Elaleko Limue Lilikasi
1. Upange woku laleka omanu oku enda kohongele yofeka yunyamo wo 2014, u ka fetika otembo yipi?
1 Nda wa linga esokiyo limue lioku eca onanya kakamba vove ale kepata, o sukila oku likolisilako loku pongiya ciwa onanya yaco. Poku ci linga o kuata esanju lioku kala lomanu wa laleka. Cimuamue haico okuti, kua lingiwa esokiyo lioku pongiya okulia kuespiritu ku ka eciwa kohongele yetu yofeka yi ka lingiwa kunyamo wo 2014. Eci ku kamba olosemana vitatu oco ku lingiwe ohongele yetu yofeka, Yehova o tu vetiya oco tu laleke omanu oku enda kocipito caco. Nye ci ka tu kuatisa oku lekisa esanju poku laleka omanu?
2. Nye ci tu vetiya oku likolisilako oku laleka omanu oco va ende kohongele yofeka?
2 Oku kuatisa kupange woku laleka omanu, ci tu vetiya oku kuata esanju lioku sokolola ndomo tu pondola oku kuatisiwa lokulia kuespiritu kua pongiyiwa la Yehova okuti, ku ka eciwa kohongele yetu yofeka. (Isa. 65:13, 14) Tu sukilavo oku yivaluka okuti, upange wetu woku laleka omanu wa siata oku lingiwa unyamo lunyamo, weca onima yiwa. Omanu vamue tua laleka, va ka kala kumue letu kohongele yofeka. Ndaño okuti havosiko va ka tava, pole, alikolisilo tu linga vokuenda kupange waco, a ka eca esivayo ku Yehova kuenda a situlula ohenda yaye.—Osa. 145:3, 7; Esit. 22:17.
3. Otuikanda tuoku laleka omanu tu ka eciwa ndati?
3 Akulu vekongelo, va ka linga esokiyo li lekisa ndomo vamanji vekongelo va ka eca otuikanda tuelaleko, oku kongelamo oku sia kolonjo vina okuti ka tua sangeleko omanu, ale oku eca otuikanda tuaco komanu tu sanga volokololo viocikanjo cetu. Kesulilo liolosemana olorevista vi ka eciwa kumue lotuikanda tuelaleko nda citava. Nda Ocasapalo catete cosãi ci likuata loloneke vioku eca otuikanda tuoku laleka omanu, tu ka likolisilako oku eca otuikanda tuaco okuti, ka tu fetika oku longisa Embimbiliya. Eci upange waco u pua, tu ka kuata esanju poku limbuka okuti tua kuatisa kupange waco kuenda tua laleka omanu valua oco va ka kuatisiwe lokulia kuespiritu ku ka eciwa kohongele yetu yofeka ya pongiyiwa la Yehova!