku kala ukuacili kuenda oku kuata ocituwa coku sapela ci kuetele esilivilo volohuela?

• Ulandu wa Avirahama kuenda Sara wa kuatisa ndati Shaan la Kiara?

• Ovina vipi Shaan la Kiara va linga oco va pamise olohuela viavo?

• Momo lie olohueli ka vi ponduila oku lavoka okuti olohuela viavo vi li pua?