Ocipama 16
Lekisa Ocisola Cove Ku Suku
Oku kuata ekamba limue, cisukila oku kuatavo apuluvi okuvangula laye. Ove u yevelela lutate, osimbu eye akuyevelelavo lonjongole yimuamue. Kuenda osapelavo lomanu ovina viasunguluka viatiamẽla kekamba liove. Cimuamue haicovo cipita koku kala ekamba lia Suku. Konomuisa lutate eci Embimbiliya livangula catiamẽla kondaka yaco:
Okuvangula olonjanja viosi vohutililo la Yehova. “Tuwi oku likutilila.”—Va Roma 12:12.
Tanga Embimbiliya, Ondaka ya Suku. “Ovisonehua vi kola viosi ovitumasuku, kuenje visilivila oku longisa, loku lungula.”—2 Timoteo 3:16.
Longisa vakuene eci catiamẽla ku Suku. “Oco kuendi, ka tavisi olofeka viosi oco valinge olondonge . . . Va longisi oku linga ovina viosi ndo kundiki.”—Mateo 28:19, 20.
Litokeka ka kamba va Suku. “U endaenda la vakualondunge o lingavo ukualondunge.”—Olosapo 13:20.
Endaenda kolohongele Vonjango Yusoma. “Tu sokololi ndomo tu tẽla oku livetiya pokati oku kala locisola lovilinga viwa, . . . tu likuatisi pokati lalungulo.”—Va Heveru 10:24, 25.
Eca ekuatiso kupange Wokukunda. “Omunu omunu a ece ndeci a panga kutima waye; ha locikukuiko pamue omo a kisikiwa, momo Suku o sole u eca lesanju.”—2 Va Korindo 9:7.
[Elitalatu kemẽla 27]
ONJANGO YUSOMA
YOLOMBANGI VIA YEHOVA