Tu Mioñololi Uloño Wetu Kupange Woku Kunda—Oku Eca Uvangi Poku Sapela Votelefone

Esunga Lieci ci Kuetele Esilivilo: Olonjanja vimue ka ca lelukile oku eca uvangi lekuatiso liotelefone omo liusumba. Tu pondola ndati oku yuvula usumba oco ka tu ka tepulule ombili yetu yovilinga viwa? Ivaluka okuti, oku eca uvangi lekuatiso liotelefone ci kuatisa oku kundila olondaka viwa komanu vamue. (Va Roma 10:14) Ovolandu a siata oku lekisa okuti, oku eca uvangi lekuatiso liotelefone ci kuete esilivilo. (Tanga vo Anuario yo 2011 kam. 65-66, kuenda o Anuario yo 2000 kem. 54 ocin. 3.) Kũlĩhĩsa olonumbi vikuãimo.

Ndomo tu ci linga:

Pongiya olondaka vimue vioku fetika vi teta onimbu, kuenda soneha ovinimbu o pondola oku tanga lomunu o sapela laye votelefone. Oku ci linga ci ka ku kuatisa oku kuata utõi. Lomboluila omunu waco esunga lieci o sapelela laye. Tukula onduko yomunu waco. Malusula loku sapuila komunu waco okuti, o yongola oku eca kokuaye okokanda kamue ale orevista yimue mu sangiwa ovina wa sapeli.
Kuata ovisimĩlo via sunguluka. Poku sapela yola kuenda kala ndu okuti u kasi oku sapela polo la polo.
Tula utima kuenda lianja poku sapela. Vangula londaka yi yevala ciwa. Yuvula oku talama calua poku vangula, pole, ku ko tete kondaka.
Lekisa esunguluko. Volonjo vina okuti vinene, pamue tu sangako olotelofone. Ove o pondola oku nola atendelo atatu loku a soneha, oco okuti noke yoku tunda o vilikiya vatendelo aco. Omanu va kasi kolonjo viaco citava okuti va yokoka nda wa kala pocitumãlo caco otembo yalua.

Seteka Ndoco Vokuenda Kuosãi:

Vokuenda kuefendelo liene liepata pitulula olonumbi via lomboluiwa loku linga ovindekaise viaco okuti omunu lomunu o kala ocipãla lukuavo.