Ovolandu tu Lilongisila Komuenyo wa Samuele

Samuele wamamako oku kolela Yehova vokuenda kuomuenyo waye. Tunde vutila waye, eye katavele oku yapuisiwa lovituwa vĩvi ndomãla va Eli, Hafeni la Finehase. (1Sa 2:22-26) Samuele wamamako oku kula kuenda Yehova wa kala laye. (1Sa 3:19) Eci a linga ukulu, wamamako oku endela volonjila via Yehova, ndaño omãla vaye ka va ci lingile.—1Sa 8:1-5.

Nye tu lilongisila kongangu ya Samuele? Nda wumalẽhe, kolela okuti Yehova o lete ovitangi viove kuenda wa kũlĩha ndomo o liyevite. Eye o pondola oku ku kuatisa oco o kale ukuotõi. (Isa 41:10, 13) Nda wunjali okuti omãla vove ka va vumbi Yehova, lembelekiwa poku kũlĩha okuti, Samuele ka kisikile omãla vaye oku kuama olonumbi via Yehova. Osimbu a yeka ocitangi caco peka lia Yehova, wamamako lekolelo liaye loku sivaya Isiaye wokilu, Yehova. Citava okuti, ongangu yove yiwa yi ka vetiya omãla vove oku tiuka ku Yehova.

TALA OVIDEO LOSAPI HATI, LILONGISILA KOKUAYE—SAMUELE, KUENDA TAMBULULA APULILO A KUÃIMO:

• 

  Samuele wa lekisa ndati utõi eci a kala umalẽhe?

• 

  Danny wa lekisa ndati utõi?

• 

  Ongangu yipi yiwa Samuele a sila alume akulu?

• 

  Olonjali via Danny via lekisa ndati ongangu yiwa?