Ndomo tu Lombolola Ovina tu Tava Viatiamẽla Kunyamo wo 1914

Ovisonehua vi tu vetiya oku ‘lipongiya okuti tu tẽla’ oku lombolola ovina tu tava, pole, ‘tu ci linga lumbombe kuenda esumbilo.’ (1 Pet. 3:15) Pamue ka tu tẽla oku lombolola ocili calonga Cembimbiliya, ndeci tua kũlĩha okuti Usoma wa fetika oku viala tunde kunyamo wo 1914. Oco tu kuatisiwe, ocipama losapi hati, “Oku Sapela Lomunu o Kasi Posongo Yetu” ci siata oku sandekiwa Vutala Wondavululi wo wiñi ci ka lombolola osapi yokuti: “Otembo Yipi Usoma wa Suku wa Fetika Oku Viala?” Ocipama caco ci ka lomboluiwa volonepa vivali Viutala Wondavululi ya Mbalavipembe kuenda ya Kuvala. Osimbu o konomuisa ovipama viaco, tambulula apulilo manji Cameron a linga a sangiwa vocipama caco.

Manji Cameron wa tẽla ndati . . .

• oku eca olopandu oco a kundile omanu? —Ovilinga 17:22.

• oku lekisa umbombe poku lombolola ovina a tava?—Ovilinga 14:15.

Momo lie ca kuatela esilivilo . . .

• oku pitulula ovina va lilongisa osimbu ka fetikile oku lombolola ovina viakuavo?

• onjanja vimue oku talamapo kamue oco a pule komunu a sanga nda o kuete elomboloko liovina o lomboluila?

• oku yuvula oku lombolola ovina vialua vonjanja yimosi?—Yoano 16:12.

Tu eca olopandu ku Yehova ‘Ulongisi wetu wa Velapo,’ omo lioku tu longisa ndomo tu lombolola ocili Cembimbiliya komanu vana va kasi lonjala yoku ci yeva.—Isaya 30:20.